[هاتريك]

اقتباس وشلون تقول الزوجة انه لم يرفض لها طلب وكل ماياتي به للبيت من ماله الخاص ، وانت تقول ان والده كان يعينه على توفير مستلزمات البيت ، وماننسى الايجار ( اذا البيت ايجار ) وفاتورة الكهرباء والجوال والتلفون ووووالخ لان المكافأة تروح هدايا ..

كلام سليم .. ههههههه وطبعاً صاحب الموضوع يبي يقنعنا بهالخيالات العاطفية أن الرجل عزيز نفس بهالتصرف وليس عالة على زوجته بينما بالواقع ومن وراها عاله على أبوه مادياً وأمه والي حوله معنوياً ( هذي موظفة وماتدفع ريال .. سلامات ) ، وحتى لو لنفرض على كلامك أن ابوه تاجر فالمفروض يرفض مكافئة العاطلين لأنه غير محتاجها طالما أنها تروح هدايا ..!!

عموماً موضوع أقل من عادي بوجهة نظري وقبل يومين سبق حاطه نفس الفكرة أن زوج مخصص 2000 لزوجته شهرياً بعد مارفضها حافز ، وأعجبني تعليق واحد لكاتب الخبر عندما قال ( المفيد بالخبر أن هنالك من يحبون اللقافة والتنشد خصوصا بين الزوجين )!!!!

[الـعـابـر]

اقتباس قديم انت اللحين خلاص صارن ذكيات بدن يشرطن باالعقد مايخذ ولاريال..

لا ماني قديم .. نعم مازال هناك من تتقاطر ....... عند قدوم زوج وخاصة من تجاوزن سن معين توافق وبدون شروط مخصصة لهذا الامر
اما هذه

اقتباس من يوم قريت صحيفه اللي ناشره الخبر وانا غاسله ايدي اجل تحرون المره مادريت الى اللحين خخخ انه مو من رجله ..

فأنا لم انقلها من الصحيفة والان علمت ان الخبر نازل بالصحيفة
وهذا شخص اعرفه معرفة حقيقة و يبدوا ان مازال بالدنيا خير فالمواقف تكون نفسها لدى كل من فيه رجولة حقيقية

[جيهان]

اقتباس المشاركة الأساسية كتبها من الجماعة لا ماني قديم .. نعم مازال هناك من تتقاطر ....... عند قدوم زوج وخاصة من تجاوزن سن معين توافق وبدون شروط مخصصة لهذا الامر اما هذه

لكن اللي اسمع ترد اللي يكون طامع باالراتب خاصه
اذا كان شاب تدري انه كل همه الراتب
مو مثل المعدد..اذا شرطت عليه عادي يصرف عليه..

اقتباس المشاركة الأساسية كتبها ❤.. Ťạġħřęęḋ حتى لو ما أخذ ولا ريال.. هو ماراح يعطيه ولا ريال.. ويجمع..وانتي تدرين وش يبي يصير ااذا جمع..

خير اجل منهو اللي يبي يكد ويصرف على البيت..؟؟
مااتوقع

اقتباس المشاركة الأساسية كتبها ونـاسه واللي ماعنده وظيفة وش يسوي ؟ أعرف وآحد (جآمعي) مآتوظف .. عرضوآ عليه نآس (قمّة في الدين والاخلاق) بنتهم صغيرة في السن تدرس بالكلّية (ملتزمة و... ) للزوآج بهآ .. والمسآعده أيضاً في التكآليف .. مآرأيكم!!

اقتباس المشاركة الأساسية كتبها ونـاسه وللعلم اخوآتها متزوجات واخوتهآ ايضاً ,.. ماقآلوآ لآزم يكون عنده روآتب ودرآهم .. يدورون السعاده لبنتهم !! والبنت بتتزوج عشآن تسآفر؟ والله غرييييب .. هذي ماذاقت عيشة والا داخله على طمع .. مب انتِ !!

وانا اعرف واعرف الكثير وتورط بعد الزواج..
وانا ماقلت شي هذا اول لكن اللحين كل شي غالي غالي
وانا تكلمت من تجارب واغلبهم اللي كذا تلقاهم عليهم ديون الى راسه
والسفر ظربت مثل فقط وانا مااتكلم عن شخصي اتكلم على العموم
خاصه بمجتمع الحريم بينهن غيره مره
ماتبي اقل الناس بكل شي
والرجل اللي يحب مرته مستحيل يخلي مرته اقل الناس بيضطر ويتسلف من ومن..
من جد الى متى على هاالحاله..؟؟
انت اخذ كل شي بساطه ناظر نظره مستقبليه..
ولايغرنك الحريم اللي تقول اهم شي القناعه وماادري ايش كله هياط باالفاضي
يكفي اذا دخلت السوق كم الفاتوره..؟؟؟
ظربت مثال باالسفر لانه كان قبل مافيه شي اسمه شهر العسل وسفريات بعد النفاس ووووووغيره عد واغلط
اللحين اذا ماسافر به قال ايه ماوفق ماادري وش دخل السفر..
اناغير مؤيده لكن هذا الواقع مع الاسف
مجتمع الحريم لواتكلم عنه شي يشيب الرأس..

[صعب المحال..]

أدام الله عليهم السعادة ..
أخي بندر حين يوفق الشخص سواء عاطل أو موظف
بزوجه ليست تطلب الشئ الذي لا فائدة منه
من الزوج ، والزوجه حين توفق بزوج يحترمها ويقدرها
حتما سيعيشون بسعادة وهناء لأن كلاهما متوافقين ،
موضوع جدا رائع ..
أشكرك عليه أخي الغالي
دمت بحفظه





،،

[متصفحة]

ماشاءالله تبارك الله
أسأل الله أن يرزقه من واسع فضلة ..

دائمًا تكون الحياة سعيدة بمرتب قليل , تزوجت ولم تكمل دراستها وهو كان يتقاضى 900 ريال شهريًا كمرتب

كانت تقول انني اعيش بجنة الدنيا وحياتي لم تطلها يد اي بنت بالعالم

بعد فترة فتح الله عليه وأغتر بالدنيا وكثر سفره مع أصدقائه , بدت تشتكي من الحال الذي تمر به

أبتعد و صار بينهما فجوة وخاصة بعد زواجه بأخرى .. لم يقدر النعيم الذي أتآآه .


أين صاحبك ممن فاق مرتبه الشهري الـ12000 ريال وينظر لحافز زوجته وينتظره أكثر منها !!

[فــ ـهـ ــد]

تظهر المراجل في كثير من المواقف وموقف صاحبك من اهمها

مشكور بندر

[ـالتُفاحة الورديّة]

الله يسخر بعضهم لبعض ويهنيهم

لكن واجب عليه يصرف على زوجته حتى لو كان ماله دخل ( ثابت ) أبداً
مُلزم أنه يصرف عليها : )

[هاتريك]

اقتباس يا تغريد من الظلم نفي الخيريه بين الناس عامه فيه رجال كثير فيهم عزه نفس لا توصف

××××××××××××××××××××××

××××××××××××××××××××

الزم الأدب في الحوارات كي لا تتعرض للتحرير والإيقاف .

[ـالتُفاحة الورديّة]

هاتريك

اقتباس حتى صاحب الموضوع لو يستحي ماجلس يسأل عن الحريم وحافز وزوجته ومن وين يكد عليك وأنتي كيف ترضين وهو ساكت

من وين لك هذا الكلام ..؟؟؟

صاحب الموضوع قال (( سُئلت )) فعل ماضي < الظاهر
ماقال سألت يعني الناس اللي سألوه موب الكاتب

وبعدين الهدايا التي قدمها الزوج لزوجته من مكافأة الجامعة وليس من برنامج حافز : )

نصيحة
أقرأ الموضوع مرةً أخرى

[هاتريك]

اقتباس ×××××××××××××××× ×××××××××××××××××××× الزم الأدب في الحوارات كي لا تتعرض للتحرير والإيقاف .

!!!!!

[تويتي 2]

لا توظف التفت يدور زوجه لان الاوله للترفيد

[عبد الرحمن33]

" "
شكراً لصاحب الموضوع
" "

[مااااجد2011]

شكرا بندر على الموضوع الجميل
بارك الله فيك

[الغائب]

:
:
( الله يكثر من امثال هالشاب )

نعم .. ذاك هو الرجل ..


شكري لك بندر ..