[الـعـابـر]

بالرد رقم عشرة تؤكد انك تتكلم عن التواضع ومثال المك فيصل رحمه الله مادري وش دخله لأنه يتكلم عن الواجبات
بينما بالموضوع الرئيسي
تقول

اقتباس بينما لو كان ذلك [ سعودياً بهذا العمر ] ومن باب الرياضة لتلاهفت يدينا من أجل اخراج [ الجوال ] لتصويره والضحك والشماته ..!

اقتباس بينما لو كان [ سعوديييون ] وبدور كامل سينظر لهم بالنقص وأنهم مساكين مادام أنهم لم يملكوا منزلاً حتى الآن ..!

اقتباس عندما أراه أو أرى زوجته يعرضون أنفسهم للخطر ويهجرون بعضهما بعض سنوات ليضحي أحدهم من أجل [ البحث عن لقمة العيش بأحد الدول ويرسلها للآخر ] - بينما لو كان [ سعودييون ] لحال الطلاق بينهما من أجل أن عمله دوامين أو اجازته فقط كل جمعه ..!

اقتباس بينما بدولتنا [ السعودييون ] لايرضون بأن يركبون مع [ ليموزين] ويعتبرون ذلك عيباً ..!

الموضع شيء و التوضيح شيء ثاني
موضوعك يتكلم عند عادات مجتمع و مقارنته بنماذج من دول فقيرة
وتريد ان تطبق طبيعة فقر على طبيعة بعيدة كل البعد عن الفقر ولله الحمد
الموضوع يتحدث عن ثقافات مجتمع كامل بينما الرد الاخير علي يتكلم بشكل فردي و افراد

[برفسور ملتمس]

اقتباس فرق بين تأقلم الشعوب مع مناخهم القدري وتغير طباعهم بسبب مظاهر النعمة عليهم

كلام سليم ..

بس من الجماعة هههه يقول لا - وضرب مثال [ بالجو ] وياخوفي نستعين بموضوعنا ببوصلة ولاندخل موقع الحياة الفطرية = بس عشان يثبت أنه صح ..

[الـعـابـر]

اقتباس المشاركة الأساسية كتبها برفسور ملتمس أنصحك بقراءة الردين رقم ( 9 ، 11 ) ..! ملاحظة : الموضوع لايتكلم عن الأحوال المادية بين البلدين بل عن الأخلاق والتواضع والمزاجيات ..!

غريب انت
الاحوال المادية هي التي فرضت على ابو هنود يسكن بعشه
الاحوال المادي هي التي جعلتنا لانقبل ببناء عمارة من دور واحد
الاحوال المادية هي التي جعلت ابو هنود يركب هو وزوجته الدباب ونحن لا نقبل ان نركب
الاحوال الماديه هي التي تسيطر على عادات الشعوب
فنصيحتي لك راجع موضوعك لانك لا تستطيع ان تتكلم بهذه الطريقه
اسألك سؤال بالهند واحد راكب مرسيدس و بجنبه واحد على دباب ابو ثلاث كفرات
هل نظرتك لهم واحده ؟
طبعاً لا الا اذا عاندت وقلت نعم
طيب ليش هذا سالكة اموره على دباب وهذا سالكة اموره على مرسيدس ؟
لكن لو جاء عندنا ابو دباب و بدء يقود دبابه بيننا هل تريدنا ان نتقبل بأن نكون مثله؟ او لماذا لا نتقبل بأن نكون مثله؟
وعلى كل نماذجك الاولة قس
اترك الجواب لك

[yasser <3]

برفسور ملتمس

تعجبني

[برفسور ملتمس]

اقتباس دائما تستخدم الاشياء التي ليس لها علاقة بالنقاش لأنك فاضي من اي كلمة ترد بها علي انا عضو فعال و مب شغلك انا استحق و اطمح ان اكون مدير المنتدى ومع ذلك مب شغلك ان احسن واحد هنا من كلا الجنسين ومع ذلك مب شغلك بعد كل هذه التصريحات ارجو انك ما تكرر علي كلامك المعتاد لأني صرحت تصريح واضح دور كلام غيره

هذي المشكلة أنه مهب شغلنا ولايهمنا [ مشاركاتك ] عشان كذا حاطها تواقيع ومضايقنا - تجيب الف ألفين ثلاثة شي راجع لك وشوله حاطه توقيع عشان نشوفه ههههه ألا أنك [ تلمح ] ويعني شوفون ،

أجل أنا ابغير توقيعي وأحط [ اليوم كتبت ثلاثة مواضيع وست مشاركات ]< أي واحد يشوفه يبي يقول وشنسويلك هـهه

اقتباس صحيح يعني بس اني ماجيت معك بالكلام صار كل همي اني اخالف !! بإمكانك تشترط اول الموضوع بأن من يخالفني بالموضوع ارجو منه ان لا يشارك واخر شيء اقول انك غلطان بهالموضوع وردودك الاخيره كيف تشره على طبيعة حياة مجتمع مقارنة بمجتمع اخر بالهند تجد حي اقصر مبنى فيه طوله 300 متر وبجنب الحي عشش وناس عايشه مع حيوناتهم راجع فكرك زين يمكن تحصل خلل

ماقلنا شي من حقك ياعزيزي تقول رأيك وحنا نحترمه ولا كان ماردينا عليه .. لكن بالعقل والمنطق وليس بالحماس والاندفاع الي غير مبرر ..!

مثلاً :

أنا أتكلم عن عادات ينصها ديننا الحنيف وهي التواضع والمحبة والحرية واحترام العادات والتقاليد ..

وضربت مثال : عن السيكل - .. وأنت ضربت مثال بالاجواء هههه وهو ماله دخل ..!

يعني اذا كان جونا صيف خلاص نجلس نتهاوش ونعبس ونسحب على الدوام ومانركب سيكل ونجلس نتذمر طول العمر بحجة أننا دولة غنية [ وأن الدور الي ساكن فيه هذا مو مستواي ] ..

ياخي شكلك غير مقتنع في [ القناعة كنز لايفنى ]..!

ونصيحة مني : أنتبه يكون تفكيرك سلبي ويجلب اسوء الاحتمالات - بمعنى :

ياما أن دولتي تؤمن لي قصر لأنها غنية ولازم أفطر واتغداء واتعشى بكل مالذ وطاب - ولا ترى أنا بتذمر وبعصب وبتنرفز وكل حياتي هموم ومشاكل ههههه ..!

وايضاً من خلال ردك غير معترف بأن المجتمع طبقات [ فيه غني وفيه فقير ] وفيه معه الجامعة وفيه الثانوية ، ..!

[برفسور ملتمس]

اقتباس الموضع شيء و التوضيح شيء ثاني موضوعك يتكلم عند عادات مجتمع و مقارنته بنماذج من دول فقيرة وتريد ان تطبق طبيعة فقر على طبيعة بعيدة كل البعد عن الفقر ولله الحمد الموضوع يتحدث عن ثقافات مجتمع كامل بينما الرد الاخير علي يتكلم بشكل فردي و افراد

موضوعي لايتكلم عن الفقر - ويتكلم عن ثقافة مجتمع وتواضع وكسر بعض التفكير السلبي الذي تفكر فيه - لتنشرح صدورنا ونخرج بسلام ولانخاف من بعض الأنظار وبعض العادات السيئة التي رسخها مجتمعك الأحمق .!.

عزيزي .. هل من الممكن أن تخرج وتمشي بعد صلاة العشاء وتأخذ لك كم فرة في الحارة ..

شرط تجيك هالكلمات :

1) من الجماعة مايستحي هههه بهالحارة رايح جاي وقد يصل إلى أن امام المسجد يكلمك ..!

2) ياخي رح بالممشى خذ لك فرة وشوله بالحارة < وانت قصدك عشان تصير قريب من البيت ..

3) يجيك واحد خاطم وبقوة ويقولك [ يمكن يبي الحارة يدرون أنه يسوي رياضة هههه زي توقيعه الي بالمنتدى يبي الاعضاء والادارة تشوف كثرة مشاركاته ] ..

4) يوقف عندك واحد مستغرب يقول [ تبين أوصلك أركب وشدعوة مالها داعي تمشي ] < شف شلون مو متعودين يشوفون أحد ياخذ راحته عقب العشاء .!.

=

وأنت جاي تقول دولة فقيرة ودولة غنية =ودخلتنا بالاجواء

وجبلتي الحرارة تصدق زودت المكيف عقب ردودك ..!

[الـعـابـر]

خلاص اسف و معليش
والحين ابطلب من الادارة يحذفون كل مشاركاتي الي من قبل شهر وراجع

اقتباس موضوعي لايتكلم عن الفقر - ويتكلم عن ثقافة مجتمع وتواضع وكسر بعض التفكير السلبي الذي تفكر فيه

موضوع جداً رائع ومهم وهادف
وانا مؤيد للكلام الذي تقوله لكن بدون ضرب امثله مع ناس اساس هم فقراء
يعني تجي لواحد غني وتقوله يا اخي التواضع لله و من تواضع لله رفعه شف ابو هنود يركب سيكل و يسكن بعشه
اسألك بالله تجي ذي ؟
التواضع شيء
وضرب الامثلة بمجتمعات فقيرة شيء ثاني
عن اذنك ابروح امشي

[برفسور ملتمس]

اقتباس غريب انت الاحوال المادية هي التي فرضت على ابو هنود يسكن بعشه الاحوال المادي هي التي جعلتنا لانقبل ببناء عمارة من دور واحد الاحوال المادية هي التي جعلت ابو هنود يركب هو وزوجته الدباب ونحن لا نقبل ان نركب الاحوال الماديه هي التي تسيطر على عادات الشعوب فنصيحتي لك راجع موضوعك لانك لا تستطيع ان تتكلم بهذه الطريقه اسألك سؤال بالهند واحد راكب مرسيدس و بجنبه واحد على دباب ابو ثلاث كفرات هل نظرتك لهم واحده ؟ طبعاً لا الا اذا عاندت وقلت نعم طيب ليش هذا سالكة اموره على دباب وهذا سالكة اموره على مرسيدس ؟ لكن لو جاء عندنا ابو دباب و بدء يقود دبابه بيننا هل تريدنا ان نتقبل بأن نكون مثله؟ او لماذا لا نتقبل بأن نكون مثله؟ وعلى كل نماذجك الاولة قس اترك الجواب لك

مالغريب الا الشيطان ..

الأحوال المادية مالها دخل في الحرية الشخصية ..!

إذا كانت الأحوال المادية راح تخليني أتبرى من ما أركب السيكل - ولا الدباب - ولا أتمشى - ولا أضحك واذا جيت اشتغل اعبس وأعصب = ياخي مابيها ..!

عزيزي / هنالك اشخاص أثرياء هنالك ملوووك .. مشاهير وغيرهم ..

شفهم في اورباء كيف ماخذين راحتهم - أنت ومجتمعك هنا إذا سافرت بالخارج تفسخ الثوب وتلبس برمودا - وماتهتم اساساً وتاخذ راحتك بكل شي ..!

حتى أن بعض الرجال هنا ماينزل الشماغ عليه واذا طلع برى مايلبس الا كاب -

اسئل الي يسافرون الاثرياء كيف حياتهم ينزلون بالسوق يتمشون بالسياكل بالدبابات - الدعوى حرية شخصية مو لازم عندي فلوس لازم أخذ اغلى سيارة ..

هنا في مجتمعك من عنده الجاه والمال ومع ذلك يريد أن يذهب للبقالة على سيكل - بينما لو ذهب نقدوا عليه الناس وقالو [ بخيل وقد تصل إلى سمعته ]..!

هنا من يعمل في قطاع حكومي بوظيفة مع ذلك لايعمل ويؤدي عمله بأكمل وجه والسبب أن [ دولتي غنية ] ..؟

اذهب إلى صاحب شركة واسئله عن الموظفين السعوديين والغير سعوديين أيهم أجدر وأفضل له .. وممكن يدفع مبلغ وقدره راح يقولك [ الغير سعودي ] والسبب أن السعودي [ بليدددد ] وكل تفكيره بمجتمعه وبتروله وثرواته ..!

=

سالكه أموره على دباب لأنه راضي [ ومقتنع بالي ألله عطاه ] هذا إذا ماكان عنده أملاك ومشتريه من باب التنقل المريح أو على هالجو الرائع .. !

بالرياض يقول أحدهم ودي أشتري دراجة عشان اتنقل عليه خصوصا بفصل الشتاء - بس اخاف فشيلة وانا الله معطيني فلوس ومجتمعي مايرحم ..!

=

بالماضي هنا بدولتك : كانوا يقودون الدبابات وكانت الحياة بسيطة مع وجود البترول- لأنهم ينظرون إلى حياتهم السابقة والتجارب المريرة ولكنك أنت وأمثالك لاتنظر إلا لأعلى منك ولاتحمد الله على النعمة والعافية بل تتذمر : وستكون حياتك كلها { تذمر ] إذا كنت تفكر بأن دولتك غنية وبهذه الحالة ليس لك هدف إلا أن تنام وتقول دائما وابدا [ أنا بدولة غنية بالنفط ] وحياتي مضمونة ولن أعمل وإن عملت سأتذمر ولن أقف عند سائق اللموزين فهي عيباً - وأن استئجرت دوراً فهذا خلل وأنا مسكين والناس يستعطفوني ههه .!

[برفسور ملتمس]

اقتباس يعني تجي لواحد غني وتقوله يا اخي التواضع لله و من تواضع لله رفعه شف ابو هنود يركب سيكل و يسكن بعشه اسألك بالله تجي ذي ؟

ههههههههههههههههههههه يحاول يخليني أقول شي ماقلته ..!

أجل أجي لواحد غني .. وأقوله [ بع أملاكك ورح اشتر عشة ومدري ايش ] .. ياعزيزي لاتلف وتدور .. كلامي واضح ..!


باختصار :


القناعة كنز لايفنى -


مد رجولك على قد لحافك


أرضى بالمقسـوم

=

ودع الآخرين وشأنهم .. يركبون سيكل يمشون على رجليهم .. أرصدتهم مليارات ويشتري بريال واحد خبز ..!

حرية شخصية .. كيفهم ..!

= لاتنظر لفوق = عيش حياتك .. !

أمثلة :

- خمسيني عنده قصر وست سيارات ويبي يطلع للبقالة في [ سيكل ] كيفه .. حر .. مالك شغل فيه خلوه ياخذ راحته ..!

ومالها داعي نقوله [ بخيل ، تخيلو يروح بسيكل هههه عنده ملايين ودولة غنية بالبترول وهذي حالته ..]!

- امرئتين بالحارة يتمشن من باب الرياضة < خلوهن براحتهم مالها داعي نرمي التهم [ هذي ماتستحي هههه ، وين أهلهن عنهن ..]


- شاب عمره 22 وماحصل وظيفة - ومحتااج - وشفته يسوق ليموزين [ ليش استحقره .. واجلس ارمي التهم على مجتمعه ودولته ] لأنه احياناً يكون معطيه الله بس يحب يسترزق بأعمال أخرى ..!

- زوجين مستاجرين شقة = لماذا اعتبرهم [ مساكين ] وعلى قد حالهم ياويلي واستعطفهم - وبلغتنا [ أشبهـم ] بطريقة النقد السلبية ..!

- شاب عمره 20 سنة بسوق الخضار يطقطق على العربية ويحمل أغراض = ليش ادخل افكار سلبية براسه واقوله دولتك غنية واخليه يتخلى عن الشغلة ويستحي من كثرة النقد والمناظر والكلام ..!

و

و و ...إلخ

[أبو الفوارس]

اقتباس المشاركة الأساسية كتبها برفسور ملتمس ههههههههههههههههههههه يحاول يخليني أقول شي ماقلته ..! أجل أجي لواحد غني .. وأقوله [ بع أملاكك ورح اشتر عشة ومدري ايش ] .. ياعزيزي لاتلف وتدور .. كلامي واضح ..! باختصار : القناعة كنز لايفنى - مد رجولك على قد لحافك أرضى بالمقسـوم = ودع الآخرين وشأنهم .. يركبون سيكل يمشون على رجليهم .. أرصدتهم مليارات ويشتري بريال واحد خبز ..! حرية شخصية .. كيفهم ..! = لاتنظر لفوق = عيش حياتك .. ! أمثلة : - خمسيني عنده قصر وست سيارات ويبي يطلع للبقالة في [ سيكل ] كيفه .. حر .. مالك شغل فيه خلوه ياخذ راحته ..! ومالها داعي نقوله [ بخيل ، تخيلو يروح بسيكل هههه عنده ملايين ودولة غنية بالبترول وهذي حالته ..]! - امرئتين بالحارة يتمشن من باب الرياضة < خلوهن براحتهم مالها داعي نرمي التهم [ هذي ماتستحي هههه ، وين أهلهن عنهن ..] - شاب عمره 22 وماحصل وظيفة - ومحتااج - وشفته يسوق ليموزين [ ليش استحقره .. واجلس ارمي التهم على مجتمعه ودولته ] لأنه احياناً يكون معطيه الله بس يحب يسترزق بأعمال أخرى ..! - زوجين مستاجرين شقة = لماذا اعتبرهم [ مساكين ] وعلى قد حالهم ياويلي واستعطفهم - وبلغتنا [ أشبهـم ] بطريقة النقد السلبية ..! - شاب عمره 20 سنة بسوق الخضار يطقطق على العربية ويحمل أغراض = ليش ادخل افكار سلبية براسه واقوله دولتك غنية واخليه يتخلى عن الشغلة ويستحي من كثرة النقد والمناظر والكلام ..! و و و ...إلخ

أصبت كبد الحقيقة ..

و لكن ماذا تفعل .. إن كانت (( الشّرافة )) أحد أركان مجتمعك ..

أصلح الله الأحوال ,,

[برفسور ملتمس]

أشكر الجميع على المرور ....!

[أنشودة المطــــر؛؛]

طريقتك في تقديم آلموضوع سقيمة ..
ستتهجم آلعآمة عليـــك بسبب ذلــك ..
لو أنــ آلرد 23 هو آلموضوع الأصــلي .. لآرتحت من آلجدآل العقيم ../
لأنـــك رآح تقوله رآح تقوله .. ليش المحآوطة آلله لآ يبلآنــآ ..!!

[•°انكسار الأماني°•]

أفراد مجتمعنا أول ماينطقون ثلاث كلمات ( ماما , بابا , عيب )
وسبب مشكلاتنا هي الكلمة الأخيرة ,

لكن متأكد يابروفسور إنك ماتنقد الغير ماداموا يتصرفون داخل نطاق حرياتهم !!
إذا كان جواب السؤال السابق بنعم ,
فهل تستطيع فعل ماتمليه عليك قناعتك متجاهلاً وجهات النظر الشعبية تجاهك !!

..

[عزتي في عفتي]

وهل تظمنوا ان النعيم سيدوم لكم
ربما تأتيكم ايام تكون اوضاعكم أردى بكثير من ابو هنود
وتشدوا الرحال للهند لطلب الرزق ..
وتتغير اطباع مجتمعكم الذي تتذمرون منه !!
ولا تجدوا يا برفسور متلمس ومن الجماعه وسيله لتبادل المناقشات والمناوشات العقيمه!!
وتأخذو راحتكم بالتنقل على الدراجه وربما لا تجدوا الدراجه وتستعينوا بالحمار !!
فالنعم لا تدوم ..