[ايوب بن عبدالعزيز]

ههههههه يحسبونن مخفات
يد بيد لمقاطعة المراعي

ياحبيل ((نجديه))

[aksm]

اقتباس يا شيخ لا تطلب السماح من احد ما فيه أحد له دخل انك تشري والا لا بس حيبت اقول لك كلمة واعتبرها نصيحه محب: يوم إنك مليت وشريت المراعي ما تذكرت حال الفقراء؟ اللي ارتفعت عليهم الاسعار وتدبلت ؟ كلنا حالتنا مستوره ونقدر نشري كراتين من المراعي بس قاطعناهم موب لنا بس قاطعناهم من أجل الفقراء بعد ولا تنسى قول أشرف الخلق صلى الله عليه وسلم ( من لم يهتم بأمر المسلمين فليس منهم ) وقوله ( " عليكم بالجماعة فإن يد الله مع الجماعة " ) وجملة ( انا ابشري ما راح يضر المقاطعة اذا شريت بريال والا عشرة ريالات ) احذفوووووووه من قاموسكم كل واحد يقاطع و يخلي برأسه إيمان قوي بأنه مقاطعته لحاله راح تخسر الشركة ملايين

اقول الفقراء جوعانين قبل مايرفع المراعي البن يقالك غيرت شي

والرسول صلى الله علي وسلم قال اهتمو بالمسلمين ولايسا مقاطعة المراعي وش يبي يستفيد الفقير

لاقاطعة المراعي يبي يزود شي او ينقص ببيتوه لو انك تبي تساعد الفقراء عطهم لبن واشياء تساعدهم

لابغيت تتكلم قل شي يدخل العقل او حاول تقنعن لان ما اقتنعت بكلامك ابد زياده ريال ما قلنى شي

بس مساعدة فقير ماتدخل الراس

[عاطل بريدة]

الله يعززز الفلوووس الي خلت الناس تقااطع

لو انه عشان الرسول كان اكتفينا بتواقيع واستكرات على السيارات الا سوول الله

[(أبوبدر)]

الحمدلله مستمر في المقاطعة
ولله الحمد كل يوم نكتشف بديل افضل ...

المراعي مقاطعة الى الابد ...

[سحابه صيف]

مقاطعييييييييييييييييييييييييييييين


لا للمراعي لو ببلاش

[سلطانيز]

اقتباس المشاركة الأساسية كتبها aksm ولله ليش ادور و اتعب نفسي مثل المهبول عشان المراعي او مقاطعة المراعي انا اصراحه مع المراعي الحين كل المنتجات رفعت وما تسلطتوا إلا على المراعي يا قاطعوا كل المنتجات او لاتقاطعون ابد بعدين انا مع الي يوفر لزبون لبن او اي صنف ولا يخلي زبونه يروح يدور على البقالات تقل مهبول

طيب اشره أنا وش دخلي أنا مجرد ناصح إن أخذت بنصيحتي فبها وان ما اخذت قد تكون لديك قناعة

اقتباس المشاركة الأساسية كتبها aksm اقول الفقراء جوعانين قبل مايرفع المراعي البن يقالك غيرت شي

طيب اذا الفقراء من مبطي فقراء !! هذا يعني انه خلاص ؟؟ ما نحاول أن نشبعهم ؟؟ ما نحاول مساعدتهم بأن يجدوا قوت يومهم ؟

اقتباس والرسول صلى الله علي وسلم قال اهتمو بالمسلمين ولايسا مقاطعة المراعي وش يبي يستفيد الفقير

أوليس الاهتمام بالمسلمين بتخفيض الاسعار ؟ من الاهتمام الذي أمر به الرسول ؟

اقتباس لاقاطعة المراعي يبي يزود شي او ينقص ببيتوه لو انك تبي تساعد الفقراء عطهم لبن واشياء تساعدهم

مساعدة الفقراء لا تتم بالتبرع فقط فبتخفيض الاسعار أيضاً مساعده لهم
وتفرق اذا عطيت الفقير 10 ريال كمثال : ويشري به لبن وثلاثة زبادي يكفيه 4 ايام مع غلاء الاسعار
والا اذا عطيته 10 ريال ويشري به لبن وربطة زبادي تكفيه اسبوع بعد المقاطعة وخفض الاسعار
هذا بعد الفايدة لك انت
وبنجاح مقاطعة المراعي لن تنخفض اسعار منتجات المراعي فقط
فكل التجار سيخفضون منتجاتهم خوفاً من المقاطعة و ما حلّ بالمراعي
ولن يرفع اي تاجر سعره خوفا من ما حلّ بالمراعي


شف هالعضو ما نقصته لا يد ولا رجل ولا جاه مرض يوم مر 4 بقالات

اقتباس المشاركة الأساسية كتبها C R Λ S H الحمد لله انا مقاطع المراعي من زمان دخلت بقالة قبل امس ادور لبن ما لقيت إلا المراعي ثم رحت لغيره وجلست افرفر4 بقالات ما حصلت إلا المراعي كبير قلت والله ما اشريه لو ما اشرب وامر بقالة غيره امر القى ولله الحمد نجدية ونادك

.................................................. ....

اقتباس المشاركة الأساسية كتبها ((ابوعبدالله)) ياجمعه الى متى وانتم محجرين تفكيركم المراعي سعره نفس سعر المنتاجات الثاني وش فرق رفع وخسر ونزل يبي العالم تجي لمه بعدين ما نقصوا بالحليب ولا بالعصر هي هي ولو انكم جادين بالمقاطعه قاطعوا شكرة الصافي المراعي 6 زبادي بـ5 الصافي 6 زبادي بـ6 ورونا مقاطعتكم لبن المراعي بـ7 اكتيفيا الصافي بـ8

من قال لك انهم ما نقصوا ؟ شفت بعينك ؟
العصير من عام 2008 مخفضين كميته و حتى الان وبعد رفعوا سعره الحين
والجبن الى الان مخفضين كميته
ولوزين الى الحين مخفضه كميته
وسعر الزبده الى الان مرتفع
واكتب واكتب واكتب
وبعدين الصافي ما يحتاج مقاطعة .... هو مقاطع من الاصل
الصراحة مااعرف احد يشريه
وبعدين اكتيفيا تقارنه بلبن فيتال من المراعي
ما تقارنه بلبن المراعي العادي
لان لبن فيتال للهضم مثل اكتيفيا وسعر فيتال ارتفع سعره بعد الى 8 ريال

[ابوالخطاب]

الشياب يعجبوووووووون بالتخفيضات
أتوووقع لوووووفية تخفيض عمي يشري المراعي اللي بالبقالة ما يترك شي

[سلطانيز]

اقتباس المشاركة الأساسية كتبها برفسور ملتمس ^^ يبدو أن صاحب هذا الرد داخل [ حرب ] وجالس ينسخ ويلصق من الاحاديث ويمشيها على كيفه ..! أنا مستغرب من المشاهدين كيف راضين [ يشوفون مثل هالأحمق ] الي يلف ويدور ويحاول يقنع على كيفه ..! أجل المسلمين .. ليش جميع موظفين شركة المراعي كفاار ؟؟! لاوبعد اطلع لي بفتوى وقل من لم يقاطع المراعي فهو كافر ..! ههههههه المشكلة تلقى هالي جالس يسوي مقاطعه بهالمواضيع تلقاه [ شابك من ايفون ] لاوبعد يمدح فيه .!. ويحث على شرائه وهو صناعة يهودية - الحمدلله بس ..! ملاحظة : أنا مايضحكني الا التناقض : يتكلم عن المسلمين وعن غيرته وينزل مقاطعه من اليوتيوب - والمشكلة أن اصحاب مواقع هاليوتيوب يهود..! تشااو يامتناقضين .. :s

هههههههههههههههههههههههههههههههههههههههههههههههه
والله مسخره ما بعده مسخرررررررررره هههههههههههههههههه
أجل يقول لا تنصح العالم لان جوالك اللي صانعه كافر
أجل أنت لا تصلي لأن لاب توبك اللي صانعه كافر ههههههههههههه
فعلاً شئ غريب !! من شخص غريب

[الحركي]

الحقيقة انني اسطر اعجابي الشديد
بصاحب الموضوع وبمن لازالوا
متمسكين بالمقاطعه
ليس من ا جل المراعي فقط..
فهناك اكثر من شركة سوف تتأدب
من هذه المقاطعه
لذا نأمل الاستمرار

[الازغر]

aksm


احتمال ملتمس بعضوية اخرى

[رنيم2]

ليش انتم ضد المقاطعه مايستفيد الاانتم هذاهم خفضوا لكم والريال الزياده عطوه الشحاذه الي عند الباب اذ انت صادق مايهمك زود ريال <<<

[كاتب نص |..]

عاجل

أفاد المتكلم الرسمي عن جميع الكورة الأرضية أ. (( كاتب نص |.. ))

أنه سيتم قريباً جعل لبن أو حليب شركة الطمع شركة المراعي بـ 2 ريال وتحصل على 1 علبه مجاناً .

[جساس1000]

معكم معكم
وراكم وراكم
مقاطعة مقاطعة
زنقة زنقة

[الظـــامي]

هذه نتائج الجشع ..

المفروض يعرضون لنا من إقترح عليهم وضع السعر ورفعه ..

سياسة عقيمة وإستغلال قبيح قبيل هذا الشهر الفضيل ..

المهم إخوتنا واصلوا المقاطعة حتى تعلن الشركة إفلاسها ..

ولو تعاملنا مع البيبسي بهذه الطريقة لفشلوا ولكن !!!

شكرا لك على المتابعة ..