[هلالي وبس]

والله ذكرتيني بواحد من اهل بريده اعرفه يقول: اذا بغيت الحرمه ماتعصى اوامرك حيرها .. عطها أمر بس صعب عليها الطريق اللي تسلكه.. يقول مثلا: اقول لها منب جاي آخذك بالليل من بيت اهلك وماابغاك تنامين عندهم؟؟ فتقعد المسكينة طول يومها عند اهلها وهي تحوس تدور من يرجعها لبيتها قبل مايزعل زوجها!!!!!!
وانا اعترف ان رجال بريدة متشددين بالحيل وغير متفاهمين مع زوجاتهم مقارنة مع رجال الرياض او المدن الثانية..
اجل تصدق اني لما اشوف الرجل يمشي بسوق ووراءه على بعد خطوات حرمه ..اعرف انه بريداوي لأنهم هم اللي يستعيبون ان الزوج يمشي جنب زوجته..

[حبر الألم]

اقتباس المشاركة الأساسية كتبها مدحت شوقي بريده طيب فيه رجااااااااااااااال يودون حريمهم لمدارسهن على بعد 100 كيلوا يومياً .. وعلى تعميم كاتبة الموضوع .. نبي نعمم ونقول .. إن كل رجال بريدة حبيبين ويودون حريمهم .. دائماً الحكم على العموم مجحف .. فقليلاً من الانصاااااااااااااااااااااااااااااف .. وسلاااام عليكم ..

يا حبيلك يااااااا مدحت شوقي



تصدق صدقت بالموضوع



تصدق إني جاي أبهاوش الشرقاوية اللي زوجها ( دعلة ) وحطة كل رجال بريدة



زي زوجها يعني إتهاااااام عينك عينك




مهب كل الناس زي بعضه



وتبون الصراحة أنا أشك في هالموضوع وأحس إنه تركيبة وخربطة


لأنه غير داخل العقل


بس علشان ( يسبون أهل بريدة )


ولكن بريدة عالية وستظل عالية


ومن ناحية إنها من الدمام ( كثريلي منها ) هههههههههههه

[فاصله]

وعليكم السلام
زوجك غريب ...فكيف يخالف نفسه ..يأمرك بالذهاب ويغلق الأبواب ؟؟
لكن أتوقع كلامه هذا صدر منه بعد نقاش حااد وكان مزاجه سيء.. وهو بتصرفه هذا يحاول استفزازك .. ربما
وأنت بالمقابل ابتعدي كل البعد عن استفزازه برجولته ..أو بانتمائه ....؟ ولكن ((كسريله التلج ))كما يقول أخواننا السودانيون ... لا تحاولي التشديد على الأمر ..<< أرخي شعرة معاويه>>
كان الله بعونك ..وسهل أمرك


أفا مقهوره ... الله لايقهرنا ...أجل رجال بريده
((مايرحمون الحريم ولايهتمون فيهن ولايعطونهن قيمه ولااحترام))
اسمحيلي حكمك بالتعميم جااااائر ..وربما انك ما عرفتي غير زوجك من رجال بريده ولذلك أخذتي انطباع سيء ..
,,,واعرف والله من نزلت لها وظيفه وقريبه من سكنها ..ولكن زوجها البريداوي رفض ..يقول لها ارتاحي وشوله تتعبين نفسك غثاء وغرابيل ..وانا ما راح اقصر عليك ..
فلذلك أنا أبقول
((رجال بريده كلهم سنافيين ويشد بهم الظهر ،،و فيهم حسن تبعل وحنيه ...))

[المقهوره]

اقتباس المشاركة الأساسية كتبها حجر والله مشكلة هذه لايريد سواق !!!!!!! ولايريد أن يوصلك الصبح ويرجعك الظهر !!!!! ولا يريدك أن تستقيلي أو تتركي الوظيفة هذا عناد الله يهديه بس !!!!!! فما فيه إلا أن تتفاهموا بينكما على هدوء وتفهميه الواقع وقبل هذا الدعاء له بالهداية

اشكر لك ردك بالبدايه
وزوجي ماهو (عناد) تقدر تقول: مايبي يرتبط بي يوميا بالروحة والجيه .. ولايثق بالسائق الوافد.. ولايؤيد أن اركب مع رجل سعودي( نقل)

[المقهوره]

اقتباس المشاركة الأساسية كتبها قمردين حاوري زوجك بلتي هي احسن نسئل الله إن يفرج همك عاجلاً غير أجل .

انا ليس بيني وبين زوجي مشكله في هذا الخصوص .. بس وجهة نظره قاهرتني .. ومالقيت لها حل
يعني يمكن سمعت بالرجل اللي حينما صعدت زوجته السلم وبينما هي في المنتصف قال لها:انتي طالق ان صعدتي السلم او نزلتي منه او وقفتي في مكانك؟؟ يعني حيرها ومع ذلك لقت حل وحيله وتخلصت من المأزق وماتطلقت.
والرجل الآخر الذي كان مع زوجته طاسه فيها ماء فقال لها: انتي طالق ان شربتيه وطالق ان كبيتيه وطالق ان خليتيه بالطاسه .. ومع ذلك احتالت ونجت من الطلاق

[المقهوره]

اقتباس المشاركة الأساسية كتبها عابق الذكرى أصابع يدينك مب وحده أختي الكريمه فلا تحكمين على أهل بريده بزوجك دمت بخير

انا ماقول كل اهل بريده
بس ثلاثة ارباعهم كذا

[المقهوره]

اقتباس المشاركة الأساسية كتبها دبيب النمل أختي ((أنتي معلمة وتحطيمن كل القهر)) بإذن الله وهذه نقاط عنوانها ((وما أريد إلا الإصلاح ما استطعت)) أولاً: التفاهم والتروض أول طريق الإصلاح ثانياً: إستعيني بمن تثقين به ممن يحبون الإصلاح ويقبل زوجك منه ثالثاً: محاولة طرح الفكرة بأساليب متنوعة، وفي جو (العيشة الزوجية) و (ووقت وناسة الزوج) رابعاً: لا تتكرر الطلب بكل كبيرة وصغيرة خامساً: حاولي تتصلين بأحد المصلحين كالشيخ عبد العزيز الأحمد وإبراهيم الدويش ومركز رؤى للإسشتارات سادساً: الرجال ليسوا على وتيرة واحدة ورجال بريدة بريدة متفاوتون وفيه رجال أشدّ من زوجك ببعض الطلبات، ومنهم العكس، فلا بد تفهم الوضع البيئي

المسأله بيني وبين زوجي مافيها خلاف ولامشكله .. بس تقدر تقول :راسه يابس ولايقتنع بكلام احد ويؤمن بأن رأيه هو الصواب دائما ..

[المقهوره]

[QUOTE=أم فيصـل;535207][center][size=4][font=Simplified Arabic][color=#000000]
و عليكِ السلام يا فاضلة (( و لن أقول المقهورة ))
أولاً أستغرب منكِ أستخدام لغة _ الجمـع _ في عنوانكِ أعلاه رغم أن المشكلة هذه لا أراها في القصيم فقــــط .
فــ....صديقتي أم الخمسة أبناء و مدرسة أيضاً و تعاني مثل معاناتكِ من قمع زوجهـا و حرمانها من زيارة أهلها في القصيم ! و ليس و حده بل طالت المشكلة لـ...أهلة من أهانة و ......؟
و زوجهـا ليس قصيمي
الفاضلة لا نتفقد عيوب الأخرين قبل أن نرى عيوبنا !
تفقدي قد تكوني أكثرتي من (( الحنة )) أمامه فــ...الرجـال دوماً يرهقهم كثر (( ترديد )) الزوجة لــ...حادث مـا حتى و أن كانت تمـدح فــ...ذاك دوماً يرهقهم




عزيزتي: انا اعيش في بريده منذ سنوات عديده واختلطت باجناس كثيرة منهم سواء عن طريق العمل او الاقارب او الاصدقاء فرأيت ان الغالب على رجال بريده (انهم يقللون من قيمة الحرمه وان رأيهم دايما هو الصح وغيرهم غلط ومتخلفين)
تقولين انني ربما قد اكثرت من (الحنه) أي حنة تقصدين ؟؟ لو المسألة جايه علي كان اكبر الوساده واقعد في بيتي بلا هم وظيفه ولا غيره .. بس الله يعلم بالحال وبالاقساط

[المقهوره]

اقتباس المشاركة الأساسية كتبها swelem وعليكم السلام ورحمة الله وبركاته لعلي افيدك بشيء لأن لي شقيقه مشكلتها قريبه من مشكلتك أولا .. لا أنصحك أبداً بإسقدام سواق حتى وإن وافق زوجك نظراً للمشاكل المترتبه عليه ثانياً .. لاادري مالذي يخشاه زوجك من ذهابك مع نقل المعلمات لأني أرى أن هذا الحل هو أسهل الحلول وأخفها مضرة وأرى أن الحل الوحيد بما أن زوجك اغلق كل ابواب الحلول هو أنك توكلين المهمه له ليبحث هو عن حل مناسب له وأستغرب وقوفه مكبل الأيدي وعدم التحرك للبحث عن حل فحسب كلامك انه هو الحريص على عدم تركك للتعليم ! بالنهايه ليس هناك أجمل وأفضل من الحوار الهادئ والتفاهم بين الزوجين فهو المفتاح السري لكل مشكله أعانك الله على حل مشكلتك واسعدك مع زوجك وجعل الحب والألفه شعار لحياتكما وأبعد عنكم الكره والفرقه تنبيه لبعض الأعضاء لاتزيدون الحطب على النار المشاكل العائليه لاتحل الا بالتفاهم عليكم بالنصح والإرشاد واتركوا عنكم ( الــشــب )

انا ايضا اكره السائق الاجنبي.. واما النقل الخاص بالمعلمات فيتحجج زوجي بأنه سعودي ومايبغاني اركب مع (سعودي)؟؟؟؟
وزوجي مثلي متحير ولم يجد طريقه اخرى تريحه وتريحني معه.. بس بعد مامل قال : دبري نفسك بس من دون ترك الوظيفهّّّّّّّّّّّّ!!!!!!!!!!!

[المقهوره]

اقتباس المشاركة الأساسية كتبها غشمشم صدق حرنا به هالرجال!!!!!!!!! انا اقول مالك الا تشيلي بيتك وتحطيها جنب المدرسة وبكذا ترتاحون كلكم لانه اصلا مافيه حل الا اللي ذكرتيهن والزوج المصون رافض؟؟؟؟؟؟؟؟؟؟؟ وبالنسبة ان هذا هو طبع رجال بريده انا اشهد انه صدق ,,,الرجل عندنا مايبي يسوي شيء لكنه يبي من الحرمة تسوي له كل شيء حتى اللي ماتقدر عليه مااقول الا الله يعينك

يااخوي اذا كان عندك منفذ والاطريقة اسعفني بها
وبالنسبة لشهادتك عن اهل بريده فاقول: الحمدلله .. وشهد شاهد من اهلها

[المقهوره]

اقتباس المشاركة الأساسية كتبها عبدالرحمن الثاني الحل .. هو الرجوع للبيت القديم .. وخلاص .. أو النقل لمدرسة حول البيت الجديد .. يعني لو ترجعين للبيت القديم على ما فيه من عيوب .. وترفضين الانتقال أو تقومون بتأجير البيت الجديد حتى تستطيعين الانتقال حول البيت الجديد .. والمهم : هناك في المسألة عناد .. ويبدو أن الرجال طيب .. لكن يحتاج لأمرأة تعرف مفاتيحه .. يعني سوي شيء زين وناقشيه بهدوء .. صدقيني المصارخ والزعل والحنة وتقليب العيون ما ينفع .. اللي ينفع فقط .. السلام .. والتودد للزوج .. لكن كالعادة المدرسات شايفات أنفسهن على أزواجهن .. وهذه المرأة إذا صار لها راتب .. فكل شيء له ضريبة .

هالحين ماصدقنا انه بيتنا يخلص ونسكن فيه ونفتك من هم الآجار وتقول نرجع له؟؟ وبعدين لو وافقت زوجي ماراح يوافق.
وترى المسأله مافيها عناد ولاشيء..
تقول: ان الرجال طيب لكن يحتاج لمرأة تعرف مفاتيحه.. طيب اسألك بالله عطني المفاتيح انت.. وقل لي الحل برأيك؟؟
وبعدين من قال لك: ان المدرسات شايفات انفسهن على الزوج؟؟ والله لاشفنا انفسنا ولاشيء .. بالعكس زود على غثاء الدوام وشغل البيت ومساعدته باقساطه وديونه .. ليتهم راضي بس ولاينافخ وكأنه واجب علي اللي اسويه؟؟
وترى الراتب مااستفدت منه .. انا وكثير من المعلمات.. كله يروح للزوج والعيال والبيت

[المقهوره]

اقتباس المشاركة الأساسية كتبها ابن البدائع أختي المقهورة كان الله في عونك واخرجكي من أزمتك فلك منا الدعاء ولكن ياحبذا لو اسميتي نفسك المتفائلة وليس المقهورة أختي المقهورة من شاهد مصيبة غيرة هانت عليه مصيبته ووالله العظيم أن هناك زوجات يذوقن الأمرين قد يكون الزوج من القصيم وقد يكون من خارج القصيم فالنفس البشرية بتكويناتها لا تفرق بين منطقة وأخرى أختي أنتي في مشكلة وحلها في مواجهة المشكلة وحاولي أن تجدين من أقارب وقريبات زوجك من يؤثر عليه ودعوااااتي لك بتجاوز هذه الأزمة

صحيح من شاف مصيبة غيره هانت عليه مصيبته
بس هذا مايعني اني ماهتم بمشكلتي وادور لها على حل
والمواجهه لم تنفع لاننا لم نجد طرق اخرى لتنقلني للمدرسه

[دار حاتم]

السلام عليكم

كيفكـ..اختنا المقهـورهـ.(الفـاضله.... ان شاء الله تمام"



ماعندي شي اقوله علي رد موضوعكـ."
فوق الكلام الي ذٌكـرمن الاعضاء الي قبلي."

((عطوني انطباع سيئ عن اهل بريده كل زوجات يشتكون))
((ياحبي لك يا حـــــائــل الكـرم والــوجود."))


\\
وعنوان موضوعكـ ظهر لي بصدفه."
بس حبيتـ تلميحاتـ لكـ وامسكـ في ايديكـ علي برا الامان."
".".
حكمـي عقلك بشؤون اموركـ كلها
ودعي عنكـ المشوراتـ بين من يقف بجانبكـ ومع من يكون ضدكـ."

ابحثي الحلولـ..\(من رب العزهـ بدعاء
وخلي عنك البشر"..

ثانياً:
وكلمي اصحاب الحكمه ذو الراي السديد من اهل زوجكـ..
توكلي علي الله...وما عليك الا السمع والطاعه
للزوجكـ."


انتي الي تكسبين في الاخير." . دنيا واخرهـ



علم من علم وجهل جهل

[المقهوره]

اقتباس المشاركة الأساسية كتبها طايرتن بوهتي يووه الله يعينك ولله ,, يعني الوحده تقطع نفسها ؟؟ انا اقول إجلسي في البيت لاتداومين لين يوديك هو !! ولايدبرك بحل ثاني والله يعينك و ترا كل اللي قالوا المشكله هذي موجوده عند ناس كثار اقول لهم صح بس في بريده بزوود !!

صدقتي ( في بريده بزوود)