 |
|
|
|
|
04-12-2007, 04:47 AM
|
#15 |
|
عـضـو
تاريخ التسجيل: Jul 2007
البلد: في ظلال القرآن
المشاركات: 187
|
.
. . . حيى الله الشباب الصراحة بغيت ما أنزل المشاركة ذي لأني مرتين أكتب الرد همن لا قربت للنهاية يصير به مشكلة عندي المرة الأولى أنا سكرت المتصفح  وجلست أرغي على لوحة المفاتيح  ولاثانية هالوصخ الجهاز هنق  والصراحة كانت ضربة قاصمة لي إنحاست النفسية وإسألوا اللي معي بالمسنجر تهاوشت أنا وواحد بسبته  الصراحة قهر من المغرب أكتب وأخرته يحوسن هالجهاز المهم ما علينا قلت لابد أريح شويوأروح أحوس لي شوي وبعد رشفة فنجان شاي  عدلت النفسيةوصحصحت شوي  قلت هالحين أدهر يا ابــن وائــــل المهم ما علينا نرجع للموضوع :D وش وقفنا عليه :D إيه أبو لجين ما نومن العصر قلت لابد أنزل ردي إسمي اللي هرجت من أوله فبالنسبة للتجهيزات أبقسمه قسمين الأولى شي ثابت بالسيارة أمثال التانكي وغيره والثانية التجهيزات المتحركة وراه فلم كرتون :D أمثال أدوات الطبخ وغيره تحول لغة عربية الولد :D نبدأ بأول شي السيارة وملحقاته : طبعاً الموتر بتبت 97 خليجي الله يخليه ويكفيه شر كل حسود من هالمشافيح :D وهذي صورة المزيون هللوا يالمشافيح :D  الجزء الأول أولاً : تلبيسة القير وما أدراك ما تلبيسة القير أرخص وأكوس تشيلك أنت وقشك أخذته من أبو سنده أطال الله بعمره :D بمبلغ وقدره 45 ريال بس فقط :D تحتوي على أكثر من 8 مخابي كل شي به لو تبي مساويك مناقيش فرشة ومعجون أسنان :D أبر كفرات عيار الهواء صتم تسباريت ولاعات :D خرايط اللي تبي تشيل هالمبروكة  ثانياً : الكنوود وما أدراك ما الكنود والأيكوم والشلة ذيك حيث لا غنى عنه في الرحلات خصوصاً البعيدة سواءً سيارة أو أكثر فكم مرة ومرة فزع الذيب الجهاز مثبت بالطبلون بدل أحد الدروج اللي ما لي به حاجة لأن الخرج أقصد تلبيسة القير تفي بالغرض :D  ثالثاً : الإضاء الجنبية : هذي لمبة سلمكم الله تم تثبيته بقاعة الأريل تبع الأيكوم وهي من أجمل ما تخدمك بلى زعبله بلى فتحة كبوت واشبك وافصل أرعص هالفيش شغل وأركب وارعص تطفى أحرص قبل تركيبه على عمل بطارية إضافية للموتر لأنك لا جلست تنساه والصراحة نسيت أصور البطارية بتاعي وأعذرون لعلي أنزله فيما بعد هذي اللمبه :  وهذا محل الفيش بجنب المسجل عذرا صورة جوال :D :  وصلنا رقم كم أربعه :D التانكي وما أدراكم ما التانكي : سعة 75 لتر جعلت فيه مخرجين واحد مخرج ومطلع والثاني مخرج يذهب للجهة الثانية ليصبح الماء مع جهتين مع وجود لمبه تحت للإضاءة بالليل أثناء الغسيل وخصوصاً التسبيع :D بس اللمبات نسيت أصورهن لكنهن عاديات :D والصراحة إني غلطت ركبت تانكي تحت لأنه فاشل وبس والآن العمل جاري على تزيين واحد خلف المرتبة الثانية بسعة 85 لتر أحسن شي بالعالم   وهذي اللي تروح للجهة الثانية مخليه لي لتسهل عملية التمديد ولتقليل الصرفية وبنهايته نبل  خامساً التجهيزات العزبية أقصد أغراض الطبخ والشلة ذي طبعاً حطيت في خلفي الموتر طبق وهذي صورته  فوائده كثيرة مره أولهن يحفظ قشق ويرتبه ويتكتك موترك وبنفس الوقت تشيل لابغيت يركب معك أحد زي إعيال خواتي يتهاوشون يركبون فوقه لأنه بسطه وأسترح:D من زواية أخرى :D     الطبق بعد تنزيل الأغراض  أيضاً بعد تنزيل الأغراض تقدر تخليه كرسي زي مرتبة الربع على جنب شوفو الصور اللي فوق وأيضاً تستطيع التحكم بإرتفاعه متى شئت ترفع وتنزل كل ما عليك فرك سنة المسمار  وهو متواجد عند السنيدي بثمن بخس الصراحة نسيت بكم لكنه رخيص وما تقول يضيق بالعكس يرتب وحمل ما تشاء الدليل أغراضي كل شي تحته ما شاء الله لو تبون طقم كنادر لقيتو :D نجي هالحين للأغراض المتواجدة تحت الطبق ماشاء الله تحته ما تشاؤون عزبت الطبخ - عزبت القهوة - دافورين - ذريتين - مسحاة - جالون ماء تحلية عدد 2 3 مدات [ فرشات ] - شنطة كهربائية تحتوي على 3 لمبات وكوعة لمبات - مكان لابأس به للحطب وش بقى يا عيال باقي العدة والمفكات حاطهن بشنطة باقي مخباة للشاخوف والسلسلة والماطور كل هذولي طارفات بجنب الباب :D وهذي الصور تحسي هللوا :D الدوافير مع الذريات :  الفرشات نموذج :  عزبة القهوة و الشاهي وتحتوي على : ملقمة قهوة ودلة قهوة وإبريق للشاهي وآخر للزنجبيل بس مالقيته ما أدري وين طاس وملقمة للحليب وملقاط يحوف الجمر وكرسي ضو ودويفير له محل به وقديم عندي وعزيز وشاري له راس كوفيا وذيف وعلبت بيالات وفناجيل وعلبة تمر وسطل لغسل البيالات والفناجيل وبه من الأنعام ما يلي : :D سكر ملح :D نعناع قيصوم زنجبيل بهارات :D شاهي أخضر وأسود وليبتون الكيف : قهوة - هيل - زعفران - مسمار - وغيره من اللي ما يحضرن الآن   بعد ما صفيته تغير الصف صح :D :  بقي أذكركم بإستحباب تواجد هالحبيب مفك صلصلة لأنك ربما تحتاجه لفك تونه وإلا شي وأثره يصير قريب بعزبة القهوة وأيضاً صحون بلاستيك وملاعق وبيزه وكيسان قرطاس   ثنين أقصد ثانياً :D عزبة الطبخ : وتحتوي على كاتمين سعة 9 لتر و 10 لتر قدر صغير 2 طاسة ماء وحدة لحليب النياق :D مقلاة وسكاكين وملاعق ومشخال ومسن للسكاكين وساطور وصحن والأنعام : رز بس أنا ما أحب أحطه بالعزبة لأنه من الأغراض اللي تنسى فلذلك كل ما بغيت أطلع شريت وبهارات وملح وزيت وصلصلة وماجي   نسيت أطلع الصحن وخزياه :D  علبة الأدوات الكهربائية وذفه يحبه قلبك شوفوا الصور تحتسي 3 لمبات وكوعة وما يجمل الكوعة وجود طفاي أو فاصل خاص بكل كوع    هالحين قربنا نقضي المسحات والشاخوف :  العدة وهي ضرورية جداً  لا أحد ينسى هالحبايب ذولي : ماطور تراي نسيت أصوره وعيار الهواء ضروري والسلسلة وإشتراك ورقعات للكفر التيوبلس وجيك للوضوء وأبريق كبير لإحماء الماء حال البرد  وبعد جهد جهيد قضيته على إعداد هذا التقرير أرجو الله أن ينال على حسن إستماعكم :D هجت به وراه إذاعة :D ولا مانع من النقل مع ذكر المصدر للأمانة وبالنهاية أعتبر بأنه من الضروريات حمل هالحبيب هذا للرحلات الطويلة والبعيدة فله من كل الشكر والتقدير اللي هو السيد قارمن :  وهذي لعيونكم معرقة بشقران عسى الله يجيب السيل  وهذي صورة لن أنساه موقف  وهنا مصداقية حديث الرسول حينما أمر بأن لا يمضي بالرحلة أقل من ثلاثة نفر في ليلة تقدموا الشباب وقلت لهم ألحقكم بالليل لشغل عندي ولا عادة رحت لحالي يم الدهنا طالعين وخبركم اللي لحاله وما يرتابه من الخوف فما كان من إلا أن ثولثة ثولثة طيبه واللي حاسن إرتباكي وخوفي لأني لوحدي وإلا لو تريثت لأخرجته بسهوله ومع وجود السلاح وأجهزة الإتصال إلا أنه لا تنفع من دون الصحبة وقبله الأذكار فبعد محاولات يائسة قررت المبيت وبالنهار يحله ألف حلال وبعد ما قمت الصبح لقيت إن الموضوع ما يستاهل فاللهم لك الحمد :  أشياء لم يحصل لي أن أضعه هنا لنسياني له فلعلي أستطرد به فيما بعد وهي تكميلية مثل البطارية الإضافية وطريقة تثبيتي لمحول الكهرب عسى الله أن ييسر لأضعه فيما بعد بالنهاية أمل أن أكون قدمت ما يفيد ولكم مني أجمل التحايا من ورا الشاشة [ ابــن وائــــل] . . .  .
__________________
قال علي بن أبي طالب رضي الله عنه وأرضاه :{ قصم ظهري رجلان : عالم متهتك ، وجاهل متنسك } |
|
|
|
04-12-2007, 07:28 AM
|
#16 |
|
عـضـو
تاريخ التسجيل: Oct 2006
البلد: الدمام ـ القصيم
المشاركات: 873
|
8
8 8 ابن وايل  !!!!مشاء الله تباركـ الله عيني عليك باردة الله يهنيك به وش خليت للي بعدك مشاء الله الموتر كامل مكمل والكامل وجهه سبحانه  كانه للبيع علمن تراي أدور :D أبي موتر مكمل لأني عجااااااااز كسل أغير بالموتر شي كود يوخذ من عشان يكمل لي :D بس أهم شي أني عرفت رقم اللوحة حقت المزيون يالطيب عشان إذا شفت كاشت أجعف الموتر صوبك  <<< وش هالحاشرهـ :Dتحياتي لك وللرجال المفاليح شرواك يالطيب محبكـ راعي الطيب 
__________________
 |
|
|
|
|
04-12-2007, 12:31 PM
|
#17 |
|
عـضـو
تاريخ التسجيل: Jul 2006
البلد: بريدة ،
المشاركات: 4,970
|
ابن وايل .. إي والله ذيبان !
ماشاء الله عليك .. ! الحقيقة تجهيزات خيالية .. تراك صرت خويي
__________________
 من التقاطاتي التي أفتخر بها لمدينة بريدة .. |
|
|
|
|
04-12-2007, 02:16 PM
|
#18 |
|
عـضـو
تاريخ التسجيل: Mar 2006
البلد: ببريدة..!
المشاركات: 560
|
ما شاء الله تبارك الله
يابن وايل أنت حطيت منتدى لحالك مهب مشاركة ذي تسلم وجزاك الله خير
__________________
|
|
|
|
|
04-12-2007, 02:52 PM
|
#19 |
|
لحظات مودع ..!
تاريخ التسجيل: Aug 2006
البلد: بريدهـ-
المشاركات: 4,127
|
أيهن الموضوع ... رد أبن وائل .. ولا أبو لجين
هههههههههههههههه والله كفو ياشباب .. وموضوع يأبو رجلين بالصميم .. يكفينا شوفة الهلي .. عقب قراطيس الوكالة إلى الشد .. عاشت الأيام ياخلفهم .. أنتظرونا فنحن من ينتظركم ... وتصوير المبدع ( عمر الصمعاني ) .. وهـ بس
__________________
, , , |
|
|
|
|
04-12-2007, 09:53 PM
|
#20 |
|
عـضـو
تاريخ التسجيل: Apr 2007
المشاركات: 118
|
الجيب المثولث لك ؟؟؟ يا ابن وايل
|
|
|
|
|
04-12-2007, 10:58 PM
|
#21 |
|
عـضـو
تاريخ التسجيل: Oct 2007
المشاركات: 41
|
وراه مانحطت مسابقة افضل عزبة وافضل تجهيز عزبة دائم كل واحد حاط عزبته هههههههههههههههه
 والمسابقة الثانية افضل تجهيز سيارة :D:D
__________________
|
|
|
|
|
04-12-2007, 11:06 PM
|
#22 |
|
عـضـو
تاريخ التسجيل: Oct 2007
المشاركات: 41
|
وراه مانحط مسابقة افضل عزبة ههههههههههههههههههههههههههههه
__________________
|
|
|
|
|
04-12-2007, 11:16 PM
|
#23 |
|
عـضـو
تاريخ التسجيل: Dec 2007
المشاركات: 2
|
تسلم على هذه الصور الرائعة
تقبل تحياتي |
|
|
|
|
05-12-2007, 01:38 AM
|
#24 |
|
عـضـو
تاريخ التسجيل: Mar 2006
البلد: بـريــدة ..!!
المشاركات: 2,255
|
ابو لجين دبرنا ..
اصورك ما يطلعن ..
|
|
|
|
|
05-12-2007, 01:54 AM
|
#25 |
|
عـضـو
تاريخ التسجيل: Mar 2006
البلد: بـريــدة ..!!
المشاركات: 2,255
|
ابن وايل ..
اهباااااااااااال التجهيزات .. شغل عدل سراحة .. الفارس تبلش باللي طافن بالبر العزبة بقراطيسة ..:D ===> تراي امزح .. |
|
|
|
|
05-12-2007, 01:56 AM
|
#26 |
|
عـضـو
تاريخ التسجيل: Jul 2006
البلد: بريدة ،
المشاركات: 4,970
|
وش بقراطيسه أنت وإياوه
دققوا زين ماتشوفون البرقان سود
__________________
من التقاطاتي التي أفتخر بها لمدينة بريدة .. |
|
|
|
|
05-12-2007, 02:06 AM
|
#27 | |||||||||||||||||||
|
عـضـو
تاريخ التسجيل: Mar 2006
البلد: بـريــدة ..!!
المشاركات: 2,255
|
يا خلفهم يا بو فارس .. عروق الشمال يبيع برقان سود ..
|
|||||||||||||||||||
|
|
|
|
05-12-2007, 04:22 PM
|
#28 |
|
ربّي لا تحرِمنِي لُقيَاهم
تاريخ التسجيل: May 2007
البلد: تحت ظلال السيوف
المشاركات: 5,113
|
السلام عليكم
كما وعتكم أني ابعود للموضوع الشيق والممتع على عجالة رحت لم الموتر ونبشت قراشيعي وصفصفتهن عشان ابصورهن لعيون ابو لجين والشباب طبعا ابوريكم عزبتي الاساسية يعني من غير اللي امثبت بالسياره لان الموتر اللي معي على قولتهم ( عبر ) نبي نتعبر به لمين يجي المزيون :D يعني باختصار اغراض القهوه والشاهي والطبخ  وهذي العزبه من داخل الشنطه اللي يمين به كاتمين وقدرين واللي يسار به عدة القهوه والشاهي وباقي الاغراض طبعا كل شي انا اللي امفصله عند المطرودي الا حقت البيالات :D  وهذا القز واللي موصل بالغاز طبعا اللي هذا ضد الموعان يعني ضد الحرايق وطبعا القز هذا امفصله عند الحداد والعيون اللي به عيون سويديه يعني مرر ايدك من فوقه وتجيك مشوي:D ما شاء الله  وهذي صورة الجيب من ورا وانا اصف القش  والحين العزبه جاهزه ومغير تدق سلف وتمشي واللي يبين اكشتبه ماعندي مانع >> وش عنده ولد الخديوي :D  اما صورة ايام زمان طبعا ذي له سالفه سلمكم الله تذكرون البحيره اللي صارت بالمستوي ذاك اليوم كان معي هلى 2005 بنزين المهم رحنا لم البحيره انا واربعة من اعيال عمي المهم تمشينا اهناك يوم صارت الساعة 1 الظهر قلنا خلنا نروح لمكان نقعد به ملينا من السوعان المهم نقز شيطان ولد عمي وقالي ابسوق ومن قرادة الحظ خليته يسوق وبدا يتمشى وحنا على هالحاله دخل من عند طين وقعدت همر ننزل ونحرحر به لمين طلعت وقلت لولد عمي يالله طس ورا قال لا ماعليك انشاء الله اركب وزهله قلت له رح يالله دور مكان نقعد به مشينا اشوي عن المكان اللي غرزنا به همر نشوف فيضة يحبه قلبك مابيننا وبينه الا شعيب اخينا في الله دعس له وقطع الشعيب ودخل الفيضة عاد وش تتوقعون وش صارت صارت سلمكم الله كله طين في طين وصايرتن الطبقه الفوقيه تقريبا 5 سم ناشفه وعليه ربيع وتوهقنا لا نقدر نرجع ولا نقدر نكمل يعني انبتت  طبعا قعدنا من الساعه وحده الى الساعه خمس ونص وحنا انحرحر به اخر شي صفة وتقهوينا بالصندوق عاد جاء راعي باترول باب سلقه وحاول يطلعنا لكنه عجز لان الهلي غايصه ثمن جاء راعي شاص وزينا طريقه الا وهي خلينا راعي الباترول يجرنا وراعي الشاص يجر الباترول  والحمد لله طلعنا مع اذان المغرب وكل طريقنا نمشي 60 لانه اذا تعديناه بدت ترج من الطين اللي به  وغسلته من باتسر 150 ريال عند الدولية مشكورين على المتابعة سلام
__________________
 |
|
|
|
 |
| الإشارات المرجعية |
|
|
النمط المتتابع
