[altamimi]

جزاك الله خير يالغالي .. واعتقد ضروري انه توثق انساب وعوائل اهل بريده الاصليين .. وطبعا نؤكد ان موضوع معرفه انساب العوائل ببريده لايعني التفرقه والعنصريه لاسمح الله لا طبعا ولكن لمجرد التوثيق

وبالاخير ونعم بالكل قبيليه وخضيريه وحاضره وباديه وكلن به حقه من الردى والطيب

[يوسف 2000]

قاتل الله الجهل والجهلاء .... الفخر بالانساب ليس هذا مكانه ولا زمانة ... والي يقول ايش فيها أقول له فيها انك ماتفقه شيء ولا تعرف كوعك من بوعك ... هذه قائمة قديمة جدا ومنشرة من زمان وليست جديدة حتى تفرح بها ... اسر بريدة وعوائل بريدة ليست فقط العوائل التي ذكرت بالقائمة المنقولة والمعيبه وعوائل وأسر بريدة ليست فقط العوائل ذات الاصول القبيلية , وبريدة الأن ليست كما كانت قبل مئات السنين ليس فيها الا عوائل قليلة , فقد أصبحت بريدة مدينة كبيرة ومختلطة من كل جنس ولون وعرق , والعوائل تضاعفت مئات المرات , وللعلم وليس فخرا ولا تكبرا , انا تميمي ومن مؤسسي بريدة , بعد انتقال العنوز الي الشمال وشراء البئر منهم من قبل جدنا راشد الدريبي رحمه الله .

عيب علينا انتقاص الناس حقهم وبريدة ليست حكرا ولا ملك لأحد

[الحمد لله]

امركم عجيب يا أهل بريده ممكن أفهم

كلكم ما تحبون شي اسمه بدوي وهالحين ملزقين انفسكم بهم

كيف تجي ممكن احد يفهمني


او انكم بس تبون اي قبيله تلزقون انفسكم بها

[الوائلي]

الموضوع يحذف

[مواطن شبة مغترب]

من فتاوي الشيخ / محمد بن عثيمين -رحمه الله-
أن التفاخر بالأنساب من أعمال الجاهلية ، وقد تبرأ منه النبي صلى الله عليه وسلم

* للمعلومية : عائلتي مذكوره أعلاه مع أسر بريدة ، ولكن اضافتها لايشرفني ويجيب لي العار ، لأنني احارب الجهل الذي يتنافى مع إسلامنا وعقيدتنا ،

[الروضة الثانية عشر]

جزاك الله خير ..

[ام يزن ..]

وفيت كفيت اهل زوجي واهلي صح عليك واللي يقول احذفو شكله مااقتنع من فخذة

[الحفيد العنيزاوي]

أنا ضد مثل هذا الموضوع الحساس وليس كل من هب ودب يكتب فيه فكاتب الموضوع حاس الديرة وخلط الحابل بالنابل فيه عوائل عبيد وحاطهم خوالد وشمامرة ودواسر
أنا ما أقول بحد شي الجميع ونعم لاكن يجب أن لايكتب عن شيئ حساس بدون مصدر موثوق وفق الله الجميع للمعلومية أنا سبيعي إلا أنني أمقت مثل هذا الموضوع

[سحابة بيضاء]

الحمد لله رب العالمين
انا لله وانا اليه راجعون
العالم وصلت سطح القمر وانتم انت قبيلي ولا عبد ولاصفار ولاخضير استحو على وجيهكم
كلكم لادم وادم من تراب
والعرب من اول مافيه هذا مصري وفلسطيني وسوري ويمني وسعوطي قصدي سعودي
لغتنا واحده العربيه
امريكا هي من جعلت بيننا حدود
العرب واحده بكتاب الله وسنة رسوله
ولا يجي واحد ومغمض ويقول علشانك منتي اصل كاتبه هاالكلام والله اني قبيليه اصل اب عن جد لاكن مااحب التحدث بهذه المواضيع الحسا سه التي تؤدي الى التفرقه والتباغض والشحناء
الله يهديكم جميعا يد واحده المؤمن للمؤمن كاالبنيان المرصوص

[لك هاجس الذكرى]

هذا اللي فالحين فيه

التخلف والعيش على الاطلال
انت وش بنيت لنفسك خل اجدادك

[SORRY]

الرجال ما نقص من قدر احد .. ولا مدح نفسه .. انتم كيف تفهمون ..؟

الرجل ذكر انساب .. بغض النظر عن صحة ماذكر .. وعدم ذكرة لمصدره ..

الي عنده تصحيح مع المرجع الاكثر ثقه يتفضل ..

والي بيأخذ الموضوع بعنصريه وافتخار اهل الجاهليه .. يكرم نفسه ويكرمنا بسكوته .. لانه راح يغير وجهت الموضوع ويسبب بأغلاقه ..

[قلبي على ديرتي]

لاعتقد لنا فيها فوائد الا احيا الجاهليه ماذا سنستفيد واعتقد ان الكاتب دخيل على بريده لاءحياء التفرقه .
اهل بريده يدا واحده ...لم يتطرقو لمثل هذه المواضيع ...

[برب]

اقتباس المشاركة الأساسية كتبها sorry الرجال ما نقص من قدر احد .. ولا مدح نفسه .. انتم كيف تفهمون ..؟ الرجل ذكر انساب .. بغض النظر عن صحة ماذكر .. وعدم ذكرة لمصدره .. الي عنده تصحيح مع المرجع الاكثر ثقه يتفضل .. والي بيأخذ الموضوع بعنصريه وافتخار اهل الجاهليه .. يكرم نفسه ويكرمنا بسكوته .. لانه راح يغير وجهت الموضوع ويسبب بأغلاقه ..

+1

طال عمرك

[ابو حمد راعي النقرة]

الله لا يهينك والعوئل كلها صح يالبيه يا العمرو بس