|
|
|
|
24-03-2008, 12:06 PM | #1 |
عـضـو
تاريخ التسجيل: Feb 2008
البلد: ببريده ..هاك اللوذه
المشاركات: 304
|
؟؟؟؟؟؟؟؟؟؟؟؟؟؟
السلام عليكم ورحمة الله وبركاته
مانيب مكثراً الهمق .. شكرا للأخوة الاعزاء على الاهتمام والبحث والتحري لما هو الاصلح لحالنا مدمي القلب . السالفه ومافيها أني البارحة مسيّراً لي على حفنةُ من الرجال شروا من يقرا أومير يجيك وينفتح موضوع المساهمات وما أدراك ماهن كائنات . ولاه فيه واحداً لابساً كبكات ومشخص أول مره أشوفه بحياتي ..<--- رسمي تقول وزير الأثل عاد والسالفه لك ياوزير الاثل أومير يتطرق لـ غدون وسولف عنها و جاب طاري عن الكتابات بالانترنت ويقول انهم مقومين الدنيا ومهوب مقعدينها .... وكيت كيت كيت .. الزبدة يقول ابو كبك انهم المساكين مايدرون انه محجوز عليه منذ مبطي .. من قِبل الدولة .!! لأن نشاطاته غير واضحه وتجارتة مشبوهه والحكومة تمنع مثل هالمساهمات الغير مشروعة . الحاصل يقول أن الجهات اللي حجزت أرصدته تثبتت وتأكد لها بعد التحري أنه سليم .. ولا عندة اي توجهات مخالفة للقوانين .. وأن الحكومه قريباً تبي ترد المبالغ للمساهمين .. بعد أخذ التعهد على صاحب المؤسسة !!!!! طبعاً أنا ماعلقت على كلامه ولا حرف بحكم اني ماحد يدري بمساهمتي وخجلي من الزملاء اللي كانوا يستهترون في هالمساهمة قبل يمسط الفاس على الراس... يعني مقزز السؤال اللي هو مربط الحصان :- مامدى صحة كلامه .....؟؟؟؟؟؟ وش توقعات الأخوان ....؟؟؟؟؟ وشلون نتأكد من الموضوع ...؟؟؟؟ هذا ماورد على مسامع الفقير الى ربه ( ســراج ) وصلى الله وسلم ... ولكم فائق تحياتي وتقديري ،،،،
__________________
الدنيا لا تحترم إلا من يستهين بها ....!!!
|
25-03-2008, 12:07 PM | #2 | |||||||||||||||||||||||
عـضـو
تاريخ التسجيل: Jan 2008
المشاركات: 22
|
ياسراج اسمحلي هرجتك صديقك وزير الأثل ماتدخل العقل الحين لو تقول بس يبي ياخذون عليه تعهد طيب ليش الحكومة اصدرت امر القبض عليه !!! لو كان تعهد بس كان اتصلت عليه واستدعته وقالت فقط سوف يتم اخذ تعهد عليك من وتتكل على الله لكن هرج صديقك ابو كبك وزير الأثل ماعنده سالفه |
|||||||||||||||||||||||
24-03-2008, 06:18 PM | #3 |
عـضـو
تاريخ التسجيل: Mar 2007
المشاركات: 256
|
إييييه
الله يسمعنا العلم الغانم |
24-03-2008, 06:19 PM | #4 |
عـضـو
تاريخ التسجيل: Mar 2007
المشاركات: 256
|
ياسراج اللوذه
الله يجعلك سراج لضلمة حالتنا اللي حنا به |
24-03-2008, 06:58 PM | #5 |
عـضـو
تاريخ التسجيل: Apr 2005
المشاركات: 155
|
كل شي جائز
|
26-03-2008, 02:21 AM | #6 |
عـضـو
تاريخ التسجيل: Mar 2008
المشاركات: 15
|
بسم الله بخصوص سجنه انا سامع انه مسجون . من واحد يعرفه بس قديم ها الحتسى اما بخصوص اقترا حك يا اخ كع كع فا المسا همين اكيد موافقين ويبون اي احد يكون قوي ويجيب حقوقهم
واقترح نسوي اجتما ع للمسهمين وانتدارس الوضع |
26-03-2008, 09:25 AM | #7 | |||||||||||||||||||||||
Guest
تاريخ التسجيل: Oct 2007
البلد: في قلبها الحنون
المشاركات: 635
|
أنا أرشحك لأن تكون منسقا بيننا وبين المحامي . |
|||||||||||||||||||||||
26-03-2008, 02:26 AM | #8 | |||||||||||||||||||
مشرف أخبار بريدة
تاريخ التسجيل: Jan 2007
البلد: القصـ بريدة ـيم
المشاركات: 11,055
|
المباحث بدأت تحقق مع موظفي مؤسسه غدون كل واحد على حده كل يوم تستدعي واحد من الموظفين وتأخذ افادته
__________________
|
|||||||||||||||||||
26-03-2008, 03:20 AM | #9 |
عـضـو
تاريخ التسجيل: Oct 2006
المشاركات: 51
|
سمعنا انه في الشرطة في التوقيف حقه بالرياض
اخر خبر سمعته مادري هو صز |
26-03-2008, 03:01 PM | #10 |
عـضـو
تاريخ التسجيل: Nov 2006
البلد: في الحياة الدنيا
المشاركات: 304
|
والله ماعندكم الا الهمق لو انتم صادزين تسان وريتونا شغلكم وقرامتكم اقترح من المشرف اغلاق الموضوع
__________________
=========================== اتق الله حيث ماكنت واتبع السيئة الحسنة تمحها وخالق الناس بخلق حسن |
26-03-2008, 04:07 PM | #11 | |||||||||||||||||||||||
عـضـو
تاريخ التسجيل: Mar 2007
المشاركات: 256
|
الله يهد حيلك قل آمين أما سمعت قول المصطفى صلى الله عليه وسلم: (.........منكان يؤمن بالله واليوم الأخر فليقل خيرا أوليصمت ...) ليتك سكت وليتهم رقدو ا ولا يدعي عليك أحد من هالمضلومين |
|||||||||||||||||||||||
27-03-2008, 03:54 AM | #12 | |||||||||||||||||||||||
عـضـو
تاريخ التسجيل: Jan 2008
المشاركات: 72
|
وش تبينا نسوي ولكن ما أقول إلا إن كان كلامك دفاع عن الصقعبي أو إستهتار بنا نحن المساهمين فالله حسبيك ونعم الوكيل حسبي الله ونعم الوكيل وإتق دعوة المظلوم ليس بينها وبين الله حجاب حسبي الله ونعم الوكيل |
|||||||||||||||||||||||
29-03-2008, 03:15 PM | #13 | |||||||||||||||||||||||
عـضـو
تاريخ التسجيل: Nov 2006
البلد: في الحياة الدنيا
المشاركات: 304
|
ابيكم تجتمعون وتجيبون محامي ويدافع عنكم اما اني ادافع عن الصقعبي او اني استهتر بكم كلا والف كلا والله اني لا اعرفه وليس لدي اي صلة معه لكني اشوفكم تترادون هنا وكل واحد يشذب بالثاني هذا مهو صحيح وتقبل وافر الشكر والتقدير
__________________
=========================== اتق الله حيث ماكنت واتبع السيئة الحسنة تمحها وخالق الناس بخلق حسن |
|||||||||||||||||||||||
30-03-2008, 01:03 AM | #14 | |||||||||||||||||||||||
عـضـو
تاريخ التسجيل: Mar 2007
المشاركات: 256
|
وأنا أبي أفهم وش دخل إغلاق الموضوع من وضع المحامي إلا إن كان لك مصلحة الله اعلم؟ مير الله يهديك يابو فحيل (ماهكذا ياسعد تورد الإبل) آخر من قام بالتعديل sbmt; بتاريخ 30-03-2008 الساعة 01:07 AM. |
|||||||||||||||||||||||
الإشارات المرجعية |
|
|