[حاملة القران]

تسلمون والله يوفقكم ويهنيكم صراحه ماقصرتوا ولكن نبغى المزيد من الاراء

[ومَرِّتِ الأيام]

تربية خاصة ..

[سالي...]

اممممممممممم
انا اتوقع كل الاقسام الحين متساويه
الا اللهم الطب والطب لايقبل به مجتمعنا للاسف
يعني الشي يعتمد ع الشطاره لو قسم فنيه ولا تفصيل اذ صارت شاطره بتوظف به
وعن انا افضل الشريعه والدراسات الاسلاميه

[عربي أصيل]

ما أدري إذا فيه بالجامعة تخصص إدارة عامه .. فأنا أنصحك فيه بدون شرح التفاصيل وإن شاء الله راح تتوفق ..
<<<< وآسف على التدخل فقط حبيت أفيدك ..

[to be or no‘t to be]

88888
قصدك اداره واقتصاد؟

[ودق]

اختي حاملة القرآن

قولي لاختك ان تنظر لما تحبه , و من وجهة نظر شخصية لا أحب أن أحكم على قسم بأنه " بلا مستقبل " لأن من يدرس القسم لأنه يحبه يبدع فيه بإذن الله


و أستأذنك في مناقشة بعض الردود بموضوعك

اقتباس المشاركة الأساسية كتبها آنسة تفاحة وشرايكم بكلية الطب للبنات والبنت الي تبي طب وايهم افضل اسنان ولاعام اختبار التحصيلي يحتاج استعداد وهل ينزل بالنسبة

هل نزل في القرآن أو ورد في السنة أن الطب حرام ؟!
طبعاً لا ! البعض لديهم تشدد في الدين و يرون أنه من الاختلاط ! و عجبي منهم !
لما يروحون السوق ما يختلطون ؟! لما يروحون الحرم ما يختلطون ؟!
الطب مهنة شريفة دنسها البعض بتشدده , فهو إن سألتيه أن يعالج محارمه عند رجل فسيرفض و يطالب بطبيبة !

الطبيبة لا تدرس 7 سنوات من أجل العبث ! من تريد أن تعبث فلديها طرق أسهل !


و بالنسبة للأفضل فيما بين الطب البشري و الأسنان فهو انتي من يقرر لأنك أعرف بما ترغبينه و ما تقدرين عليه


و بالنسبة للتحصيلي شوفي كتاب ( رام ) للتحصيلي و فيه منه للقدرات لكن أنا شريت حق التحصيلي و فادني الحمد لله


بالتوفيق دكتورة

اقتباس المشاركة الأساسية كتبها to be or no‘t to be انسه تفاحه اذا انتي عادي عندك طب اسنان انا ارشحه وبي قوه الطب التجميلي مره ماشي سوقه وعليه طلب اما طبيبه عامه يطيح كرتك يعني تعبك وجهودك ما تقدر حلو الواحد يتخصص ..انا اعرف وحده تخصصت جراحه قلب تقول ولا اني اصير طبيبه عامه تعبي يروح على الفاضي عموما الله يوفقك ما فهمت بدايه رسالتك ؟؟وش معنى البنت الي تبي طب قصدك نظره المجتمع !!!!اذا هذا قصدك طززززززززززززززز مليون مره اهم شي اهلك امك وابوك راضين اما باقي العايله عمومه وخوال وما ادري ايش خليهم على جنب والله يوفقك يارب

اختي عندنا بجامعة القصيم تدرسين طب بشري و تتخرجين من دون تخصيص يعني تصيرين طب عام و جراحة, و بعد كذا ممكن تلتحقين بأحد برامج الهيئة السعودية للتخصصات الصحية أو تروحين برا و بكذا تكونين تخصصتي
طب الأسنان هو الوحيد اللي على طول تدخلينه و تتخرجين طبيبة أسنان

و أوافقك في نظرة المجتمع

اقتباس المشاركة الأساسية كتبها آنسة تفاحة آآآآميين ياربادعولن اختبار القدرات قرب شكراا خيتي الطب العام التخصص بعدين بس اذا فكرت بالمناوبات وذلك كله قبل التخصص لبنت صعبة تناوب 24او32 ساعة تخيلي برا البيت كل هالوقت ولا اذا ناوبت اكون مسؤوله عن الرجال والنساء يعني ابكشف على رجل يوممممه تحسين صعبه وذلك غير مسالة الاختلاط وان الدكتوره ماتتزوج وهذا رؤية كثير احس من الناس {وذلك بعلم ربي والي كاتبه ربي بتتزوج بتتزوج ] وماقدر اقول للمجتمع طزز فانا عايشه بين هالمجتمع وطب الاسنان حلو بس احس انه شوي طيب E والقرآت صدق لازم اصير حافظه عدد لاباس به من اجزاء القرآن وشررررااااااااااايكم معليش صاحبة الموضوع احس دخلت عرض

يا بنت الحلال المجتمع هذا ما راح يتغير تفكيره بيوم و ليله !
و إذا بتناظرين وش يقولون الناس منتب مزينة شئ ابد ! خلي عندك ثقة بنفسك و ما عليك من اللي يقولونه دام ان اللي تسوينه صح !
و بعدين الزواج الله اللي ييسره موب الناس !
و الاختلاط انتي مختلطه علشان تعالجين مرضى موب علشان تسولفين و تضحكين مع الدكاترة !

أقعد ببيت أهلي أحب علي من اني آخذ واحد يشك بي
اللي يشك بأخلاقي و يظن ظن السوء وش ابي به

اقتباس المشاركة الأساسية كتبها راية الإنتصار الأهم رضى الله والله لا يرضى بإختلاط دون حاجة لذلك ربما خطأ غير مقصود منك بارك الله فيك

برأيك الاختلاط في الطب بدون حاجة ؟!!!

سؤال : أتعرفون رفيدة بنت كعب الأسلمية - رضي الله عنها - ؟
لمن لا يعرفها هي أول ممرضة في عهد الإسلام !
كانت تمرض المصابين والجرحى في الحروب التي يكون المسلمون طرفاً بها. وقد كان لرفيدة رضي الله عنها خيمة لمداواة الجرحى، ولما أصيب سعد بن معاذ بسهم في معركة الخندق قال النبي صلى الله عليه وسلم أجعلوه في خيمة رفيدة التي في المسجد حتى أعوده، وتقديراً من النبي صلى الله عليه وسلم لجهودها في غزوة خيبر في مداواة الجرحى وخدمة المسلمين فقد أسهم لها بسهم رجل مقاتل.
و أيضاً الربيع بنت معوذ و ممنة بنت جحش و أم سنان الأسلمية و أم ورقة بنت عبد الله بن الحارث - رضي الله عنهن - كن يداوين الجرحى ..


لماذا النظرة السلبية للطب ؟ و أنه اختلاط و مفسدة ؟!
و الأسواق مو فيها اختلاط ؟ ما يصير فيها مفاسد ؟!
و هل كل الناس فيها فاسدين ؟! طبعاً لا ! لأن في كل مكان الصالح و الفاسد , و الصلاح و الفساد يرجع لذات الشخص و ليس لمجتمعه عموماً !



و الطب مهمة نبيلة و شريفة


و هذه أقوال للإمام الشافعي : " أنبل العلوم بعد الحلال و الحرام , الطب "
و أيضاً : " لولا انشغالي بالفقه و حاجة الناس لي فيه , لاشتغلت بالطب "
و كذلك قال : " إنما العلم علمان , علم الدين و علم الدنيا , فالعلم الذي للدين هو الفقه و العلم الذي للدنيا هو الطب "



و عذراًَ من صاحبة الموضوع على طول ردي

[همـس الرحيـل]

هلآ بأختي حاملة القرآن ~

إذآ تبين قسم له مستقبل ومضمون

قسم أنجليزي لا تتعدآه
بس بشرط لا تدخله الا هي له رغبة فيه وتميل له

والله يوفق الجميع لما يحبه ويرضآهـ

[فتاة الثلج]

أولا : إذا تبغين قسم تضمنين فيه الوظيفة ..
فهذا مستحيييييييييل لأن الوظيفة بالمستوى الدراسي وليس القسم الذي يحدد ..

ثانيا : إذا أختك تهوى المواد العلمية .. رياضيات ولا كيمياء ولا فيزياء ..
لاحظي إذا تهوى ورآعية جلد وكرف بالدارسة ..
الأقسام (( رياضيات و كيمياء و فيزياء )) الصرآآآحة حلوات ..
إذا جابت معدل طبعا ..
وقلتلك ماراح تجيب معد إلا إذا هي تهوى .. لأنهن أنا أقولك مواد ثقيل دمهن حبتين ..

ثالثا : تبي قسم لو ماتوظفت ولكن تستفيد منه .. بلا منااااااااااااازع (( اللغة الإنجليزي ))
تكتسب فيه لغة .. ونفس الكلام يقال يبي وحدة تكرف وتجلد ..

رابعا : إذا تبي قسم للكشخة .. (( طب )) لأن البنات يقولن طب بس كذا مايدرين وش هو
واللي يقول المجتمع طزززززززززز ..
يأختي روحي عيشي بالمريخ .. أفضل شيء ..
عاد نطيتي ولا قعدتي ولا انهبلتي .. هذا هو مجتمعنا السعودي بمعنى أصح البريداوي ..

ومن ناحية أخرى ليس فقط المجتمع ..
ياناس فكروا قبل : بعض البنات تقول طب تحسبه لعب أطفال ..
ترآ الطب ليس فقط أربع سنوات وخلاص ..
سبع سنوات .. ثم إذا أردتي تخصص 4 سنوات زيادة ..
غير الدورات والسفرات اللي تحتاجينه برا الممكلة للتطوير تعليمك ..
لأن علم الطب لا ينتهي ..
يعني كونك فتاة يصعب عليك ذلك ..

وأهم شيء قسم الطب (( صعععععب صعععععععععععب صعععععععععععععععععب ))

خامسا : هناك أقسام أخرى علم النفس والقانون ..
أما التربية الخاصة .. ليست لها أي مستقبل ..
أصلا كلها مدرسة ببريدة كله ..

وغير ذلك ترا تدرسين (( مجانين )) .. يعني تصيرين قدة وقدود ..

[ وأهم شيء الإستخارة ]

أخيرا : أتمنى لأختك التوفيق

[حلمـ سيكــونــ]

قسسسسسم علم نفس>>له مستقبل باهر بااذن الله وقسم جديد
واهم شي الميول ومستواه مو القسم
موووفقه...

[شوق ~]

اقتباس المشاركة الأساسية كتبها ودق برأيك الاختلاط في الطب بدون حاجة ؟!!! نعم بدون حاجة .. أرى أنه يوجد رجال لهذه المهنة .. أما عن قسم النساء فيوجد أيضاً طبيبات عربيات ألا نكتفي بذلك ..! سؤال : أتعرفون رفيدة بنت كعب الأسلمية - رضي الله عنها - ؟ لمن لا يعرفها هي أول ممرضة في عهد الإسلام ! رضي الله عنها لا تدرين ربما لو كان في ذلك العهد صحابي قام بذلك لا إكتفت بذلك كانت تمرض المصابين والجرحى في الحروب التي يكون المسلمون طرفاً بها. وقد كان لرفيدة رضي الله عنها خيمة لمداواة الجرحى، ولما أصيب سعد بن معاذ بسهم في معركة الخندق قال النبي صلى الله عليه وسلم أجعلوه في خيمة رفيدة التي في المسجد حتى أعوده، وتقديراً من النبي صلى الله عليه وسلم لجهودها في غزوة خيبر في مداواة الجرحى وخدمة المسلمين فقد أسهم لها بسهم رجل مقاتل. و أيضاً الربيع بنت معوذ و ممنة بنت جحش و أم سنان الأسلمية و أم ورقة بنت عبد الله بن الحارث - رضي الله عنهن - كن يداوين الجرحى .. يداوين الجرحى لا أنكر ذلك رضي الله عنهم جميعاً قلت لك لو يوجد رجال في ذلك العهد لربما إكتفوا من النساء لماذا النظرة السلبية للطب ؟ و أنه اختلاط و مفسدة ؟! لو سمحتي أنا لم أذكر أن ذلك مفسدة بل قلت فيما معنى حديثي تجنبه أولى يوجد بديل لها وهم الرجال و الأسواق مو فيها اختلاط ؟ ما يصير فيها مفاسد ؟! الأسواق للضرورة إلا كان أنتِ تذهبين دون حاجة وترين الناس أنهم كطبعك ممكن ..! و هل كل الناس فيها فاسدين ؟! طبعاً لا ! لأن في كل مكان الصالح و الفاسد , و الصلاح و الفساد يرجع لذات الشخص و ليس لمجتمعه عموماً ! أنا لم أتحدث عن رأي المجتمع بل قلت رضى الله وأنا أقول لك إجعلي همك رضى الله وحدة وليس النظر لما يحكم به المجتمع ..! و الطب مهمة نبيلة و شريفة لم أنكر ذلك .. و هذه أقوال للإمام الشافعي : " أنبل العلوم بعد الحلال و الحرام , الطب " و أيضاً : " لولا انشغالي بالفقه و حاجة الناس لي فيه , لاشتغلت بالطب " و كذلك قال : " إنما العلم علمان , علم الدين و علم الدنيا , فالعلم الذي للدين هو الفقه و العلم الذي للدنيا هو الطب " نحن على نهج الإمام: أحمد بن حنبل ..؟! ولكن حتى الإمام الشافعي لم يذكر الطب للنسااااء ..! أليس كذلك لكن أختي تذكري الخلاف لا يفسد في الود قضية شكراً لك

................

[مجرد ذكرى]

حبيبتي صاحبه الموضوع

أهـــــــــم حاجه لاتدخلين شي الا لك ميول له صدقيني ماراح تقدرين تنجزين وتتاقلمين فيه حتى لو خلصتي أربع سنوات وتخرجتي توظفتي ماراح تبدعين أبد


دايم أقوله تخصص الكليه مثل الـــزواج ماتجبر عليه أبدا وأذا أنجبرت مارده بتفشــــــل!!


أدخلي قسم أنتي حابه الماده من أيام الثانوي وتحسين بقبووول له.....؟




والمفروض البنت ماتأصل الى ثاني ثانوي وتختار التخصص مسار علمي أو مسار أدبي الا وهي عارفه وش أموره ومخططه لبعدين...



أستغرب من بنات معي يقولون ليه نخطط ومدري ايش بيجي القياس ويخسفنا

طيب أوكي بيجي القياس بس الانسان بدون هدف بالحياة فــــــــــــــــــــاشل
لذالك لو أنتي محددة كان أرتحتي بس ماينفع الكلام الحين شوفي وش ودك تصيرين بعد الاربع سنوات وعلى الاساس أختاري هذا إذا ماكان عندكـ ميول



بالتوفيق ياقلبي

[عربي أصيل]

اقتباس المشاركة الأساسية كتبها to be or no‘t to be 88888 قصدك اداره واقتصاد؟

لا قصدي إدارة عامة
مو إدارة وإقتصاد

[عربي أصيل]

اقتباس المشاركة الأساسية كتبها حلمـ سيكــونــ قسسسسسم علم نفس>>له مستقبل باهر بااذن الله وقسم جديد واهم شي الميول ومستواه مو القسم موووفقه...

ما أتوقع أن قسم علم النفس جديد ،،، ولا مستقبله باهر ..

[حاملة القران]

قسم إنكم احرجتموني بطيب اخلاقكم وبردودكم وبانتظار المزيد حتى تقتنع اختي