[مدحت شوقي بريده]

اقتباس المشاركة الأساسية كتبها بو صلوح الفكرة هذه موجودة في جميع أنحاء المملكة ولكنها عادة ما تكون داخل نطاق العمل الخيري وأنا أُأيد هذه الفكرة على أن تطبق داخل محيط الأسر (أي أن كل أسرة ترتب زواجاتها بحيث يكون زواج جماعي) فإذا كانوا من أسرة واحدة كان ترتيب هذا الأمر أسهل وأقل أخطاءاً وكان تقبل المجتمع لها أكثر وإن كنت أتوقع بأن مجتمعنا النجدي لن يتقبله بسهولة وإن كنت أرى أن كثيراً من الناس -ولله الحمد- يجعلون زواجاتهم عائلية ومختصرة فهذا أفضل من جهتين إحداهما إراحة الناس من الإحراج والارتباط بمواعيد الزيجات فيخسر إجازته كيلا يغضب منه أحد ومن جهة أخرى فهو أقل كلفة وأسهل مؤونة بوركت أبا إبراهيم على طرحك المتميز ولا حرمنا الله إبداعاتك

عاااااااااااشت أياااامك يابو صلوح ..
بس مجتمعنا النجدي .. وراه النجدي خرفااااااااان يالبي .. :D

<<((== شكله يقول الشرهة مهيب عليك الشرهة على اللي يرد عليك .. :D :D :D


الصراحة يالبي إن كلاااااامك صحيح عن الزوجااااااااات العائلية المختصرة ..
الصرااااحة إنه عرس خفيف وظريف .. يجمع مظاهر الاحتفال بالزواج وإحياء ليلة العمر للعريس والعروسة ..
وبأقل التكاليف وايسرها ..


أما يالبي بعض العروس المختصرة تقول ( سرقة )
مايجي الا عشرة رجال من اهل العريس وعشرة من أهل العروس ..
ماتقول الا رايحين يفكون هوشة ..
وإسكتوا لاتعلمون أحد .. ولاأحد يدري .. تقل مسويين جريمة ..
مايدرون إن من شروط إتمام الزواج ( اعلااااااان الزواج )
وتلقى العريس والعروس مايتلذذون بطعم هاك الليلة ..


يالبي دائماً الوسط زين ..

ومشكور يالبي ..

سي يو ..

[مدحت شوقي بريده]

اقتباس المشاركة الأساسية كتبها @جرّوح@ أقول يادببببب لاعمرك تقترح لا أللحين بـراشدي أن يستدير راسك ولا تدري يابعدي والله أبـ أقول السراحه أنه كل واحد وده أنه يكون لحاله ويتهنى وكل واحد وده يكون له زفه لحاله مثله مثل الناس سييكرن ولا عمرك تقترح لابـ ..

هلا بالبي جروح ..
اقول هذااااك اعرست ماعلمتنا ولاديرنا عنك ..

بعدين والله يا ( زفة ) هذي متعوبن علية ..
بس لو أنت شادن حيلك شوي وحاطن نقطة زود على الفاء .. كان تخربه يالبي ..

اقول يابعدي وجهة نظرك صحيحة وماعلية خلااااااااااااف ..
كل واحد وده بليلة العمر لحالة ..

عااااااااااد تخيل العرس الجماااااااعي ..
تخيل يجيبون المعاريس على بااااااااص للقاعة ..
وياقف السواق عند الباب .. ويقعد يناديهم ..

ابراهيم العلي ونورة المحمد .. همن ينزلون .. هع ..
سليم الحمد ومنيرة الدحيم ..
علي السليمان .. وحصة العلي ..
ويدخلون سرأ للقصر ..
ولو هالصعيدي وده يقلب علمااااااااااااني هاليومين ..

سي يو يالبي ..

[مدحت شوقي بريده]

اقتباس المشاركة الأساسية كتبها p L u S وين يا مدحت هذا وليدي ما ابيه الا مستانس و بلحاله بالقصر اجل وشلون معه اربع معرسين لا و الله هذا وليدي الكبير لازم نفرح به لحاله والله عجيب اربعه جميع و شف هالزحمة و الناس و بعدين يله العشاء على من و إيجار القصر من يدفعه [ كلام احد امهات الأربع ]

هلا بالبي ..
p L u S

يالبي العرس الجماااااااااعي ترى له لجان وتنظيمات ..
ماهوب خذني جيتك ..

اول شي إنه يكون له دعم من بعض الموسرين وأهل الخير ..
ثاني شي إن التكاليف تقل على العريس ..

اما العروس الحالية وطريقته وخاصة اللي تكون بقاعات الأفرااااااااح ..
فهذي انواع الاسراف يالبي وماانزل الله به من سلطااااااااااان ..


عااااااد تخيل يالبي صالاااات الحريم بالعرس الجماااااااااااااعي ..


اقول يانورة .. دوتس هاك اللي لابستن المزلط ..
وهذيك اللي لابستن اعوذ بالله غلى نص الفخذ ..

إيه هذولي ماجن لنا الله وأعلم إنهن جايات للعلي .. هم اللي زايطين ..
دوتس أم العلي واقفتن تسولف معهن ..

وتشوف عااااااد عرض الازياء والتفنن عند بعض الحريم ..

ومشكور يالبي ..

سي يو ..

[وحيد المعنى]

أقــــول يا غالي يعني عشانك معرس ومخلص تبينا نعرس عرس جماعي


لا يا حبيبي نبي نعرس كل واحد لحاله ولا وبعد كل طقاقه نبي نيجبه بجمس


وش محرق رزك انت خلنا نستانس ونفله وتخيل لو انك انت وخمسة معرسين بليلة وحده همن عاد يصير واحد من ذولاء الخمسة كد خطب من حدا الي معرسين عليهم واحد غيره همن تصير هوشه بالعرس وصح نسيت من الي يقعد عند البوابة يستقبل المعازيم تسعين واحد ولا كل ذا يهون بالمنصة لابدن العجز يرقصن وش يقولون كل الشوقي خيالة وإلا كل الصمصام خيالة وإلا كل ....... ايه همن تصير هوشه بين العجز ،،،،،،،،،،،، خلاص لا تحول يا حبيب ألبي اقتراح ليس في محله دور غيره

[مدحت شوقي بريده]

اقتباس المشاركة الأساسية كتبها بنت الشماسية وعليكم السلام ورحمة الله وبركاته الأخ الفاضل ... أول شيء فكرة الزواج الجماعي يمكن مقبولة نوعاً ما بس لاتنسى ان أغلب أهل نجد ومنهم القصيم الزواج يكون على أهل الزوجة !! وبعضهم يبي حريم والبعض الأخر مايبي الا رجال وهذا الأفضل ،، ................. شيء ثاني بقوله لك وبصراحة انه عتب على أخ مثلك فاضل وتطلع منه هالألفاظ ((ساحبن وحدة)) ((هذي حقك وطلع اللي عندك تراه حقتي)) !! يعني الشيء أسلوب ولباقة وذوق في إختيار الألفاظ .. وشو يسحبه ياكافي بهيمة هي حتى البهيمة يُحسن الواحد معاملته .. وشلون بأنثى كتلة من الإحساس والمشاعر تقول عنها ساحبها أو هذي حقتك عطني حقتي !! ... وراك شارية من سوق الغنم !! الله المستعان

المشرفة .. بنت الشماسية ..
شكراً لكي على مرورك الكريم .. وعلى تعقيبك ..
وعلى عتبك ..
بس ياليت تفهمين إن كلاااااااااااااامي .. وإدخالي لمثل هالعبارااااااات فقط للنكهة ..
ماهوا إحتقار أو تقليل للمرأة ..


وعلى طاري نقد وعتب بنت الشماسية ..
ليه إسلوب بعض الازواج كذا بالتخاطب .. مايبي يقول إسم الزوجة ..
ولاحتى يقول زوجتي .. تلقى الرجال مالوه الا يومين معرس ويقول نادوا عيالي .. هع ..

ماأدري ليه مايتمتع وينطق كلمة ( زوجتي ) قسم بالله إن لذة نطقة تسوى الدنيا ومابه ..


شكراً مشرفتنا الفاضلة بنت الشماسية على حضورك ..

[خوي السرور]

أجل تبي سبعين يعرسون جميع ..

علشان تبتل تسلم .. ماتدري منهو اللي تبعك ..

لكن أزين مابه أنك تبي تبتل تعشى .. >>>> الهم بالبطن .

لا والله كل واحدن يعرس لحاله ولو يحصل يعرس الولد همن باتسر تعرس زوجته .. يعني مرتين ..

عاد يجنك الحريم مشيوف ماشيف ..

تقعد تدور شرابه تطابق نفس لون الثوب تدوره ساعتين همن بيوم العرس تشوف الثوب مغطين الشرابه

المشكلة بالبطاقة وش يكتبون ؟

تسان تغدي بطاقة الدعوة تقل صك أرض ..

همن يبلشون بالداعي .. آخر شي يكتبون الداعي : فاعل خير .

والحريم هالحين يبتلن يسولفن بعرس واحد .. تلقاهن من يوم يطلعن لمين تجيب العريسة ولد وهن يهرجن عن هاك العرس وشلون لو خمسة عروس جميع تسان الهرجة ماهنا نوم يالله يلحقن يحشن بكل الحاضرات


اقول لاعمرك تقترح بس .

[الحزين]

الموضوع جميل جدا ونتمنى مشاهدته قريبا

لكن تمنيت ان بعض الاعضاء ابتعد عن بعض الألفاظ الغير مناسبة

مثل

أي والله أنه أقتراح أبن ست وستين كلب

بعدين والله يا ( زفة ) هذي متعوبن علية ..
بس لو أنت شادن حيلك شوي وحاطن نقطة زود على الفاء .. كان تخربه يالبي ..

[مدحت شوقي بريده]

اقتباس المشاركة الأساسية كتبها مقلع 8 8 8 [line][/line] أي والله أنه أقتراح أبن ست وستين كلب على الأقل الواحد يموت ولا له بالديون و وجع راس بالقبر<<<تفكر بعيد! بس تعال يا بعد معاليز ألبي ترى حنا من اليوم وراايح و حنا نتبع طريق (( المظاهر )) و أخر شي نفكرن بوووه هو راحة المعرس ؛ واحد من الشباب الله يوفقه زواجه بنهاية الأجازة و بفندق وسفر خارج وللحين ما لقى (( بيت )) يا أبن الحلال مانبي جماعي مدري أقتصادي نبي الترفق بــــ التشرط اللي مالم أبوه داعي ولا وشحيثنه حصيص مهرها ستين وسفر خارج وبنتي لا... مدت.. يا مدحـت هل أنتَ توحيني..؟ العرس الجماعي من يومي أمص جمعي و الناس تطالب بوووووه بس أقولها لك و أنا (أعــرمش أندومي )!! أستحالة يصير..يعني فكرك أهل الطائف مثل وكاحة أهل نجد. مقلع غفر اللهُ له.

هلا بك يالمقلع ..
هههههههههههههههه يسلموا يالبي ..


يالبي انت قلك كلمة الصراااحة إنه مهمة بهالموضوع ..
وهي السفر للخارج لقضاء شهر العسل ..

يعني الواحد بدال مايحمد ربه ويشكره إنه أنعم عليه ويسر له هالزواج ..
يقوم ويسافر لديار فسق وعهر وخرااااااااااااااااااااااااب ..
هذا شكر النعمة ..
اخشى أن تكون بعض حالات الطلاااااق عقوبااات ينزله الله تعالى ببعض المتزوجين بأسباب مبالغاتهم بالفرح الأمر الذي يصل بهم الى حد إرتكاب معاااصي تنافي كمال الحمد والثناء لله سبحانة وتعالى ..

عااااااااد انت يامقلع ..
وراه ماتحط عرسك انت وثلاثة أو أوأربعة من عيال عمك وخوالك جمااااااااعي ..
الصراحة إنه توفير مابعده توفير ..
لإن معازيمكم كلهم واحد ..

وسلااام يالبي ..

سي يو ..

[نزف الجروح]

مدحت كان الناس شافت اقتراحك

امس بقصر العزيزه حضرت زواج 3x1

يعني زوجتين خوات والمعرسين اثنين مايتعارفوون


احلى تمت الفكره

وتحياتي

[مدحت شوقي بريده]

اقتباس المشاركة الأساسية كتبها الـصـمـصـام ... أعتقد أنها فكرة لم يتأقلم بعد معها المجتمع النجدي .. و لكن لا أستبعد رؤيتها في السنوات القادمة ، و في الأسبوع الماضي تزوج اثنان أو ثلاثة من أبناء القصيم في ليلة واحدة ..

هلا بمشرفنا ومطوعنا وشيخنا الصمصاااااااااام ..
ماشاء الله عليه ياناااااااااااس هالصمصاااااااااااام ..
يانااااااس والله ياأنا أحبه حب ..
لاقعدت تناظره تحس إن الدنيا بخير .. وإن الدنيا مابه خلاااااااااااااف مادامه على هالأرض ..
أحيان إذا مريت من عند بيتهم اشوف سيارته أستانس .. كأني شايفن ( .. )
عااااااااااشت ايااااااامه ..


اقول يالبي يالصمصاااااااام ..
رجعنا على الخرفان والنجدي .. وبعدين ترى يزعل ابو محمد النجدي وانتم تتسبون عائلته الكريمة .ز
سي يو ..

يابعدي يابو عبدالعزيز ..
العرس الجمااااااااعي اللي أتكلم أنا عنه .. هو عرس لايتعدى عدة اشخاااااص ..
من خمسة الى ستة .. ويكونون عارفين بعضهم بعض ..

ماأقصد الزواجات الجماعية اللي تصير بالخمسي وفوق ..

وسلاام يالبي ..

سي يو ..

[المبتسم]

موضوع متميز من رجل متميز :
مدحت بارك الله فيك الموضوع جميل جدا ويبعد الناس عن البذخ والاسراف ولعل اهلنا يطبقونه في القريب مثل ما فعل في بعض مناطق المملكة ومن اقربها حائل (ومن يظن ان اهل حائل سوف يفعلونها ) لكن لعلنا نتخلص من هذه التعقيدات والعادات المكلفة
والله الموفق
شكر الله لك اخوي مدحت

[بريماكس]

الإقتراح بالمنطق جيد ، لكن بالإعتبارات الإجتماعية غير مقبول البته
و لا أعتقد أنه سيرى النور إلا بعد عقود من الزمن بعد أن تتحلل تلك الإعتبارات المتراكبة على مر السنين .

و ربما لا يرى النور إطلاقاً لصلابة تقاليدنا و التي لا تحمل إلا هامش يسير من التنازلات
وفق الله الجميع .

[ابن التوحيد]

تزوجون مثنى وثلاث ورباع او لا

[!!! الادعشري !!!]

انا لا أؤيد ذلك