[ابتدائية السيوطي]

أشعر بالفرح والسعادة عندما يأتي الأطفال في الصباح ويقولون استاذ أهلي شافوا صورتي



http://www.buraydahcity.net/vb/newre...te=1&p=3431316

[ابتدائية السيوطي]

اقتباس المشاركة الأساسية كتبها اخو دريحم من أفضل أيام الدراسة للطالب او الطالبة اليوم المفتوح او اجتماع الامهات وتسليم الطالبات امام امهاتهم جوائز قيمة وجوائز حتى للام المربية للطالبة اما الروتين الممل للطلاب والطالبات دراسة وتلقين لايفيد صرحة اذا لم يكن فيه أيام للنشاط اللامنهجي مثل أيام الجنادرية داخل المدرسة او اليوم المفتوح او ملتقى الامهات وخاصة اذا صارفيه تغطية للطللاب والطالبات في الصفوف الدنيا وجتمعت العائلة تنظر الى ابنهم في حفل المدرسة عبر تغطية مصوري المدارس ويعرض عبر بريدة ستي او غيره يافرحة العائلة بفلذ كبده ينظر اليه والديه يكرم ابنهم في تلك الاحتفال الرائع والله غريبة مانطبق ايام الامهات لان في المدرسة طالبة امها متوفية ونحرم مدرسة كاملة من الاحتفال بسبب طالبة واحدة بل نحتفل ونضع للطالبة اليتيمة أكبر جائزة حتى نحسسها ان لها ام ثانية وثالثة فهاكذا علمنا ديننا وياعظم من مسح على رأس طالب أو طالبة يتيمة

[ليلة شتاء]

هو إسمه يوم مفتوووووووح يعني تجعل الطالب على راحته يفعل مايشاء يجلس يسولف
مع خويه يجلس يبيع يشوي يلعب يقرا ............يسوي اللي يبي بدون تقييد بحدود الأدب والنظام طبعا
أما مسألة الزيارات فيقوم بها رائد النشاط لمجموعة معينة من الطلاب لهم شروط خاصة كالتفوق والأدب
والنشاط المدرسي ........أما الإتيان بالمشايخ والدعاة للمدرسة فهناك شي إسمه حصة نشاط
ولا علاقة لليوم المفتوح بهم.........أرجو إنها وصلت الفكرة........فكل من هب ودب نزل موضوع
وبدااااااا يفتي بما لايعلم ............

[هاتريك]

اقتباس يتركون النشاط اللامنهجي ويجيبون شاشة وفلم وسرح .........!!!!!!!! ولاعب من احد الاندية ومفحط يكون لهم قدوة الافلام هي اساس خراب الطلاب من مخدرات وسرقة وتفحيط واذا كان قدوتهم لاعب كرة او مفحط فقل على الدنيا السلام قل أحد المشائخ المشهود له بالعلم والوقار يحدثهم عن طلبه للعلم وثني ركبتيه عند مشائخه وطرق حفظهم للقران والحيث والكتب والمتون والفقه ومنهم مشائخه ومن علم مشائخهم هكذا يكون العلم والا فلا

شوف أنا ماني جالس أسوي أوامر عليهم .. أقصد في الشاشة وغيرها .. من باب التغيير وأطرح أفكار وهم أكيد عندهم أفكار كثيرة وعلى حسب المدرسة ويومها المفتوح .. أو بالإمكان وضع صندوق اقتراحات لماذا ترغبون في هذا اليوم المفتوح ..

هه أهم شي مايكون فيه ( أكل + سفرة ) = مشروع تسمين ..

وطبعاً الشي الثاني .. ما أقصد بالمفحط أنه يجي ويعلمهم السواقة .. لا أقصد من ضمن فقرات هذا اليوم يجي أحد الملتزمين والي كان يفحط سابقاً يلقي تجاربه وبعض النصائح ، لأن هذا هو ماينقص الشباب وليس الطبخ والنفخ ..

وطبعاً يكون فيه مشائخ ومفتين ويكون متنوع .. ومافيها شي لما يكون فيه أحد اللاعبين المشهورين في الدوري السعودي فكثير من المشائخ راحو إلى اندية وألقو محاضرات ..

على العموم يكون . يوم متنوع . يستفيد منه الطالب وليس الي قاعدين يسوونه الحين جلسة سواليف ..

[هاتريك]

اقتباس أشعر بالفرح والسعادة عندما يأتي الأطفال في الصباح ويقولون استاذ أهلي شافوا صورتي http://www.buraydahcity.net/vb/newre...te=1&p=3431316

أطلعت على الموضوع وشفت .. جوائز + مسابقات + لعب كرة + حديث مع المعلمين + دروس + صورتين أكل فقط = هذا يعتبر منوع وشي كويس ، ولكن أنا أقصد في موضوعي اليوم المفتوح الي كله ( أكل × اكل ) ..

فياليت نفرق بين التنويع والي أطالب فيه وعمل أفكار جديدة وبين الي حاطين رجل على رجل وسواليف وأكل وحتى جوائز أو ميقرفون ماتشوفه هه

[هاتريك]

اقتباس هو إسمه يوم مفتوووووووح يعني تجعل الطالب على راحته يفعل مايشاء يجلس يسولف مع خويه يجلس يبيع يشوي يلعب يقرا ............يسوي اللي يبي بدون تقييد بحدود الأدب والنظام طبعا أما مسألة الزيارات فيقوم بها رائد النشاط لمجموعة معينة من الطلاب لهم شروط خاصة كالتفوق والأدب والنشاط المدرسي ........أما الإتيان بالمشايخ والدعاة للمدرسة فهناك شي إسمه حصة نشاط ولا علاقة لليوم المفتوح بهم.........أرجو إنها وصلت الفكرة........فكل من هب ودب نزل موضوع وبدااااااا يفتي بما لايعلم ............

هه أحلف أنه يوم مفتوح .. قل قسم .. ياشيخ تصدق توري أ دري ..

وحنا من اليوم نهذر وش نقول .. ندري أنه يوم مفتوح .. وندري أنه يفرق بين النشاط واليوم المفتوح .. ولكن بطريقتهم هذي صار يوم ( منغلق فقط بالأكل لاغير لايوجد تنويع لاجديد ) لم يعطو الطلاب فرصة لراحتهم وتنوع الفقرات ..

طيب خله جلسة على قولتك .. أو مثلاً لعب كورة .. أما معلمين مع طلاب أقل مايقال عنهم رجاجيل .. حاطين يوم مفتوح كله .. ( فطاير وبيتزا ومشروب غازي ) .. وتجي تقول يوم مفتووح .. تقل جواعا ..

يعني الأيام المفتوحة والترفيهية كلها ( أكل × أكل ).. مافيه أشياء ثانية ؟

طيب خلينا نشوف واحد جايب البلاي ستيشن يلعب مع خويه قدام المدرسين .. عادي .. أتحداك أنت والمدرسين يوافقون عليها ..

ههه حاطين لستة للطلاب ( أنت عليك الخبز وانت الفول وانت مدري ايش ) ويقولون يوم مفتوح ..

أنت يالخو تلعب علي ولا تلعب على نفيسك .. لو كان يوم ( مفتوح وحر على قولتك ويخلون الشباب ياخذون راحتهم ) كان شفنا الكثير من الشباب وهواياتهم ..

الي نشوفها بالاستراحات وبالشارع وبالمقاهي وبكل مكان .. ماهم حاجرينهم بسفرة فطور وجاي تقول يوم مفتوح ..

هه وبعدين أنت برايك اني اذا جبت شيخ باليوم المفتوح معناته أني تجاوزت الأنظمة والقوانين وصار يوم منغلق ؟

طيب أنا ابسوي .. مسرح .. وابعرض فيه مسرحية دينية الي يبي يجي حياه الله الي يبي يروح يبلع يروح يبلع هه .. كذا صار يوم مفتوح ولا لا ؟ صارت المسئلة حرية ولا لا .. عطو الشباب راحتهم الي يبي يروح للمسرحية الي بيدخل المسجد فيه محاضرة الي بيلعب كورة ..

ولما تنزل الصور تشوف اليوم المفتوح والطلاب على راحتهم وعلى حسب هوايته الي جالس الي يتابع محاضرة الي يشوف مسرح الي يلعب طائرة الي يلعب ورقة الي يدردش مع خويه .. نشوف تنويع ..إلخ .

أما تلزم الطلاب بيوم كله ( أكل + جلسة ) = هذا يسمى يوم منغلق ومقصور وليس مفتوح ومتنوع ..

[هاتريك]

اقتباس المعذره من صاحب الموضوع انا استشفيت فقط اننا نحب ننقد ونعيب فقط اذا اقتصرت المدرسه على المناهج تجد من يقول ابنائنا يحتاجون الى متنفس واذا اقيمت الأنشطه وجد من يعيب طيب ايش فيها اذا الطلاب استمتعوا باليوم المفتوح وتنافسوا بالطبخ واصناف الاكلات ماهيب عيب ليه احنا نبي اولادنا صحراويين هل يعيب ابنك اذا شارك زملائه بالافطار وكل طالب يتفنن بالطبق الذي يحضره فيها تغيير لروتين الدراسه على المقاعد والالفه فيما بينهم

لا مافيها شي بالعكس جميل وهذا يدعم .. ولكن لو أبنك وديتيه للملاهي وجلس معكم يالحريم يحلي بعدين ياكل مكسرات ومن ثم يدخل بالعشاء واخيراً يشرب عصائر وهو بمكانه ماتتحرك .. أنتي وهو ولدك ماتصفقينه بكف وتقولين رح العب يكفي ..

حنا مانقول لاياكلون ولا لايحطون يوم مفتوح .. نقول حطو أيام مفتوحة ولكن .. نوعوا .. يعني نبي نشوف اذا نزلت الصور طلاب متواجدين يلعبون كورة .. وطلاب يلعبون طائرة .. وطلاب بالطابور يسمعون لمحاضرة .. وطلاب في قسم الفنية عندهم هواية الرسم .. وطلاب في المسرح يشاهدون فيلم .. وطلاب بقسم الحاسب يتصفحون الأنترنت ..........إلخ .. كذا يصبح متنوع ومشوق ويليق بأفكارهم كشباب وايضاً مفتوح وليس مقيد وحتى لو تجلس تاكل هه ترى عادي ..

المقصد في الموضوع أن لايكون منغلق بالأكل ويوم ممل ويتسبب بالغياب للطلاب بل يكون متنوع ليتحمسو شوقاً للحضور ويزيد من أكتشاف المواهب ومزاولتها ..

اقتباس واما بالنسبه لمجالس الامهات اولاً في البطاقة الدعوة تكون لولية الامر دون تحديد يعني الام ومن ينوب عنها والشيء الاخر هناك امور تحدث بيننا تجرح مشاعر من فقدت والدتها او والدها نجدها من الكبير قبل الصغر فياحبذا تنظرون الى مايقدم في المدارس بعين الرضى لأننا اكثرناالاسأة الى هذا الصرح حتى افقدناه هيبته واحترامه من قبل الاهل قبل الابناء وياحبذا لو حدد كل شخص مايريد وفكر قبل ان يكتب على الملأ واستشعر ان كل ماتخطه يداه مسؤولاً عنه غداً وعذراً على الاطاله

طبعاً فكرة يوم ( الأمهات ) هذي مستحيل أقبل النقاش فيها أبداً لأني على يقين أنها خطاً فادح أن يكون اليوم بهذا الأسم .. فياليت أن يتم تغييره إلى مسمى آخر ..

أما ماذكرتي من مواقف قد تحدث نعم قد تحدث ويقبلونها الطالبات ولكن من الصعوبة جداً جداً أن يكون هذا الموقف من المدرسة التي تعلمها ..

فتخيلي لاسمح الله حضور طفلة .. بيوم الأمهات .. متوفية والدتها وهي تشاهد زميلاتها كل وحدة متمسكة بوالدتها .. أنا متيقن أنك ستأتين وتمسكي بيدها لألى تكون وحيدة .. وهذه إذا كانت واحدة كيف إن كانو عشرات هل ستمسك كل معلمة يد واحدة ربما لايكفي .. فهذا الشعور صعب جداً ولايحس فيه إلا فاقد ..

ثم ليس من الممكن أن تكون والدتها متوفية ربما عاجزة أو مطلقة أو ماشابه ذلك ..

ولكن هل تعلمين أن هنالك دراسات لإدخال ذوي الاحتياجات الخاصة بالمدارس العادية كي تزول هذه النظرة لهم بالشارع ويكون بينهم توادد ومحبة ، وأن لايفرقون بين السليم وذوي الاحتياجات الخاصة ..

وأنتم بهذه الطريقة وهذا اليوم تصنعون التفرقة من أجل هدف من الممكن أن يكون له بدائل ..

وبعيداً عن طريقة دعوتكم هل تعلمون عن والدتها أو لاتعلمون .. مالهدف منها إذا كان توصيل أهتمام للوالدة فهنالك وسائل عديدة لذلك من الممكن أن تغيرو مسمى هذا اليوم ..

[مروه]

انا اوافقك اخي جدا جدا
اليوم المفتوح ارزاق تكبب بالزبايل و كلن شبعان
والا حيوانات يستاثمون بالبزران اللي يشرونهن
وبنات الوقت مرضننا يبن شي غريب مايرضن بحلويات وشي معقول
وليت اذا طلع صور تشوف عيالك ولدي له اربع سنين كل يوم مفتوح مايطلعونه مع انه يروح حتى يصور ويقول الاستاذ اخذ لي صور كثار ومع ذلك مايطلع ابي حتى يفرح اذا شاف نفسه وهالمره قال للاستاذ ابيك تطلعني واخرته ماطلعه
وبيوم الامهات انواع النقد من المديره والمرشده بناتكم حطن وبناتكم سون ولا تقول بخطابه البعض بل انه تعمم يعني كل البنات مايتنظفن وبهن قمل وكسلانات ويردن ويتاخرن
اكره شي يوم الامهات (الحمدلله بناتي نظاف ومتفوقات )لكن كل الامهات اللي كانن عندي بس يهاوشن وحمقات عليهن مع ان كل البنات وش حليلهن مرتبات واشكالهن حلوه ومرتبات يعد بالاصابع غير ذلك
يعني الام تبي تستانس ببناته مهب نقد ويالله قضيناااا
نااااااااااااااااااسف على الاطاله
ادرررري جبت حااااصلي

[مروه]

ولا يفوتك حفل التخرج هذا موديل جديد طاحو به
بنات بالروضه يالله جيبو عبايات تخرج
ومن سادس عبايات تخرج وغيرررررره
حاااامت اتسبودنا من هالسالفه بكل مجلس
منول تخرج وعبايات اذا تخرج من الجامعه هذي تستااااااهل

[شعب فاضي]

صادق اخي كلام جميل بارك الله فيك

[شعب فاضي]

ياخي اليوم المفتوح الثلاثاء كسل الي يحرج على بط وحمام بمدرسه القيروان

[انفال قيس]

نحترم وجهة نظرك لكن للاسف وجهة نظر خاطئه
يوجد يوم للخروج والفائده ويوجد يوم للمحاظرات ويوجد ايام للانشطه
فما المانع من اليوم المفتوح هل هو معصيه ام كارثه
ومهما كبر ابن ادم يضل صغير
الرغبه في الاكل الكل يحتاجه فما رايك بـَ الاكل الجماعي خير وبركه

اما يوم الامهات فلا شك انه يوم اساسي
لتسأل الام عن ابنتها
وتتعرف على زميلاتها وتختلط ببيت ابنتها الثاني
فلا تفسد فرحت مائه طالبه لخاطر سبع او خمس طالبات لاتوجد لديهن ام
وليس عذر عدم وجود الام لوجود البديل اختها الكبر او خالتها او جدتها او عمتها

وجهة نظري صواب تحتمل الخطا و وجهة نظرك خطأ تحتمل الصواب

والسلام عليكم

[اخو دريحم]

شاهد الاحتفال على اصولة وفي وسط المدرسة تحياتي لك ابا عبدالله على هذا النشاط

علما انه يوم في السنة ......!!!!!!

http://www.buraydahcity.net/vb/showthread.php?t=138883

نحر الجزور فرحة لن ننساها أبد الدهور " اليوم المفتوح بمدرسة القدس الابتدائية ببريدة

بسم الله الرحمن الرحيم

إعداد
أحمد بن صالح السلامة

استمرارا لتميزها التربوي والتعليمي على مستوى مدارس منطقة القصيم نظمت مدرسة القدس الابتدائية بمدينة بريدة يوما مفتوحا مبهرا لطلاب المدرسة بحضور أولياء أمور الطلبة وعددا المشرفين التربويين حيث جاء برنامج اليوم المفتوح محققا للأهداف التربوية واشتمل على ألعاب رياضية وترفيهية ومسابقات وفي بادرة رائعة من إدارة المدرسة فقد تم الاعتماد على الطلاب لقيادة أغلب البرامج لخلق الثقة داخل نفوسهم وتعليمهم مهارات القيادة كما سجلت المدرسة سبقا ايجابيا رائعا عندما حولت ساحات المدرسة للبيئة البرية لتعويد الطلاب على التعايش مع كافة الأمور في فصل الشتاء وخاصة في البر وتتويجا لتميز الطلاب فقد قدمت المدرسة (جزورا) تم ذبحه بعد أن مهدت إدارة المدرسة لذلك عبر شرح كامل عن طرق عمل وجبة الغداء بمشاركة المعلمين الذين يعتبرون من أروع النماذج الإدارية بالمنطقة .

مدير المدرسة المربي الفاضل عبدالله بن محمد الفوزان قدم شكره العميق لكل المساهمين في إنجاح اليوم المفتوح ووزع الجوائز على الفائزين والمتميزين في ختام الاحتفالية ..

(عاجل) والتي ترصد روعة مخرجات المدرسة تربويا وتعليميا تشكر الاستاذ أحمد بن صالح السلامة مشرف التوعية الإسلامية بالمدرسة والذي زودنا بالمعلومات والصور اللازمة للتغطية

نترككم مع الصور

إنزال الحاشي.

صورة جماعية

مشاركة طريفة من أحد أولياء الأمور

عملية النحر

عملية السلخ

إعداد وجبة الغداء

طاولة الفاكهة المفتوحة

لن ننساك ياغزة

تضامننا مع الشعب الفلسطيني

مسابقة الخطابة

مسابقة ثقافية

جلسة المشرف المنسق سليمان العجلان ومدير المدرسة عبدالله الفوزان حول النار

جلسة المعلمين على النار

جلسة الطلاب حول النار

المباراة النهائية على الكأس

تناول وجبة الغداء للطلاب

تناول وجبة الغداء للمعلمين

نرجوا أن تكونوا قد قضيتم معنا وقتا ممتعا الشكر كل الشكر لمن ساهم في إنجاح هذا الحفل المتميز

وبحفظ الله ورعايته

أحمد السلامة

[زعيمة الشوق]

بارك الله فيكـ

كلام سليم 100%