[ذيب متلطم]

طيب وليش ما طبختي أنتي ؟؟؟؟؟

حريم آخر زمن

[عيار]

اخوي بريده
اذا كنت من زمان ماطلبت منهم فكلامك صحيح
اول مافتح زين
ولكن معظم التجاراذا نجح مشروعه خلاص طز بالباقي
اهم شي انه بدل مايدخل ارباح بالشهر 50 الف ليه مايسوون شوي غش وتصير ال50 الف مية الف
هذي حال الكثير من التجار الجشعين الي مايخافون الله
ويتعاملون مع الناس على انهم ملكهم ويجب ان يقبلو مايقدموه
خصوصا اذا عرفنا ان الي بسمه المطعم له نسبه والباقي للتركي او السوري او اللبناني الي ماسك المشروع والمالك الحقيقي له
خله على الله بس

[فتيت]

انا طلبت منهم للبيت مره شيء لا يعلى عليه طعيم
وبيض وجهي للي انا عازمتهم

[عبدالرحمن العمار]

سان رحتي لمهم ورجعتيه

[د.مصرقع]

معروف اللمشويات على المعجنات اذا اخذتهن سفري يروح الطعم من الاكياس

زينة المشويات والمعجنات تكون بالمطعم على طول

وترى مهوب ذا وقته صايمين طيب؟!

[حروف آبجديه]

كان رجعتيه واخذتي فلوسك

[manedl]

يععععععععععععع
والله من الطماله أشين مطعم ببريده
كم مره سكروه البلديه ؟!
لاأحد يقول ماعلمته ترااااه طمل بقوه

[ام لسانين]

اقتباس المشاركة الأساسية كتبها ذيب متلطم طيب وليش ما طبختي أنتي ؟؟؟؟؟ حريم آخر زمن

منب فاضيه اطبخ وانا عازمه وتسذاا

[ام لسانين]

اقتباس المشاركة الأساسية كتبها عبدالرحمن العمار سان رحتي لمهم ورجعتيه

ههههههههه والله كان ودي بس ماش السواق موب عند الباب

[ام لسانين]

اقتباس المشاركة الأساسية كتبها buraydah اختي الكريمة ام لسانين والاخوة الكرام ، يجب علينا ذكر الحق ونقول للمحسن أحسنت ، فمثل هذا المطعم المشهور والمعروف في بريدة لايمكن أن يصل إلى درجة الإسائة للزبون أو فوات الطعام ، فأصحاب المحل حريصين كل الحرص على المحل وعلى نوعية اللحوم وجودة المشاوي وعلى نظافة العاملين ، وحتى وقت التوصيل للمنازل فكل هذا مجرّب من عندهم والحمد لله من أفضل المطاعم على مستوى بريدة .. أرجوا أن تصححي معلوماتك فقد يكون الخطأ من عندك بتخزين العشاء حتى فواته ..

توي اشوف الرد والله شوف يابعدي انا اللي شفته قلته وقلت انهم ماكانو تسذاا ومهب عادتهم بس يمكن عشاني طالبه من البيت
ان شاء الله لك مره تطلب منهم وانت عازم رجال ويصير الاكل بايت جايبينه لك وبنشوف وش ردك يالغالي اشكرك ع مرورك

[قاآآآآسم]

اقتباس المشاركة الأساسية كتبها شوكولاتهw سوي حركه تقهرهم - مثلا-09 دقي عليهم واطلبي فوق ال200ريال ووصفيلهم مسجد بحي انقع: كذا تصير وحده بوحده والبادي اظلم

هههههه
على الجرح جبتيه
أعرف عيال الله يطول بأعمارهم
يسوون زي مذآ

بصراحه يحمق و يتنرفز

مهبووووله ذي الحركـه السراحه

[السيف البتال]

اقتباس المشاركة الأساسية كتبها buraydah اختي الكريمة ام لسانين والاخوة الكرام ، يجب علينا ذكر الحق ونقول للمحسن أحسنت ، فمثل هذا المطعم المشهور والمعروف في بريدة لايمكن أن يصل إلى درجة الإسائة للزبون أو فوات الطعام ، فأصحاب المحل حريصين كل الحرص على المحل وعلى نوعية اللحوم وجودة المشاوي وعلى نظافة العاملين ، وحتى وقت التوصيل للمنازل فكل هذا مجرّب من عندهم والحمد لله من أفضل المطاعم على مستوى بريدة .. أرجوا أن تصححي معلوماتك فقد يكون الخطأ من عندك بتخزين العشاء حتى فواته ..

الاخ الكريم له علاقة بصاحب المطعم على مايبدو .......
المطعم خايس بكل ماتحمل الكلمة من معنى وللمعلومية 90%من مطاعم المشويات سيئة وللاسف لاتوجد رقابة .
انا عندي نظام ليا طلبت من مطعم وجاء الطلب مااحاسبه ألين اكشف الطلب داخل البيت اذا هو بارد رجعت الطلب واذا زين حاسبته يعني المفروض الواحد مايصير مغفل خصوصا طلبات التوصيل تلقاه يفر بريدة كلها وبعدين يجي الطلب ويقولك اسف على التاخير وش يفيد هالكلام ..
المهم المرة الجاية اطبخي بالبيت ولاعمري اشوفك تطلبين من هالمطعم <<< مسوي حريص

[سفير الحنان]

من تالي اكلهم ماهو زين مره طلبت منهم سبب لنا نزله معويه من مطعمهم عند الساده

[buraydah]

يا أخي الكريم ليس لي أي علاقة بصاحب المطعم ولو كنت مداهناً لصاحب المطعم لقمت بحذف الموضوع وانتهى الأمر لكن هناك حق يجب أن يقال وآلآف الزبائن يعرفون طبيعة عمل هذا المطعم ونظافته ، يجب أن نكون صادقين بعيداً عن المجاملات ..