[المقهوره]

اقتباس المشاركة الأساسية كتبها desha ؟ ؟ ؟ ؟ يخافون الأطفال يخترعون ؟ ؟ ؟ ؟

ههههه ضحكتني

[المقهوره]

اقتباس المشاركة الأساسية كتبها الغريبه ومن قالك انهم يمنعون النقاب النقاب مسموح فيه الا اذا كان هالمنع شي جديد

النقاب ممنوع منعا باتا
مرة رحت متنقبه وتنكدت بذيك الروحه.. كل دقيقة ووحده تجي وتقول: افتشي والا راجعي الادارة .. حتى طقت كبدي منهم ومن تعاملهن .. وفتحت بالاخير وجهي

[المقهوره]

اقتباس المشاركة الأساسية كتبها قصي100 ههههههههه ياحليلكم ياحريم بريده بحياتي كلها ماشفت مثلكم بلبس النقاب في المجتمعات النسائيه وش يبي يضرك إذا كحلتي عيونك وحطيتي على شفايفك مسحة روج ومشطتي شعرك ولبستي لك تنوره وبلوزه محترمات ...؟؟ أستغرب من هالعاده ..!! في كل مكان تروح له تشوف منقبات والمشكله ياريتهن يحترمن أنفسهن الوحــده منهم تبي تاكلك أكل بعيونها شين وقوية عين لا وياريتها تستر على روحها تمشي وتتكلم بين خلق الله شفت فلانه بالمــلاهي وفلانه ودي أدري وش عندهــا بالبنك ومدري وش اللى موديها للمشغل العلاني ..!! أتركو خلق الله لله وأغفلو بصراحه ما ألوم الوشاح لو منع المنقبات مايكفي تنقبكم بالعثيم ووالنخيل ..؟

وانت يااخي وش حارق رزك؟؟؟ شوي شوي .. لاينط لك عرق .. ونبلش بك
وترى اصابع ايدينك مهب وحده.. فاذا صار هذا طبع خواتك ..فالناس مهب واحد..

[المقهوره]

اقتباس المشاركة الأساسية كتبها غشمشم فعلا لماذا يمنع النقاب في الوشاح ولايمنع لبس القصير والبنطلون؟؟؟؟؟؟ شيء غريب؟؟

والله انك صادق
هالحين نشوف اشكال والوان من لبس البنطلون والقصير ومايقولون شيء.. جت على النقاب يعني
وبعدين الاسواق النسائية بالرياض مثل( تولان - البراجون - بشرى) مايمنعون النقاب ..

[المقهوره]

اقتباس المشاركة الأساسية كتبها ..هوجــااس.. السلام عليكم.. شي طبيعي يمنعون النقاب علشان يتأكدون من الشخصيه.. وبعدين وش عندتس تتنقبين تبين تقزين الناس والهم مايقزونتس ............................... .. .. بالنسبه لكلام أخوي غشمشم.. الوشاح مجمع متحفظ ولا يسمح باللبس العاري والقصير والبنطلون.. وكله ندوات ونصائح .. لا تقولون مالاتعلمون...........؟؟!! [glint] بحفظ الله ورعايته [/glint]

وانا جايه للوشاح ومتعنيه وضاربه مشوار ومتنقبه علشان اقز الناس .. صدق ماعندك سالفه
وصحيح ان الوشاح فيه ندوات ومحاضرات بس هذا مايمنع وجود البنطلون والقصير

[المقهوره]

اقتباس المشاركة الأساسية كتبها بريداوية بالرياض ههههههههههههههه ضحكتينن الحين مامليتن 24 ساعه متغطيات براا البيت ذكرتين قبل كم يوم كنت مصخّنه ورحت للمستوصف وغرفة انتظار البنات فيها فوق الـ20 وحده وكلهم متغطيات مع العلم انا فترة الانتظار احيانا تتجاوز الساعه والغرفه مغلقه ومافيها الا بنات من الطبيعي اني افتش ويوم فتشت طارت عيونهم علي بسم الله علينا تقولين لابسه بكيني معليش ما أشوف النفاس ولا عدم التكشخ حجه عشان تتنقبين لانك بنقاب بتضايقين الكاشفات ولا تنسين انه مافيه شي يدل انك بنت إذا انتي متنقبه فا لازم بهذه الاماكن الكل يفتش ولا بتضايقين غيرك وبعدين ردودك مع احترامي لك استنتجت فيها انك مو واثقه من نفسك متى تفتشون باللهي؟ إذا عند الحريم وعند الرجال متغطين شكلكم بس بالبيت !!

يعني برأيك لما يكون لي عشرين يوم بالنفاس واروح للوشاح عادي؟؟؟؟؟ وش بيفكني من كلامكم يااهل بريده؟؟ كان ياصل الخبر امريكا
وبرأيك لما اكون مااستعديت ولاتكشخت عادي اروح لمجمع نسائي؟؟؟ يااختي غلطانه.. انا مااحب اصير حوسه عند الناس.. ماهو مثل البعض اللي تجي وشوشتها طايره:D

وليش يااختي لما اتنقب اضايق الكاشفات .. أنا جايه اشتري واتسوق وماعلي من احد
وبالنسبة مافيه شيء يدل على اني بنت؟؟؟ اجل وين التفتيش اللي مرتزة عند الباب؟؟؟

وبعدين وش دخل الثقة بنفسي بالنقاب ؟؟ والله انه ماعندك سالفه؟؟ انا وين وانتي وين؟؟
وتسألين متى نفتش؟؟
نفتش بالبيت وبالعزايم وبالزواجات وبالكشتات وبالاجتماعات النسائية والا كل هذا مايكفي؟؟؟؟

[المقهوره]

اقتباس المشاركة الأساسية كتبها فتى الجزيرة انتم تدورون المشالكل بذنب الكلب ... وش عليكم لو منعو الفتش كان قلتو ليش يمنعونه ولو قالو افتشو قلتو وشوله وراكم انتم على بريدة دورون به المشاكل ... اللي مايبي يفتش لا يجي ... مفهووووووووووم

المسأله نقاش ماهي هوش ولامشكله
هالحين لما اروح لمجمعات الرياض النسائية البس النقاب وامشي عادي مااحد يقول شيء ومافيه مشاكل ولله الحمد.. فليش انت بتحطها مشكله حتى بملاهي الاسكان البس نقاب ومافيه مشاكل
وبعدين لاصار الوشاح لك قل على راحتك( اللي مايبي يفتش لايجي)
والله لايوليك منصب ببريده لاصار هذا كلامك

[المقهوره]

اقتباس المشاركة الأساسية كتبها بريماكس رغم إبتعادي عن هذا الجانب إلا أنني أشاهدها (حسنة) تحسب لصالح أسواق الوشاح كنوع من التدعيم و الحماية على نسائنا من داخل الأسواق المغلقة عليهن . و حضور الأسواق ليس من الضروريات حتى تذوب فيه المصاعب فعلى رأي المثل الشعبي : ما طاح من الحمل أخف للبعير . و أستغرب فعلاً من هذا السلوك لدى النساء في التجمعات النسائية سواء في الأسواق النسائية أو الزواجات أو الإحتفالات ، فعلاً شيء غريب ! شكراً لكم يا سادة .. و دام الجميع في حب و سعادة .

أي سلوك يااخي؟؟؟
حاشا صرنا سارقين والا مجرمين على غفله؟؟؟
وبعدين يااخي لاتنسى خوف الكثير من جوالات الكاميرا .. والخوف من التصوير بالاجتماعات النسائية .. فمثلا الوشاح قد تخشى الكثيرات من التصوير فتفضل لبس النقاب..
ولاتقل لي بان جوال الكاميرا ممنوع بالوشاح .. لأن هذا هو الظاهر فقط .. فانا واقسم بالله العظيم ادخل بجوالي الكاميرا في الوشاح..
ثم يااخي انظر لمدينة الالعاب( الملاهي) يسمحون بالنقاب دون مشاكل .. فنرتاح بالذهاب هناك .. وانا اعرف الكثيرات لم يسمح لهن ازواجهن بالذهاب للملاهي الا بعد ان تعهدت له بلبس النقاب منعا من حدوث حالات التصوير

[الحسناء]

شوفي ياخيتي تراي امس رايحه للوشاح وانا متنقبه وماقالولي شي ,,
ســــــــلام

[أبوثامر]

اقتباس المشاركة الأساسية كتبها قصي100 ههههههههه ياحليلكم ياحريم بريده بحياتي كلها ماشفت مثلكم بلبس النقاب في المجتمعات النسائيه وش يبي يضرك إذا كحلتي عيونك وحطيتي على شفايفك مسحة روج ومشطتي شعرك ولبستي لك تنوره وبلوزه محترمات ...؟؟ أستغرب من هالعاده ..!! في كل مكان تروح له تشوف منقبات والمشكله ياريتهن يحترمن أنفسهن الوحــده منهم تبي تاكلك أكل بعيونها شين وقوية عين لا وياريتها تستر على روحها تمشي وتتكلم بين خلق الله شفت فلانه بالمــلاهي وفلانه ودي أدري وش عندهــا بالبنك ومدري وش اللى موديها للمشغل العلاني ..!! أتركو خلق الله لله وأغفلو بصراحه ما ألوم الوشاح لو منع المنقبات مايكفي تنقبكم بالعثيم ووالنخيل ..؟

" صدقت "

[% بريدة %]

أختي المقهورة
تراي منمبطي ماكتبت بالمنتدى لانشغالي ،، ولكن أم العيال هذاه عندي
وتقول ترى هالمره ماعنده سالفة ،، أول ماندخل مع باب الوشاح يتم التأكد من شخصية اللي تدخل ثم يسمح بالتجول بالنقاب وعااااااااااادي جداً
وترى العجلة مهب زينة ،، وأنا ارتاح لاوديت اعيالي للوشاح
والله يقويهم ،، والصراحة إنه بتطور مستمر ،،

[تكفى]

أذا منعوا النقاب يطلع من يحتج على هالقرار
واذا منعوا الفتش يطلع من يحتج على هالقرار

سواءا في الوشاح أو غيره

نحتاج في بريدة ألى أن نتخلى عن أحد مصائبنا الاجتماعية , وهي أن تنصب أحدى فئات المجتمع منصب الوصاية علينا ونحن كارهون فصرنا نفتقد لصفة جميلة موجودة في كل مدن المملكة وهي صفة

الحرية الشخصية

نحتاج أن نتذكر أن من حسن أسلام المرأ تركه مالايعنيه , وليس ألزام الناس بخط معين أو بطريقة معينة تخصك وألا كان الارهاب الفكري والتضييق الحياتي أحد سمات المجتمع المعاشة في المدينة فيحصل التضايق والانعزالات

كثير من الصفات الشخصية للأنسان البريداوي ألتصقت به ألتصاقا , وتطبع بها حتى استمرأها , بسبب أنظمة وسلوكيات خانقة , ولكن للأسف ولد هذا الانفجار , لذلك نجد الكثير من التجاوزات الأخلاقية بدأت تظهر للعيان أخيرا

الله المستعان

[وحــــــــداني]

اقتباس المشاركة الأساسية كتبها المقهوره وتسألين متى نفتش؟؟ نفتش بالبيت وبالعزايم وبالزواجات وبالكشتات وبالاجتماعات النسائية والا كل هذا مايكفي؟؟؟؟

والوشاح وشو ؟؟

مهب مجتمع نسائي !! :D

عموماً شكراً لطرحك وما طرحتي هذا الموضوع الا لتقنعي او لتقتنعي وانشالله ان الفائدة موجوده سواءً انتي استفدتي او غيرك:D

[نوران]

السلام عليكم ورحمة الله وبركاته........ وبعد :
انا اعمل في اسواق الوشاح النسائية في احدى المحلات وعلمت من بعض الاخوات عن هذا الموضوع فاحببت التوضيح في هذا الشأن الا وهو (النقاب):
فاقول مستعينة بالله:
لبس المراة للنقاب داخل الاسواق ممنوع من قبل ادارة الوشاح النسائية وذلك لمصلحة تقتضي هذا المنع .. ورغم تشدد الادارة ف هذا المنع الا اننا نلاقي عدم تقبل من بعض النساء وعدم تنفيذ لاوامر الادارة فتلبس النقاب رغم التحذيرات ورغم اصرار من تقوم (بالتفتيش)عند البوابة بالكشف عن وجهها الا انهن لايلتزمن بذلك ..
ولكننا عازمين على تنفيذ منع النقاب للمتسوقه داخل الوشاح..
هذا مااحببت توضيحه للجميع ... والله الموفق