[وردةحمراء]

اقتباس المشاركة الأساسية كتبها رند 2009 السلام عليكم اخباركم جميعا بنات والله اني ضايقه بي الوسيعه مادري ليش الحين الناس صاكين بيوتهم ولا يبون احد يجي ولا يجون عندك ؟؟ تصدقون حتى صديقاتي ادق عليهم اصير مبطيه عنهم ادق مايردون علي عاد يطيح وجهي من لفشيله ولا مره ولامرتين ادق ادق كم مره لو هي تبين دقت قالت وش تبين وفشلت من نفسه بس عالم ما تبي احد نفسيات وراهم صاروا الناس كذا ياكافي يعني نكلم الجداران ؟؟؟؟؟ بتقولون فيه نت وتلفزيون بس ولو ما يغني انك تسولفين مع الناس وترفهين عن نفسك بنات من مثلي كذا مجتمعه ما يساعده انه تكون اجتماعيه وتحب تسولف الشكوى لله بس بنات اعذروني ترى النفسيه زفتتتتتتتتتت

ــــــــــــــــــــــــــــــــــــــــــــــــــ ـــــــــــــــ


يا أخيتي جيتي على الجرح

يارب أحسه ينزف ينزف . .

لكن !

ولعلنا نتفكر في قوله تعالى :{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ}


أي والله ما يدرى وش الخيرة فيه

اللهم حببني إليك وإلى خلقك

اللهم كفنا وكف عنا

أخيتي أقرئي قراءن وأذكري الله يتوسع صدرك
والله يرضينا ويصبرنا على هالدنيا

.

[رجـاوي]

اقتباس المشاركة الأساسية كتبها سريلنكية لكل بنت ..... الله يوفقك دنيا وآخرة ويسهل دربك ويجعل حياتك سعادة إذا حذفتي صورتك الرمزية ولا التوقيع ألي فيه صورة أرواح ... قسم يضيق صدري من صوركن .... مدري أحس عيب أو مايليق ع البنت المؤدبة الخلوقة مثل هالصور ’’’ حطي فايدة تفيدك دنيا وآخرة ولا طبيعة ولا من هالقبيل أما صور بنات صغار متعريات ‘‘ مايليق بمقامكن أنتن أكبر من كذا بنات ديرتي وأعرفكن مقامكن عالي فوووووووووووق ولا وش رأيكن؟؟

جزاتس الله خير .. صدز كلامتس الله يعافيتس ..

[رجـاوي]

بنات ابي استشريكم وابي رايكم بصراحه اعتبروني اختكم زين و نبهوني و وجهوني تكفون طلبتكم ..
بنات انا نفسي احفظ القرآن بس ظروفي ما تسمح اني اسجل بدار التحفيظ ..
وسمعت ان فيه مواقع لتحفيظ اقرآن بالنت يعني ويكون التسميع فيها صوتي مع وحده بنت
والموقع يملكونه رجال ..
وش رايكم فيهم تحسون انه زين وإلا فيه شي ..
تكفون بنات انتظر ردكم وتوجيهاتكم ..

[خمائل مختاله]

ماله داعي تفتحين لنفسك باب..

الحل وانا اختك اشتري لك مجلد اشرطة الحذيفي واسمعيه ثم راجعي لنفسك ..وان شاءالله تبي تتحسن قرائتك..

ا

[القلب الوردي]

رجاوي
قبل ماتسجلين تأكدي من أن الموقع مضمون وكل القائمين عليه أهل علم وصلاح ؛ ولا تنسين الإستخارة قبل كل شيء
والأفضل إنك تحفظين بالبيت أو تطلبين من أحد خواتك أو أقاربك أنهم يقومون بالتسميع لك .
( إن كنتِ من أهل الرياض أعرف دار تحفيظ يسمعون لك بالبيت وبالوقت اللي تبينه إن بغيتِ الرقم أرسلته لك )


الله يوفقك وييسر لك حفظ كتابه ويجعله شاهد لك لا عليك يارب

[رجـاوي]

اختي ..سرلنكيه .. الله يجزاك خير ويقبل منك ..
سماوة الخيال الله يجزاك خير ما قصرتي يا الغلا ..
القلب الوردي جزاك الله خير .. بس انا من بريده ،،
والله يوفقكم كلكم ما قصرتوا ..
بس بصراحه حلوه فكرتهم انهم يسمعون للوحده وهي بالبيت
الله يجزاهم خير ، يارب تتسهل ..

[(زورق الايمان)]

بنات شوفو يحبيلكم ابدخل بالموضوع علىطول بدون مقدمات يس ابي رايكم ومشورتكم

ومساعدتك كل ذولي ابيهن وولاتبخلوا علي

شوفوا الله يسلمكم هذي وحده والواحد الله سبحانه اعرفها

عنده مرة ولد معلمه ساكنه عندها دائما تشكي منها وتسبها بكل مكان الشكوى لله

كانت تقول عنها انها مابه خير ولا عمرها جلست معي وسولفت علي دائما ماشوفها ابد دايما مشغوله

بالليل ماغير تكرف بالبيت من كنس ومسح وغسل وكوي

لاوأحيانا تطبخ عشاء أو تجيبه من المطعم كرم الله النعمه !!ولا قلت لها خلاص اجلسي معي قالت

أبروح انطف غرفتي ياخاله

لا والغداء تصدقين عاد انها تشب عليه من الليل تشب على الحمه وتسكرعليه وتحطه بالثلاجه

ولاصار هالفجر قامت وحطت لي الشاي والقهوه بالمجلس وراحت تحسبن حالمتن به ابي وحده تجلس

معي توسع صدري تسولف معي بس مخليتن لحالي تقل جنيه حسبي الله عليه لا وهالطخمه الدبشه

رجله مخليها على كيفه وماعمره قالها شي

وماغير تسب بهالمعلمه المسكينه بكل مجلس وتحذر من المعلمات اصحوا تخذون مدرسه والله ان

تندمون وتقول خلاص قضيت منهن والله ان شاءالله ماخذ لولدي ألا وحده ماتعلمت أوطبت المدارس

وكان عندها ولدين ماتزوجوا

وأنا مادري وش اقوله بس تسبدي تفرك وانا اسمع كلامه عن مرة ولدها المسكينه ! كنت مانب وحدي

كانت معي مجموعه حريم وتعرفون هي مرأه كبيره وكنت أخذتها على قد تفكيرها

وعاد شوفو هاذي الزبده

أعرس ولده الثاني أخذ وحده ماكملت تعليمه والمعلمه طلعت عنهم لان البيت كان صغير ولا له مكان

وولدها الثاني اللي أعرس كان على قد حاله لذلك طلع ولده الاول وسكن الثاني مكانه

وكانت الام مستانسه وفرحه أنهم طلعوا

وراح كم شهر وبدت الام تشكي من مرة ولدها الثاني يااااااربييييه

تقول وسخه ماعمره نظفت البيت والا عمره طبخت اوطبت المطبخ؟ ماغير تأخذ اكله بغرفته ولا نشدت

عن احد!! ولاصار الضحي نزلت أخذت كوب ماء حار وحطت به لبتن ورقت لغرفته

والبيت مسطبل وسخ !وفعلا كان كل من زاره لاحض وساخة بيته واول كان دائم يلمع ؟؟؟؟؟

والحين يا اخواتي وش السواة

ودي أقوله شفتي هذه حوبة مرة ولدك المعلمه ودي اقوله وطقة بوجهه بس مستحيه وابي رائيكم

كان عندكم رأي ثاني أقوله لها وبرد تسبدي

[مهاااااااااااوي]

الله يعين مااااراح يودينا لهاالنار الاهو اللسان
اغتابتها وبهتتها ايش استفادت نقص من حسناتها فقط
عموما اغلب الخالات كذا نقدر نقول غيره قلت اغلبهم والا البعض ماشاء الله عليهن
لا انصحك قولي لها تسكت ع الثنتين لاتجي وحده اوسخ منهن الثنتين هههه

[MY MIND]

هذا الله يعينها على نفسه ولسانه
ياحول بنت الحلال تكرف بالليل والنهار ومالقت شكر سبحان الله ربي عاقبه

[ام عيون]

احس انه قصة قصيرة مدري وش تحسين فيه تحولين تشوهين امهاتنا خفي من العقوبه بلاش قصص خرافه انتي عندك مشكلة مع ام زوجك حليها اعتقد انه رايي الخاص بعدين المعلمة او الاميه كلنا واحد كل شي يرجع التربية

[متستطعبنيش]

لاحول ولاقوة الابالله وش هالمره اللي مايعجبه العجب ولاصيام رجب

شوفي حبيبتي لادخلين نفستس بمشاكل انتي مالت دخل به

خليتس بعيده عن المشاكل احسن لتس

والله يعين حريم عياله عليه

[رزه مرتزه]

ههههههههههههههههههههههههه

يَ ــآلبى العجز خخخخخ قسم انهن نكته
بس بعض المـرآآت صدز ودتس تكووفنينه من القهر

ماعندي راااي<<شوله داخله اجل
لا بس من جد العجز ازين شي انتس تسكتين ولاتقولين شي خليه تحتسي لين تمل
وانتي سلكي له
لان العجووز مستحييل يعجبه شي واذا اعجبه يومين وتقوم سب فيه

.

[(زورق الايمان)]

اقتباس المشاركة الأساسية كتبها ام عيون احس انه قصة قصيرة مدري وش تحسين فيه تحولين تشوهين امهاتنا خفي من العقوبه بلاش قصص خرافه انتي عندك مشكلة مع ام زوجك حليها اعتقد انه رايي الخاص بعدين المعلمة او الاميه كلنا واحد كل شي يرجع التربية

الله يسامحك يام

والله ما نيّت اشوه سمعة امهاتنا ولاشي أمهاتنا هن الخير والبركه أن شاءالله تكون هذه الام من

الحالات النادره

واكيد انك بنوته لسى ما عاصرتي الحياه

[لباي ولبى وجودي]

لاوالله فشليه ها العجوز الي ما تستحي ولاتخاف من الله

قولي له انتي ما يعجبتس العجب يا خاله