[غشمشم]

اقتباس المشاركة الأساسية كتبها سعفة ياحبيلك يا غشمشم ،،،، قسم بالله انك دخلت قلبي يا بعد هالدنيا يااااااااااااا بعدهم كلهم ياخي هرجك اقتنعت به <<- قل مشكلة عاد بس تدري وش المشكلة لو عندي ربع مشكلة وأروح لهالي بالجامعيين ذا أن تسان صارت مشاكل والله يا مكانه شين ومدخله تقل ابتدائية باليمن بعد لو يحطون مبنى شمال بريدة يحبه قلبكـ ،، مثل مبنى البريد ويوضفونن عندهم <<<=== ترى هذا الشاهد ويجيبون أطلق طبيب قسم بالله ضرووووري تفاول خير يا ألبي

ماشاء الله عليك :D
عيني عليك بارده
انا اتكلم بموضوع جاد وانت تنكت

[غشمشم]

اقتباس المشاركة الأساسية كتبها سيف الشجاعة طيب الاستشارات النفسية حق الشيخ عبد العزيز الاحمد مر عليه !!!!

تكفى ياسيف الشجاعه
انا داخل على الله ثم عليك
وشي قصة استشارات الشيخ الاحمد اول مره اسمع هالشيء ذا

[غشمشم]

اقتباس المشاركة الأساسية كتبها أبو هشام طيب خل مستشفى الطب النفسي يحولونك على الرياض أتوقع الجلسة هناك عن خمس هنا . ولاتشرهـ على بعض الشباب ولك جم تحياتي

هذا بلا ابوك ياعقاب
انا ابغى عيادة ببريدة وماابغى بالرياض والاجده
والا اقدر اروح لأكبر العيادات النفسية بالرياض لكن المشكله كثرة المراجعات ومواعيد حجزهم خاصة وان قريبتي طالبه وماهو كل يوم والثاني ضاربين مشوار للرياض

[سيف الشجاعة]

جاري البحث ................

[abo suliman]

يارجال .... بريدة ماغير جيدة بالمقاهي ..

بكل شنق به مقهى ... الله يستر ماتسير السيارات باتسر على شكل زمزمية

مقاهي وشوي مدينة .. ههعع

[غشمشم]

اقتباس المشاركة الأساسية كتبها سيف الشجاعة جاري البحث ................

ايه والله تكفى الحقن بأي شيء عنه

[غشمشم]

اقتباس المشاركة الأساسية كتبها الجني العبد يارجال .... بريدة ماغير جيدة بالمقاهي .. بكل شنق به مقهى ... الله يستر ماتسير السيارات باتسر على شكل زمزمية مقاهي وشوي مدينة .. ههعع

بهذي صدقت
وانا اشهد

[قرناس]

والله من تالي كاثرين الرقلات

بس المشكلة لو تقوله رح لطبيب نفسي تسان يذبحك .. يعني ما استفدنا شي

فلذلك العيادة ماراح تفتح اذا ماكان الدخل المادي جيد .. وشكرا

[ســ Sara ــاره]

اقتباس شر البلية ما يضحك مين قال يا غشمشم أن بريدة فيها مجانين علشان يحطون لك طبيب نفسي ...خخخخخ ما شاء الله أهل بريدة كلهم يعني 200% من العقلاء و المثقفين ...عاد ما في داعي للنفسية !!!

تبتلون متخلفين

ومن قال ان المريض النفسي مجنون

المرض النفسي مثل اي مرض ثاني

تحتاجون توعيه
الله يعينكم

[ابو عجاج]

يااخوان كلكم تتكلمون بعيدآ عن موضوع الرجال
الرجال طرح موضوع فعلا مهم جدآآآآآآآآ ولازم ينظر له الواحد بكل جديه
واتركو عنكم الهبال الزايد ( خلوا الهبال بالبر )
اخي العزيز اعتقد ان سيف الشجاعه كلامه مجدي وفيه الفايده لك باذن الله
اما بخصوص الطبيب النفسي
فعلا مطلوب بهذه المدينه لحاجت الناس اليه كثيرآ وخصوصآ في هذا الوقت
وياليت المختصين بالموضوع ينظرون له بجديه ويوفرونه لنا باسرع وقت
الكثير من الناس يحتاجونه ( الله يشفيهم )
ودك يفتح عندنا عياده خاصه ومستقله للامراض النفسيه
وليس مثل مستشفى الصحه النفسيه تجمع المهابيل قوه واللي ضاربه فيوزهم مره
والاشخاص الذين يعانون مثلا بقلة النوم او الضيق وهم بنفس الوقت اصحاء
ومشكور اخي العزيز على الموضوع الجري والرائع والمهم لنا جميعآ
ولا تواخذ بعض الاخوه اللي زودوها حبيتين ترا ربعك هنا يحبون الضحك اكثر من الجد

[الوسيــــــم]

وعليكم السلام ورحمة الله وبركاته ..
من قال إن بريدة مايوجد فيها عيادة طب نفسي
إلا موجود ..

{ مجمع الصفوة الطبي , طريق عمر بن الخطاب بعد المخازن الكبرى }

الاخصائي د / كمال السيد
الاستشاري د / عبدالحميد اليحيى يوم الاحد ( حجز موعد )
رقم العيادات / 3837777

والله يشفيكم و مرضى المسلمين ..

[فتى الابتسامة]

هذا أن دل على أن نفسيات أهل بريده الأصليين ممتازه إلى حد كبير

[غشمشم]

اقتباس المشاركة الأساسية كتبها قرناس والله من تالي كاثرين الرقلات بس المشكلة لو تقوله رح لطبيب نفسي تسان يذبحك .. يعني ما استفدنا شي فلذلك العيادة ماراح تفتح اذا ماكان الدخل المادي جيد .. وشكرا

والله لو تشوف المراجعين بالرياض نصفهم من اهل بريده

[غشمشم]

اقتباس المشاركة الأساسية كتبها ســ Sara ــاره تبتلون متخلفين ومن قال ان المريض النفسي مجنون المرض النفسي مثل اي مرض ثاني تحتاجون توعيه الله يعينكم

مازال الناس يعتبرون المرض النفسي (عيبا)