[نبض المشاعر]

والله بعد شبابنا الله يهديهم يبغونها ملكة جمال ...ويبغونها تشبه الممثله فلانه او الاخت علانه ...

وهذا ما جنيانها نحن الفتيات من القنوات الهابطه ...ماذا تفعل البنت متوسطة الجمال ..؟؟؟؟

والا ابي واباك وابائكم جميعا تزوجوا وهم راضون ولم يروا زوجاتهم حتى الرؤيه الشرعيه وراضين بالنصيب

وبما قسمه الله لهم ...وعاشوا حياتهم ...

لكن شباب هالوقت ...الله يثبتنا ...لهذا السبب كثرة العوانس وكثرت ايضا المطلاقات ...

ولا نقول الا ..حسبنا اله ونعم الوكيل على هذه القنوات الفاسده ...

ثم انا مع من يقول بغلاء المهور

فعلا غااااليه لكن ماذا تفعل بعض البنات بطمع وعادات قبايلهم هل تقول لالالالا للغلاء

وزوجني يا ابي باقل القليل لا اعتقد ذلك فمن تفعل ذلك فهي في نظر من حولها ...؟؟؟؟؟؟

[*المزن*]

اقول من عنده دليل من القران او من السنه
يحلل زواج المسيار..........................عطونا اياه
انا بصراحه ما اقول انه حرام لانى منيب شيخ افتى على كيفى
بس ها الزواج طلع من تالى بس
ما سمعنا فيه من قبل ولا درسناه ولا مرينا فيه اصلا
حاكو عقولكم بما يعقل الله المستعان..................
اخر الدنيا مشايخ تحلل زواج المسيار انتم ما تدرون انه زى الزواج العرفى بس غيروووو اسمه
اى ان النساء ليس لها اى حقووق عند الزواج وش تسمونه هذا زواج؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اشوا مير يحللون بدون ادله من القران او السنه فهل سمعتو بنبى او صحابى تزوج مسيار؟؟؟؟؟؟؟؟؟؟؟؟؟؟
علمونا يمكن ما ندرى................
وبالاخير هذى وجهت نظر عندى لانى انا ما اصدق شى الا بدليل من القران او السنه..
تقبلو مررورى

[ツحـبـر شـفـافツ]

بدووا يتبكبكون .. غلاء المهور ومادري ايش ..

ماراح ارد على هالنقطه بليييييييييييز ماودي ..

بس برد على الغاليه نبض ,,

يابعدي انتي ألف مرره قلتهاا وهذي الالف والوااحد .. مابخت الا الشيناات

ياكثرهن مزااين ولاتزوجن ,, يابعد قلبي أنتي الزواج قسمه ونصيب ماله دخل بالجمال..

بعدين شووفي طلبات الشباب خليها ورااء ظهرك لاتهتمين به لانه يتشرط وبالنهايه يخق ورااء وحده شينه

الذوق مامنش وانا اختك ,, بالعكس اذا قال رجل عنك شينه أعرفي انك مزيوووونه قوووه :D

المسيار ياخلق الله للارامل والمطلقات الكباااااااااااااااااااااااااااااااار

((ليت قومي يفقهون))

لكن الصغاار أو العوانس على قولتكم مايتزوجن مسيار يتزوجن رجل مع مرره واحتمال يتزوجن شباب مثلهن ..

ماقد سمعت انه وحده تزوجت مسيار الا عمره 40 وميت رجله والا مطلقه بعد هالعمر..

يعني بلييييييييييز لاتهرجون وانتم ماتدروون قالوا عوانس قالول يعني اذا صرت عاانس أخلي نفسي لعبه لفلاان وفلنتاان لابارك الله فيهم ..

وش هالكلاام الباايخ لكن مااشره على شبابنا الاكاارم لانهم أنانيين بشكل ,,
ياخي لاتقعدون تبررون ,, قسم ماترضى لاختك تتزوج مسيار وهي عمره 30 والا 31 ..
ماتخافون الله انتم ,, تزوجوا ثانيه ولاتلعبون ببنات النااس ..
مالت مير من عرفتكم مارجيت خير ,,

[مدحت شوقي بريده]

هلا بالبي بدر الوابلي ..


يالبي أن اظن إن زواج المسيار للرجل المقتدر على الزواج العااااادي .. إنه من خوارم الرجولة ..
إذا انت رجاااااال اعرس وعلم زوجتك .. او خايف تلخك بمربوعة تشلق راااااااسك ..

انا رأيي من راي الأخوان .. إن زواج المسيار ( لـــذوات الظروف القاهرة )
يعني ماهوب للرجال اللي يبي يطربون ارواحهم ..




اما زواج الشباب والبنات .. فاأنا اقول إن سبب عنوسة الشباب والبنات فهذا يرجع لأسباب كثيرة ..
واول وأهم الأسباب غلاء المهور ..

وثانياً بعض البنات الله.. تبي واحد مزيون يشبه لتوم كروز او ياسر أو جواد او الحارثي ..
وتبي جسمه خيااااااال .. ووظيفته مرموقة ..


والشباب مثلهن .. يبون وحدة بجسم نانسي .. وإثارة روبي .. وعصاقيل هيفاء وهبي ..
ودلع ميساء مغربي وحلاوة زينب العسكري ..
والله ان تبطي يالبي ..

اللي يبون العرس صحيح .. من الشباب والبنات ..
يحطون بإعتبارهم ذاوت الدين .. ويبي ييسر الله لهم الزواج .. بإذن الله ..


ومشكور يالبي يابدر ..


سي يو ..

[المواطن]

مالقينا شي لا مسيار ولا رسمي اللي يقول البنات واجد مع الاسف كذب

[ツحـبـر شـفـافツ]

قلنا ألف مرره الشباب بالسعوديه أكثر من البنات ..

بس ماأدري ليه يقولون العكس عشان يبررون لأنفسهم هالحركات الجديده في الزواجات ..

إذا العوانس ماليت البيوت على قولتهم ترى العزابيه مالين الشقق والاستراحاات ..

يعني انتمممممم أكثثثثثثثثر وبس ..

[دلووووووني]

اقتباس ياكثرهن مزااين ولاتزوجن ,, يابعد قلبي أنتي الزواج قسمه ونصيب ماله دخل بالجمال..

اقتباس الزواج قسمه ونصيب

ما أصل هذه الكلمات ؟؟

ٍ


س / هل جاء الوقت الذي تتكلم فيه البنت وتطلب من وليها الزواج او التلميح بذلك او الاشادة في شخص معين وذلك من باب التلميح ؟؟
للجميع الف تحية

[أنا شاطر]

ههههههه


تناقشون بموضوع ماشفنا لوه شي



مابوه لامسيار ولا غيره


جالسين نقشر تفاح

[إبن الإسلام]

المسيار أن تتنازل المرأه عن بعض حقوقها مقابل ....................

[دلووووووني]

اقتباس ههههههه تناقشون بموضوع ماشفنا لوه شي مابوه لامسيار ولا غيره جالسين نقشر تفاح

غريب انت يا شاطر
دائما تحمل معاني ردودك ((( عدم وجود من يرغبن الزواج )) وليس (( العجز في قضية الزواج ))) ؟؟؟

[ahoak2002]

اقتباس المشاركة الأساسية كتبها ツحـبـر شـفـافツ قلنا ألف مرره الشباب بالسعوديه أكثر من البنات .. بس ماأدري ليه يقولون العكس عشان يبررون لأنفسهم هالحركات الجديده في الزواجات .. إذا العوانس ماليت البيوت على قولتهم ترى العزابيه مالين الشقق والاستراحاات .. يعني انتمممممم أكثثثثثثثثر وبس ..

اختف معك يا أختي حبر شفاف؟؟ لأن مليون ونصف المليون امرأة عانس بالمملكة هو ما ظهر مؤخرا كاحصائية عن مشكلة العنوسة بين السعوديات وهذا يعني بأن أعداد النساء أكثر على ....

[اسيرة الاحزان]

اقتباس المشاركة الأساسية كتبها دلووووووني ما أصل هذه الكلمات ؟؟ ٍ س / هل جاء الوقت الذي تتكلم فيه البنت وتطلب من وليها الزواج او التلميح بذلك او الاشادة في شخص معين وذلك من باب التلميح ؟؟ للجميع الف تحية

ياليت عندنا جراة نلمح لاهلنا
الحياء يمنع البنات
مع انه بعض الناس يشوفها عيب البنت تطلب الزواج
وناسين ان بعهد الرسول المراة تعرض نفسها للزواج..
صحيح ان الزمن تغير ولكن ياليت عندنا نص جراه ولو للتلميح؟!

[السمـــو]

اقتباس المشاركة الأساسية كتبها ツحـبـر شـفـافツ قلنا ألف مرره الشباب بالسعوديه أكثر من البنات .. بس ماأدري ليه يقولون العكس عشان يبررون لأنفسهم هالحركات الجديده في الزواجات .. إذا العوانس ماليت البيوت على قولتهم ترى العزابيه مالين الشقق والاستراحاات .. يعني انتمممممم أكثثثثثثثثر وبس ..

بسم الله وراك يا اخيتي (شابه علينا) العوانس فعلا ماليه البيوت ولا احد ينكر
تدرين ليش لإنهن في بدايه سن الزواج يجيهن خطاب ويرفضن ويتشرطن ويتدلعن ويوم
فاتهن القطار أخذن يلومن الشباب .........وترى يا اختي الشاب العزوبي متى ما بغى يتزوج
بس يأشر ويلقى بدل الوحده عشر بس البنت لا فاتها القطار الله يخلف عليها بالجنه
حدها مسيار أو شايب تصير له ممرضه أو شاب من فصيله المترديه والنطيحه !!
بس لاتزعلي علي ترى قلت الي صاير في مجتمعنا شي نشوفه
مع خالص أحترامي

[متفائل بهدوء]

أخي المزن اتقي الله
زواج المسيار يختلف تماماً عن الزواج العرفي
في الزواج العرفي يتم الزواج في أروقة الجامعة غالباً
كما يحدث في مصر بين زميلين حصل بينهما عشق
وخافا من الحرام فيعقدا عقداً على ورقة بينهما وبشهادة بعض أصحابهما
ليمارسا كل شيء على وعد بإعلان الزواج عند الأهل والعذر أنه لو تقدم لها لرفضه أهلها
لعدم مقدرته الحالية على تكاليف الحياة فيقولا في نفسيهما نحن نحب بعضنا ولن أرضى بغيرك
يقول لها وتقول له مثل ذلك فلماذا نعقد أنفسنا ونجلس ننتظر السنين الطوال حتى نستطيع الزواج بشكل رسمي نتزوج من الآن ونكمل شروط الزواج بوجود الشهود زعموا فتتم البلية مع غياب الولي
وغالباً ما أن تخلص دراستهما حتى ينساها ولا يلتفت لمن خانت عرضها وأهلها