[نيوووف]

والله انك صادز ...

[manedl]

اقتباس المشاركة الأساسية كتبها عبد العزيز2007 وين عيال كبار السن ذولا ليش ما يقومون بالمهمة

مايطيعون هالشيبان ولايبون عيالهم يدرون بشي ههههههه

[ملكة الاحاسيس]

وه مره نحتري واحد قدامنا يخلص طول وماسكن الجوال يقرق بعد ويتميوت
وده يقهرنا واخر شي واقف وهو خلص من البنك ومير يطلع بطاقه ثانيه ويجلس ربع ساعه حسبي الله على ابليسه
الله يهديه يارب

[د.مصرقع]

اقتباس المشاركة الأساسية كتبها عبد العزيز2007 وين عيال كبار السن ذولا ليش ما يقومون بالمهمة

ايه هين يعطيك اياها

الحين لو تسأله كم رصيدك رفع عليك قضية عقوق وحرمك من الميراس

[سعوووودي]

اتفق معك بالموضوع بعضهم يتاخر

ولكن الغريب ان بعضهم اخر شي ينتظر الايصال بعد مااستلم المبلغ


وبدون مايشوف الايصال >> ياخذه ويرميه

[ذيب الحجرة]

هناك ثلاثة أنواع ممن يستخدم الصراف :

1- يستخدمه على أنه بلاي ستيشن يطقطق ويعيد ويكرر ( ورعان فاضية ولاتحترم الآخرين ) 0
2- أناني بنمره واستماره ولاهمه الا نفسه وبس ولا درى عن الآخرين وانتظارهم أبخلص شغلي كله وبس يجلس عشر دقائق ماهي مشكلة وراه ست سيارات ماأسخنو أذنه ..قايللك بنمره واستماره أناني
3- الوسط والأكثرية هم تحترم وتقدر شعور الآخرين يصرف ويمشي بدون أخذ ايصال لايقف عند الصراف أكثر من دقيقة واحدة فقط .


الغريبة ان من يأخذ الايصال يقطعه قبل أن يتحرك ...

أخوي اذاكان عندك فواتير وتسديد رسوم وغيرها ليه ماتروح للصراف اللي في البنك
أو فيها تحويله من السيارة ( أنانية بنمرة واستمارة)

اذا كان الصراف فاضي ولا وراك أحد سوي الي تبي لاكن وراك صفة سيارات لا يا أخي ماينبغي لك ذلك

ودي أسوي مثل البعض وهم القلة القليلة ( الانانية) ولاكن أعجز اذا بصيت بالمراية وشفت وراي سيارة أروح لصراف البنك .

خذوني على قد عقلي ولاتفهموني غلط جزاكم الله خيرا جميعا أنا كتبت رأيي الذي أرى أنه يحتمل نسبة من الصواب وشكرا .

[بريداوي 7]

اقتباس المشاركة الأساسية كتبها الزنقب وسع صدرك .. وابلع ريقك .. وخذ نفس عميق هناك ملصقات كثيره تقول اقض دقائق الانتظار بكثرة الاستغفار تذكر ان من امامك لم يجلس لكي (( يصور )) مع المكينه هو مشغول مثلك ولعل (( له عذر وانت تلوم ))

أفضل رد ...

[شهبندر]

عادي يابن الحلال مافيها شي

كلنا نطول عند مكينة الصراف

هذي أمور مالية من حق أي شخص أن يدقق فيها

المسألة ماهي هشك بشك

[شوكولاتهw]

قد تهاوشت انا وواحد .وصار به دق ودقيق بسبة الصرافه. احتريه يخلص وهو ومعه 600 صرافه

يطلع ذي ويدخل ذي .تقل ببيته... وانزل عليه وقلت اجيب فراشي ؟.وقعد يطاطي علي وطاطي عليه لين قبست

..ماطلعت الا بكفاله.... وعقبه ماوقف الا بصرافه فاضيه

[الماسه بريده]

المفروض ان الواحد عارف هو وش يبي إذا ولله بيسدد يروح للغرف حقة المكائن يوقف سيارته وينزل ويدخل ويسدد على كيف كيفه ولا يهين خلق الله وراه

أما إذا سحب فلوس ويمشي فالصرافه حقة السياره تفي بالغرض وإذا مو وقت زحمه ويقدر يسدد وشايف انه مارح يهين أحد وراه لا مانع بس أرجع أقول غرف مكائن الصراف أفضل خاصه للبطيئين والموسوسين وقليلي الخبره الي يبيلهم كم ساعه مو كم دقيقه.

[المواطن]

زي كذااااا يعني