[صوت البحر]

اقول لو يسكر الي في بريدة كان ابرك لنا من زينة شركة يهودية يازين هرفي والبيك جاي

[بن دحم]

.


هناك خلط بالموضوع .

الشركة تجارية ولايمكن إجبارها بافتتاح فرع إضافي . ولاأرى تميزاً لو افتتحت ببريدة عشرين فرع .

شوارع المحافظة العزيزة عنيزة واسعة لأن إدارة الطرق تتولى تنفيذها بحكم عنصرية إدارة النقل بالقصيم . ( وعليهم بالعافية ) لكن لايسرقون مشاريعنا أو يأخرونها كما حدث بطريق الملك فهد اللي تأخر 25 سنة وآخرتها بدون عقد إضاءة وكأننا في الصومال .

موبايلي ليس لأن البلدية هناك منحتهم أرض أو مثل هالسوالف . فتّش عن الأسماء التي تدير الشركة في السعودية وستعرف . وماينطبق على موبايلي ينطبق على بنك البلاد فالذي يملك الأسهم الأعلى في البنك من محافظتنا العزيزة وبالتالي وضع مركزه ( بكل جهل ) هناك . وأقول ( بكل جهل ) لأن لاتميز يمكن أن تتحصل عليه المحافظة فستبقى بريدة الأكثر فروعاً وتعاملاً والأكثر عملاءاً والبنك ( مجبر ) يومياً على إحضار شيكاته عبر مندوبه لبريدة لأن البنك المركزي فيها ( مؤسسة النقد ) .

غاية ما أود قوله البيك أو ماكدونالد أو حتى البحار ليست علامة تميّز أو مفاضلة وليتهم ينقلون الفرع اليتيم الذي يوجد في الإشارة الخماسية لأي محافظة بالقصيم في عنيزة أو غيرها فبريدة مليئة بأماكن الأكلات الفاخرة والمطاعم الفخمة والأكيد أن المحافظات ستعتبر افتتاح أي شيء فيها يعتبر إنجازاً وهي خطوة تخطتها بريدة منذ عشرات السنين .


عبارة عندنا وعندهم كانت أيام الصقعاء وطلعة الحبلين حيث آخر ماتشاهده في بريدة شمالاً ( جفر الحمد ) مقر البلدية الآن . لكن في العقود الأخيرة ومع توسع بريدة وتحولها لمدينة كبرى أصبحت ( عندنا وعندهم ) شيء من التاريخ فتركناها لأصحاب المحافظات الصغيرة حول مدينتنا فأرجو أن نحترم وضع المدينة فلا نقلل من عباراتنا تجاهها باسم الحماس والحب .

شكراً لصاحب الموضوع .

.

[O X Y G E N]

اقتباس بكل صراحه المفروض يتم أفتتاح فرع ثاني اجبارياً .. لانه مكانه يسبب زحمه للشارع لكن لو اطلعت من مستفيد من تأجير الارض ، هي الامانه يعني اذا استبدل مكانه راح ياخذ قطعه ارض اخرى .. لو تمت مقاطعته لمده و اخبارهم ان السبب الازدحام و عدم وجود فرع آخر راح نخرج نتيجه ام لآ ؟

قووة زحمة .. مادري وين عيون المسؤولين عنه .. يعني ماتشوف الواحد ينطق ساعتين .. عشان يوصل الطلب ..

أعتقد أن المقاطعة هي الحل الأمثل كما قلت ..

[O X Y G E N]

اقتباس هو من زمان رافع ضغطنا بهالفرع الي مسوي لنا زحمه ويجي يكملها يفتح بمحافظه صغيره !!!!! المفروض مقاطعه تامه له وخل الي مخططين له ينفعونه ع ماعتقد 3 فرع يدخله مبيعات بعد فرع بالرياض وثم حائل هو فرررعنا فرع مدينة بريده اتمنى المقاطعه وماكثر الله الا هالمطاعم

الغريب بالموضوع .. اللامبالاة .. مع أني أعرف كثير طالبو وكتبو مواضيع وتواصلو مع ادارة المطعم ولكن دون جدوى .. والي أنا أعرفه أن المطاعم تبحث عن الاستثمار والي واضح لعيون الجميع هو أن الإستثمار هنا ببريدة ولكن وين عيونهم !!!!!!

[ابو عقيل القصيم]

انتم ما تدرون وش السالفه تراكم
السالفه وما فيها ان اغلب موضفين البلديات في بريده ملاك مطاعم
يعني بلعقل تبيهم يفتحون فرع ثاني ماك يخاف يطيح سوقهم خلوكم مفتحين
وخلو المسؤليين تنهب وتسرق على راحته لا تزعجون احد وتفتحون عليهم ملفات مسكره
مدام هيئة الفساد نايمه على اذانه ولا تابعت الملفات الي مثل كذاا
قولو يخلف الله بس

[أبو بسام 99]

عنيزة بيئة خصبة للاستثمارات لأن المسئولين هناك عندهم مرونة في التعامل لكن اذا جيت عندنا تلقى انواع الاهمال وخيانة عظيمة للمسئولية لكن نريد رجال في المناصب لا نريد خونة ومثبطين

[فارس بريدهـ]

شكله معطينه ارض مجانا كعادتهم
ماكثر الله الا المطاعم

[همـس الرحيـل]

ما أدري وش يميز ماكگ عن المطاعم الثانية
تقل ما ببريده غيره على الزحمممة
والي يقهر شوي الظهر والله ياهم رايقييين يطلبون :s
والسرى وأصل الإشاره الثانية المطعم الوحيد الي عليه هالزحمة
مادري وش السر فيه :s

يعني الحين لوقفوا شوي ينتظروننا فزعوا الدنيا بس وقفهم بماك وشف الصبر على أصوله :s

يالبى كودو بسس ()

[O X Y G E N]

اقتباس طبعآ وبـ ختصـار بلديـَة عنيـزه تسعى لـ رفع مستواها بـ شتى الطرق ولو تلاحظون ان الفتره الي راحت نزلت مشاريع للشركات الكبرى ومن ضمنها موبايلي ك ارض مجانيـة لمدة خمس سنوات وبناء على حسابها الخاص .. وليس لديهم اي حقـد او حسـد مثل الي يصير عندنـا .. وانا بـ صرآحـَه فخور بـ بلدية مثلهـاا .. لكن لو يزول الحسد والحقد الي بـ انفس بعضنآ لا صآرت بريـدة فوق الكل .. لكن الخوف تقلب بريـدة من مدينة الى محآفظـَـه ..!!! ( اتمنى الوقوف من الشباب لـ مقآطعة مطعم مآك فتـرة بسيطـَه لـ يعرفون ان الله حق ) والله يستـــر

المقاطعة هل هي أحد الحلول .. ربما .. ولكن لا أظن مع هذه المطاعم لم ولن تتأثر وسبق أن كانت هنالك محاولات وبائت بالفشل .. الحل هو مواجهة المسؤولين عن المطعم والنظر حول إمكانية توفر أكثر من مكان ..

اقتباس دية عنيزة تعمل من القلب ... انظر للشوارع الفسيحة .. انظر لنظام الإشارات .. جودة الاسفلت .. تخطيط المدينة .. تسهيل الإجراءات على المؤسسات التجارية .. امممم في الغد ستجد طوابير الإنتظار هناك من اهل بريدة .. ولا عزاء للفاشلين ( بلدية بريدة )

كلامك صحيح سنجد الطوابير إذ لم تتوفر هنا .. وهذا هو ما أطالب به ..

[O X Y G E N]

اقتباس على طاري الوجبات وش سر نفخ هالاوادم اللى يتغذون منه اكيد فيه مواد هرمونية غير صحية شي يتفخ!!!! اللهم لك الحمد على النعمة.. يتكون من صوص مفروم +بيض ني اللي هو المينيز هل هذا له علاقة بالنفخ اتمنى لو فيه دكتور تخصص اغذية يشرح لنا علاقة هذه الوجبات بالسمنة المفرطة..

جاني وقت واضطريت أسافر للخارج وقطعت بالرز واللحم وصرت أكل وجبات .. تصدق أني حسيت بخفه .. على فكرة ترى دول الخليج من بين العالم الوحيدة الي عايشه على المفحطات والرز الدسم .. وشف اجسام الشرق والغرب وشف أجسامنا ..

اقتباس انتم للحين بريدة وعنيزة؟؟ بالله ماتستحون فشلتونا؟؟ وش الفرق بين بريدة وعنيزة؟؟ اتوقع لو ماكدونالدز فاتح ثلاث فروع بعيون الجواء ماضاقت صدوركم بس انه يفتح فرعين بعنيزة وبريدة مافيها الا فرع فالموضوع كبير وخطير قسم بالله اننا بالشرقية ما نشوف هذا من بريدة وهذا من عنيزة واللي يسألنا من وين نقول من القصيم ياكثر اللي من بريدة ومتزوج من عنيزة والعكس صحيح وانتم ماعندكم الا من بريدة ومن عنيزة اعوذ بالله منكم

إلا عندكم حساسية بين الدمام والخبر .. وأما اذا انت تقول ماعندنا هالاشياء فشي راجع لك بكيفك أنت مبسوط كذا .. حنا ناس نبي الشي الزين لديرتنا .. وأما قولة العيون وزي كذا .. الا ترى طالبنا بالمسجد الكبير الي اقيم بالعيون .. نقول ليش حاطينه هناك والمفروض يقام ببريدة لزيادة نسبة السكان .. ويحطون مسجد يكون موازي لمساحة السكان .. لأن الأجر ليس بالمساحة بل بعدد المصلين ..

[ros2010]

عنيزه مشهوره بالمطاعم والمطاعم هناك ناجحه ماادرى وش السبب

[صوت الصاعقه]

المقاطعه هي الحل الوحيد

أنشـــــــــــــــــــروا ببـــــــــــــلاك والواتس اب وتويتر والفيس بوك بحملة مقاطعة ماك لافتتاح فرع ثاني وحددوا اليوم وتاريخ المقاطعه عشان نصير صف واحد لويوم او يوميين عشان يحس ويفتح فرع ثاني

[سكآيب عطر]

..

صدقت , تمت سنـه ما أكلنـآ منـهه كله عشآن الزحمــهه ..

يـآليت فرع ثـآني نطــآلب والله ..

[سحابة بيضاء]

شكرا د مصرقع كلام سليم