[سهود]

الله الله الله .. الحقيقه مشروع رائع جدا لاسيما هنا في منطقة القصيم
هوايه ممتعه اتوقع انها ستخطف الضوء كثير من الدراجات الناريه

وش رايك اخوي ابوعزام نسكت الحريم بهالسيارات ههههههههههههه

[.أبو عزام.]

اهلا وسهلاومرحبا اخوي سهود
الدراجات الناريه لديها وكيل بالعربي ( ينشد به الظهر )
اما سيارات وطائرات الريموت كنترول لازالت في طور النمو
هذا ان لم تغتال

[torki]

حلو لكن السعر نار
يا أخي خفظوها خلوها من 800 إلى 500 ألى 300

بــ 4000 أشري سيارة أحسن لي
بصراحة الأسعار نار والناس مو لا قية تاكل يا أبو عزام

شكلك دخلت المشروع وتوهقت
الله يرزقك من فضلة

[ممدوح الطرس]

مشكور وما قصرت على الموضوع الرائع

[سـنـايـبـر]

اخوي ياليت توضح انت
وش اقوى نوع وايهم احسن البانزين والبطاريات والنيترو
من ناحيه الازعاج
وعندك النيتروه ذا من وين اجيبه

[.أبو عزام.]

اقتباس المشاركة الأساسية كتبها torki حلو لكن السعر نار يا أخي خفظوها خلوها من 800 إلى 500 ألى 300 بــ 4000 أشري سيارة أحسن لي بصراحة الأسعار نار والناس مو لا قية تاكل يا أبو عزام شكلك دخلت المشروع وتوهقت الله يرزقك من فضلة

ياخوي والله ثم والله مو مسالة طمع
عشان نخفظها ب 500 ومدري ايش
مادري ياخوي تحسبنا نشتريها بريالين ونبيع ب 4000
ياخي شف اسعار الشركة نفسها نار
والهوايه مرغوبه ومطلوبه عند بعض الشباب
لا تحسبنا بهالشكل بارك الله فيك
ودي قبل تتكلم ياغالي عن الاسعار تتاكد منها بالعالم كله
هل بيدينا نغير ونخفظ او لا
ثم تعال وقل لبو عزام هالكلام
وعن فكرة اني توهقت لا ابشرك بخير ومستمر بهالمشروع والرازق بالسماء
والحاسد بالارض
والصيني موجود لكن اللي ما يلقى شي ياكله لا يشري لا ب 500 ولا بغيره

سلام

[.أبو عزام.]

اقتباس المشاركة الأساسية كتبها سـنـايـبـر اخوي ياليت توضح انت وش اقوى نوع وايهم احسن البانزين والبطاريات والنيترو من ناحيه الازعاج وعندك النيتروه ذا من وين اجيبه

عشان اريحك ياغالي
ولان مابراسك شي محدد
انصحك تاخذ e revo
سيارة عصريه
للتراب وللشارع
سريعه حتى الابهار
قويه بالنفود بشكل خرافي
وارخص من الباجا

[.:[Dr.Love]:.]

ماشاء الله لاقوة إلا بالله ،

هواية جميلة ، والجميل فيها مافيها خطر خاصة على الأرواح .

الله ييسر لك أمرك ويسهل عليك طريقك .

ملاحظة : لو فيه إمكانية توصيل لمناطق المملكة أو الرياض ، أنصحك توزع موضوعك في منتديات السيارات حتى يزيد الإقبال على الهواية هذي ، والله الموفق .

[جيبوا لي نظارتي]

مايعلق المثبت ........................!!!!!!

[.أبو عزام.]

اقتباس المشاركة الأساسية كتبها .:[dr.love]:. ماشاء الله لاقوة إلا بالله ، هواية جميلة ، والجميل فيها مافيها خطر خاصة على الأرواح . الله ييسر لك أمرك ويسهل عليك طريقك . ملاحظة : لو فيه إمكانية توصيل لمناطق المملكة أو الرياض ، أنصحك توزع موضوعك في منتديات السيارات حتى يزيد الإقبال على الهواية هذي ، والله الموفق .

والاجمل منها " روحك " وسموها
ومرورك ودعواتك يا غالي
الله يجزاك الف خير ويوفقك يارب
وابشرك اوصل السيارات الى اطراف المملكة من الجنوب والشمال

شكرا جزيلاً لك

[.أبو عزام.]

اقتباس المشاركة الأساسية كتبها جيبوا لي نظارتي مايعلق المثبت ........................!!!!!!

اللاند كروز علق مو عاد باجا !!!! ^_^

من اصعب مواقف هذي الهوايه اذا علق سيرفو الدعسه
وهي داعسه بالبر
وفيها مواقف كثيره
لكن التعليق له اسباب وله علاج
الاسباب اولاً تكون بطاريات الاستجابه ضعيفه
سواً بطاريه الباجا او الريموت
او يكون السيرفو من نوعيه تجاريه
او تكون البطاريه اقوى امبير بكثير بحيث انها تعطي طاقه قويه
وتحرق السيرفو

العلاجات الوقايه من اللي ذكرتها فوق
+ تركيب كيلر سويتش
سيفتي

هذا يطفي السياره عند حدوث اي مشكله عدم استجابه
سوا البطاريه او مشكله بالسيرفوهات او مشكله بالريموت
والله يوفق الجميع  

[.أبو عزام.]

الله يجزاك خير على النصيحه
بس ترانا مانبيع 5t خير شر يمكن التبس عليك الامر من ٨ سنوات
او انك تكذب

علعموم ابقول لك معلومه
الجمرك يفتح اي كرتون وارد للسعوديه
والتاكد منه وان لزم الامر اخضاعه للمواصفات والمقاييس
وهل ممنوع او لا وبعض الاحيان يكون فيه اجتهاد بالمنع وترجع البضاعه
علعموم ياخي خلنا نكون رجال ونرتقي بطرحنا اكثر
جب لي باجا ss بكرتونها مفككه وراح اجيب لك باجا ss بكرتونها مفككه
وخلنا نسوي مقارنه
اذا تبين لي ان القطع صينيه وان الرجال يستبدل
تراها لك هديه وانا تبت لله من هذا الموضوع
لكن اذا تبين انها اصليه راح تعطيني ااباجا
وتعتزل الهوايه لان مثلك للاسف مايشرفها
وفكنا من بيعك بالفيس بوك ب ٥٢٠٠ اوك !
لاننا نبيها باقل بالف ريال ولا عزاء للحمقى

تحية

[sosoo7]

يعطيك الف عافيه وجزاك الله الف خير ع الموضوع الراااائع

[مسكين قلبي كم يعاني]

شكرا لك