[أبورامي]

اقتباس المشاركة الأساسية كتبها حربي القصيم مشكله بعض الاعلآمين لآصآر فآضي ولآعنده موضوع ينزله..!

كلام سليم

[الربو]

الله يعطيك العافية

هاذي روضة مهنا وليس شعيب

[الـعـابـر]

الطيران الشراعي متعة لها حدود

[Spot]

وش عليكم منهم،،،

خلهم يستانسون

يبي يطيرون و يفلونه

هم جايين يشوفون الشعيب ماجو على قولتك يقزون بنات خلق الله!!!

[عذيب]

أنا مادري ليه حنا محرومين من الراحه ببريده الواحد يبي يكشت ويسولف مع أهله وربعه بهالبر يجونك الدبابات
وطيرات الفليت هذولي ويزعجونك أشد إزعاج حتى الهواء النقي بالبر لوثوه بهالدخاخين دخان دبابات وسيارات
تطعيس وتفحيط وزود هذولي طيارات الفليت
متى نشوف بريده أو على الأقل البر هادي بدون إزعاج ومضايقات

[عذيب]

اقتباس المشاركة الأساسية كتبها loacker ههههههههههههههههههههـ اااه بس كم نعاني من مثل هذه العقول المتحجره الحين جايب الطيران الشراعي علشان يقز حريم الناس اجل كل واحد لايطلع حريمه بالحوش ترا قوقل يكشفهم وش هالعقول اللي مادري كيف تفكر ؟؟!!!

أجل اللي حريص على محارمه صار عقول متحجره وش دعوه ياعقول السراميك

[Hassan Ahmed]

ايه عاد هو وهو فوق يبي يشوفك ولا بيدقق بخشك عساه يشوف مواتركم

[عادل المهدي]

البعض يريدها لأنها تضفي البهجة على الصغار والكبار ايضا والبعض الاخر لا يريدونها مع احترامنا لمشاعرهم واذكر قبل حوالي سبع سنوات وكان نسور الجو السعودي يقومون باجراء العاب الجو بالطائرات النفاثة وكان ذلك غرب بريدة عند البصر وكم كانت رائعة وكان المكان يمتليء بالعوائل والجميع مسرور ......... ايام جميلة لا تنسى .

[مجهول بريده]

ياخي مثل ما غيره يطعس هو يبي يستانس ..بعدين النبقيهه للوناسه والعوائل تتستر!!!!

[زمن التحدي]

مع احترامي لكل الي عبرو عن اراهم
لكن المكان للجميع ووالعوائل ماطلعت الا علشان تنفه عن نفسها بكل راحه واطمئنان ومايضايقها احد ياخي ليه تقعد في بيوتها والله موسعها عليها بالنسبه لطائرات الشراعيه ياخي يطيرون بس يحترمون انفسهم ويبعدون عن الجلسات والتجمعات سواء عوائل او شباب ياخي يكفي صوتها المزعج هذي مشكلة بعض الناس اذا اتيح لها المجال ماتعطي وجهه والمشكله يقولون عقول متحجره ياخي الادب والاحترام يفرض نفسه

[عذيب]

اقتباس المشاركة الأساسية كتبها عادل المهدي البعض يريدها لأنها تضفي البهجة على الصغار والكبار ايضا والبعض الاخر لا يريدونها مع احترامنا لمشاعرهم واذكر قبل حوالي سبع سنوات وكان نسور الجو السعودي يقومون باجراء العاب الجو بالطائرات النفاثة وكان ذلك غرب بريدة عند البصر وكم كانت رائعة وكان المكان يمتليء بالعوائل والجميع مسرور ......... ايام جميلة لا تنسى .

صحيح استعراض الطائرات هاك اليوم ممتاز جدا ومستانسين بل حنا رايحين على شان نشوف
الأستعراض الرائع بالطائرات ولكن ما يفعله حقين الطائرات الشراعيه غير وختلف جدا
الناس أولا طالعه تبي الراحه والهدوء والجو النقي اضف إلى أن الكل يذهب لرؤية الربيع
أو المطر وهذولي الشراعيات إزعاج وتلوث للبيئه وفوق كل هذا طيران منخفض وبعض
الناس ساتر أهله وهذا يشوف وماله حق
أتمنى عرفت الفرق ياعادل

[د.مصرقع]

ما اتوقع يمديه يقزقز بالحريم ولا اظن هذا هدفه ..

الخوووف من ذاااااااك راعي الربع او الشاص اللي فووق راس النفود ويدربل

[حرك تبلش5]

يوم اقراء الموضوع احس الحين النساء المتنزهات مع اهلهن مسفطات العبايات وكاشفات الوجيه

الله يرحم والديكم فى شارع ولا فى بر ترانا نجلس بعبايتنا ونقاباتنا الله واكبر عاد يالي يطير بالسماء بيشوفنا ليته يشوف السيارات ماهوب شايف احد

بلاش تكبير المواضيع

[سليمان ابوراكان]

هم جزا من الوناسه على الاقل مهرجان طيران ببلاش