[أبـوجـمـانـة]

اقتباس المشاركة الأساسية كتبها ام الزلمات الحمدلله على سلامتك..صراحه تحمست وانا اقرى

الله يسلمك ..

[أبـوجـمـانـة]

اقتباس المشاركة الأساسية كتبها ويبقى الإحترام وعليكم السلام ورحمة الله وبركاته ... الحمد لله على السلامة ..

مشكوره أختي ,,
الله يسلمكـ ,,

[أبـوجـمـانـة]

اقتباس المشاركة الأساسية كتبها فليفه الحمدالله على السلامه احمد ربك انا معي جيب باترول ربع امرهم كل جمعه اروح لم حزم اقطوع وجي با الليل اقطوع علمن اني معي قارمن بس ناسيه منهبل منب لمه ابد في احدي الايام تاخرة ما مشيت طبعا اخوياا ياروحن من عند المذنب وانا علا طول اقطوع من عند القريه ام اكحيله مشيت الساعه تقريبا 10 بالليل معي واحد ما يدري بزع من نفسه قال ابروح معك قلت يالله يوم ابعدة حوالي 15 كيلو عن ام حزم يومنه عجت ذيك العجه قسم بالله اني ضاقتبي الدنيا قلت ايه رحنا وطي امسحن كل الطرق ههه وصوت القزاز سبحان الله يناس قسم بالله وقف اشعري يالله رقيت فوق نفود لان اللي تحت ماتشوف شي يوم رقيت وبدا الجيب يهز هز قوى موقف مو طبيعي ابد قعدة تقريبا45 دقيقه عج قوي والله . يوم و قفت فوق النفود والتفت علي الخوي مقررررررط وشاقص شاحط الرجلين تحت ومرجع اخر اشي ورا يابس وخايف خوف بس اسمي عليه اهرج عليه يقول انا ملقوف وشوله اروح معك يبنا الحلالا اذكر الله وصلى لي النبي ماش مهب الي انت تبي السراحه مالومه بس مهب الي الدرجه ذي يوم وقفت العجه ركد الهوا مع انه به بس خفيف والنزلت والشوف الموتر وااااك ونمشي الحين ضاعت الطاسه والله ما ندري معين انوجه وندور تقريبا ساعه ونصف مادري بالعاده نصف ساعه ونا بالقريه وما غير رايحن جيين يوم اني خلاص طفشت واوقف احول بالجول مسكتين حنا وضغط قاله اولاه يالقارمن وناضره انا ونطلعه ونتااااانس ونشغله والله هاذا الصاير بس اذا نزلت قطع وذا رقيت نفود شبك ويالله اتصدقون عقبه مارجعت مناك اقطوع ابد اخر مرة التووووووبه درس لا يناسا خويي يوم وصلنا بيتهم ونزل قالي لاعمرك تخذن معك ابد ويصك الباب ذيك الصكه الي من القهر لحححمه قالت مهب منفتح مقوي اصكه الي يومك ماركب معي ابد هههههههههه

الحمد لله على السلامة,, يابن الحلال امسك الجادة ولو طالت ..!!

[أبـوجـمـانـة]

اقتباس المشاركة الأساسية كتبها حربي عابر دربي والله يا انا رحمتك لاكن اذا بلشت مره ثانية ارجع مع جرتك الي جيت معه ولا ترفع راسك ابد ولا تمخمخ سيد للمكان الي تبي لا يمين ولا يسار

ياحبيبي مهب اللي أنت تبي,طبعأ أنا ابرجع مع الجره اللي جيت معه بس تداخلت مع جره ثانية وحصل اللي حصل ..!!

[أبـوجـمـانـة]

اقتباس المشاركة الأساسية كتبها %%تسواهن%% صراحه وقف شعر جسمي تحوف هالقصص الحمد لله على السلامه بس كان المفروض احذ احتياطك من بنزين ومويه واكل وبعدين فيه مكالمه الطوارء حتى لاو مافي ابراج بس الحمد لله

الله يسلمك ,,

هذا المفروض الأحتياط واجب ,, بس قدر الله وما شاء فعل ..

[فليفه]

اقول با العجه لو تمشي متر علي طول تروح لانك في رمل صافي وخاصه صعفيق ذي شي ثاني
ولا تنسي اني اول مرة تصير معي وعقبه خلاص حررررمت (((((((((((((((( عليك بسكه لو كانت طويله

الحين وين ما اروح لزم القارمن يرقب قبلي الجديد ضروري

[أبـوجـمـانـة]

اقتباس المشاركة الأساسية كتبها ّّهمس المحبـــهّّّ الحمدلله على سلامتك انا لو اضيع بــ الحرم صحت عاد وشلون بــ البر

الله يسلمك ,,

عساك ماتضعين والله إني ذقت الموت بعينه ..!!

[ـالتُفاحة الورديّة]

تخوف الحمدلله على السلامة

[عزتي في عفتي]

حمدا لله على سلامتك
جدا مرعبه قصتك
أكره ما ارى هو (الضياع)


**
استغرب لما اسمع المرأه تطالب بقيادة السياره ماذا تفعل لو حصل لها مثل هذا الموقف!

[أبـوجـمـانـة]

اقتباس المشاركة الأساسية كتبها مطرق الريحان وعليكم السلام آآآه قد صار لنا هالموقف بأم حزم لا والقهر اللي يعرف الطريق ركب بعض الحريم على جييب ربع وشخط وخلانا وحنا خمس حريم وشغالات وبزارين على جييب لكزس واللي معنا من أهل الرياض ولا يعرف بالدروب ومن طريق لطريق من سبع المغرب لين 11بالليل وبالصدفه نلقا ناس من الباديه شباب ويوجهوننا غلط ودوران لين حسينا أننا خلاص أنجمنا ماندري وين نرووح ومير تبين لمبات هاك الديره وطيران لمه وتطلع شقراء وتوبه نبعد عن الطريق لا واللي يضيق الصدر معنا بزارين رضع وبرررد موت

الحمد لله على سلامة الجميع ..

[أبـوجـمـانـة]

أشكر الجميع على المرور ..,

[راعي الكيف]

الصراحة شيء يضحك ويخرع ..

البر صدقني ماله إلإ رجاله تعرف من رجاله ناس معها دلائل

[ام الوريدات]

الله يستر علي الجميع والله كثير شباب ماتوا من عند طريق الثوريات واحد موزعين بطاقات ألزواجه تأخر لقوه بعد كم يوم ميت عند سيارته شارب ماء الاديتر من شده الحر كان ما فيه جوالات والاقرمن الله يغفر له ويرحمه ويزوجه من حور العين امين اللهم صلي علي محمد

[ودي أشارك]

انا افضل بالنسبه للضياع بالليل
انك تنام والصبح يحله رب العباد
احسن من انك تمشي وانت ما تدري وين رايح