[php4pro]

السلام عليكم ورحمة الله وبركاته
اولا :
الذي يضع القنوات الفضائية في بيته فهو غاش لرعيته سواء وضع رقابة ام لا لانه فعليا لا يوجد شيء اسمه رقابة وان كان الذي حذف بعض القنوات اهون من غيره الا انه في النهاية يوجد طبق فضائي في بيتك ومن يستخدم اسلوب المقارنة ويجلعه حجه له ولكي يفر من كلام الناس كمن يقول انا احسن من غيري هناك من وضع لاهله جميع القنوات

مثله مثل الذي اذا قلت له لماذا لا تصلي في المسجد يقول انا اصلي بالبيت فاذا قلت له اتق الله وصلي في المسجد قال لك انا احسن من غيري هناك ناس لا يصلون !! مبدأ المقارنة هذا خاطئ ومن يستخدمه فهو يضحك على نفسه ...

ثانيا:
انا استغرب من كلمة رقابة التي بدأ يستدخمها البعض وكأننا نفهم منها أن الذي يراقب عليه هو فقط المشاهد الجنسية اما صور النساء المتبرجات والموسيقى والأغاني والاشياء العارضة التي لا يمكن السيطرة عليها هذا شر لابد منه ولا يستطيع الشخص التحرز منه ...الخ من اعذار من اتخذ الهه هواه ...وايضا من الاعذار الاخبار فهناك اكثر من طريقة لمعرفة الاخبار بدون الحاجة لهذا العفن

ثالثا:
ما الفائدة من التصويت ... التصويت لا يفيد شيئا لا بتقرير حكم شرعي ولا يبين حال الناس فما الفائدة منه ؟؟؟

[طفشان]

اخواني خل ناخذ الموضوع بعقلانية شوي ...
المعادلة جداً صعبه ...
في السابق لم يكن البيت فيه خدم ..
بمعنى أن الأم وبناتها اما يشتغلون في البيت بالتنظيف والرتيب
أو عند أم الجيران ..
الاولاد .. إما في اعمال مع ابائهم أوفي حلقة المسجد
أو بالشارع كورة مع عيال الحارة ..
المجتمع الآن تغيرت تركيبته .. معظم الاباء اليوم موظفون
بمعنى لا توجد عندهم صنعة يعلمونها ابنائهم ..
والارتباطات الاجتماعية قلت كثيراً فتجد أن الجار لا يعرف جاره ..
و قد يسكن الواحد سنة أو سنتين لم يدخل بيت جاره والعكس .. وكذلك النساء ..
أي أن الفراغ الذي تقضي به الأسرة جزاء من اليوم تلاشى ..
وكذلك اصبح الاباء والامهات اكثر حرصاً على ابنائهم
فلم يعد الاب يسمح لاولاده بالخروج من البيت .. لا كورة ولا سواليف ..

الأب في الغالب خارج البيت "طبعاً نتكلم عن الغالب"
إما في العمل أو الاستراحة أو يقضي حاجات البيت أو ... الخ
وحتى لو جلس ساعة أو يزيد قليلاً ..
إذا اين سيقضي العيال و أم العيال وقت فراغهم
والذي قد يصل لـ 6 ساعات يومياً ؟
الحلول الواقعية المطروحة ..
جزاء للعب داخل البيت .. طيب اللي في شقة !!!
جزاء في المذاكرة .. طيب في الاجازات !!!
جزاء عند الكمبيوتر ... طيب اللي ما عنده أو ما يحبه !!!
جزاء في الطلعات ... اللي ابوه ماهو فاضي !!!
تبقى من وقت الفراغ من 2-3 ساعات في اليوم ..!!!
بيكون طبعاً للتلفزيون ..
و اللي بيشاهد التلفزيون في البيت ام العيال والعيال ...
طيب هذولا .. في الغالب لا يهتمون لا بأخبار ولا حتى بمباريات ...
إذاً وش بيحط لهم ابو العيال من قنوات ..؟؟؟
- العيال دون سن العاشرة يبون افلام الكرتون ..
- العيال من 10-15 سنة يهتمون بالمسابقات والمسرحيات والتمثيليات ...
- أم العيال تبي برامج الازياء والموضه وبرامج المرأة والبرامج الاجتماعية ...
حلوها .... ؟؟ كيف رقابة ؟؟

[المواطن]

اقتباس المشاركة الأساسية كتبها php4pro السلام عليكم ورحمة الله وبركاته اولا : الذي يضع القنوات الفضائية في بيته فهو غاش لرعيته سواء وضع رقابة ام لا لانه فعليا لا يوجد شيء اسمه رقابة وان كان الذي حذف بعض القنوات اهون من غيره الا انه في النهاية يوجد طبق فضائي في بيتك ومن يستخدم اسلوب المقارنة ويجلعه حجه له ولكي يفر من كلام الناس كمن يقول انا احسن من غيري هناك من وضع لاهله جميع القنوات اخي الكريم كيف غاشا لرعيته وهو لا يرى ان في ذلك شيء...؟ مثله مثل الذي اذا قلت له لماذا لا تصلي في المسجد يقول انا اصلي بالبيت فاذا قلت له اتق الله وصلي في المسجد قال لك انا احسن من غيري هناك ناس لا يصلون !! مبدأ المقارنة هذا خاطئ ومن يستخدمه فهو يضحك على نفسه ... كيف تقارن بركن من اركان الاسلام بــ موضوع كموضوع التلفزيون ثانيا: انا استغرب من كلمة رقابة التي بدأ يستدخمها البعض وكأننا نفهم منها أن الذي يراقب عليه هو فقط المشاهد الجنسية اما صور النساء المتبرجات والموسيقى والأغاني والاشياء العارضة التي لا يمكن السيطرة عليها هذا شر لابد منه ولا يستطيع الشخص التحرز منه ...الخ من اعذار من اتخذ الهه هواه ...وايضا من الاعذار الاخبار فهناك اكثر من طريقة لمعرفة الاخبار بدون الحاجة لهذا العفن اخي اذا مابديت وحطيت لهم وتابعتهم وفهمتهم ان ذلك لا يعدو الا لـهـواً فسيشاهدوه من وراك بدون ماتعلم . وهنا المصيبه ثالثا: ما الفائدة من التصويت ... التصويت لا يفيد شيئا لا بتقرير حكم شرعي ولا يبين حال الناس فما الفائدة منه ؟؟؟

والسلام عليكم ورحمة الله وبركاته

[المواطن]

ياخوان الوسطيه زينـه > مع المحافظه على ديننا وعاداتنا

المثل يقول لا تكون يابساً فتكسر ولا لين وتعصر

خلي عيالك يشاهدو التلفزيون بس احرس وشيل عنهم القنوات اللي تشوف انها لاتصلح


اقول ياجماعه والله يافيه قنااااه طالعه هذه الايم اسمها (( ازواج ))

مسنتر عندها واتابعها << تصلح للشباب والشيباان هههههه

[الوجـد]

السلام عليكم ورحمة الله وبركاته

معليش اخواني لكن انا اعارض اللي يقول نركب دش (بقنوات معينه) ونخلي عليه رقابه

.

كيف تدخل دش وتخلي عليه رقابه (احسن لك تلغيه وتريح عمرك لأنك راح يضيع يومك كلة على الرقابة اذا كنت فعلاً بقلبك غيره على عيالك)
.
وابيك تقولي وش تراقب عليه

تقولي قنوات ما تاثر على عيالك مثل (ام بي سي , الجزيرة , الخليجيات , ... والقنوات الشريفه على قولتكم)
.
.

الأخبار : اذا كنت فعلا من المهتمين بالاخبار وما تبيه يفوتك شي فعندك اكثر من مصدر تستطيع تستخدمة من دون ما تظر بيتك وعيالك مثل الانترنت والجرايد و.... وش صارت فايدة الانترنت ,

.

الخليجيات : الله يا زين أيامك يا رمضان الحين صرنا ننتظر رمضان بأحر من الجمر علشان نتابع المسلسلات اللي ما نقدر نلحق عليها
وهي لا تخلو من الرقص والغناء فكيف ترضاها على زوجتك وعيالك
((اللهم ثبت قلوبنا على دينك))
.

ام بي سي : الوقت الحالي القناة هذي من اشد القنوات تأثير على المسلمين خصاصا بعد ام بي سي 2

.

سبيس تون : أذكر ايام الطفوله كنت نتأثر في كابتن ماجد وقلينديزر وما كان عندنا الا كم شريط , عاد كيف عيال الوقت هذا اللي طول وقته مقابل سبيس توون وش راح يصيرلهم شف نص البزارين الحين سمين ونظاره واذا رض عشره متر يتعب كأنه شايب
((الله يستر على عيالنا)) يا زين مجد للأطفال
.

عاد هذولا بجهه واللي يحط عند عياله روتانا و LBC وقنوات الرقص وبرامج ستار اكادمي
الله لا يبلانا كيف تقولي مراقبه والقنوات هذي فيه وما تبيهم يتأثرون فيهم ,الي الدرجه هذي هانو عليك عيالك تحط لهم قنوات رقص نساء وأغاني وكل واحد يرسل رقم جواله على الشاشه وما تبون عيالكم يتأثرون فيهم
.

وتحصل بعض الناس حاط الدش عند عياله وهو ما يشوفه (( كيف تقولي رقابه وهو ما درى عنهم))

.
.
ملاحظه هامه جداً
(( اشد مَن يتأثر من الدش هي الزوجه لأن 70% من وقت المرأه جالسه لوحدها , زوجها بالدوام او يزور احد اقاربه او نايم , فما بالك بمربية ابنائك تكون متأثره بالدش وش راح يصير ((والشي هذا ملاحظ على اكثر النساء في الوقت الحالي واللي ما يدري يطلع للأسواق ويشوف بعينه)) ))
.
.
الله يستر علينا وعليكم ويكفينا شر كل عدو قاصد المسلمين بأذى فكري

[أبوحســام]

قبل مايجاوب الواحد أتمنى يروح للمستشفى ويشوف اللي على الأسرة البيضاء ممن أنهكهم المرض وبعدها يذهب للمقبرة ويرى منظر القبور ويتخيل مسكنه وأنه قريب مهما طال الزمن .....

حينها يعلم حقيقة هل يؤيد وضع الدش أم لا

الله المستعان واللهم الطف بنا يارب ولاتؤاخذنا بما فعل السفهاء منا ...

تحياتي لكم

[الوجـد]

صدقت والله اخوي ابو حسام

[المنخرش]

ههههههههههه
والله يا انتم مايبلكم شي وتشتغلون

هههههه


أنا أقول ميخالف تحط ببيتكم
القنوات التالية الخففه

الأخبارية والعربي والجزيرة ==>>> للشيبان واللي يتابعون الأخبار

وسبيستون وام بي سي 3 ===>>>> للأطفال

وابي سي 2 و ( اون ) ولو يشترك بقناة الأفلام الجديدة===>>> لشباب اللي يحبون الأفلام

و ام بي سي 1 و الخليجيات ===>>>> للي يحبون فيديوا كليبات

و قناة السودان ===>>> للحريم والبنااات الكبار

والأروبياات يعني يشرفرهن عاااد هذولي ما أعتقد يصلحن وخل التشفير خفيف للي وده فقط

علشان إذا جيت للبيت مرة تلقا خواتك وامك رايحات للسوق :D :D
ادخل على الله ماندري وش يسون بالسوق عاااد


وانتم خلكم منفتحين شوي

حنا ماقلنا دخلوا لبيوتكم دش ابو ثلاث عيون
ولا قلنا دخلوا اوربيات

لا أشياء وقنوات خفيفه علشان البنت او الأم مايملون وهم مقابلين الجدران

وينتظرون لين نخلي البنت تسوق عاااد ونشيل عنهم الدش بس انتم اصبروا علينا

[فرهود]

وسبيستون ((((((( رجاء لاتتكلم عن القناة هذي لانهم يعرضون البس والفار)))))



عندي سؤال (( فيه إختراع جديد أسمه قناة المجد )) !!!
8 قنوات و قناة راديو وفلة ووناسه .. (( المصدر خواتي ))

[بريداوية بالرياض]

تبي نصيحتي
شل التلفزيون من بيتكم إذا ماعندكم دش
بعدين تعال : الحين وش يفرق النت اللي انت قاعد عليه عن الدش؟؟
ولاصح نسيت النت والدش بالملحق لك لحالك
كنه حلال عليك وحرام على اخوانك مدري عيالك !

[شبل الغابة]

خلنا على المجد أفضل وأريح يالطيب

[النورس]

ما شالله
اشوف امي وخواتي المسكينات متحطمات نفسياً وطول وقتهن فاضيات وحزينات ومقابلات الجدران وبحال لا يحسدن عليها علشان ما عندهن دش (( يا حوول مسكينات نرحمهن والله))
.
بينما الحال يختلف عندهن ,طوال يومهن مبسوطات الله يديم عليهن واذا بغن التلفزين عندهن قناة المجد
.
.
فكروا فيها شوي
شغلوا عقولكم لو مره من ناحية الدش
(( السعاده تجي من الله وليست من الدش , فكيف اعصي ربي واركب دش علشان تجين السعاده ))

[ابن رُشد]

عفوا سيتي ماستر
شكرا على طرحك للموضوع في البداية
ثم اني اقول ان من لايرى الدش والتلفزيون نهائيا فمن الافضل ان يستمر على ماهو عليه لان الدراسات اثبتت ان العيش بدونهما افضل بكثير.
اما الي يضحك على نفسة :D ويشوفه بالاستراحات والمقاهي والشقق ويغيب الساعات الطوال عن البيت من اجله
فأقول بلاش نصب وازدواجية وادعاء وكبت للأهل وخداع للنفس
اضع الدش مع الرقابه والرقابه ممكنه جدا اذا كانت من البداية واعتاد الاطفال من الصغر عليها فانها ناجحة ومن اراد الاستزاده فأنا مستعد
ودمتم بخير

[براكش]

لالالالالالالالالالالالالالالالالالالالالالالالالا لالالالالالالالالالالا مليون الحمدالله على العافيه