[أمـاسـي]

جزاكم الله كل خير وحقق امنياتكم اللي ارسلتلي المدارس والي نزلت رقم المعهد الثقافي الله لايحرمكم الاجر

[‏أم علاgي]

الله يوفقك الجميع

[مهاااااااااااوي]

قريبا الغاء شــــــــــــرط اثبات الاقامه

[همسات مبعثره]

الله يسمع منك

وتنفتح الفرص للجميع ..

[واحد حبيب]

الله يوفق الجميع
وانا اخوكم الصغير
راح اخبركم عن اي وظيفة تطرح
لكن عليكم بالبحث لاللتوقف ولاللعطالة

[ريماااس]

الله يوووفقكم جميعاً

[دلوعةابونا]

مساء الخير
بصراحه مالي غيركم يفزعلي
انا ابنقل لبريده بنهاية شهر 2 ابي مدرسه فيه تمهيدي تدرس انجليزي
لان بنتي تدرس انجليزي مكثف فايليت تعطونن اسماء مدارس فيه انجليزي باقرب وقت

[Rock & Roll prett]

بسم الله الرحمن الرحيم

السلام عليكم جميعآ

اول شي انا جديده بهالمنتدى بس من زمان بس اتابعكم متصفحه وزائره ولا ادري اذا موضوعي بيحذف ومو من شروطكم ولا لا بس نجرب مو خسراانه شي الواحد مايدري وين رزقه ..


انا خريجه ثانوي وادور وظيفه بحكومي او خااص اي شي اهم شي يشغلن ملييت من الفرااغ كله هم وبلااوي وتعب نفسيآ

يالييت اللي يخبر لي مااايقصر معي وربي يكوون سوا فيني خير كثيييييير وماراح انسااه من الدعاء طول ماانا عااايشه


وسلااامتكم

[لي قلب مايعرف يخون]

والله يابعدي الحين حنا متخرجين من الكليه لنا كم سنه ولا توظفنا

وش عاد ثانويه

والله يوفقك ويرزقك

وانا اشوف القعده بالبيت مهب شينه نوم وفلاح

[~ إحسآس ~]

ياعمري الله يعينتس

طيب دوري على المدارس الاهليه يمكن تلقين عندهم وظيفة ..

انا بالرياض ومت مالقيت وظيفه

الله يرزقنا ويرزقتس ان شاء الله

[Rock & Roll prett]

اقتباس والله يابعدي الحين حنا متخرجين من الكليه لنا كم سنه ولا توظفنا وش عاد ثانويه والله يوفقك ويرزقك وانا اشوف القعده بالبيت مهب شينه نوم وفلاح

سلمووو ع المرور خيتوو وياك يارب
هو القعده في البت دلع بس عاااااد ياصار الواحد محتاج وظيفة وش يسوي

[Rock & Roll prett]

اقتباس ياعمري الله يعينتس طيب دوري على المدارس الاهليه يمكن تلقين عندهم وظيفة .. انا بالرياض ومت مالقيت وظيفه الله يرزقنا ويرزقتس ان شاء الله

أمييييييين وياك يارب يسلمووو قلبوو ع الردك الحلو نورتي ~
دورت بالمدارس الاهليه و المستوصفات الاهليه بعد ..> بس مافيه أمل
و الله من 6 شهور مقدمه ملافاتي !!

[ريشة بمشاعري]

اهلا غاليتي ,Rock & Roll prett

لاتيأسي ,, مو عشانك متخرجة من ثانوية تحسين مافيه وظايف ,,
لا ,,
ماشاء الله أعرف وحده أخذه دبلوم حاسب وماشاء الله موظفه بأهلية ,,وهي متخرجة من الثانوي ,
وماعليها إلا بس شغل الكمبيوتر ,,
ماعندها لا حصص ولا إنتظار ,,
ولا تقولين قديمه لا والله لها كم سنة متخرجة ماشاء الله
ولاتقولين يمكن تقرب للمديره عشان كذا وظفتها ,, لا حبيبتي ماتعرفها بس التوفيق من رب العالمين ,,
وأعرف وحدة اخذت دبلوم حاسب وماشاء الله توظفت بنفس المعهد اللي تدرس فيه ,,وهي بعد خريجة ثانوي

إسعي وربي يوفقك ..
خوذي دبلوم سنه او سنتين بحاسب ,,
وقدمي فيه على كل اللي تعرفين ,,,
ومو تقدمين سنة وتجلسين ,,
لا كل ترم روحي أكديلهم إن عندك رغبة ,,
ومع الدعاء ربي بيكتب لك كل شي فيه خير ,,

[Rock & Roll prett]

تسلمين لي خيتووو ريشه بمشاعري .. على ردك الحلو بصراحه رجعتي لي الامل
الله كريـــــــــــــم ~