[صوت البحر]

والله الراجحي معاملتهم دايم سيئة وللاسف الاخلاق عندهم صفر لكن الواحد يحول حسابه لبنك اخر ابرك له مثل شركة الاتصالات اخلاقهم صفر

[متابع 9]

طريق ( حواء ) إلى الوظيفة يمر بطرق وعره لا ترحم من زحمة جدارة إلى حافز إلى البنوك . كان الله في عون أختنا العزيزة وعوضها الله خيراً ..

[رعشة شتاء]

انا اسمعهم دايمآ يسبون فرع الصفراْء

بس الاحظ بعض الاعضاء عممو

والله يافرع الموطأ انه تدخله مبتسم وتطلع مبتسم


الموظفات تعاملهم راقي راقي

وكم مره اقولهن وادعي لهن الله يوفقهن,

[أبورامي]

اقتباس المشاركة الأساسية كتبها رعشة شتاء انا اسمعهم دايمآ يسبون فرع الصفراْء بس الاحظ بعض الاعضاء عممو والله يافرع الموطأ انه تدخله مبتسم وتطلع مبتسم الموظفات تعاملهم راقي راقي وكم مره اقولهن وادعي لهن الله يوفقهن,

الشهادة لله أن تعامل الفرع النسائي بالموطأ ممتاز

[الدب الصيني]

الله يكون بالعون

...
... أنا ما الومهم .. كثر الضغط يولد الطرطعان <<<<< قصدي الإنفجار

... نصيحة لوجه الله .. متى ما احتاجوا أهلك خدمة في البنك شمممر عن ساعديك ولعيون الجواء ( فرع الراجحي هناك شقرررديه)... عشر دقائق ويقولون لكم تفضلوا شغلكم
مع السلامة


( طبعا هذا من خلال التجربة وبيض الله وجيههم ) اللي سوا لي التجديد مسؤل خدمة العملاء .. عاد يمقن تغير ما ادري .. لكن نقول جرب ... 

[اموت ببريده]

افضل فرع الموطأ نساء تعاملهم راقي
عكس فرع الريان خايس وتكبر

[عبدالله]

النظام مطلوووووووووووووووووووب.............

والظلم مرفوووووووووووووووووووووووض..........

[مجننه العالم]

السلام عليكم ورحمة الله وبركاته.

أنا حبيت اعلق على الموضوع لأنه بصراحه أنا وحده من اللي يعانون من سوء المعامله وخاصة فرع الصفرا قسم النساء بصراحه معامله جداً جداً سيئه من الموظفات ومن المديره نفسها هذا غير البطء في انجار العمل يعني تكون يا تسولف وتضحك مع زميلتها او تتكلم بالجوال ،،،،، ما ادري لحد متى هالفوضى واحتقار العالم.

ارجوا من إدارة الراجحي النظر الصارم في الموضوع ...،

وشكرا

[أوصاف]

اقتباس المشاركة الأساسية كتبها الدب الصيني الله يكون بالعون ... ... أنا ما الومهم .. كثر الضغط يولد الطرطعان <<<<< قصدي الإنفجار ... نصيحة لوجه الله .. متى ما احتاجوا أهلك خدمة في البنك شمممر عن ساعديك ولعيون الجواء ( فرع الراجحي هناك شقرررديه)... عشر دقائق ويقولون لكم تفضلوا شغلكم مع السلامة ( طبعا هذا من خلال التجربة وبيض الله وجيههم ) اللي سوا لي التجديد مسؤل خدمة العملاء .. عاد يمقن تغير ما ادري .. لكن نقول جرب ...

مايحتاج يروح لفرع ثاني،،يروح لبنك ثاني مثل بنك الإنماء افضل بكثير من الراجحي...

[ابو وليد المدينة]

بصفة عامة بنوك الراجحي تعاملهم مع العملاء سيء جدا

افضل البنوك تعاملا و رقيا هي الاهلي و البريطاني و سامبا

[دانوو]

والله ظليمتهم شينه
جيتهم قبل شهر اجدد بطاقتي قالت لي مااقدر اليوم تعالي بكرا
وماحصل اروح الا الاسبوع الماضي
احترام وادب وخلصت شغلي بكل اريحية
انتم بس شوفو العالم اللي تدب عليهم
والله اني ادعيلهن ربي يكون بعونهم
بعدين فيه ناس ماتفهم شي بالاخلاق توقف فوق راس الموظفة وتصارخ افتحي لي حساب وعطين حاااافز!!!
والموظفات لاحول لهن ولاقوة..
اللهم اهدناااا لمحاسن الاخلاق

[عالم الكمال]

والله من ناحية فرع الصفرا فعلا كل مايقال صحيح الي اشوفه اخذات الموضوع فلة و وناسة لاني كذا مره اروح و انتظر لحد ماتخلص سوالف مع زميلتها

بس مو كل الفروع فرع الشمال على النقيض تماما فيه موظفتين ماشالله قمة بالتعامل وحده اسمها رشا و الثانية هيفاء تعامل راقي و اسلوب لبق و اخلاااق يعلم الله اني ما اعرفهم و لا تربطني بهم اي صله بس الحق يقال
احسن موظفتين ببنك الراجحي

[محب الاصلاح]

لا نتشعب يا إخوان صاحب الموضوع حدد فرع

وحنا وصلنا فروع جبال الهملايا

بالنسبة لفرع الصفراء من يوم راح الجاسر الله يبيض وجهه والبنك متدهور

المدير الجديد معقد ولا يدخل ولايطلع كل شي عنده ( مانقدر ) وكل شي صعب والانظمة ماتسمح وماعندنا صلاحية .

ليتهم يرجعون الجاسر ولد قلبك قليل كلام
سريع الفهم والبديهه عليه ابتسامة خفيفه على طول يحل المشكلة بدون تعقيد

الله يذكره بالخير ليته ياصله هالكلام والله اني ادعي له الله يوفقه

 

[عبدالرحمن القصيمي]

واحد ذهب الى احد البنوك وفتح حسابات لزوجته واخواته بدون حضورهن تقول زوجته تفاجانا يوم دخل علينا معه بطاقات الصراف ولا رحنا ولا شي ولا أعطيناه وكالة وقعنا اوراقنا بالبيت ووداهن