[تميمي عنقري]

ياذكرى قولي لخويتك غصب عليهم يعطونها اجازه تدرين ليه تسمى هذي اصابة عمل وغصب على فرص خشومهم ولا تروح لم مكتب العمل وتقولهم والمعروف ان الاصابة العمل يعطونها اجازه وماهو من رصيدها خلها تشتكي بس وش هالخرابيط اجل يومين ومانين عليها

[العبسي2009]

يجماعه انا اختي راحت لهم ع شان التووضيف قالو حياك الراتب كذا وكذا والمهم مسمى الوضيفه فنية تغليف ويوم باشرة تلقى هالمصريه قالت مافيه فنية تغليف عندنا سلخ دجاج مثلك يومن بالبيت نصب +نصب الله لايوفق الضالم ويستغلون اسمها ويكتوبن لها دوره وتنحرم من حافز وهي ماداومت ولا دقيقه لكن بذمة الراحجي يوم القيامه

[الشماليه]

احسن يجلسن بالبيت
تشتغل بمصلخ دجاج

[ام ندوري]

اقتباس المشاركة الأساسية كتبها بنت بلادن بالله عليكم هاذي معاناة ؟؟؟ طاحت , كل الموظفات والموظفين بأي قطاع يطيحون ؟؟ ولاتنسون فئة ( المعلمات ) يطلعن للدور الثالث والرابع وهـن حــوامل ماأحد حس بمعانتهن ؟؟؟ ولاتحصل لهن إجازة لامرضية الا بالتي وأختها ؟؟ والأضطرارية خمس أيام بالعام مساواة بالرجل ؟؟؟ وبعدين المحتاجة للعمل ماتسدح وتبطح بمستشفى الحبيب وغيره ؟؟ تروح لمستشفى الحكومة وتحمد ربها على العافية وبدل مايلهف الحبيب أفلوسها ,, تلهفهن هي وتحمد ربها ! قالت الحبيب هه ؟ عيت تدخل مزاجي ( معاناة والحبيب ومسلخ )؟؟ كل مفردة أبشع من أختها ؟؟ لا ومحتاجه لاتفوتكم ؟؟ أجل المحتاجين بالسعودية يتعالجون عند الحبيب ؟؟؟ آآخرنكته !

هداك الله اختي ماتوظفت الوظيفه إلا إنه محتاجته وبعدين الدنيا دواره الله لايحجينا إلا لوجه

[سليمان ابوراكان]

:

eek: ماشفتو شي
الخافي اعظم لا وبعد مبسوطين يوم سمعتو فيه توظيف الله يرحم الحال

[غرب بريدة]

الشكوى الله الحاجة تخلي البنات يشتغلن بشركات فاشلة تهظم حقوقهن ولا ترحم ........
الله يشفيها ويرزقها وظيفه احسن منها وكل لبنات

[ذكرى مطر]

أشكر جميع الآعضآء اللي ردو ..
الله يوفقكم ولآيريكم مكروه في عزيز لديكم ..


بإستثنآء الآخ [ يوسف 2000 ]

والآخت [ بنت لآدن ]

أنآ مشغوله حآلياً أرد عليكم لآحقاً ..

[بنت القيصر]

الله يشفيها ويعافيها ...

أما الأخت الي تقول : رايحة للحبيب وليه ؟ أقولها : يمكن مالقت التشخيص الزين إلا عندهم ..وإذا

أنتي من بريدة ترى ما تخفى عليك مستشفياتنا ومواعيدها وقلة إهتمامهم ..

يا إختي الصحة غالية عسانا ما نفقدها ..والناس تبيع أملاكها في سبيل علاجها

[الفجر الباسم قادم]

السلام عليكم على ماأ ظن ان فيه اختلاط بناء على ان أحد الا خوات تركته لله لما رأت دخول المشرفين فيه بدون تحفظ والبنات لابسين بناطيل وحجابهم فقط نقاب الله المستعان ولا أدري وين الدين وغيرة الأهل لما البنت تترك بالمستشفيات والاستقبال وغيرها متعطره متمنكره متكحله من أجل الدرهم وضيعت الدين والله لن تجد البركة بمالها لاهي ولا أهلها بل ستصرف راتبها على صحتها وستشقى كثيرا ،، ومن يتق الله يجعل له مخرجا ويزقه من حيث لا يحتسب،،

[ذكرى مطر]

اقتباس المشاركة الأساسية كتبها يوسف 2000 العمل ليس عيبا ... وهي المخطئة على نفسها ولادخل للوطنية بما حصل لها ويكفي انهم اسعفوها واعطوها اجازة يومين لأنها هي المهمله بنفسها وخطأ بشري منها هي ... الي مايبي الشغل يتعذر ويتحجج بأي حجة ومن يطلب الرزق الحلال ويراعي الله في عمله يوفقه الله ويرزقه على قدر نيته .

من قال إن العمل عيب

العيب والحرآم " هضم حقوق الآخرين "

والوطنية لهآ دخل ونص ,, مآ آسعفوها بس شآلوهآ يوم طآحت ..... هذآ إسعاف !!
واليومين وش يسسسوون ؟؟

وبالنسبه للجملة هذي " اللي مآيبي الشغل يعتذر ....... " الله يعين على بعض هالردود ,, أنآ ودي آدري وش يستفيد الوآحد إذآ رد على آحد وقآل تكذب آو ... آو ... آو ...
(( إلآ إذآ كآن له مصلحه من ورآ هالرد ))

[ذكرى مطر]

اقتباس المشاركة الأساسية كتبها بنت بلادن بالله عليكم هاذي معاناة ؟؟؟ طاحت , كل الموظفات والموظفين بأي قطاع يطيحون ؟؟ ولاتنسون فئة ( المعلمات ) يطلعن للدور الثالث والرابع وهـن حــوامل ماأحد حس بمعانتهن ؟؟؟ ولاتحصل لهن إجازة لامرضية الا بالتي وأختها ؟؟ والأضطرارية خمس أيام بالعام مساواة بالرجل ؟؟؟ وبعدين المحتاجة للعمل ماتسدح وتبطح بمستشفى الحبيب وغيره ؟؟ تروح لمستشفى الحكومة وتحمد ربها على العافية وبدل مايلهف الحبيب أفلوسها ,, تلهفهن هي وتحمد ربها ! قالت الحبيب هه ؟ عيت تدخل مزاجي ( معاناة والحبيب ومسلخ )؟؟ كل مفردة أبشع من أختها ؟؟ لا ومحتاجه لاتفوتكم ؟؟ أجل المحتاجين بالسعودية يتعالجون عند الحبيب ؟؟؟ آآخرنكته !

الآخت " بنت القيصر "

قآلت مختصر اللي آنآ بقولك



جزآهآ الله خير ,, وعسآه بموآزين آعمآلهآ

ووفقهآ دنيآ وآخره

[ذكرى مطر]

اقتباس المشاركة الأساسية كتبها الفجر الباسم قادم السلام عليكم على ماأ ظن ان فيه اختلاط بناء على ان أحد الا خوات تركته لله لما رأت دخول المشرفين فيه بدون تحفظ والبنات لابسين بناطيل وحجابهم فقط نقاب الله المستعان ولا أدري وين الدين وغيرة الأهل لما البنت تترك بالمستشفيات والاستقبال وغيرها متعطره متمنكره متكحله من أجل الدرهم وضيعت الدين والله لن تجد البركة بمالها لاهي ولا أهلها بل ستصرف راتبها على صحتها وستشقى كثيرا ،، ومن يتق الله يجعل له مخرجا ويزقه من حيث لا يحتسب،،

صحيح إختلآط وفوضى من آغلب الموظفآت وحتى المشرفآت بعضهن مكيآج وعطر ويتلزقن بالرجآل إذآ دخلوآ !!

بس اللي تبي الستر تلبس بآلطو طويل وفضفآض ولآ تحط زينه آبد !!

مصآنع الوطنية مثلهآ مثل المستشفيآت والممرضآت والممرضين والآطبآء (( إختلآط ))
واللي تبي الستر تقدر

(( وأنآ معك الآفضل ترك مثل هالوظآيف ))

[أمة الرحمن]

الله يعينهن ( موظفات الوطنية) ...

أنا مسميتها جوانتانامو القصيم .

[يوسف الخالدي]

انا سمعت عن طبيعة عمل الموظفات في الوطنية .ساعات العمل طويلة مرهقه ورواتب متدنيه مقارنة بضغط العمل وبعده عن بريده ..
لاسيما ان المرأة تختلف عن الرجل في مقدار التحمّـــل ..
زد على ذلك محاربة (بعض) الاجانب المتنفذين للسعوديين والسعوديات بالشركه ومحاولة تطفيشهم كما ذكر لي احد العاملين هناك .
والله ان الواحده لولا ظروفها المادية الصعبة لما قبلت بهذا العمل المرهق وذو الراتب القليل ..وبعضهن هن العائل الوحيد لإسرهن .
.كان الله في عونهن ورزقهن بوظائف افضل من هذه الوظائف المتعبة والبعيده ..

اخيراً شفى الله زميلتك شفاءً عاجلاً ..
وشكراً لك وجزاك الله خيراً اختي ذكرى مطر على هذة اللفته الجميلة تجاة زميلتك ونقل معاناتها .. ..