[حلمي شموخ]

كنت اتمنى هذه الشكوى منذ مبطي اقسم بالله لا رقابة ولا ذمة موظفة واحدة بس للمعاملات ويوم قلنا للمديرة ( ورا مابه الاوحدة ) قالت لنا بنترة : ( مافيه الاوحدة ) وياليته الموظفة ذي تنفع يعني حريم كبار بالسن بيخلصن معاملاتهن وهي تكلم وساحبتن عليهن وتنفخ تقل دافعتن لنا من قروشه ، ةالفرع صغير قوه ومافيه الاكراسي شويات ولا دورات مياه ولا شئ يخدم المراجع مع الاسف

[حلمي شموخ]

اقتباس المشاركة الأساسية كتبها نبضة خفوق يالله ياحرام .. معقولة هذا صاير في بلادنا والله مشكلة و أزمة صراحة ماتلاحظين ان الموضوع ماله اي داعي والوصف مبالغ فيه ...؟؟!! والله ماحاسنا في بريدة الا هالاشكال هذي ومواضيع ماله اي لزمة ....

يا اخي لاتنطق بشئ لا تعلمه ، عندما تزور بنك الراجحي وتتذوق ما جرعناه ستعلم كيف قُهرنا

[غرب بريدة]

نورة قولي اسم الفرع عادي خربانه خربانه.....................................اللحين مافية شئ يخفى

[شمموخ]

غريبه زحمه حافز الى اللحين
وانتي لك الخيارات محد مجبرك بالراجحي عن نفسي شفتهن بالكليه علساس بيسون دعايه ((ليتهم من حجهم سالمين )) مايعرفن بالاحترام شي
وموظفات بنك الاهلي>>روحي ماراح تندمين

[سحاية خير]

صــآآدقيـن هـم أسـلوبـك صرآآحـه ..... مآآدري
بس تشبيه قبة رشيد مآدري يش جد ه !!!!!!!!!!!!!!

قـل خيراً أو أصمت

بـعذرهم بتس

[متصفحة]

نقلتي معاناة العملاء ولم تنقلي معاناة الموظفات

حتى وإن كانت تستلم 10000 ريال هذا من حقها و نظير جهدها

ولنحسب من جهتها هي فهي تحظر عند الساعة الثامنة وتبدأ العمل تخليص لعمل لم ينتهي من الأمس

و عمل لمراجعات لآيعرفن الكتابة والقراءة .. ليتها حينما أتت أصطحبت معها احد بناتها بل اكتفت بنفسها

وعلى مرأى من عيني ولن أقول يقال لي بنات بالكلية تاتي تجديد حساب لها لآتعرف كيف كان توقيعها في تلك الفترة

هل يعقل إنسان متعلم ينسى كيف كان توقيعه !!


ثم مالذي جرّ خطاك للراجحي ألا يوجد بنك غيره !!

[بنت بلادن]

اقتباس المشاركة الأساسية كتبها نبضة خفوق يالله ياحرام .. معقولة هذا صاير في بلادنا والله مشكلة و أزمة صراحة ماتلاحظين ان الموضوع ماله اي داعي والوصف مبالغ فيه ...؟؟!! والله ماحاسنا في بريدة الا هالاشكال هذي ومواضيع ماله اي لزمة ....

الا ماله اي داعي تواجد أمثالكم هنا ،

في بلادك اكبر من ذلك وانتم تعرفون ولكن لكم هدف من تسفيه ماكتب بيد لامست

واقع مرير

[(فزة خفوق)]

الصراحه كلامك فعلا من الواقع
ولايهمك اللي يناقشونك باسلوبك
هم بمنتدانا كثير يدورون الزله خطأ املائي خطأ مطبعي
اسلوبك ,, اي شي !
اهم شي يخالفونك بنقطه اذا كلامك صح
ماعليك منهم ’’
المهم : فعلا البنوك مافيها دوراه مياه للعملاء
ولا ماء .. ولا مصلى ’’
بغض النظر عن المعامله سيئه او جيده ,, الخدمات مطلوبه

[بنت بلادن]

اقتباس المشاركة الأساسية كتبها حسرة اللي ايده بالنار موب مثل اللي ايده بالماء امي به سكر وراحت يم الراجحي وتروح للموظفة وتوريه ورقة قالت خلاص اجلسي لمان يجي دورك وامي كانت صايمة وتعابنه لكن مضطره تنتظر وخلته حوالي اربع ساعات ويوم جاء دور امي قالت لها موب هذي الورقة المطلوبة قالت لها امي الله يصلحك انا وريتك اياه اول ما دخلت قالت خلاص موب هذي الورقة وتطلع امي الصراحة انا انقهرت منه حسبي الله ونعم الوكيل على ناسن ما تخاف ربه وحتى مراسلة تشكي من تعامل الموظفات اغلبهن شايفات انفسهن استغفر الله هيه انتي يا موظفة اللي حطك بالمنصب هذا يقدر ينزعه منك انه ولي ذلك والقادر عليه

أغلبنا أأخذ مقلب بمناصب الموظفات ! والله ان اغلبهن يشفقن على حافز '

اجل عجوز كبر جدتها تتشحذهن عشان دورة مياه ومن طاولة الطاولة كل وحدة

تحولها على الثانية هاذي ام الجميع وأين أنتن ومبادئ الدين ؟

لا وشيخة الغفر مديرتهن تقول خاااااص بالموظفات يا خالة ! كيف أقدرت تقولها

وهي جالسة تشرب قهوة الضحى ؟ والله العظيم لو بشار الكلب سواها ابعجوز

سورية كان فزعتوا مع عجوزهم ؟ بس حنا كذا أنخلة عوووووجا خيرنا الغيرنا !

أختي اشكر تواجدكي ونبض قلمك وقولي لامك أتسلم عليك وحده من بناته اسمها

نوره '

[العضو المميز]

سبحان الله بعض الردود غريبه ....الحين انت رجل بعمرك ما دخلت فرع نسائي ولاتدري وش فيه ؟
وبعدين الاخت صادقه قبة رشيد زحمه ولا ترتيب

[بنت بلادن]

اقتباس المشاركة الأساسية كتبها lana443 سلممت يداك ي لغاليـــه علئ هالموضوع الجمييل والاكثر من رائع

الرائع هو حديثنا عن الحقيقة التي يغالطها من في بطنه كعكة متعفنة

فهو معارض عميل له باع يحسبه طويل وهو للقصر أدنى

اشكر تواجدك في الموضوع سلمت يد همست وسط ضجيج

[الفجــــــــر]

حضرت الموقف حال المرأة الكبيرة يضيق الصدر
والله اني انحشرت يوم شفته تطلب دورة المياه عيب عليهن
وش يصير لو دخلوها الانتظار بالبنك ساعات لازم تحتاج دورة المياه
ولا تنسين فرع السوق قمة بقلة الادب يشوفن الناس بطرف عين
رحت له الساعه اربع العصر ورفضت تمشي طلبي
لاني جايه الساعه اربع وش دخلك اجي بلي ابي اهم شيء ماجيت بعد انتهاء الدوام مقهوره
وطلبي بسيط بدقائق تخلصه بس من الحسد تقول لا انتي داخله للبنك الساعه اربع
وش دخلك
والناس جالسه على الارض ؟؟؟!!

[بنت بلادن]

اقتباس المشاركة الأساسية كتبها حلمي شموخ كنت اتمنى هذه الشكوى منذ مبطي اقسم بالله لا رقابة ولا ذمة موظفة واحدة بس للمعاملات ويوم قلنا للمديرة ( ورا مابه الاوحدة ) قالت لنا بنترة : ( مافيه الاوحدة ) وياليته الموظفة ذي تنفع يعني حريم كبار بالسن بيخلصن معاملاتهن وهي تكلم وساحبتن عليهن وتنفخ تقل دافعتن لنا من قروشه ، ةالفرع صغير قوه ومافيه الاكراسي شويات ولا دورات مياه ولا شئ يخدم المراجع مع الاسف

يعلم الله اننا مضطرين لما كتب

نكاية عن قل التجاوب مع العملاء يستخفون بامهاتنا ؟ الا الأمهات ما أرضاها لهن

والله لو شفتوا وضع العجوز قسم بالله ان تقولوا ما قلت واكثر يعني وش اتسوي ؟

فكرنا أنا وبعض المتواجدات أخذها للشارع طلبا لدورة مياة ، لكن وجدناها صعبة

عليها انسحبها في الشارع ،


أختي بورك تواجدك الطيب وكلمة الصدق ووصف الحال

دمتي بحفظ من الله

[الفجــــــــر]

اقتباس المشاركة الأساسية كتبها متصفحة نقلتي معاناة العملاء ولم تنقلي معاناة الموظفات حتى وإن كانت تستلم 10000 ريال هذا من حقها و نظير جهدها ولنحسب من جهتها هي فهي تحظر عند الساعة الثامنة وتبدأ العمل تخليص لعمل لم ينتهي من الأمس و عمل لمراجعات لآيعرفن الكتابة والقراءة .. ليتها حينما أتت أصطحبت معها احد بناتها بل اكتفت بنفسها

ماجت لسواد عيونا هذا شغله ما اعجبه كم ناس يتمنون مكانه