[ajmn]

إييييييييييه . أمك ملزمة علييييك
أقول قم بس نم . . تبي تلعب علينا . .
البنت أنت اللي حابة و فاغين راس أمك يا الهولة . .
أبي فلانة . . تراه سنعة . .
لكن ما أقول إلا . . و ما الحب إلا للي بداخل القلب مخياله . .
يالله بس توكل على الله ومثل ما قال حدا الشباب . . الفحوصات إن شاء الله تبين . .
و بالتوفيق حبيبي . .
الله يجمع بينكم بخير مقدماً . .

[عبدالرحمن الثاني]

نصيحة إذا تعرف البنت زين ..

وهي خاشة في مخك خذها ولا تتعدها إلى ما لا تعرف ..!

أما إن كنت تعرفها .. وتعرف ما لا يسر فيها .. فإياك أن تقترب منها .!

وخل أمك .. هي التي تتزوجها .!

ولا تجامل أحد في موضوع الزواج

قياسا على : لا تشاور أحد في قتل الأمريكان .!

[عابق الذكرى]

اقتباس المشاركة الأساسية كتبها عمر الدوري اخي العزيز توكل على الله واتخذ القرار بنفسك بدون ضغوط خارجية وان كانت قريبتك داخله قلبك فتوكل على الله والا فهذي مش لعبة دي عشرة سنين لا يوم ولا يومين ولكن النبي (ص) في اقواله يفضل زواج الغير الاقارب من ناحية العلاقات الاجتماعية وثانياً في الصفات الوراثية حيث يقول (ص) "غربوا في النكاح"

أخوي (عمر الدوري ) المحترم

سمعت أنه لايجوز قول ( النبي (ص) ) لانه
فيه تقليل لشأن الرسول صلى الله عليه وسلم
والواجب قول( صلى الله عليه وسلم)

شكرا
-----------------------------------
وفقك الله يالنورس
على قول مدحت (سر ونل)

[ولد_الصفراء]

بسرعة لاتصير غبي مثلي انا كنت ناوي اخطب وحده يوم قررت اخطبها تفاجات بملكتها من شخص ثاني

اذا كنت مرتاح لها لاتطير منك

[توضيح الاشكال]

الله يهدي امهاتنا دائمًا تقف في وجه أبنائها وتكون هي العائق في عدم الزواج , فعندما يطلب الابن الزواج تخيرك بـ بأربع وتتستر عن الباقي من بنات الناس فيظطر الإبن إلى الإستعانة بعمته او خالته او اي وحدة قريبة له وينسى امه وهذا ملاحظ واخي نموذج ...

[التويجري]

اقتباس المشاركة الأساسية كتبها المسفهل نصيحتي لك أخي أن تتوكل على الله .. وتتقدم لخطبة قريبتك وما تدري لعل الله أن يكتب لكما التوفيق بسبب طاعتك لأمك

طيب واذا ماجازت لوه ..؟

ياحبيبي النورس ..

إذا ماكنت مقتنع بهالبنية ورأيت بعد النظرة الشرعية بأنك ترغب في غيرها ..

فلا تتردد في البوح لأمك عن هذا الشيء ..

وإياك ومجاملة الوالدة ..

ربما البعض يأخذ العلاقة بالوالدة بطابع رسمي ..

لا ياأخي أمك تحرص على ماينفعك ..

ولو كانت السعادة تنتزع من القلب لكانت الأمهات أول المبادرات ..

هاذي المسألة حتمية [من الملاك حتى الهلاك] ..

فلذلك لاتأخذ شيء مااقتنعت به جبرا ً لخاطر الوالدة ولكن ..

قل للوالدة تدور لك غيره ..

وليس هذا عصيانا ً أو عقوق لكن من حقك أن تختار ..

حاول أن تقنع الوالدة بإعادة البحث مرات ومرات بأسلوب طيب ولين ..

بحيث ماتشيل بخاطره لانك مابغيت البنت اللي دخلت قلبه ..

والله يوفقكم وعقبال العجايز والعوانس من رجال هذا المنتدى المبارك .. :D

وإن كنت أشك بأن في الموضوع إنّ كما قال أخوي ajmn

بالتوفيق للجميع ..

[النورس]

صراحه ردودكم شي توسع الصدر وتحمس الواحد
تسلمون والله
الله يجزاكم خير
:
فرخ الفيل:اجل سر ونل شديد الملاحظه ماشاءالله عليك تسلم والله يالغالي
اخوي المسفهل : مشكور على النصيحة والله يعطيك العافيه
المنخرش : اي شهر عسل الي الحين عزوبي. والله يوفقك
الطموح: اسعدك الله بكل ما يرضيه
ajmn:

اقتباس البنت أنت اللي حابة و فاغين راس أمك يا الهولة . .

:D
ههههههههههههههههههههه لو ما ابي البنت كان بكل بساطه اقول للوالده خلاص هونت ما ابي اعرس الشرهه على اللي يقولتس ابعرس
الغشيم : اللهم صلي وسلم على نبينا محمد
ولد الصفراء: والله انك صادق ... انت كلامك يخوف
توضيح الاشكال: ملاحظتك منتشره بكثره الله يهديهن

مدحت شوقي بريده & الرعد القاصف & الشكيم & المتوهج & عمر الدوري & بريداوي بالرياض & ابو صالح & عبدالرحمن الثاني & التويجري مشكورين الله يبارك فيكم ويعطيكم العافيه

[قناص 2006]

اخطب الليله قبل بكره
سر...ونل...
وقبال بعض شيبان المنتدى بعضهم الأولة وبعضهم الثانيه
والله الله على الثانية

[:: السامي ::]

اقتباس المشاركة الأساسية كتبها فرخ الفيل من اسمك تجد الجواب اقلب اسمك مع حذف الألف

تصدقون أنا بعد انفقع راسي عجزت أفهم إلى أن فهمونا الأخوان

أنوااااااااااااااااااااااااع الشرافه
سهج بموضوع الرجال :D

[الفـــارس]

ماخاب من استخار ..

وفقك الله لكل خير أخي ..

[فرخ الفيل]

صح يمدحت .

على فكره يا النورس لاتبلش بردود طف كمبيوترك ورح سنع نفسك قبل فوات الأوان طع شوووووووووري .

اقتباس تصدقون أنا بعد انفقع راسي عجزت أفهم إلى أن فهمونا الأخوان أنوااااااااااااااااااااااااع الشرافه سهج بموضوع الرجال

السامي من قوت الشرافه عجزت تستاعب طبع وش خليت :D

[ستي ماستر]

اقتباس على فكره يا النورس لاتبلش بردود طف كمبيوترك ورح سنع نفسك قبل فوات الأوان طع شوووووووووري .

انا مع الرجال
اعقلها وتوكل وتذكر انه ما راح يصيرلك الا اللي كاتبه لك ربك
بالتوفيق

[سي السيد]

انا من رأيي
انت ما كتبت الموضوع الا ودك بالبنت, لو ما تبيها كان ما جبت طاريها :D

استخر وحط رجلك قبل لا تفوتك

[ستي ماستر]

لا تنسى تبشرنا بملكتك
بالتوفيق اخوي