[آيفونة]

ياعمري البنت حريصة على اخوها يمكن ودها تجيب له كامله مكمله وهي مو موجوده
لكن تفكير العيال اغرب شي بالحياة

اقتباس أَنَّهَا تُحَاوِلُ تَأْجِيْلُ زَوَاجِي

ليدر قل له اذا هذا تفكيرك مو لازم تاخذ من اختيار اختك ..

[الـعـابـر]

الحمدلله ان اخته مب اختي
انا عندي هالنظرة لأغلب البنات و انا بدون دعم من اختي
اجل وشلون لو تجي اختي تزيد اليقين يقينا
الله يعين الشباب لأن الامور اصبحت محيرة
ماعاد الواحد يفرق بين الصالح من الطالح

[جيهان]

اقتباس المشاركة الأساسية كتبها لا أزالُ هادئه! ما أعتقد انكـ ترضين لو يقول احد لأخوك كذا !

ياكافي ياااختي مافيها شي الامـــــر فيه سعه..
وش قلت عشان تقولين ترضين او ماترضين
عادي واحد من اخواني قبل مايتزوج كثير يهدون له بنات ونكون مانعرفها فيسئل احد يعرفه جيران اواقارب او صداقه..

[H N A Y]

غريبن آمره هآلبنت
بس فيه بعض النآس يحسون ولدهم آحسن وآحد كلن يتمنآو خصوصآ إذآ صآر مآبوه غيره ولد
عشآن كذآ مآيلقون البنت آلي تنآسبه

[صمت النار]

والله ان زميلك رخمة

معذورة اخته ماتبي تورط بنات الناس مع اخوها
فمراعاة لمشاعر اخوها قامت تحط العيب في البنات


ما اقول الا الله يعين البنات وشلون يلاقون رجال في هالوقت

[نويت أرحل]

90% البنت ماتبي تفقد اخوها او تخاف يقصر معهم خاصة انه الوحيد اوتغار عليه من وحده ثانيه لاتستغربون فيه بنات تغار على اخوها اعرف وحده مزحوا عليه البنات قالوا ورينا صورة اخوك وعصبت
انا رحمته لو رجله وش بتسوي
الغيره المفرطه مرض
زميلك لازم يراعي مشاعره ويقول بدون ماتحس بشكل غير مباشر انه اذا تزوج ماراح اخليكم ومن الحتسي

[حبق]

يارجال الشرهه على خويك هذا والله العالم غير صادق يمكنك احرجته بالسؤال ومالقى غير هالتصريفة

[رحمتك ربي]

أنا كان اخوي يبي يتزوج وذكري لي بنت ممدوحه لها من صديقه الي تصير اخته بس انا اعرف البنت معنا بالكلية
البنت مانصح فيها لخوي ولاغيره عشان كذا الحريم اعرف بالحريم بس مو بكل شي بعض البنات تبي مرت اخوهاااا اجمل مخاوقه عشان تباهي فيها قريباته عشان كذا لازم هو يتاكد من اخته بنسه عن السبب مو معقوله كل البنات الي تذكره لها يصيرن سمعتهن مو كويسه والا ع ايدها تدور له مرره

[ملح يذر]

والله يمكنه يقول
بنت خالتي فلانه تقول اخته لا به ومالا به ( لانه ماله خلقها )

فلانة الفلان تقول لا به ومالا به (لان له موقف مع امه او ماله خلق احد من عايلتهم)

فلانه الفلانيين تقول لا به ومالا به (حليلة بس مو على الكشخة الي تبي )

فلنتانة الفلان تقول لا به ومالا به (ودها تزوجه صديقتها الحميمه بس فوقها احد وتحتري دوره صديقتها)

بنت الجيران تقول لا به ومالا به (فعلا قليلة ادب وما تصلح لاخوها)

بنت العلانييين تقول لا به ومالا به (تحتري يجي نصيبها قبل نصيب اخوها عشان ماتحس بخواء عاطفي او بحاجته )

..............................................

......................................



وتكثر الاسباب والنفسيات لاخته والانسانيحسن النية يمكنها ترى اخوها ملاك ما ترضى له الا الحوريه !!

الله يوفقه وبشرونا اذا تزوج هههه....

[بنت القصيم مثل النسيم]

اقتباس المشاركة الأساسية كتبها شےــم ـس الـےـودااااع بصرآحه غريـبه اخت رفيقك ... اكثر اواغلب البنـآت تفرح ان اخوهـآ يأشر بآيده يبي يتزوج .. على طول تطير تخطب له .. انـآ اتوقع انه في الامر سر .. يآ أنهـآ مآتبي تفقد اخوهـ .. او انهـآ مآتبي احد يآخذ اخوهـآ منهـآ .. ترى فيه حريم كذآء تفكيرهم همجي شوي.. والله مـآآدري احس لو يسستشير ويصـآرح اخته .. افضل له .. لآن المدهـ موب سهله سنتين .. الله يكون بعونه .. ويرزقه بآللي تسعدهـ وتملآ عليه حيـآته افرآح وسعـآدهـ .. ودم ــتم بح ـفظ الله ..

صدقتي والله
بعدين مو معقول سنتين
حرااااام عليه
والحين كل لبنات ماجازن له
حشى تبي مثل الحور

[أوتار الأمل]

هو الوحيد من الذكور واكيد هو اللي يوديها ويجيبها وتخاف إذا تزوج تفقد هالشي ..
الله يرزقه ويوفقه والجميع يارب

[7DAYS]

كل عام وانت بخير

Leader.20

آسال الله تعالى ان ييسر امر صاحِبـك هذا ويعجل بزواجه ..
سنتين اليست المدة طويله .. ؟

اقتباس حنا الحريم أدرى ببنات الناس

لم نختلف لكن ما هو مقياسك العادل لبنات الناس .. ؟
~> كم أنسان أخذنا عنه أنطباعا سيئ ولما جلسنا معه وعرفناه عن قرب
انقلبت موازيننا نحو ذلك الشخص 180 درجة ..
إذا لابد من مقياس محدد لـ هذا الشئ اليس كذلك ،،

سؤالي للقراء الاعزاء

لو لم يذكر صاحبنا هذه النقطه في مشكلته كيف ستكون ردة فعلكم ..

اقتباس خَاصَّةً أَنَّنِي أَنَا الوَحِيْدُ مِنَ الذُكُور فِي البَيْت

ما هي ردة فعلكم ..؟

آسال الله أن ييسر أمر صاحبكم ويرزقه بمن تقوم بشآنه ..
كل الشكر لك لوقوفك معه

[MEHWAR]

والله مادري اتوقع البلا ن رفيدزك

طيب دام اخته تقول هذي البنت انا اعرفها والحريم ادراء ببنات الناس

طيب وراه ما يقوله يله على يدتس دوريلنا وحده وانتي ادراء هي حليله واخلاقه طيبه ...

[بدون اسم...]

.







.


.



هي وحده من ثنتين اما ان أخته غيوره بزياده على أخوها او انها من النوع الي مايعجبها



العجب ولا الصيام برجب



وربي يرزق صديقك الزوجه الصالحه الي تسعده