[manedl]

الله يكتب لنا ولكم الخير
الجنوب لايوجد فيه أملاك للمسئولين !!!
الحي الوحيد اللي لأهله قدره ومكانه بجنوب بريده هو حي البساتين !!!
قارن بين الحي هذا وباقي احياء بريده الجنوبيه !!!
المسأله أهواء ورغبات وواسطات فقط لاغير لاتتعب نفسك بمتابعة هالموضوع

[اخو دريحم]

المسؤول سيأتي للجنوب لامحالة غرب محراب الونيان

[أمين بريدة]

اقتباس المشاركة الأساسية كتبها manedl الله يكتب لنا ولكم الخير الجنوب لايوجد فيه أملاك للمسئولين !!! الحي الوحيد اللي لأهله قدره ومكانه بجنوب بريده هو حي البساتين !!! قارن بين الحي هذا وباقي احياء بريده الجنوبيه !!! المسأله أهواء ورغبات وواسطات فقط لاغير لاتتعب نفسك بمتابعة هالموضوع

هلا بالغالي
كلامك كله حكمة ومنطق بس للاسف آخر اربع كلمات دمااااااار لا لليأس لا لترك الحقوق سوف نعمل ونعمل وسيأتي اليوم الذي يتم محاسبة المذنبين فيه.

[Tooofe641]

أكسجين ردك مثل وجهك لو انت ساكت أحسن يقالك تزبععه مب كلن يقدر ينقل للشمال ويغير مكانه وبيته والمفروض كل المدنيه تصير حلو شمال وجنوب وشرق وغرب ( ما قول إلا يا شين السرج علي البقر )

[حربي عابر دربي]

الميزانيات المليارية يجب ان تقسم على البلد بالتساوي ويستثنى المصلحة العامة

انا ارئ ان شمال بريده هو الذي استحوذ على جميع المميزات ولا غرابه لانها احياء يسكنها اثرياء ومسئولين وبالتالي لابد ان يجاملهم المسئولين والا مااستفاد من منصبه

جنوب بريده يعتبر بوابة بريدة من القادم من عاصمة المملكة وهي في نظري تحتاج الى مجهود كبير وميزانيه ضخمة حتى يتم تحسينها وتجميلها وترتيبها بشكل لآئق

شكرا لك

=========================================

الملياردير و ولد النعمه -اوكسجين آفندي - لاتفشلنا بردودك الي ما ادري وش اسميها تراك محسوب علينا

[الـعـابـر]

هنا مشاركات عجيبة و تستغرب من انها تكتب وكأن اصحابها ليسوا اصحابها
مشكلة الشمال و الجنوب عامة هي أن الخدمات تلحق بالمواطنين وليس العكس
لذلك لو ان النطاق العمراني متجه للغرب لوجدت ان الغرب مميز و جهة حيه وموفر له كل الخدمات
اذاً هو اهمال المسؤول و تقصير الدوائر الحكومية تجاه الاتجاهات
ماذنبي انا اذا بقيت بالجنوب يتم تطنيشي وكأنني لأعني لحاظركم شيء !!
أنا بالجنوب لأني اريد البقاء بالجنوب و مستقري بالجنوب لذا عليك ان تخدمني كما تخدم الشمال
وليس ان تشترط علي الانتقال للشمال حتى احظى بالخدمات
واذا اردتني ان انتقل للشمال لأجل ان تخدمني فهيئ لي مسكن يكون ملك لي و سوف انتقل على الفور
اثناء كتابتي للرد خطر على بالي مستقبل لهذا النظام و الرأي اللغير معقول
خطر على بالي ان يتم اضافة معلومة ببطاقة الأحوال مكتوب فيها
جهة السكن : شمالي ... لأجل ان تتم خدمته بأي مكان يكون فيه

[O X Y G E N]

طبعاً الي يقول أكسجين كلامك مثل وجهك ولا مو داش العقل ولا ماله دخل بالواقع ولا مشاركات عجيبة أقوله اها بس مادفعتو حر مالكم ولا ماقلتو هالكلام ..

اجل الحين الناس دافعين ملايين والاف مؤلفة عشان تروح تشتري شمال بريدة تدور الخدمات والاشياء الراقية وتجون تقولون " نبغى مثلكم " سوو لنا مثل ماسويتو للشمال " ..

ليش .. سلامات .. يعني لو يحطون مترين اسفلت .. قالو حقين الجنوب وحنا ؟ صراحة أحس المسؤولين لما يشوفونا يقولون .. وش هالجارات ..

وربي سببو خلل في المدينة ، يعني وش برايكم يوقفون التطور العمراني في شمال بريدة ويرجعون للجنوب يسفلتون بيوت الطين والمزارع ولا المناطق المهجورة ولا الي ساكنينها عمال ولا الي انتهت اراضيها وغير صالحة لاقامة منزل ؟؟؟

ياناس ياعالم أفهمو شوي .. شمال بريدة رايح يتطور فيكم أو بدونكم رضيتو ولا انرضيتو .. بالطيب بالغصب شمال المدينة رايح يتطور ، وهذا الي يجري في كل العالم .. ومايحتاج اني انقط ولا انزل سيديات شرح لاسباب التطور في شمال المدينة والي معروفة ومايحتاج تنقال لأنها معروفة ، فلو أسئل أقرب سباك بسيكله قالي يا أكسجين فعلا كلامك صحيح الشمال أولى بالتطور ومافيه مجال للمقارنة ..

وبعدين البعض فهم كلامي أني أزبعه ، أولاً من حقي أني ازبعه لأني خسرت بمقابل أخذت ، الشي الثاني كنت مخير بين أني اتنازل عن المادة وأقبل في مكاني وأحرق اعصابي بالمطالبات ولا اقارن نفسي بالي يزبعونها شمال وأقتنع بمكاني .. أو أني ادفع واروح ابحث عن الخدمات وأريح نفسي وأعصابي وبنفس الوقت أزبعه .. فاخترت الأخير ..

أخيراً وليس آخراً قلت مراراً وتكراراً أن الجميع لهم الحق في المطالبة ولكن مطالبات أهالي الجنوب بسيطة وبالي ينقدر عليها بسبب عدم تهيئتها لبيئة استثمارية وبسبب قدمها وسوء تخطيطها وايضاً البعض من شيبانها الي راكنين أراضي للهوء والشمس بحجة ينتظرونها ترتفع ولكم في ذلك كثرة الاثول في الأحياء والشوارع الرئيسية والأسوار الي خلفها أراضي بيضاء كطريق الفاخرية والسالمية والضاحي وبعض شوارع الخليج حتى القناة والمطأ ، ولا أنسى الي يربون بعض البهايم ويضعون احواش مقاربة لمنازلهم ، والأحواش والإستراحات ، فهم ايضا سبب رئيسي في عدم تطور الحي أو المكان وهي تكثر في الجنوب ..

فمثل هذه الأشياء بوجهة نظري أنها غير قابلة للتأهيل مرة أخرى .. ولايمكن ان تأخذ نصيب مايأخذه الشمال والذي هو مستقبل بريدة .. نعم لها حقوق ولكن بسيطة وعادة ماتكون تكميل ناقص ، ليست كمثل الشمال ، فأرجو عدم المقارنة ، والسلام عليكم ..

[Abo khald]

اقتباس المشاركة الأساسية كتبها o x y g e n طبعاً الي يقول أكسجين كلامك مثل وجهك ولا مو داش العقل ولا ماله دخل بالواقع ولا مشاركات عجيبة أقوله اها بس مادفعتو حر مالكم ولا ماقلتو هالكلام .. اجل الحين الناس دافعين ملايين والاف مؤلفة عشان تروح تشتري شمال بريدة تدور الخدمات والاشياء الراقية وتجون تقولون " نبغى مثلكم " سوو لنا مثل ماسويتو للشمال " .. ليش .. سلامات .. يعني لو يحطون مترين اسفلت .. قالو حقين الجنوب وحنا ؟ صراحة أحس المسؤولين لما يشوفونا يقولون .. وش هالجارات .. وربي سببو خلل في المدينة ، يعني وش برايكم يوقفون التطور العمراني في شمال بريدة ويرجعون للجنوب يسفلتون بيوت الطين والمزارع ولا المناطق المهجورة ولا الي ساكنينها عمال ولا الي انتهت اراضيها وغير صالحة لاقامة منزل ؟؟؟ ياناس ياعالم أفهمو شوي .. شمال بريدة رايح يتطور فيكم أو بدونكم رضيتو ولا انرضيتو .. بالطيب بالغصب شمال المدينة رايح يتطور ، وهذا الي يجري في كل العالم .. ومايحتاج اني انقط ولا انزل سيديات شرح لاسباب التطور في شمال المدينة والي معروفة ومايحتاج تنقال لأنها معروفة ، فلو أسئل أقرب سباك بسيكله قالي يا أكسجين فعلا كلامك صحيح الشمال أولى بالتطور ومافيه مجال للمقارنة .. وبعدين البعض فهم كلامي أني أزبعه ، أولاً من حقي أني ازبعه لأني خسرت بمقابل أخذت ، الشي الثاني كنت مخير بين أني اتنازل عن المادة وأقبل في مكاني وأحرق اعصابي بالمطالبات ولا اقارن نفسي بالي يزبعونها شمال وأقتنع بمكاني .. أو أني ادفع واروح ابحث عن الخدمات وأريح نفسي وأعصابي وبنفس الوقت أزبعه .. فاخترت الأخير .. أخيراً وليس آخراً قلت مراراً وتكراراً أن الجميع لهم الحق في المطالبة ولكن مطالبات أهالي الجنوب بسيطة وبالي ينقدر عليها بسبب عدم تهيئتها لبيئة استثمارية وبسبب قدمها وسوء تخطيطها وايضاً البعض من شيبانها الي راكنين أراضي للهوء والشمس بحجة ينتظرونها ترتفع ولكم في ذلك كثرة الاثول في الأحياء والشوارع الرئيسية والأسوار الي خلفها أراضي بيضاء كطريق الفاخرية والسالمية والضاحي وبعض شوارع الخليج حتى القناة والمطأ ، ولا أنسى الي يربون بعض البهايم ويضعون احواش مقاربة لمنازلهم ، والأحواش والإستراحات ، فهم ايضا سبب رئيسي في عدم تطور الحي أو المكان وهي تكثر في الجنوب .. فمثل هذه الأشياء بوجهة نظري أنها غير قابلة للتأهيل مرة أخرى .. ولايمكن ان تأخذ نصيب مايأخذه الشمال والذي هو مستقبل بريدة .. نعم لها حقوق ولكن بسيطة وعادة ماتكون تكميل ناقص ، ليست كمثل الشمال ، فأرجو عدم المقارنة ، والسلام عليكم ..

اقول ياكثر هرجك تقل بنت ...
استح على وجهك ياليته على كلام مفيد ...

[O X Y G E N]

اقتباس المسؤول سيأتي للجنوب لامحالة غرب محراب الونيان

كلنا نبي نموت ، ويالله العمل الصالح ، وعلى فكرة ترى المقابر توضع في مكان بعيد عن العمران ومنعزل في كل المدن

[حربي عابر دربي]

اوكسجين تبربر وتفلسف وكنك ببرنامج الثامنه

اقتباس ياناس ياعالم أفهمو شوي .. شمال بريدة رايح يتطور فيكم أو بدونكم رضيتو ولا انرضيتو .. بالطيب بالغصب شمال المدينة رايح يتطور

ارفق على ارويحك لايطق بك عرق

شمال بريدة رايح يطور هههههههه الله يخلف على اميمك

الشمال متطور ووصل الى قمة التطور والتوسع العمراني من مبطي والحين توقف ودبسوكم بهن هههههه

وعلى فكره مسئلة بالطيب والا بالغصب هذي الفاظ سوقيه وانت على كلامك جاي من الموطا وساكن شمال بريده ( يعني المفروض تكون جنتل مان ومهذب شوي ) ههههه

ياخي فرق بين حقوق مشروعه وبين استثمارات تجاريه

الاحياء مايحدده الاتجاهات الاربع

بعدين الي يسمعك يقول ساكن بــ لندن ... الي يسمعك يقول انه شاري المتر بـ عشرتلاف

عموما ....... الله يهنيكم ويبارك لكم

اضحكوا عليكم التجار ودبسوكم بالاراضي وراحوا لاستراحاتهم وانتم توكم ماصحيتوا

يــ الغالي ابقولك شي ابيك تفهمه

وهو ان الشمال تم استغلاله من الاثرياء لمصالحهم الخاصة .....1

تم تحريك المسئولين لرفع خطط خدميه كبيره الهدف منها تهيئة الاحياء الشمالية لحصول المنفع الخاصة بحجة نقل الدوائر الحكومية الي شمال بريدة ...2

وجود عدة مخلفات وتجاوزات كبيره جدا من مسئولين في هذا الخصوص تم التستر عليها وانهائها بشكل عجيب .. ليش؟ ....3

شمال بريدة من الناحية الاقتصادية يعتبر جزء بسيط وليس حيوي بل قد يصل الى الهامشيه احياناً مقارنتاً بجنوب بريده ووسطها . فماالمحفز لهذه الطهبله ؟.......4

من الناحية الزراعية الشمال يفتقرها بشكل حاد ...... 5

من الناحية الصناعية . تنعدم المصانع والمعامل وتكاد لاتذكر ........6

من الناحية الخدمية . محدودة جداً ولاتذكر ........7

اذا بماذا استفادة بريدة من احياء شمال بريده ؟


بالنهاية هي احياء سكنية للاثرياء وكبارالمسئولين وميسوري الحال تم تهيئة الجوا المناسب لهم ولـ لأسرهم حتى يقدموا خدماتهم الجليلة لبريدة الحبيبة !!!

اوكسجين تبغى العلم الاكيد

ادخل قسم المناسبة وشوف الحفلات الي يسونها كبار التجار وشف من لي يحضرها ويتكرر حظورهم .... هل تجد من ضمن المدوعين مدير متقاعد ولا مسئول متقاعد........ حتما لن تجد .... اذا هل يهرول الذيب عبث؟!!

اتمنى انك تفقه ان كثير من الناس من اهل الجهات الاخرى يستطيع يشتري قطعة ارض بالريان < مثلا > ايام كان المتر 750 ريال وحتى لو وصل المتر 1500 ريال لكن تجد مصالحهم في حيهم الجنوبي او قريب منه حتى تجد اشخاص من عائلة واحدة يسكنون حي معين متجاورين فيه ( وهم اغنياء على فكره ) .... لماذا تلزمني بالابتعاد حتى اتحصل على حقي

[O X Y G E N]

^^

هه أما عاد ياشيخ الناس تروح شمال عشان ( مؤامرة التجار ) لايسمعك أحد يضحك بس ..

كل شي حاطه مؤامرة ، لو يعلق جهازك قلت هذي مؤامرة من مايكروسفت عشان ترفع الاسعار وتدبس المتصفحين ..

أولاً ياعزيزي الاتجاه هذا حكومي ماله دخل التجار وهذا الي يحدده النطاقات العمرانية للمدينة وتوزيع السكان يمكن صدفت اثنين ثلاثة شرو مخططات من قديم خلاص هذولاء المتأمرين .. والدليل شوف عنيزة كيف اتجاهها الحين غرب وشرق وجنوب بحكم أن شمال يحدهم الوادي ، وشرايك بعد التجار يحطون جزر وقوارب بالوادي عشان يتامرون على الناس ويبنون بالجزر ويتنقلون بالقوارب هه ..

ومن عهود قديمة والناس تروح شمال بكل مدن العالم بعد مدينة الملك عبدالله الاقتصادية الي بشمال الرياض ليش ماحطوها غرب ولا شرق عشان بعد يمكن التجار محددين موقعه ، وعلى فكرة يوجد من التجار من شراء مخططات جنوب بريدة وغرب وشرق مع ذلك الناس مارغبتها ومن كبار التجار بعد ..

ثانياً .. اذا مارحت شمال وين اروح تبيني اسكن جنوب عند الوادي ولا غرب يم المزارع ولا شرق بطريق الربيعية .. من البديهي اني بروح شمال بحكم اتجاه المدينة والناس وتوفر الخدمات ..

ثالثاً .. ترى مو لازم الواحد اذا عجز عن حاجة يجلس يتصنع مؤامرات ويسوي ان الي مسوين هالحاجة اغبياء وانهم انخدعو ودجاج .. ويجي يسوي الذهين على روسهم ، وتلقاه ساكن بحوش 4 × 6 وينام بالدكة ..

وبعدين لو كلامك صحيح على كذا يالله يا أهالي ( الراشديات والريان والاسكان والأفق و وو ) ترى ملعوب عليكم يقول حربي هه ..

أما الارقام الي انت حاطها ومسوي أنك فاهم كل زاوية شمال اسمحلي أقولك أني قريتها ولكن اكتشفت أنها ( قرمبع ) مع شوي تناقضات ..

التخطيط شمال بريدة سليم ومدروس دراسة دقيقة ، ومحطوط كل أرض فيه ايش بتكون من سنوات وموزعه الأراضي الحكومية والتجارية الي فيه منذ القدم ..

أما بخصوص التناقضات الي ذكرتها مرة تقولي أن شمال تطور ووصل إلى قمة التطور بعدين تقولي بالفقرات ( أن شمال بريدة ينقصه خدمات وتجلس تسردها ) هه .. اثبت على شي هل هو متطور تطور نهائي ولا ينقصه اشياء كثيرة ؟

لأنك إلى هالحين مابعد ثبت على شي ..


سلاااااااااااام ..

[فكــر]

^^

كاأنكم في استراحة وحده

وجالسين على بوفيه مفتوح وتسولفون مع بعض ...

ولا على بالكم احد ....

وعلى طارئ الاتجاهات +

يقال الغرب درب الخير " القبلة "

الشمال مال $ .. سكانه عليه القوم .. واهل الجنوب الهاى سكنوا الشمال?

الجنوب بقايا الطيبين ولانزيد

الشرق .. راعين المواشي والخيل والطير


وبخصوص الموضوع :

الامين السابق السلطان من الجنوب ..

وما قصر في توجيه الخدمات الى الجنوب

لا كن الجنوب ما يبين فيه الزين

لانه معظم اراضي منطقه الجنوب مملوكه للورثه الله يرحمهم

معها يصعب تخطيطها بطريقه سليمه

[تيرم]

كلام في الصميم اخوي امين بريدة

الجنوب والشرق لاتعترف فيهم الامانة

تعال شف شوارع الوسيطى

ولا حياة لمن تنادي

[طال انتظاري]

معك حق لمطالبتك ولكن لاحياة ؟ ... فالترهل واللامبالات .. هما سبب الاهمال .... واهل وسكان جنوب بريدة لهم حقوق مثل غيرهم .