[(<*أبولجين*>)]

اقتباس المشاركة الأساسية كتبها شاهد عيان ياولد نورة..... الشرهة مهب عليك !! الشرهة على وصف لك منتدى بريدة وخلاك تسجل به !!! .....أجل بالله عليكم هاذي مشاركة؟؟؟؟؟؟؟؟؟؟؟؟؟

هون عليك أخوي ...

وتأكد إنه ماكتب هالموضوع إلا للبحث عن إجابة من إخوانه ...

ولكل واحد أسلوب في الكتابة .. قد يوفق فيها أو يخيب .. ولكن يهمنا هنا هي سلامة النية والمقصد من الكتابة .. ونحن جميعا نحسن الظن به وبإذن الله إن ظننا به وبغيره لا يخيب ...

فخفف على أخيك بارك الله فيك



أخوك الصغير
أبولجين

[إسنكرس]

الصور مو واضحه وشكل بريده فيها مطر الله يسامحكم ماخبرتونا عنها اعيوني عليك يابريده يا احلا مدينه بعد المدينه

[ولــد نورة]

أخوي شاهد عيان : ما عندك كلام تقدر تقوله غير هذا , للمعلومية ما دلني أحد للمنتدى أنا اللي جيت لحتف أنفي !

--------------------

أخوي البحتري : حياك الله
-------------------

أخوي أبو خطاب وش فيها إذا دخل الواحد للحي ووقف وعين من الله خير وصلى ومسك الطريق بعده ؟؟ مافيه فرق بينه وبين الوقوف على الشارع ( ولا واقفه على دقيقة ودقيقتين زود) .

وإذا كانوا ملزمين أنهم يحطون مساجد على الشوارع الرئيسية (الحيوية) يخلونها في شوارع واسعة + أنه يكون المسجد واضح + يكون فيه (مواقف) خاصة بالمسجد ... مثل مسجد الشيخ صالح البليهي الله يرحمه بالبشر مع أن ذاك المسجد أفضل بكثير بكثير جدا من وضع مسجد الرشوي (القضية) 0 شكراً لمرورك .

-------------------
أخوي عابق الذكرى ... اول شيء الصورة حلوه , والله الله بالولد تعلمه على الخط شكله بيطلع خطاط لأنه أشدف والله يخليه لعين ترجيه ..
والله ما أدري وش أسم الإمام مع أن صوت كويس ماشاء الله عليه ,,, ومشكور على الدعاء

[فهد بن محمد]

السلام عليكم ورحمة الله وبركاته

اخيـ ولد نورهـ

انا معك فيما كتبته عن رديـ عليك

ولكنـ؟؟..؟؟

الإختلاف في سياغة الموضوع فلم ارى في حياتي أحد يتكلم عن المساجد بهذهـ الطريقه

بعبارات غير جيدهـ مثل((مسجد ضرار بريدهـ_كارثه))

..

[عبدالرحمن الحجيلان]

لكن لا تنس إن المنطقة قديمة شوي ميهيب مثل حي البشر مأبطأ طالع فصعبة إنهم يوسعون الشارع وهو مهم يعني مزدحم لكن يبقا إنهه بعيد عن أصحاب المحلات وأشكرك على الموضوع

[abo suliman]

عزيزي وأستاذي الفاضل ..
الأخوة القائمين على المسجد بذلوا قصارى جهدهم . لتوسعة المسجد وترميمه
أذكر قبل 4 سنين كان المسجد .. نصف ماهو عليه الآن .
ثم وسعوه وجعلوه طابقين .
ثم أرادو أن يوسعوه من الجهة اليمنى ( الأرض البراح ) .. لاكن صاحب الأرض .. لم يوافق على بيعها ..

واحب أن أوضح المسجد قبل 3 سنين لم يوجد السنيدي ولم يوجد بنك الراجحي ولم يوجد بوارث و و وو
لذلك المسجد .. يكفي أهل الحي . وبعض المارة من ذلك الشارع ..

[ولــد نورة]

اخوي Abody حياك الله ... وما يعرف حر النار إلا واطيها ... لو يتأذى أحد أخواننا - الله يكفينا الشر - من وضع المسجد كان لقيته أول المؤيدين لإزالة المسجد أو تعديله , وهذه مشكله أننا نقر بوجود خطأ إلا بعد تضررنا منه ..
-------------
أخوي أبو لجين ... لا تاخذ ببالك كثير والحمد الله هالحركات تصير بأحسن المنتديات وأنا متعود عليها (منذ مبطي) ,,, وشكرا لانصافك
------------
أخوي سنكرس : ما فيه مطر يذكر .. فيه غبار وبعده نزل مثل الديم يخفف الغبار ويمكن الغبار هو السبب في عدم وضوح الصورة عندك وشكرا لمشاركتك .

========

الاخوان المشرفين .... ليش نقلتوا الموضوع عن غير المفتوحة !! الله يسامحكم

[بريماكس]

اقتباس الاخوان المشرفين .... ليش نقلتوا الموضوع عن غير المفتوحة !! الله يسامحكم

عزيزي ، الموضوع يهتم و يخص مدينة بريدة و (أخبار بريدة) هو القسم المخصص لذلك .
شكراً لك .

[ولــد نورة]

أخوي أبو خطاب : نعم موضوع المحلات التجارية صعب نوعا ما .. مع ان كل مخطط سكني لابد أن تكون فيه أرض مخصصة للمسجد وأخرى حديقة فالحي الموجود خلف بنك الراجحي وباوارث وبقية المحلات اعتقد أنه لابد ان يكون فيها مساحة محددة لهذا الأمر , أما أننا نقر بالواقع ونقول أن هذا قديم فالقديم (ينظر فيه) أو يعدل على الأقل ... واشكرك على الاثراء .

-------------------

أخوي الجني : حياك الله .. والله يجزى القائمين على المسجد كل خير ويزرقهم من حيث لم يحتسبوا , وما فيه شك أنهم أرادوا الاحسان والخير للناس , وتساؤلنا هو عن تخطيط امانة المنطقة والشئون الاسلامية وكيف أنهم لم يتحسبوا لمثل هذا الأمر .

اخوي بريماكس : بس بيني وبينك شوته محترمة

أخيـــــــرا : أشكر وأقدر كل الإخوان المتفاعلين مع الموضوع , ويعلم الله أنه لم يكن قصدي إلا الإصلاح وابداء الرأي في مثل هذه المسائل التي تهم مدينتنا وساكنيها أولاً وأخيراً والسلام عليكم ورحمة الله وبركاته

[ملتاع نجد]

الله يهديكم اشوي شوي على الولد وش ذا الكلام عز الله انه يكره المنتدى كله الله يهديك ياشاهدعيان بشويش عليه وبعدين هو يبي حل مهب يبي هوش ولاتزعلون على ردي
مع تحيات ابوحاتم

[ولــد نورة]

اخوي فهد بن محمد ... الصياغة كلــ(ن) يكتب بالطريقة اللي هو متعود عليها ... وشكرا على اخلاقك الرائعة وعذرا على الطمره لأني ما انتبه إلا بعد المراجعة . وحياك الله .

------

اخوي ملتاع نجد : والله ما جبت خبره .. لأنه ما راح يتضرر من هالتعليقات إلا المشارك نفسه وكل عقله براسه وحياك أخوي ,,

[منصور الحب]

اولا %ارجو ان تحترم المساجد لانها لله ليست لاحد لكي يهدمها

ثانيا % ولله الحمد ان طريقة كلامك لاتوحي الى الرجوله والتقدم بالفكر ابدا

ثالثا % ان كان على كلامك يضيق صدرك اذا مريت ويزرق وجهك لاتمر بارك الله فيك من عند المسجد يوجد انواع الطرق التي تؤدي الى جنوب بريده
طريق الخبيب و الدائري الداخلي مع دوار الهديه ومع طريق التغيره الساده جنوبا والدائري الخارجي
وان بلشت دق على المرور993 قلهم ابروح جنوب بس مو مع الشاحنات يعلمونك اما تثير البلبله والهستره وناضرون يااهل بريده تراي قوي اعرف اجيب شي هذا مااعندنا فلاكن ان طرحت بعض المواضيع السخيفه سوف اتخذ وبنفسي اجراء آخر ولو هو كوفي شوب موقعه يجيب المرض كان قلت من اميز المواقع وانه وانه تطلع شياطينك بااللهو والحرام قل حطوا مطب قبل المسجد قل وسعوا الشارع اما اهدموا المسجد تحسب هدم المسجد لعب فتح عيونك يا عم واهتم لدينك لاتصير كلن يلعب عليك وارجو ان تشوف الردود عليك هل كلهم خطأ وانت صح
{قل خير ام اصمت}
اخوك / ابو حمد القصيم - بريده - حي السلام mmh915@hotmail.com

[أبوالمنتصر]

للأسف الشديد أستغرب من بعض المشاركين في هذا المنتدى طريقة ردهم .
لكن أود أن أسأل سؤال باعتقادي إنه مهم ::::::
هل هدم المسجد هو الحل ؟؟؟؟؟؟؟؟؟؟؟؟
إن لم يكن هو الحل فماهو الحل برأيك يا أخ ولد نورة
لأن هناك مساجد كثيرة من الصعب توسعتها وعليها زحمة شديدة
فمثلاً مسجد الأخ محمد المروتي المقابل للسجن العام بلغني أن المنزل الذي بجانب المسجد يفتحون منزلهم في رمضان وتصلي النساء فيه لعدم وجود مكان كافي لهن !!!
هل هذا يعني هدم هذا المسجد أيضا
كذلك مسجد النجيدي الشمالي في حي الأفق كان يعاني سابقا من نفس المشكلة



أظن أن الهدم ليس حلاً ...... هل توافقني ؟؟؟؟
وكذلك فاعلم تمام العلم أن من الصعب في""" بعض الأحيان""" إيجاد دعم لتوسعة مسجد توسعة تكون كافية لاستيعاب المصلين
-
لدينا في بريدة مساجد كثيرة
ولكن كما قرأت في هذا الموضوع نفتقر إلى قضية التخطيط الاستراتيجي ففي بعض الأحيان يأتي أحد التجار ويبني مسجدا صغيرا في منطقة عمرانية قابلة للنمو والتوسع
والعكس موجود بكثرة فتجد مسجد كبيييييير ماعنده أحد ...

[sharl]

المشكله ليس موقع المسجد وانما تكمن المشكله بأنعدام التصميم الجيدللمسجد 0هذه هي مشكلة كثير من مساجدنا في هذه المدينه الغاليه على قلوبناحيث يبنى المسجد بمقدار المبلغ الذي عند المتبرع الذي يريد بنائه مما يجعل المسجد يبنى بمثل هذه الصوره ولو فتح المجال لاهل الخير بأن يشاركوا فيه لارأينا مساجد جميله لكن المشكله الاحتكار في البناء0وابشرك اني صليت في مسجدين من تصميم ادارة المساجد والمشاريع الخيريه وجدة فيها الاستغلال الامثل لمساحة ارض المسجد0
واتمنا ان كان كما يقول احد الاخوه سوف يوسع المسجد الأستعانه بهذه الأداره وخبراتها قبل البدء ببناء المسجد0 ولك ان تصلي في المسجد الواقع جنوب مصتوصف رشيد وكذالك المسجد الواقع شمال الجامع الكبير اعتقد ان اسمه مسجد ابن خضير الشمالي وكذالك مسجد يقع على طريق الملك سعود في الفايزيه بعد اشارة جدودنا وانت متجه شرقا لطريق الطرفيه اول مسجدحجر على يدك اليسارواسمه سعد ابن الحارث هذه المساجد من اعمال هذه الأداره التي لانعلم عنها شيء