[دلووووووني]

اقتباس الله مير يسلمك والله يوفقك بدنياك وأخرك وآنا سبق آني قلت آن اللي مايشاور جاهل وضايع وقد يكون مصاب بالغرور لكن أستشير بأمور تستحق الأستشاره ، صح ولالا ؟

الا تعتقد ان الامور التي تستحق الاستشارة كذلك تستحق اهل الاختصاص او بمعنى اصح الخاصين للشخص نفسه ؟؟
فغالبا الامور الكبيرة تتخذ صورة السرية وتتطلب الدقة في الرآي !!
تقبل تحياتي

[سيار نجد]

اقتباس المشاركة الأساسية كتبها زول بدون لمعه لا انتم محشومين واخونا شاطر لما كتب الموضوع ماكان قصده يجرح وهذا يدل على رآي شخصي له ونحترمه انا مو متزوج لكن الصراحة يعجبن الشخص الي يسئل عن اماكن مطاعم او اي شي ثاني لانه ينفع غيره من المتزوجين ونقاشنا بالموضوع هذا عادي شاطر قال رآيه وتناقشنا

صحيح كل واحد له رأيه ووجهة نظره ..
وأقول للأخ شاطر ..
فيه ناس من خارج بريدة ..
قد تكون وظيفته ببريدة من تدريس اوغيره ..
فرأيي أنه ليس هناك مشكله أو عيب ..
وبإعتقادي أن هناك موقف جعلك تتحمس الا هذه الدرجه ..
تقبل مروري ولك شكري وتقديري ..
محبك
77
77
77

[المنطول]

ياخي وش محرق رزك ؟ خلهم يسألون ويدعدعون وانت منتب مجبور ترد عليهم
.. حط نفسك مكانهم واسأل اسئلتهم وعلمني وش تتمنى ؟
تبيهم يسفهونك او يردون عليك ويساعدونك ؟
اكيد تبيهم يردون عليك ويساعدونك ..فإياك والانانيه وانا اخوك
حب لاخيك المسلم مثل ماتحب لنفسك .. الله مستعان

تحياتي لك

[أنا شاطر]

اقتباس المشاركة الأساسية كتبها دلووووووني الا تعتقد ان الامور التي تستحق الاستشارة كذلك تستحق اهل الاختصاص او بمعنى اصح الخاصين للشخص نفسه ؟؟ فغالبا الامور الكبيرة تتخذ صورة السرية وتتطلب الدقة في الرآي !! تقبل تحياتي

لو جاي واحد وقال أبشري بيت بالحي الفلاني
معه حق يستشير
لو جاي واحد يقول أبتزوج ثانيه :D
معه حق يستشير
لو جاي واحد ويستشير بقصر لأحياء حفله
معه حق يستشير

بس يستشير بجوالات ومطاعم !!
قمة بالأستفزاز هذا النوع من الأستفسارات

اقتباس المشاركة الأساسية كتبها .: صاحب الهمة :. صحيح كل واحد له رأيه ووجهة نظره .. وأقول للأخ شاطر .. فيه ناس من خارج بريدة .. قد تكون وظيفته ببريدة من تدريس اوغيره .. فرأيي أنه ليس هناك مشكله أو عيب .. وبإعتقادي أن هناك موقف جعلك تتحمس الا هذه الدرجه .. تقبل مروري ولك شكري وتقديري .. محبك 77 77 77

هلا من خارج بريده يقول آبي محل صاد !!
من خارج بريدهـ إلخ !!!

لايوجد موقف ولا باركنق

بس الشي هذا لاحظناه الأيام هذي


آنا داخل الساحه العامه

أبشوف وش الجديد

ألقى
جوالات ومطاعم ومادري وشو

اللي يبي جوال ومحل صاد وملزم يبي يسأل بوه قسم التقنيه يروح بذاك ويكتب ألين يشبع

واللي يبي مطاعم يدور ويلقى


صدق من قال زمن بايخ


بالعاده الواحد يازن الهرج اللي يبي يطلعوه

اللحين الواحد مبوبز قدام الشاشه وأي شي يطري لوه يجي ويكتب دون آي حياء أو أي مانع

يعني الوضع عندهـ فري

*
للمره الثانيه ماحولكم مسيار ؟

[دعبل نجد]

ان اشوف انه عادي
بالعكس افرح اذا خدمت احد مثل هالنوع
انا ما ادري انت ليش زعلان !!!!!!!!
والله يعيننا عليك اذا تزوجت ا

[أنا شاطر]

اقتباس المشاركة الأساسية كتبها المنطول ياخي وش محرق رزك ؟ خلهم يسألون ويدعدعون وانت منتب مجبور ترد عليهم .. حط نفسك مكانهم واسأل اسئلتهم وعلمني وش تتمنى ؟ تبيهم يسفهونك او يردون عليك ويساعدونك ؟ اكيد تبيهم يردون عليك ويساعدونك ..فإياك والانانيه وانا اخوك حب لاخيك المسلم مثل ماتحب لنفسك .. الله مستعان تحياتي لك

ولله الحمد مافكرت أني أحط نفسي بمكانهم

ولو سألت أكيد أني أبسأل عن شي يستاهل

وبعدين تعال

آنت اللي تدعدع
وش دخل الأنانية بالسالفه ؟
الله يصلحك ردان شطف

[أنا شاطر]

اقتباس المشاركة الأساسية كتبها دعبل نجد ان اشوف انه عادي بالعكس افرح اذا خدمت احد مثل هالنوع انا ما ادري انت ليش زعلان !!!!!!!! والله يعيننا عليك اذا تزوجت ا

الشي بالعقل
وأفرح أني خدمة إذا صارت الخدمة تستاهل

مهوب يجي واحد يطالبني أني أسخر له أجواء رومنسيه ،،

ويامحلي إذا تزوجت

[دلووووووني]

اقتباس اللحين الواحد مبوبز قدام الشاشه وأي شي يطري لوه يجي ويكتب دون آي حياء أو أي مانع

بكل صراحة ::
ارسل لي الموضوع اللي ما جازلك على الخاص ؟؟؟
تحت مسمى ___________سري جدا_____________
بانتظارك

[دعبل نجد]

ويامحلي إذا تزوجت

عفوا اخوي ما فهمت هالجملة . . .

[أنا شاطر]

اقتباس المشاركة الأساسية كتبها دلووووووني بكل صراحة :: ارسل لي الموضوع اللي ما جازلك على الخاص ؟؟؟ تحت مسمى ___________سري جدا_____________ بانتظارك

وليش ؟

أو بالأصح وش السبب أرسل لك أنت بالذات

ومن تكون ؟

اقتباس المشاركة الأساسية كتبها دعبل نجد ويامحلي إذا تزوجت عفوا اخوي ما فهمت هالجملة . . .

دامك تسأل أو تسألين مألوم أصحاب الجوالات والأجواء الرومنسيه

[عبدالمجيد الراشد]

بالعكس جميع الاسئلة منطقية الي يبي محل صاد أو الي يبي مطعم أو اي شي هذا من حقهم ..

المنتديات زي التلفزيون إذا فتحته تلقى جميع القنوات شي زين وشي شين أنت ماتحط الا على الي يناسبك يعني ماتدقق وتقول ليه جابوا كذا وليه هذا يعرض الحين يعني وسع صدرك وخذ الي يصلح لك واترك الي مايصلح لك لانه يمكن يناسب غيرك ...... ؟؟؟

[أنا شاطر]

دامه عادي بنظرك


أدخل بمجلس وأطلب مثل ماطلبوا بعض الأخوه هنا


وقل لي من

اللي وصل قبل لك


الفنجال ولا الدله ؟

[دعبل نجد]

وراك زعل يابو ندى هد اللعب شوي !!!!
وبعدين والله اني ما فهمت كلامك ممكن توضح او على الاقل تعطينا خيارات ؟؟؟؟؟؟؟؟؟؟؟؟؟؟؟

[احمدالفايز]

اقول (شلّق)
اعزوبي ياكث وسايدكم يالعزوبيه