[REEMOoO]

شوكريااااااااااااااات تسلمين

[نعوووووووووومي]

السلام عليكم كيف حالكم ياحلوين

بعدماقرات موضوع اختي رحيل المشاعر خاصة انه عن الحموله والغثا

حبيت اسرد عليكم معاناة اختي مع ام زوجها واتمنى اي وحده تقرا الموضوع لاتخرج الابرد اوراي

اول ابقولكم شخصية اختي طيبه وحبوبه جدا وقمة البراءه لكنها مش ذيك الشخصيه ياكل البس

عشاه المهم له سنتين متزوجه ساكنه مع اهل زوجه هنا تبدا المعاناة

من اول زواجه اكتشفت بغيرة ام زوجه الشديده تخيلو اول مايدخل زوج اختي علطول تطير لمه

وتحضنه وتروح تجيبله القهوه اوعشاه واختي صنم تفرج وياويله لوتقدمله شي ايوالله ماكذب

عليكم تمعط الصحن من يد اختي تقول هذا ولدي وتجلس تقهويه ولاخلص تجلس هي وياه جلسه

رومانسيه وتقبله وتحضنه والله مازدت ولابحرف واختي تفرج عليهم وهي عروس

ويقوله زوجه روحي انتي هناك بعيد نبي نسوي انا وامي فلم هندي

واختي تروح فوق وتبكي ولاتبين له شي والله العظيم ماتشوفه الابالنوم ولا تطلع هي واياه ابد

انا ماقول شي هذه امه بس ليش يسوي كذا قدامه اوعلى الاقل يعطيه مثل مايعطي امه

واذااشترت اختي شي يقول زوجه قولي لامي من اهلي لاتعلمينه حتى النفقه ماتبيه يصرف عليه

وياليته على كذا حتى اخته شريره مره قالت لاختي شكل اخوي مايحبك يكش منك

اختي اسكتت ورقت فوق تصيح بعد اسبوع ارسلت له رساله تقول ليش تجرحينن وانااعتبرتك مثل

اختي الله يجعلك تسمعين مثل الي سمعتين وكما تدين تدان

اخت زوجه علطول خبرت امه وكان الوقت الظهر واختي ورجله نايمين تقول اختي اسمع

لجه وصجه مادريت الا الي طراخ وتفتح باب القسم اذا هي بخالته تقول اطلعي يالي

ماتستحين على وجهك تدعين على بنتي رجل اختي قام وقعد يهاوش اختي وهي زعلت وراحت

لاهلي وبعدين رجعت وحطله مطبخ وبدت ماتنزل عندهم مايبغونه وهي ماتبيهم بعد

بس مشكلته دايم محبوسه لحاله ماعنده الاغرفة نوم وجلوس فقط وزوجه مايرقى الابالنوم

وماتطلع لاهلي الابالسبوع مرتين مره سمعت خالته تقول لرجله مب دايم انت اللي توديه لاهله

خل اخوانه يجون ياخذونه وتدعي على اختي المشكله لواقولكم ماتصدقون قسم بالله

ان ابوي مايدل بيت اختي اذاقلتله رح لمه يقول استحي اروح من دون عزيمه

وممنوعه من الصديقات والملاهي والاجتماعات

خوالي ماتجي لمهم الابالشهرين مره ملت من الوحده حتى الشغاله زوجه الي جايبه

ومره قالت لخالته ابروح اصلي بالمسجد كان برمضان ابحط ولدي عند الشغاله

ورفضت قالت الشغاله شغالتي

وزوج اختي يتفرج وساكت يوم قالت اختي ليش ماقلت لامك خليه يقعد جلس يهاوشه

يقول مالك دخل الشغاله اناجايبه لامي مالك حق تكلمين

لوتشوفونه تغيرت جذري

ماكانه اختي اللي اعرفه نفسيته تعبت وماله خلق ودايم هواجيس ماعمري قعدت معه الا

تشتكي وتبكي قطعت قلبي عقب خفة الدم والمرح

وش تسوي بالخاله الموذيه

[موتي ولا زعل امي]

حسبي الله عليه من خاله

ليش تزوج ولدها وهي غيور كان حظنتة ابرك لها

لا تخافين الله يمهل ولا يهمل

انتم روحو لها وادبلو كبد خالتها


لا تخلونها



الله يسخر لها زوجها واهله يارب

[نعوووووووووومي]

مشكوره حبيبتي رحيل المشاعر وشلون نروح لمهم ماعزمونا والله نستحي

[الـ ع ــذوب]

خلي امك توقفها عند حدها
او زي ماقالت الاخت رحيل
سبحان الله ياهالاشكال مدري وش تحس فيه إذا سوت كذا
و ما يقهرني إلا إذا صار ولدها كذا دجاجه
أمك على عيني و راسي بس مو لهدرجة
الله يعينها و يصبرها
و يهدي خالتها
ويسخر لها يارب

[ح ـنايـا الـ ق ـلب]

.



حبيبتـي /
الغيره بيـن الحرمه وحرمـه لازم ’
لا سيما ام الزوج !
وغالب الزوجات يشتكـين من هذا الشي !
آنا ودي اسأل الأم دامك تغارين منه ليه تزوجينه من الآساس كان خليتيه بحضنك < كرره ~



آذكر إحدى صديقاتي تحكي لي قصـه اختها !
اختها متزوجه من رجل وحيد لامـه واخواتـه وتعاني منهم بشكل كبير خاصه بوجودها
من المواقف الحاصله بأن الآم تقوم بتوبيخ الزوجه بحضرة الزوج والباش مهندس يتفرج وساكت
وايضا تقول تتغزل بـه بوجود الزوجـه ,
الله يعينه .,


الله يسهل امر اختك ويعينها ~
لعلها تقدم لها هديـه وتكون بدون علم الزوج .,
حتى لو علم الزوج تعرف امـه انها ليست منه وانها من اختك .,
ولا تنسى الدعاء الدعاء الدعاء

[ღ ليالي نجــد ღ]

اقتباس المشاركة الأساسية كتبها نعوووووووووومي من اول زواجه اكتشفت بغيرة ام زوجه الشديده تخيلو اول مايدخل زوج اختي علطول تطير لمه وتحضنه وتروح تجيبله القهوه اوعشاه واختي صنم تفرج وياويله لوتقدمله شي ايوالله ماكذب عليكم تمعط الصحن من يد اختي تقول هذا ولدي وتجلس تقهويه ولاخلص تجلس هي وياه

الله يقويه من يحصله

ولاتنسين مهما كان هذي أم
واسمحي لي زوج اختك هذا مب رجل هذا عباره عن خروف
وشوي شوي حط له مطبخ وبكرا لاجابت عيال بيحط له بيت غصبن عليه وبيركض وراه مثل التيس

والله يصبره على ها العيشه

[مهاااااااااااوي]

هذي طريقة تمليل!!!
اذكان زوج اختك يحبها ومايصبر بدونها وهي اكيد تعرف هاالشي
تزعل كم يوم وتطلب بيت الحالها
مصيبتنا حنا نوافق ان نعيش مع الحموله وهذااكبر غلط وخاصة مثل هاالخاله المسيطره
من يوم قال فلم هندي انا وامي عرفت انه ماحب اختك
اعذريني بس هذه الحقيقه

[صدق الصداقه]

حبيبتي عليها بالصبر...وعواقب الصبر مسره..
وأعرف وحده قريبه لي مرره ..حصله له من المعناة ماالله به عليم..
وصبرت .وصبرت...والله ثم والله ان الله عوضه بأولاده ولله الحمد صالحين ..ولهم مراكز ومناصب عليا بالدوله..
اصبري وصابري ..وستجنين ثمار ذلك ..

[نعوووووووووومي]

اقتباس المشاركة الأساسية كتبها الـ ع ــذوب خلي امك توقفها عند حدها او زي ماقالت الاخت رحيل سبحان الله ياهالاشكال مدري وش تحس فيه إذا سوت كذا و ما يقهرني إلا إذا صار ولدها كذا دجاجه أمك على عيني و راسي بس مو لهدرجة الله يعينها و يصبرها و يهدي خالتها ويسخر لها يارب

شكرا العذوب مشكلة اختي ماتشتكي لاحد من اهلي بس انا لان اهلي رافضين زواجه

منه وهي اصرت عشان كذا تبين لهم انه مبسوطه

[نعوووووووووومي]

اقتباس المشاركة الأساسية كتبها ح ـنايـا الـ ق ـلب . حبيبتـي / الغيره بيـن الحرمه وحرمـه لازم ’ لا سيما ام الزوج ! وغالب الزوجات يشتكـين من هذا الشي ! آنا ودي اسأل الأم دامك تغارين منه ليه تزوجينه من الآساس كان خليتيه بحضنك < كرره ~ آذكر إحدى صديقاتي تحكي لي قصـه اختها ! اختها متزوجه من رجل وحيد لامـه واخواتـه وتعاني منهم بشكل كبير خاصه بوجودها من المواقف الحاصله بأن الآم تقوم بتوبيخ الزوجه بحضرة الزوج والباش مهندس يتفرج وساكت وايضا تقول تتغزل بـه بوجود الزوجـه , الله يعينه ., الله يسهل امر اختك ويعينها ~ لعلها تقدم لها هديـه وتكون بدون علم الزوج ., حتى لو علم الزوج تعرف امـه انها ليست منه وانها من اختك ., ولا تنسى الدعاء الدعاء الدعاء

حبيبتي مشكوره على ردك اقولك شي انا اللي خربته اول زواجه تشتكي علي

اقول ميخالف تغير عامليه مثل امي وجيبيله هدايا

تصوري قبل ماتطلع من النفاس تكام على خالته تقول اشتقتلكم وبالنهايه يوم طلعت

من النفاس ماقامت خالته تسلم عليه قالتله بالحرف الواحد اناحريم عيالي

لوينثرون ورودلي ماقمت اسلم عليهن مادري وش شايفه نسه عليه

واختي جايبتن لهم هدايا الام 500 وقماش فخم غالي

وبنتهم جايبتله جلابيه غاليه وساعه فخمه تدرون وش ردهم

الام قالت اشوى رجعتيلي هديتي لك يوم انتي بالنفاس ناوية اقولك

والبنت من بكرى قالت مب حلوه الجلابيه رجعيه والساعه شكله رخيصه

هذولا يستاهلون اولاه اللي يقهرن ان اختي ماتابت دايم تجيبلهم هدايا ويحطمونه

تقول زوجي يغصبن اشتري واخرمره يوم ولدت اخت زوجه جابت اختي هديه غاليه

يوم قدمته له قالت بالحرف الواحد الله يجزاه خير اخوي ماقصر

[نعوووووووووومي]

اقتباس المشاركة الأساسية كتبها مهاااااااااااوي هذي طريقة تمليل!!! اذكان زوج اختك يحبها ومايصبر بدونها وهي اكيد تعرف هاالشي تزعل كم يوم وتطلب بيت الحالها مصيبتنا حنا نوافق ان نعيش مع الحموله وهذااكبر غلط وخاصة مثل هاالخاله المسيطره من يوم قال فلم هندي انا وامي عرفت انه ماحب اختك اعذريني بس هذه الحقيقه

ياقلبي هذا وجه حب هويقول لاختي بالحرف الواحد الام مابداله ام والمره بداله عشر

بنات الناس مهب لعبه عندك وعند امك توذيه وتسكت وتقول هذي امي ليش تزوج من الاصل

ياجبان وتظلم بنت الناس فيه الف واحد يتمناه

لاوالي قاهرني اكثر تقول اختي يوم اخته حامل خايف عليه واي شي تبيه يقدمه له

والله العظيم يغطيه ويسمي عليه لانه تعبانه شوي وجالسه عندهم

واختي يوم تحمل مادري عنه حتى وهي تطلق وتوجع قاعدين يتفرجون عليه ويتقهوون

تقول زوجي يناظرن ويظحك ويقول لاخته وشبه

يوم ولدت اختي قالت ليش اختك تهتمله وانا لا قال الاخت مابداله اخت والمره بداله عشر

تكفون مب يقهر والاانا عصبيه

[نعوووووووووومي]

اقتباس المشاركة الأساسية كتبها صدق الصداقه حبيبتي عليها بالصبر...وعواقب الصبر مسره.. وأعرف وحده قريبه لي مرره ..حصله له من المعناة ماالله به عليم.. وصبرت .وصبرت...والله ثم والله ان الله عوضه بأولاده ولله الحمد صالحين ..ولهم مراكز ومناصب عليا بالدوله.. اصبري وصابري ..وستجنين ثمار ذلك ..

مشكوره ياقلبي الله يصبره انشالله والايعوضه

[~آمــــــال~]

غاليتي..نعوووووووومي

أعان الله أختك على هذه المشكلة..لأن الغيرة صعب التعامل معها..

نصيحتي لأختك ..

أولا..لاتحاول إنها تكون ساكتة على كل شئ يسوونه ويكون فيه مضره لها بل العكس المفروض تقوي شخصيته"والمؤمن القوي خير من المؤمن الضعيف"طبعا تكون قوة الشخصية بأدب ومو على أي شئ ترقى وتصيح لابالعكس إذا كان الموقف ضاره ترد بكلمة وإلا كلمتين تكون قوية وبنفس الوقت تكون محافظة على أعصابه ..

ثانيا..الدعاااااااااااء الدعااااء فهو سلاح المؤمن تحاول تحين فرص الدعاء كبين الآذان والإقامة وهي مسافرة وبالثلث الأخير من الليل
سهام الليل لاتخطئ ولكن ** لها أمد وللأمد انقطاع
وأيضا تستغفر فوالله إن هذا اكبر علاج مجرب لمن وقعت في مشكلة..

ثالثا..ياليت تقطع الهدايا ..لأنها أهدت ومانفع بل العكس كان منهم الإستهزاء وغير ذلك..
يعني بالأخير ماتقطع فيهم ولا تلصق فيهم..

وزوجه لاتحاول تذكرله امك وأختك لا ..تسكت لأنه مهما كان الرجل راح يكون مع أمه وأخته..إلا إذا شافت منهم شئ شديد تخبره عشان يكون هو على بصيرة..

أسأل الله أن يفك لها كربتها وأن يصلح أحوالهم وأن يهدي الأم وابنتها للخير والصلاح..