[الوافي]

اقتباس المشاركة الأصليّة كتبت بواسطة وحيد المعنى موضوع رائع مشكوووووووووور وما قصرت

أشكرك أخي وحيد المعنى على المرور وماطرحت هذا الموضوع إلا بعد أن ضقت ذرعا بهؤلاء الحلاقين وسوف أورد بعضض القصص عن بطولاتهم إن شاء الله للحذر منهم والتعامل معهم .

[الصباخ]

وللمرة الثانية ,,




احمدوا ربكم ,,




عندكم يقالهم غالين ,,





ودمتم سالمين ,,

[الوافي]

اقتباس المشاركة الأصليّة كتبت بواسطة الـصـمـصـام [move=right] قاطعوا الحلاقين الأتراك[/move] الله يخلي الهنود وبعدين حلق من العمرة إلى العمرة ترى مكة رخيصة عبادة واستفادة

----------
مشكور أخي الصمصام على المشاركة وكما قلت الله يخلي الهنود بس حنا وشبابنا وش يقنعنا .
من غرور الأتراك وصل بهم الحال إلى الكتابة على باب الزجاج من الخارج حلاق تركي ( وخير ياطير ) لشعورهم أنهم أميز من غيرهم
بالفعل هم أميز ولكن بالنصب والاحتيال

[الوافي]

اقتباس المشاركة الأصليّة كتبت بواسطة من بريده لا والله حرامية واحد يحلق عند واحد ب_150 ريال تخيل وعلى العموم تراهم وسخين وعليهم قل صلاة وتأكد من ذلك أنهم لا يصلون والله أنا أحلق شعر واصنفر طبعاً من دون حلق اللهية عند تركي في شارع الوحد ة بعشرين ريال هذا لعب عليك في الأسبوعين مرة معقول

----------
يا ألهي هذا شركة في النصب والاحتيال والله ما أدري بس أحس إن البلا منا حنا
مشكور أخوي من بريدة على المشاركة الجيدة

[الوافي]

اقتباس المشاركة الأصليّة كتبت بواسطة 2222 بالنسبه للحلاقين الاتراك فمرة حلقت عندهم تخفيف دقن بس وعطيته عشرين وخذ خمس طعش ريال قلت ليش قال انت شخصيه وهذا سعرنا . قلت بلا شخصيه بلاهم وبصراحه هم يستغلون المحل يكون فيه زبائن والواحد يستحى انه يكسرهم بالسعر المهم قال لعاد تجى تحلق عندنا قمت وقلت يجيله يوم هين . والحين كل ما مريت من عند محلهم الى بجنب مطعم الديرة انبسط ديم وقفين عند باب المحل معندهم زبائن . فا نداء فل نقاطع الحلاقين الاتراك . فل نقاطع الحلاقين الاتراك.

----------
أخي 2222
أشكرك على الطرح وتأكد الكثير من أهل البلد هنا أو غيرها لديهم نفس المشكلة .
طيب وإذا كنت شخصية ليش تأخذ زيادة فلوس , لو قلت له أنا شخصية وأشرف المحل وأسوي لكم سمعة زينة فالناس لا شافون قالوا شوفوا الشخصيات عندهم يحلقون أكيد تحليقهم زين , شف وش يقول لك ؟
هالجنس يبي فلوس وبس ومثل ما قال أخوي من بريدة لوفيه حلاق يأخذ 150 كم الدخل الشهري ؟

[الوافي]

اقتباس المشاركة الأصليّة كتبت بواسطة فرحان السلام عليكم ورحمة الله وبركاته منذ فترة طويلة وهذا ديدنهم ولكن يأخي لاتشد معه وشعرك عندة فمن المتوقع ان يؤذيك بطريقة اواخرى ولكن أنصح الاخوان من لهم معرفة لدى المسؤلين أو أي جهة أخرى لها صلاحية في ايقافهم عند حدهم وجعلهم يحترمون أنظمة البلد بالطرق الرسمية لا أن يخضع النظام لجشعه فهو بالنهاية حلاق مثله مثل غيرة فانني أنادي بمراسلة المسؤلين وابلاغهم وعدم اليأس فهذا بلدنا ومن حقنا فرض الاجراءات الرسمية حتى لو كان هناك سكوت من المعنيين بذلك شكرا لأخي الوافي وشعوره بالمسؤوليـــــــــــــــــــــة

-----
أخي فرحان والله مداخلتك أفرحتني .
ولكن أريد أن أورد لك هذه القصة كنت أحلق عند حلاق تركي وكان قبلي زبون ولكن يحلق عند الحلاق الآخر وانتهى من حلاقة الزبون وخرج دون أن يعطيهم شيئ فسألته هل هو فاتح حساب عندكم ضحك ضحكة كبيرة وقال أخوي هذا واسطة هذا من البلدية لو بغينا شيء مايتردد بمقابل حلاقته مجاناً .
أسأل الله ألا يكون صادقا فإن كان كذلك فالمصيبة أعظم

[الوافي]

اقتباس المشاركة الأصليّة كتبت بواسطة الصباخ هههههههههههههههههههههه ,, أنا ماعمري حلقت بخمسة ,, وأنا استانس اذا جيت بريدة لأني أحلق بخمسة ,, عندنا بشمال الرياض التسعيرات : الحلاقين الهنود والتركيين العاديين : حلاقة شعر تخفيف : 10 ريال حلاقة مكينة : 10 ريال حلاقة موس : 5 ريال حلاقة ذقن : 10 ريال صنفرة : 10 ريال بخار : 50 ريال الحلاقين الأتراك V I P حلقت عند واحد منهم وياليتي ما حلقت طلعت الفاتورة 50 ريال شعر ودقن بس يعني ببريدة 10 ريال وهذه اسعارهم : حلاقة شعر تخفيف : 30 ريال حلاقة مكينة : 20 ريال حلاقة موس : 10 ريال حلاقة ذقن : 20 ريال صنفرة : 30 ريال بخار : 100 ريال وشوفوا الأسعار واحمدوا ربكم ,, ودمتم سالمين ،،

------------
أخي الصباخ أشكرك على المشاركة والابتزاز في كل مكان وللدعابة كنت أحلق عند تركي بالفايزية وكان متضايق قلت سلامات كنت أتوقع انه ميت له أحد قال أنا يا أبروح الدمام أوجدة أو الرياض قلت خير ليش قال ياخي الواحد مايطلع بالشهر إلا من خمسة ألاف إلا عشرة بس قلت بس ؟
نعنبو دارك المدرسين والموظفين مادخلوا هالمبلغ!!!!!!!!!!!
--------
بس أخي الصباخ التسعيرة اللي أنت ذكرت هل هي رسمية بالطبع إنها صياغة ابتزازية بنكهة تركية .

[الوافي]

اقتباس المشاركة الأصليّة كتبت بواسطة برجس اللي يقول احلق عنده واذا قضيت حالق وقالك بعشرين والا بعشره عطه نص القيمه وان قال لا اطلب منه فاتوره ووده للبلديه اخاف ياخذ الحلاق شعرك ويزين لك عمل همن تطق خيمه بمحله من زود القلهي :D سرداد مرداد رايح جاي للمحل يحلفون ان تحلق باليوم ثلاث مرات :D يازين ابوهنّود على ان بهم شوي طماله :D الله يديم الرخص ومهب لازم الواحد يتحكحك ويصنفر عمره اسلت الراس واقضب الباب وقضينا :D:D :D

-----------
مشكور أخوي برجس على المداخلة الممتازة وأبو هنود على طمالته أزين ليس لهدف الرخص فقط ولكن الابتزاز ولو كان هللة لا أحد يرضى بذلك .
ولكن لو كل مواطن قال مثل هالكلام اقتنعنا إننا ملعوب علينا الضحى من النهار وما استطعنا تبديل شيء
أتمنى أن يوقف في وجوههم

[الوافي]

هذه أحد القصص التي حصلت لصديق لي
يقول في يوم زواجي رحت للحلاق (.........) وأنا زبون قديم عنده قلت له أبي حلاقة تشرف لأني الليلة عريس قال ولا يهمك أبحلقك حلاقة ما مرت عليك المهم حلق نفس الحلاقة العادية التي يحلق فيها كل مرة وهي عبارة عن تخفيف دقن وتخفيف رأس وصنفرة قلت له كم الحساب قال علشان العرسان 100 ريال قلت هه بس عريس وتأخذ هالمبلغ شوي في حقك ( يقول أحسبه يمزح ) قال علشانك عريس وزبون ولا لوهو غيرك ما أخذنا منه أقل من 200 ريال يقول انغثيت قلت شف أبعطيك عشرين ريال وغيرهن لا تحاول ورفض وقال غير 100 ولا مابدي شيء .
رفضت وارتفع الكلام وتدخل أحد خوياه الأتراك وقال لي 80 ريال يقول أنا فكرت وقلت مادامك معرس وبيوم عرسك لا تغث روحك على الأقل شخص عند المره وقل حلقت بـ 100 المهم صفت على خمسين عطيتهن أياه وقضبت الباب ولا عاد عتبت عتبة الحلاق مرة ثانية .
وتكملة لقصته يحلف بالله انه مكمل حلاقة التركي بالبيت ( وين التميز التركي )
----------------------------
ماقلت لكم البلا بنا وحنا حبيبين أزود من اللازم وهذي أعتبره غفالة .

[الصباخ]

اقتباس المشاركة الأصليّة كتبت بواسطة الوافي ------------ أخي الصباخ أشكرك على المشاركة والابتزاز في كل مكان وللدعابة كنت أحلق عند تركي بالفايزية وكان متضايق قلت سلامات كنت أتوقع انه ميت له أحد قال أنا يا أبروح الدمام أوجدة أو الرياض قلت خير ليش قال ياخي الواحد مايطلع بالشهر إلا من خمسة ألاف إلا عشرة بس قلت بس ؟ نعنبو دارك المدرسين والموظفين مادخلوا هالمبلغ!!!!!!!!!!! -------- بس أخي الصباخ التسعيرة اللي أنت ذكرت هل هي رسمية بالطبع إنها صياغة ابتزازية بنكة تركية .

مدري وشي أصلا تسعيرة البلدية ,,




ودمتم سالمين ,,

[الوافي]

الأخ الصباخ مع التحية تسعيرة البلدية هي التسعيرة التي من المفترض وضعها بصالونات الحلاقة أمام الزباين وإن كنت ماتحلق عند هنود أكيد ماشفته لأنه موجودة عند الهنود والأتراك يخفونها لحاجة في نفوسهم

[الصباخ]

اقتباس المشاركة الأصليّة كتبت بواسطة الوافي الأخ الصباخ مع التحية تسعيرة البلدية هي التسعيرة التي من المفترض وضعها بصالونات الحلاقة أمام الزباين وإن كنت ماتحلق عند هنود أكيد ماشفته لأنه موجودة عند الهنود والأتراك يخفونها لحاجة في نفوسهم

ما عمري دخلت صالون حلاقة عندنا بالرياض وشفت التسعيرة ,,



لا أبو هنود أوغيره ,,





ودمتم سالمين ,,

[الوافي]

هذا طال عمرك من ردا البلدية ولا المفروض تكون بكل صالونات الحلاقة

[الوافي]

وهذه قصة ثانية من بطولاتهم
بعد أن حلقت عند أحد الحلاقين الأتراك قال لي أيش رأيك أحط على رأسك كريم مع أن الشعر ليس طويل قلنا يالله نشوف هالكريم وبعد ماخلص محلق قلت خل ارفع روحه المعنوية سألته بكم الكريم قال لي هذا غالي وما تلقاه عند أي حلاق أخذت الكريم وعرفت اسمه قلت له كم سعره قال 25 وعندي كريم ثاني مخصوص من تركيا سعره بـ 70 ريال قلت طيب المرة الثانية نشتريه .
سألت عن الكريم اللي يقول بـ 25 لقيته بـ 15 يعني قمة الأستغباء لنا