[اسود و ابيض]

اقتباس المشاركة الأساسية كتبها سعداف المعلم سواء كان من بريدة أو حائل من سكاكا .. لا صار أكبر همه الراتب اللي يستلمه أخر الشهر .. تضيع الطاسه ويطلع لنا جيل ما يعرف يركب فاعل ومفعول ! فرق بين المعلم اللي يشرح ليفيد ويوصل معلومة ومعلم يحاول يخلص الدرس بأسرع وقت وكل همه راتبه اللي يجيه

إن كان فيه اولياء امورينصفون من انفسهم
و يتكلمون بما يعلمون .و هذا لم نراه في كتابة المنتديات . كما ان المراهقين كثر و يكتبون كأولياء امور الله يرحم الحال ... لهذا السبب و غيره تجد الحوار مفقود ؟
هل رد أحد من الاعضاء على النقاط التي كتبها الكاتب :

1- المناهج المطوره و صياغتها الضعيفة بحيث السؤال ليس لديه المساحة الكافية لكتابة الإجابة( تراكم الاسئلة دون اعطاء الطالب مجال واسع للإجابة بحرية مطلقة) .
2- عدم وجود الوسائل التعليمية المتطورة التي تتناسب مع هذه المناهج ( كـالسبورة الذكية ، البروجكتر ، الكمبيوتر الصفي للمعلم مثل ماهو موجود في مدارس المجمعة ) .
3- عدم ترابط المواضيع مع بعضها ( تدخل في موضوع والموضوع الذي يليه مختلف عنه تماما ) .
4- قله الخبره ليست عند المعلمين فقط ولكن حتى المشرفين ( اخذت اكثر من دوره والمشرف لم يستطع ايصال المعلومه بشكل منطقي ، فقط كل اهتمامه
[ الحديث عن المطويات التي ينجزها الطالب ] والشي المضحك والذي يطلبه المشرف هو كتابه طالب أول ابتدائي الفائدة من هذا الدرس وهو لا يعرف كيف يكتب الحروف الى الان .
5- تناقض المشرف و المشرف الآخر و كذلك المدير بالأفكار و الطلبات و الأعمال المطلوبة من المعلم .
6-ضغط المعلم بالانصبه العالية و الإشراف و المناوبة و الانتظار و الريادة ، اضف الى ذلك الاعداد الهائلة للطلاب من الاسباب ايضا .
7- ( أولياء الطلاب) مشكله كبيره ضد مصلحة الطالب نفسه (اذا الواحد لمس طالب جاء ولي أمره يهدد و يتوعد ، حتى المدير يقول وش تبي تضربه اذا فهم فهم واذا ما فهم بكيفه بالطقاق ) يصيب المعلم بالإحباط .
8-الدلع المفرط للطالب بحيث كل طالب عنده آيفون وايباد وبلاك بيري وحنا على ايامنا ماخذينا الجوال الا بالكليه >>> الله يالدنيا .
9- بعض المرشدين وليس الكل لا يكتب تقرير للطالب الضعيف ولا يبحث عن الاسباب طايح سوالف مع ......... ((ويقول لا تعطي الطالب اختبار يوم السبت جاني اتصال من أهل الطالب يقول الطالب طالع بالاستراحه !!! طيب متى اعطيه اختبار وشلون فيه وقت يذاكر ؟؟؟؟ وش النظام الى اشغلتونا فيه انا اخبر الاختبارات يوم السبت علشان الخميس والجمعه نذاكر فيها انقلبت الآية ..!! )).
10-الله ياأيام الاختبارات الشهريه الدرجه من 15 فيه تنافس بين الطلاب على درجه وحده اما الحين اهم شي المهارات الاساسيه لا واذا سقط الطالب حطوو لجنه تسأل الطالب سؤال ( 1+1 كم يساوي ) سوال بايخ يعني مثل قولة نجحه اكيد يبي يصير ضعيف السنه الجايه .

لو أراد الاعضاء الخروج بنتيجة عن اسباب تردي التعليم لتمت مناقشة النقاط السابقة لكن ما حولك احد .
و إذا تبي تعرف كيف يعاني المعلمين في الفصول في ظل نظام دلع الطالب شاهد هالمقطع لأن غير المعلمين ما يشعر بالمآساة بسبب بعدة عن انظمة التعليم

[ابو حسوومي]

يا لبى قلب حايل ، والله ديره من جد

[عبدالله]

الخطأ والتقصير موجود لدى الجميع...........

وأهل حايل والنعم فيهم أهل كرم وسخاء وفزعه...........

[koo1l]

مااقول الا الله ياخارجنا دنيا مليانه من الغثا وين مارحت تلقى اليغث

[مرادي الذكريات]

بما ان هالموضوع راح يدخله معلمين اقول من تجربة معلمين ابنائي ان معلمين المناطق الثانية بعضهم اخلاق وكرم وحسن تدريس وبعضهم عاااادي وكذلك

معلمين بريدة ,السالفه ترجع لنفس الشخص مو المنطقه
واحب اوصل للمعلمين اننا مانبغى مجرد تدريس فقط نريد اثراء ابنائنا اخلاقيا وتربويا ,ودينيا ,وصراحة المعلمين الاكثر التزاما هم الاكثر تاثيرا مهما كانت مناطقيتهم....وكل التحية لبريدتنا واهلها ونطالب بعدم التهجم عليها وفي منتداها للاسف..........

[طاغي]

اقتباس المشاركة الأساسية كتبها سمو الحرف يااااااااااااااحبي لأهل الشماااال لكن تدصق أخوي طاغي إن فيه بعض من المعلمين محسوبين على أهل الشمال شوهو سمعة أهل الشمال بعدم الإنضباط والبعض الآخر والله وألف نعم معلم مخلص حريص والأعظم من ذلك كله محبوب لدى الجميع أما مسألة تدني المستوى وضعف الطلاب فالأمر يشترك فيه الوزارة والمنزل والمنهج والطالب والمعلم (( وسع صدرك على بعض الربع ))

انا ما ازكي كل المعلميين ولكن ما اهضم حقهم
بسبب القله منهم غير مخلص والتقصير ايضا من بعض معلمين القصيم الى يبي يعمر والى رايح محله وغيره اثناء الدوام..

اما اهل الشمال بالعكس يبحث عن الاداء الوظيفي ولذلك الله يسامح بعض المدراء يستغل نقطه ضعف المعلم ويمسكه اشياء فوق طاقته علشان الدرجه لانه يدري انه يبحث عن النقل

مشكور اخوي على المرور وعلى اخلاقك الرائعه

[طاغي]

اقتباس المشاركة الأساسية كتبها بريداوي 7 أنا أشتغل بحائل ،، الصراحة والنعم فيهم وحتى جيرتهم تخيل العنصريه إللي أكرها كره ، بعد ما أشتغلت بحايل ما حسيت بفرق كلنا سواى ومافيه فرق

تسلم اخوي بريداوي ، وهذا اللي نبحث عنه ان ما يكون هناك عنصرية بأي منطقة من مناطق المملكة ..

يعطيك العافية على المرور ..

[نونة]

اقتباس المشاركة الأساسية كتبها جبل شمر انا لي سبع سنوات في بريده ومبسوط الحمد لله لكن في شغلتين ماحبيتها : أولا_ العنصريه البغيضه لدرجه الملل .. والحمد لله ماهي موجوده عند أهل الشمال ..ولاغيرها من المدن .. ثانيا_ الاستعلاء على المناطق الثانيه .. هم اصحاب الكمال وكل نقص من غيرهم .. ولحد يجي يقول انت تكره اهل بريده لأن لي اصحاب اعزهم كثير من بريده ..

وأنا برضو للأسف لاحظت هالشي..
لو يتركون عنهم العنصريه والاستعلاء
كان ياملحهم بين المدن الثانيه ..

[طاغي]

اقتباس المشاركة الأساسية كتبها saleh2 مشكلة ان اللي يجي يركض ومطفي النور لابد أن يقع باللي حذر منه ! يا اخي انا اقول أن أكبر الاسباب هو تولي تدريس الابتدائية خريجين مبتدئين يعني ثاني سنة وفي وسط بريدة .. وكلهم كلية المعلمين ؟ ولاشك ان فيهم مميزين ولكن الحكم على الاغلب .. ومثل ما قريت في الردود في ذلك الموضوع أن هذا هو راي اغلب المدراء والمعلمين القدامى ! ولكن كاد المريب أن يقول خذوني ؟؟؟ وانت وقعت بالعنصرية ايضا والتعصب الغير منطقي ! يوم تقول : اهل الشمال هم اللي علموك وعلموك وعلموك التكافل الاجتماعي نعرفه قبل أن تولد على هذه الأرض بحمد الله .. ولعلمك لنا اقارب في الشمال ولكننا لاندس رؤوسنا في الرمال ! واسال اي مدرسة ابتدائية وشف منهم اكثر المتلاعبين فيها .. وشكرا لمرورك على ذلك الموضوع .

انت اتهمت خريجي كلية المعلمين و ذكرت لك الاسباب بموضوعي و لم تتعرض لها بالنقاش ، وهو صلب الموضوع ، مع ذلك بجاريك على حسب عقليتك اللي تتحدث بها::

كليات المعليين معلمين تربويين متخصصين لتدريس الابتدائي وكيفية التعامل مع صغار السن
وهو معلم فقط ...
اما الجامعي غير تربوي وليس مؤهل لتدريس الإبتدائي إلا اذا ألحق دراسة الأربع سنوات بسنة
[ الدبلوم التربوي العام ]... و المجال أيضا مفتوح لهم بالتوظيف في كل المجالات ..
وأنت حاسد خريجي كلية المعلمين بالتدريس فقط ..

من خلال إطلاعي لبعض ردودك عرفت اللي (رافع ضغطك) ليس المحصول التعليمي للطلاب لااا ...
هو ان الجامعيين الى من بريده حرام يصيرون بالقرى واهل الشمال داخل بريده و يدرسون ابتدائي بعد والله قهر..!!

كل كلمه والثانيه تقول القدامى...!!
ياالغالي القدامى من ناحية المعلومات اقل من المعلم حديث التخرج لان اغلبهم دبلومات ولا يجيد التعامل من الكمبيوتر و البروجكتر اللي مطلوبة في المناهج الجديده ، حتى لو أنت تلاحظ في الأربع السنوات الأخيره كثرة التقاعد من كبار السن لعدم مقدرتهم على مجارات المناهج الجديده .

اما بالنسبه للتعليم بشكل عام في الماضي [ كاد المعلم ان يكون رسولا ] له إحترامه و هيبته و مكانته في المجتمع وعند آباء الطلاب ، أما الآن المعلم مسكين يخاف على نفسه وسيارته و ماله حق يدافع عن نفسه الا اذ طاح بالارض واندق !!!

أما بالنسبة لقضيتك مع حديثي التخرج و أن مالهم خبره وين تبيه يدرس ؟؟؟؟؟
بالربع الخالي لين يتعلم ويصير عنده خبره بعدين يجي عندك بــ(بــريـــــده) يمكن ترضي عنه !!! .
وين يتعلم وين يكسب الخبره والمعرفه ، ولا اضحي بالمدن الثانيه عادي اهم شي بريده يجي واحد عنده خبره.

مشكور اخوي على المرور

[مقنع]

طاغي
موضوع رائع
بالنسبة لما ذكرت فأنت لم تبالغ وشاهدنا بأنفسنا الواقع
ولن أزيد على كلام الأ خوة الأعضا ء
ولكن بالنسبة للعنصرية
مع الأسف نلاحظ التفشي الفاحش لها في هذه المدينة الطيبة
و نتمنى ان نرى وعي وتغير جذري ورقي بالثقافة العامة فجميعنا أخوة في الله
قد يكون لي عودة
تقبل مروري