[مدحت شوقي بريده]

يالبي تقدر تفرق بين اللي تشتغل بمكان مختلط عن غيرة ..

ياخي اللي تشتغل بمكان مختلط تشوفه هاجتن به .. ماعنده عيب .. وكله على بعضة قلة حياء ..
تهوش هذا وتضحك مع هذا ..
وتغز عينه بعينك وهي تحاتسيك ..
وهذا مشاهد مع موظفات المستشفيات وغيره من المراكز .. المختلطة ..
والله انه توحشك اذا قامت تحاتسيك تقول هذي بس هاللحين تبي تلفعك ..
وبعضهن تتميع عندك تقعد تدور اقرب سطل علشان تجمعه ..


لإنه ماع الحياء عنده خلااااااااااص .. واستملس جله ..
من الصبح الى الساعة 2 الظهر وهي كرسيه قدام كرسي زميله بالعمل .. سواليف ووناااااااااااسة ..

اما اللي تشتغل بمكان حشمة .. تبتل على على حشمته وحيائه ..
وهذي سلم لي عليه ..

سي يو ..

[مــهــاجــر]

المشرف العزيز مدحت شوقي بريدة تقول بارك الله فيك

"لإنه ماع الحياء عنده خلااااااااااص وماتت العفة اللي به .. واستملس جله .."


طيب ما ذنب من لا يريد الإختلاط وأجبرته الظروف على العمل المختلط ؟؟.


وقليلات الحياء متسدحاتٍ ومتغنجاتٍ ومتكحلاتٍ ومتخصراتٍ ومتعطراتٍ وعيونهن مقزقزاتٍ لا من بعض الموظفاتٍ والموت الحمر من المراجعاتٍ.

ومع السلاماتٍ.

[مدحت شوقي بريده]

اقتباس طيب ما ذنب من لا يريد الإختلاط وأجبرته الظروف على العمل المختلط ؟؟.

مادري من تقصد .. الشباب والا من البناااااااااااااااات ..


لكن اذا كنت تقصد البنات وهن الموضوع اللي نتكلم عنه ..
فالأصل بقائها بالبيت ..


والعمل الغير مختلط كثير ولله الحمد ..
واذا مالقت فترضى بحكم ربي وتقضب ارضه وتقعد ببيته ..
ولا اعتقد انه تبي تموت جوع في ظل مجتمع ولله الحمد يبحث عن المحتااااااااج ..
ولا تعرض نفسة للي يسوى واللي مايسوى ..


وكلمة من وقح مايسوى نعلته .. تخليه تندم على كل دقيقة قضته بالعمل المختلط .. وتحرق كل ريال استلمته ..
اللي يخليه ملطشة لكل سافل ..

وتبقى وجهة نظر يالبي ..

سي يو ..

[مــهــاجــر]

المشرف المحبوب أشكر لك سرعة الرد.

وأحب أن أقول لك بأن سؤالي السابق كان موجهاً لنا نحن الشباب وليس للفتيات , لأن الوضع المتعارف عليه عندنا أن المرأة لا تحتد على العمل المختلط بنسبة تصل إلى 95% بإعتقادي .

وماكنت أرمي إليه في السابق هو أن من تكون لقمة عيشه وعمله في مكان مختلط لا بد أن يعاني أحد الأمرين وكليهما مرين :

الأول :

إن كان إنساناً لا يريد معاكسة الفتيات ولا الإحتكاك بهن فهذا يعاني آلام الصبر مما يراه ويشاهده من أمور لا تنطلي على حضرتك .

الثاني :

إن كان إنساناً يريد معاكسة الفتيات والإحتكاك بهن فهذا يعاني من أن جل وقته ضاع في هدر !!!. ناهيك عن الذنوب والأثام التي وقع فيهما, وما إلى ذلك من جرائر لا تخفى على من هو مثلكم .

أخيراً نتفق بأن العمل المختلط يسبب ربكة لكلا الصنفين الآنفا الذكر ,وماكتبته في السابق هو من معايشة للواقع وأنا أراسلك من أرض الحدث .

[قرناس]

الإختلاط فساااااااااااد

قبل فترة كنت أراجع بالوالدة في أحد المستشفيات , وكان يشتغل بالإستقبال
فتاة في ريعان الشباب تضاحك الموظفين وتتمازح معهم قدام عيني !
بل أسلوب كلامه معي ومع المراجعين في غاية الرقة والنعومة . . الله لايفتنا !
الحقيقة أني انزعجت وانغثيت وانفقعت تسبدي وفكرت انصحه لكن خشيت على نفسي الضعيفة !
مع العلم أنه لابستن نقاب .. واللبس غير محتشم أبداً ..
ما أدري هل فيه مجال نحسن الظن بالحالة هذي ؟ ياليت !
هذا يا إخوان الأمر الظاهر اللي يبصره كل مراجع .. وماخفي أعظم

نسأل الله أن يحفظ نساء المسلمين ويرزقهن الحشمة والعفاف

[قباصة من القباصات]

لاحول ولاقوة إلا بالله ،،


يااانااااااااااااااااس من ترك شيئا لله عوضه الله بأحسن منه وحتى لو كنتي محتاجه هالمااااااال ،،


في ديرتي الاختلااااااط في كل مكاااااااان .. معنى ذلك .. أقعد في بيتي أحسن .. وقال تعالى : (وقرن في بيوتكن ولاتبرجن تبرج الجاهلية الأولى ) ..،،


وزين سوا الرجااال .. .. غار على محارم الله .. مثل مايرضى هالشي لخته او مرته .. مايرضى على بنات المسلمين


جزاااكم الله خير .. موضوع رااااااائع ..،،

وجهود الشيخ ساالم العجمي جبااارة ماشاءالله عليه ،،

[BQassim]

اقتباس اصون عرضي بمالي لاادنسه .. لابارك الله بعد العرض بالمااااااااااااااااالي ..

صح السانك يامدحت شوقي بريدة أسعدني مرورك

اقتباس على الأقل الواحد يحمد ربه إذا كان ما يداوم في إختلاط ك(مستشفى , مركز صحي , سوق , مركز تجاري,,,إلخ) وإلا كان يعاني من هول ماينظر إليه وما يعانيه ...

الحمدلله صدقت يالمهاجر

اقتباس المستشفيات لاتنسون تراه لنا ولكم ,, وتواجدنا ضروره فيها ,, وأتركوا الكلام اللي ماله داعي ,, يعني برايكم كل الطبيبات يجلسن في بيوتهن ؟؟ عشان مايختلطن مع الرجال مهب هذا الحل الله يسلمكم :::

الحل في إنشاء مستشفيات مختصة بالنساء كما هو الحال في مستشفى الوفاء بعنيزة .

اقتباس المرة ماله إلا بيته والصراحة انه قصة تهبل

بارك الله فيك

اقتباس الانثى ثروووة اغلى من الذهب وياليت لو كل واحد يحافظ على اهل بيته ويحسن المعاملة واجب علينا نشجعهم على الشغل اذا حبو الشغل لكن بحدود مو شغل يكن فيه اختلاط

كلام جميل جزاك الله خير

أشكر الجميع على المرور والمشاركة ..

[بسمات دامعة]

المفروض يضعون أقسام خاصة للنساء مافيها اختلاط لأنه ضروري يكون هناك طبيبات يعني لو كل امرأة جلست ببيتها من راح يكشف على الحريم ويعالجهم
رجال ؟؟

[BQassim]

اقتباس المشاركة الأساسية كتبها بسمات دامعة المفروض يضعون أقسام خاصة للنساء مافيها اختلاط لأنه ضروري يكون هناك طبيبات يعني لو كل امرأة جلست ببيتها من راح يكشف على الحريم ويعالجهم رجال ؟؟

شكراً لك على مرورك

وأوافقك...
يجب وضع مستشفيات خاصة بالنساء ..
وهناك نموذج لمستشفى ناحج بكل المقاييس خاص بالنساء وهو مستشفى الوفاء الطبي بعنيزة .

[خيال العيون]

والله كل اللي تكلموا معهم حق
والحمدلله اني تركت الدوام اللي كان فيه اختلاط وصرت الحين بعيد عن هالشي

لكن يا ناس انا تابعت منظر صار قدام عيني من البداية لين النهاية

بس لا تفهمون غلط ,,,,,,

انا اراجع بالوالد من سنتين في مستشفى الملك فيصل التخصصي بالرياض وانا من اهل بريدة
وكان فيه موظفة في احد الاستقبالات وكانت بصراحة محتشمة ورمز البنت السعودية الاصيلة
لكن تفاجأت مرة باحد المراجعات انه كان في الاستقبال جالس معه واحد واستنكرت الامر بحكم انه المكان لا يلفت النظر للحاظرين لو حدثت اي حركة او صار اي كلام
لكن بعد مرور الايام بدأ التغير بالبس والتظاهر وطريقة الكلام حتى وصل الحال انه صار موقف امام عيني والله
لو قيل لي انها صارة الحركة الفلانية من هذه الفتات لأنكرت ذالك
حدث اني رأيت الفتاة مع شخص تمازحة حتى وصل الحال انها فعلت مقلبا صغيرا معه لأحد زملائهم فبدأ الضحك وقام بضربها من كتفها ووضع يده على كتفها ولمسها لمسة سريعة من خدها لم ينتبه لها احد لسرعتها

هذا ما جرى ولكم الحكم في الموضوع

[صافي النية]

كلام ومضمون جميل...بورك فيك..

دمت بخير..

[الاسباطي]

والله كنت أراجع في أحدى المستوصفات الخاصه والموظفه التي في الاستقبال سعوديه
وأنكسرت عيني ونزلتى رأسي وأنا اتحدث معها وهي ماشاء الله عليها عينها قويه
وتتحث مع وكأني اخوها
الله يستر عليهن