[ام الوريدات]

جزاك الله خير حاني الروح على مساعده المسلمين

[ناصب الشاص]

نبي وضايف تكفون مليت من الدراسة

[ربدي1]

السلام عليكم اخوي ..
ابي استفسر منك شغله وارجو انك تساعدني فيها
اختي باول كليه قبلوها عربي انتساب بعدين قبلوها ادارة اعمال انتظام الترم الثاني ويوم راجعنا الجامعه قالو لا انه ماقبلناها عربي انتساب هي ادارة اعمال الترم الثاني بغينا نحولها من ادارة اعمال الا كلية علم النفس بس رفضو قالو لازم تدرس على الاقل ترم بادارة ومن ثم نحولها وابصراحه حنا مانبيها تضيع عليهاا سنة كامله اذا عندك حل للموضوع الله يجزاك خير علمن ومشكوور .

[جوليــــــــــــاء]

لو سمحت أخوي المادة إذا تعثرت فيها تدخل بالمعدل
مثل لو أنا جايبة 55 من 100 والنجاح من 60 وبنت ثانيه جايبه 30 من 100
اصير اعلى منها بالمعدل أم لا يعني تفرق بيني وبينه ولا المادة نهائياً أصلا ماتدخل

[ابو نوره...]

جهد كبير

[ربدي1]

اللللللللللله يعيني انا بشقى اكثر منها
يعني مافيه حل ثــاني !!!

[انسياب ضوء]

حلو مررررره
طرحك لهالموضوع سؤال فضولي
منين لك الخبرة؟؟

[جوليــــــــــــاء]

حاني الروح آين آنت ؟

قسسم آبي الجوآب عاجلاً

[ربدي1]

حـــاني الروح
تكفى جاوب على سوالي بليز راح يخلص الترم

[حاني الروح]

اقتباس المشاركة الأساسية كتبها ربدي1 السلام عليكم اخوي .. ابي استفسر منك شغله وارجو انك تساعدني فيها اختي باول كليه قبلوها عربي انتساب بعدين قبلوها ادارة اعمال انتظام الترم الثاني ويوم راجعنا الجامعه قالو لا انه ماقبلناها عربي انتساب هي ادارة اعمال الترم الثاني بغينا نحولها من ادارة اعمال الا كلية علم النفس بس رفضو قالو لازم تدرس على الاقل ترم بادارة ومن ثم نحولها وابصراحه حنا مانبيها تضيع عليهاا سنة كامله اذا عندك حل للموضوع الله يجزاك خير علمن ومشكوور .

ماعندي لك حل إلا أنٌه تدرس الترم الجاي بِ إدارة أعمال
وتجيب معدل حلو .. وإذا ماأعجبه القسم تقدر تقدم طلب تحويل إلى علم نفس .
لأنٌه من شروط التحويل " دراسة ترم على الأقل في القسم المحول منه " .

* آسف على التأخير

[حاني الروح]

اقتباس المشاركة الأساسية كتبها جوليــــــــــــاء لو سمحت أخوي المادة إذا تعثرت فيها تدخل بالمعدل مثل لو أنا جايبة 55 من 100 والنجاح من 60 وبنت ثانيه جايبه 30 من 100 اصير اعلى منها بالمعدل أم لا يعني تفرق بيني وبينه ولا المادة نهائياً أصلا ماتدخل

لا ماتفرق .
لأنٌه مثلا .. النجاح من 60 وأنتي أخذتي 55
خلاص .. تبي تاخذين رمز " هـ " في المعدل .. يعني رسوب .
سواء أخذتي 55 او 20 .. كلا الدرجتين يعتبرن رسوب .


* آسف على التأخير

[ربدي1]

مشكور حاني الروح
بس لو سمحت عندك رقم مدير الجامعه .بليز اذا عندك ابيه ضاروري
ومشــــكور مره ثانيه

[كفالة غرم]

السلام عليكم


انا طالب في جامعة القصيم كلية التربية ـ التربية الخاصة

ازبده حصلت لي سفره وسفرت ونقطعت عن الدراسة قرابت شهر وسبوع و وليوم جاني خبر
من احد الشباب انه يوم السبت اختبرات يعني بكره وانا ودي ادري كاني محروم ولا لا


ودي ادري كاني محروم من بعض المواد كيف مثل فيه نشره بسمي الطلاب المحرومين ولاكيف

والف شكر لكم الله لا يحرمناء عفوه دنيا وخره


طبعن هذا اول ترم

[حاني الروح]

اقتباس المشاركة الأساسية كتبها ربدي1 مشكور حاني الروح بس لو سمحت عندك رقم مدير الجامعه .بليز اذا عندك ابيه ضاروري ومشــــكور مره ثانيه

للأسف مهب موجود عندي .
العفو

اقتباس المشاركة الأساسية كتبها كفالة غرم السلام عليكم انا طالب في جامعة القصيم كلية التربية ـ التربية الخاصة ازبده حصلت لي سفره وسفرت ونقطعت عن الدراسة قرابت شهر وسبوع و وليوم جاني خبر من احد الشباب انه يوم السبت اختبرات يعني بكره وانا ودي ادري كاني محروم ولا لا ودي ادري كاني محروم من بعض المواد كيف مثل فيه نشره بسمي الطلاب المحرومين ولاكيف والف شكر لكم الله لا يحرمناء عفوه دنيا وخره طبعن هذا اول ترم

وعليكم السلام .
اذا كنت منقطع كل هالفتره بدون تقديم عذر
فـ أكيد بيكون عندك حرمان. .
ادخل ملفك الشخصي في موقع الجامعه وشف وضعك
وطبعا فيه قائمه بالمحرومين تجدها ممكن عند شؤون الطلاب .
وإيٌاك .