|
|
|
30-09-2007, 02:22 PM | #15 |
عـضـو
تاريخ التسجيل: Jun 2007
المشاركات: 302
|
هالأسئلة ذولي يبي لهن قعده شوفي لتس وحده تعريفينه أتكيت وأقعدي عنده وإمهني كتره بالأسئلة الي زي كذا
|
30-09-2007, 04:48 PM | #16 | |||||||||||||||||||
عـضـو
تاريخ التسجيل: Sep 2007
المشاركات: 417
|
حلوو الحال من بعضه
طيب وش رايكم نسوي دورة ونتسنع فيها يعني عاجبكم حال دلاختنا كأننا من باريس
أي أتكيت أنت ماتعرف ناس بريدة مرة قلت لوحدة (فرصة سعيدة ) طيرت عيونه وبعد تخميس وتسديس اكتشفت إني المفروض أقول ( الساعة المباركة ) هع هع |
|||||||||||||||||||
30-09-2007, 05:01 PM | #17 |
Guest
تاريخ التسجيل: Aug 2007
المشاركات: 1,736
|
يقول المثل
(قابل الصراخ بالصراخ تسلم ) نصحيتي لك !! اذا واجهك سؤال وما عرفتي تردين عليه دوري اقرب وحده لمك !! والخميها بالسؤال وتتعلمين !!! ثانيا دائما حاولي تكونين انت السأله ؟؟؟ ما تدرين يمكن اللي تقابلك مثلك ما تعرف فهي تسألك قبل ما تسألينها ؟؟؟؟ وكذا تبي تسلمين من الاحراج !! موفقه !! |
30-09-2007, 06:59 PM | #18 | |||||||||||||||||||||||
عـضـو
تاريخ التسجيل: Jun 2007
المشاركات: 302
|
أصابعك ماهي سوى |
|||||||||||||||||||||||
30-09-2007, 07:29 PM | #19 |
عـضـو
تاريخ التسجيل: Sep 2007
المشاركات: 417
|
أجل أنا أتكلم عن أهلي وناسي
يستنكرون الظاهرة الكلامية الجديدة |
30-09-2007, 08:40 PM | #20 |
عـضـو
تاريخ التسجيل: Jul 2007
البلد: Not here
المشاركات: 1,723
|
إذا قالي أحد عمره مقبوله او مقبول السعي .. اقوله آمين ..احس إنو عادي الرد يعني زين
اما قولتك كل شوي وشلونكم وشخباركم وشلونك وشخبارك وشلونك وشخبارك هذي تستخدم زي ماتقولين فاصل إعلاني ثم يعاود السواليف :D بس انتي إذا قالك كذا قولي الحمدلله أنتي وشلونك .. ثمن اقرب سالفة وادخلي فيها .. وإذا قالتلك عسى ماتعبتوا قولي الحمدلله ماتبعنا بس زحمة مرررة والله بغينا نموت :D والأجانب بكل مكان متسدحين الله يهديهم عجزنا نمشي وكلام دلوووني حلو يعني السؤال اللي جديد عليك .. حطيله نسخ بالذاكرة .. وأول ماتشوفين وحده على طوول صكيها بالسؤال :D والسلام.. يمكن البنات يفيدنك اكثر في قسم بنات بربربريدة
__________________
لا إله إلا الله محمد رسول الله .. |
30-09-2007, 09:08 PM | #21 |
عـضـو
تاريخ التسجيل: Jun 2007
البلد: *تاج القصيم*
المشاركات: 829
|
هههههههههههههه
موضوعتس غريب قوه........ بس رهيب بنفس الوقت اذا وحده عادت عليتس وشلونكم ووش أخباركم وش لونكم وش أخباركم مره( قولي بخير ونعمه) ومره قولي (طيبين الحمد لله) ومره قولي تماام وعادي لو عدتي الجواب مرتين <<وش حيثه تعيد السؤال على كيفه ‘^‘^‘^‘^‘^‘^‘^ صارت اسئله امتحانات لو انك حاطه الموضوع بقسم بنت بريده احسن ياليت ينقل الموضوع<<<والله من اللقافه
__________________
|
30-09-2007, 11:46 PM | #22 |
عـضـو
تاريخ التسجيل: Sep 2007
المشاركات: 417
|
والله استفدت من جد شكرا للجميع بلا استثناء<< يمديكم على استثناء
عرفت نصف المشكلة في دلاختي , وهي إني أجاوب على قد السؤال يعني ما ألف يمين ولا يسار يعني أتوقع إنه إذا عادوا الأسئلة كأنهم يديرون دفة الحديث لمّي بطريقة مؤدبة. عاد من قله أحتسي مع أحد ما أمون عليه هع هع طيب باقي نصف المشكلة وهي العبارات حلكم اللي توصلتوله ممتاز لكن فيه مشكلة , ومو أي شؤال أقد أجابه به الي جنبي<< حلوه أجابه صارت معركة خخخخ يعني مثلا (جعله يعمى) << مضيقه صدري ذي ماتقال إلا في شي ما أدري مسترخصينه وإلا حوله , وأخوف أقوله للي جنبي وهي تحتس عن رجله فتطب ببطني وتقول :اسم الله عليه هههه |
02-10-2007, 02:24 AM | #23 |
عـضـو
تاريخ التسجيل: Sep 2007
البلد: الرياض
المشاركات: 227
|
ممكن أنك ذربة بس ماعرفتي تستخدمين الذرابة !!!!
المسألة وما فيها تحتاجين لـــثقة في النفس وتحتاجين لجرأة شوي بس .. بعد كذا يبيلك ممارسة الردود بديهياً وخلاص تنتهي المشكلة . |
02-10-2007, 07:20 AM | #24 |
عـضـو
تاريخ التسجيل: Jan 2005
البلد: في دولة ال سعود حماها الله من كل مكروه
المشاركات: 280
|
شوفي عزيزيتي
المشكلة هذي الكل يعاني منها إعترف أو لم يعترف وأقوى حلولها ( المخاطلة ) خالطي الفئة التي ترغبين بمعرفه قاموسها ... الشباب عليهم كلمات ما ادري من وين جايبنها وردودها تعرفها إذا خالطتهم ... بس إذا غلطت يضحكون ويمشونها ... وبعض المرات يعيرونك فيها طول عمرك ... وايضا الشيبان ( هذي الفئة المعقدة إذا غلطت عندهم ) الله يستر ... يقلون وش ذا جايبين لنا بزارين ما تعرف تحسي ... أعوذب بالله من الفئة ... تجي فئة الكبار وهذي آحلى فئة ( إذاى غلطت يعلمونك بهدؤء ) يعني توخي الحذر ... عن الشيبان خوفا الاحتقار والشباب خوفا من التطنز ... لكن هناك كلمات اسعافيه يعني تركب بكل محل مثل الله يسلمك ( وما عليك زود ) ركبيها بأي محل تركب وسلملم
__________________
. |
04-10-2007, 06:33 AM | #25 |
عـضـو
تاريخ التسجيل: Sep 2007
المشاركات: 417
|
صح صح صح
الممارسة والمخالطة .. المشكلة إني ما أشوفهم إلا بالسنة حسنة , هذا القهر ويذكرونن به طول عمري .. بس شكلي بعسكر بالمنتدى عل وعسى يفلح معي |
04-10-2007, 04:12 PM | #26 | |||||||||||||||||||
عـضـو
تاريخ التسجيل: Jan 2002
البلد: بريدة
المشاركات: 2,705
|
بسم الله إذا قالوا لك لاتعبتي فهم يدعون لك بعدم التعب في سفرك كأنهم يقولون لك الله لايخيِّب تعبك فعند ذلك تقولين لاندمت وأما قولك أنه يسألونك كيف الحال ووشلونك ووش أخبارك فعند ذلك من الممكن أن تشرعي أنت بالسؤال لها بأي سؤال أو تدخلي بموضوع معين وتقطعين هذه الأسئلة وإذا قالوا لك عمرة مقبولة فهم يسألون الله لك أن يتقبل منك العمرة فقولي لهم منا ومنكم أي اللهم تقبل منا ومنكم
هههههههههههههههههههههه الله يعينك
__________________
أشكر بريدة city على هذا التوقيع الجميل |
|||||||||||||||||||
05-10-2007, 02:26 PM | #27 |
Registered User
تاريخ التسجيل: Jun 2007
المشاركات: 1,897
|
تقبل الله منا ومنتس صالح الاعمال
العاقبة لتس ان شاء الله جزاتس الله خير تأبريني حبيبة البي تكرم عينك خيو الاولى تكفي في كل شيء |
06-10-2007, 06:57 AM | #28 |
عـضـو
تاريخ التسجيل: Sep 2007
المشاركات: 26
|
انتي ردي نفس المعنى عشر مرات يعني مره قولي الحمدالله
بخير تمام الله يسلمك الحمدالله طيبين الحمدالله ماشي الحال الحمدالله بخير ونعمه ولا طبي فيها على طول قوليلها انتي وشخبارك وشلونك.......الخ لاتسكتين...! واي شي ماتعرفيله مرد قولي وياك ولا الله يجزاك خير>>>>طبعا اذا كان مناسب واتوقع الاعضاء ماقصروا... وشكرا على الموضوع جدااااا رائع.. |
الإشارات المرجعية |
|
|