[قـــصـــيـــة]

بما انك تقولين أعرف اخوي من عيونه إذا جايه كلام كذب من زوجته
فالمسألة بسيطة خوذي اخوك على جنب وقولي له .. لي كم يوم وأنا أشوفك متغيّر وبخاطرك كلام وعتب
وكلمة منا وكلمة مناك راح يقولك كل اللي نقلته زوجته سواء صدق أو كذب
وأنتي عليك تبررين موقفك وتثبتين انها كذابة بس حذاري من انك تخلينه يحقد على زوجته
وحتى لو كنتي عارفه انها شريرة! مثلًا قولي لاتزعل عليها يمكن فهمت غلط وقالت لك
بكذا مايصير حاجز بينك وبين أخوك ولا مشكله بينه وبين زوجته
ولاتنسين زوجته اجلسي معها جلسة مصارحة بدون حدة بالكلام وقولي أنتي تعرفين أخوي مايتكلم
لكن أنا عارفه انك تنقلين له كلام غير صحيح عنا
وأنا ماأودي أفتح هالموضوع مع أخوي علشان مايزعل عليك وتصير مشكلة بينكم
وحبيت يكون الموضوع بيني وبينك واسأليها ليش تسوين كذا حنا مضايقينك بشي حنا مخطين عليك ....الخ

وإن شاء الله تطلعون بنتيجة إيجابية : )


بالتوفيق وكان الله بعونك

[سنفـــــوره]

ماأقووول اللي الله يعينكم ويصبركم

[انا غير.]

شوفي ياقلبي

اقتباس بما انك تقولين أعرف اخوي من عيونه إذا جايه كلام كذب من زوجته فالمسألة بسيطة خوذي اخوك على جنب وقولي له .. لي كم يوم وأنا أشوفك متغيّر وبخاطرك كلام وعتب وكلمة منا وكلمة مناك راح يقولك كل اللي نقلته زوجته سواء صدق أو كذب وأنتي عليك تبررين موقفك وتثبتين انها كذابة بس حذاري من انك تخلينه يحقد على زوجته

انا مررة قلتلة اللي يجية كلام يتاكد منة بس هو ماودة ندري انة تنقل لانة واثق منا و يحبنا حييل بس تقدر تقلب رااسة ..و هي اسخف من عقلة ماشفت

اقتباس ولاتنسين زوجته اجلسي معها جلسة مصارحة بدون حدة بالكلام وقولي أنتي تعرفين أخوي مايتكلم لكن أنا عارفه انك تنقلين له كلام غير صحيح عنا وأنا ماأودي أفتح هالموضوع مع أخوي علشان مايزعل عليك وتصير مشكلة بينكم وحبيت يكون الموضوع بيني وبينك واسأليها ليش تسوين كذا حنا مضايقينك بشي حنا مخطين عليك ....الخ

ياحبي لك هذا لو هي عاااقلة ..!!هي نكدية تحب التمشكل

والله كل اللي حولة ولا علاقة سليمة كل اللي حولة متمشكلة معهم .. قسم ماابالغ الحمدلله اللي عافانا مما ابتلاة وفضلنا علية .. يعني لو افتح الموضووع معة بتززوود مو تصلح كذااا العقلية

مشكورة اختي قصية ومبروك اللقب الجديد

[محب الاصلاح]

هذي الله يدفع عنا البلاوي اسمها ( مفرقة الجماعات ) لكن يبدوا ان اخوك ضعيف شخصية وهي تحب تحط فجوة بينكم وبينهم الله يعينكم تتعبون معها لكن حاول لايكون هناك قطيعة رحم وشكرآ

[انا غير.]

الله يوفق كل من رد علي و يجزاة خير .. ويحقق مناة دنيا واخرررة .. شكرا لكم .

[ـالتُفاحة الورديّة]

من خلال تجربتي اذا أسكت تمادوا بتجديع الكلام الجارح

وإذا رديت عليهم تأدبوا شهر

ماينفع مع الأشكال ذي الا طولة اللسان ( يصير لك هيبة )

[قـــصـــيـــة]

خلاص يابعدي لا يسيطر عليك الخوف من زعل اخوك وترهقين نفسيتك
طالما انك واثقة من نفسك ماسويتي خطأ فـ اتركيها تكذب لحد ماتشبع
وأخوك مصيره بيعرف الحقيقة بيوم من الأيام ( ربك مايرضى بالظلم )

فتعلمي فن التطنيش

الله يبارك فيك ^_^

[انا غير.]

^^

صدقتــي الله يعين ع الدنيااا .. مشكورة الله يوفقك ..

[йқ!ק ღ]

عندنا وعندكم خير .
ما نقول الا الله يعيننا ويصبرنا ويفكنا من شرهن .
________
------------------
تخيلي صديقتي يتيمه اكبرهن بثاني كليه اصغرهن بأولى ابتدائي كلهم بنات ما لهم الا اخو واحد
تزوج قبل سنين وبعد 5شهور من الزواج اخذ له نص البيت!! بعد حنّة مرته !
لانه تقولي قبل ما يتزوج كنا نقول له لا تستاجر خلنا نسكن جميع( مع انه كان عنده دخل يقدر يعيشه ببيت اجار) لكنه عيا ..
يقول انا اقدر على الاجار! وكان يلمح من كلامه انه ما يبي مرته توذيهن !
<< يا آحول من كثر ما سمع عن حريم الاخوان

اقتباس اخذ له نص البيت!!

نكمـل
المهم حطوا لهم باب بين القسمين ..
تقول احيانا مرت اخوي تدخّل ضيوفه بيتنا (اللي هو قسمهم ) على انه بتوريهم البيت !
ما ادري وش دخل قسمهم بقسمه !
تقول لمحنا له وقلنا على الاقل علمينا قبل ما تدخلينهم مو ما ندري الا وهم داخلين !
(لا حيــاة لمن تنــادي)
واذا راحوا الضيوف قفلت الباب اللي بيننا !!
تهاوشن وخربت علاقتهن وتقول اخوي صرنا ما نشوفه الا بالاسبوع مره
بسبب هالهرج اللي هي تنقله وهن ما قالنه اصلا او هي ما فهمت عليهن .

قالت لي مواقف كثيره بينهم تقهر اللي ما ينقهر
لكن ما نقول الا ربي لا يوفق اللي يفرق بين الولد واهله
___________
تراي تعبت من هالكتب
الخلاصه ان اغلب حريم العيال منجس
وهالشكل لازم تحقرينهن ولا تعطينهن وجه ابد تخلينه مثله مثل الجدار
وتوضحين لاخوتتس بنفس الوقت
تراي مجربه حريم اربع اخوان
ثلاث معناok وحنا والله قبلهن OK أُس 2 << اللي ساقط بالرياضات لا يسألن
اما وحده الله يذكره بالخير مثل حقتكم
تشوف انتس تعاملينه بطيب همن يقاله ذهينه او ما ادري وشي
<< مع اني اشوف ان لو للجدار ربع عقله تسان صار احسن منه
تحلفين انكم مزوجين اخوتس بزر ام 10سنين

اقتباس نفسية يارب تشفية

آميـــن
ادعي لي وادعي لتس

[انا غير.]

حسبنا الله ونعم الوكيل ... يتمان بعد

الله ارحم من خلقة ... شكرا لمرورك اختي الله يوفقك ويحقق منااك دنيا واخرة ..

[متى يحل السلام؟؟؟]

قال تعالى : (ادفع باللتي هي أحسن فاذا الذي بينك وبينه عداوة كأنه ولي حميم)

انصحك تكون علاقتكم رسمية مررررررررة هذا أفضل وعامليه بالحسنى وأحتسبي الاجر

[بعثرة حلم]

خوذي بكلامي..لاني مجربه مثلك..

صرت رسميه معها..وارتحت..

يعني اسلم واسولف معها بس بشكل سطحي ..

يعني غلط انك تتجنبيها بشكل دائم..لان اخوك راح يزعل..

الله يألف بين القلوب..

[بنت قماشه]

مبآرك عليك العيد ..

زوجة اخوك لوهي مونآقصة كآن ماتبلت عليك , لكن احمدي ربك واشكريه انك مو مثلها ..

ادعي لها بالشفاء ترا هي مو مسيطرة على نفسها ولا مرتاحة بوضعها ..

... وطنشيها مردها لكم والله لو ترقى لنجوم السماء مردها لكم ماراحت بعيد ..

[.. سرب الحمام ..]

اسمحي لي اقولك حالتك صعبه جدا

بس انصحك .. مادام اخوك طيب على قولتك .. هو عامليه على احسن مايكون (( يادهينه لاتنكتين ))

وهي لاتقلين ادبك معه .. بس لاتسكتين عشان تلطم اثمه ولاتتمادى .. بس خلي قدامك الآداب بكل مكان ..

ولاتنسين إنه نفسية مثل ماقلتي .. يعني لازم تعاملينه على قد عقله ^^ << مثل البزر لازم تعاملينه على قده

وعشان اخوك مايتكلم مثل ماتقولين لاشفتيه يوم هادي ومروق ومتقهوي .. فاتحيه بالموضوع ,, لأن إذا ماصحيتوه أنتم من نومه .. من راح يصحييه .. ؟؟؟!!!!!

وانتبهي انتي بعد لاتكلمينه إلا وأنتي مروقهبعد أخاف تصير هوشه ..

ولاتنسين ازين وسيله ادعي بصلاة الليل .. لأن الله يستحي ان يرد يدا عبده خاليتين .. وتذكري أن الله يمهل ولا يهمل ..



الله يفرج لك يارب ..