[زهرة اللأوند]

أستغفر الله واتوب اليه

لا اله الا الله

سبحان الله وبحمده سبحان الله العظيم

[~اجهلك~]

الحمدلله والشكر الفراغ هبل بالعالم
انشالله امر على الموضوع بعد سنه احصل القصه وصلت النهايه

[كريستي7]

لماذا حذف موضوعي في قسم ( كذا وكذا ) ؟؟

فأجبته بأن الشخص الذي تسأل عنه قد يكون

----------منتداهم اذا حظرك مايخبرك الله يخلف

[برفسور ملتمس]

ولازال مسلسل الانتظار لدى البعض يأملون ، الفائدة ولكن للاسف بعد فوات الاوان بعد الاجزاء التي لم ولن تضيف شيء سوا التكرار والوقت الضائع ولكم باختصار بعض التناقضات بالقصة وهي كالتالي :
القصة تقول انه جلس يراسله يبي يتأكد من اسمه قبل لا يعطيه رقمه , بس الغريب أنها كثرت الرسايل وتحولت ماسنجر وقصة حياة وسبحان الله بعد ماعطاه الاسم راح يـتأكد من شخص عنده جهاز يكشف الاسماء كلها << بتفكيره , طيب ليه ماراح وسأل قريبه حرف (ص) عن الشخص واختصر الموضوع؟؟
وليه ماجاب سييرة ( ص ) خير شر بالقصة مع العلم أنه سبب هالعلاقة هو (ص) ؟؟؟
وأيضاً الغريب أنه راح لمنتدى العائلة علشان يسأل عن اللقب .. ولا فكر ابداً يسأل قريبة حرف ( ص ) ويختصر الموضوع ..؟؟<< قمة التناقض ( وانتم بردودكم : كمل ، حماس ،..إلخ والقصة متناقضة ) .. وبعدها واجه حرف ( س) وانه نصاب ورجع يعطيه اسم جديد وبعدين راح يسأل اللي يشتغل بدائرة حكومية ..؟؟؟ ولازال حرف ( ص ) ماله أثر في القصة ؟؟!!
وبعدين أساس الموضوع كله والاضافه علشان يتحقق من هويته وحقيقته , ومع العلم انه نصب عليه مرتين إلا أنه سبحان الله زادت العلاقة وطلب مقابتله ومواعدته .؟؟ غريبة خلاص انسان طلع كذاب ومخادع ليه استمر معه طول هالفترة ،..؟؟
والغريب انه في بداية الموضوع رفض يعطيه رقم ( ص ) قبل لا يتأكد من هويته ,, لكن هو سبحان الله عطاه اسمه ورقمه وانه متزوج وعنده ابناء ووووالخ ..؟؟؟؟وسالفة إثبات انها بنت ومرة صورة ومرة كام ..؟؟ طيب انسان محترم ومتزوج مايحتاج انه يطولها .، خلاص حذف الايميل وفك عمرك والسلام ..؟؟
وبعدين وش هالتناقص (( يعني في الاول حب يقوي علاقته مع( س) علشانه معاق وووالخ لكن بعد ما اعترف انه بنت بدا يقوي علاقته علشان يتأكد هههه ) .. ( وبعد ما قالت له بالاول انها بنت , خاف وارتبك وراح يسأل مدير المنتدى وش اسوي ويقوله واصل معها وتأكد وبعدها نتصرف معها , ثم رجع يدردش معها ويتأكد انها بنت , طيب بعد ماتأكد انها بنت , راح حذفها ,, طيب وش صار على مدير المنتدى يوم يقول تأكد انها بنت وبعدها نتصرف معها ..؟؟؟<< )

ملاحظة : وتبوني أبصم بالخمسة على القصة وأقول صحيحة ، بل ازدادت عندي الثقة أن أقول ان القصة مفبركه ولاتهدف إلى فائدة وهذي وجهة نظري ، وحق مشروع ، ومن أراد أن يثبت أنها مفيدة فمازلنا بالجزء الـ 11 وأتمنى أن يضع فائدة واحدة من هذه الاجزاء

.،

[برفسور ملتمس]

××××××××××××××××××

××××××××××××××××××


×××××××××××××××××

ملاحظة : هاه وش رايكم اكملها لكم ، يعني ترى التاليف سهل

[عبود1]

اقتباس المشاركة الأساسية كتبها برفسور ملتمس ×××××××××××××××××× ×××××××××××××××××× ××××××××××××××××× ملاحظة : هاه وش رايكم اكملها لكم ، يعني ترى التاليف سهل

والله اني احسبك النيزك

صدز أنك ملتمس

[ابوإياد..]

وضحك الجميع الا دحيم العلي يوجعه بطنه..
ابطال القصه من عياله وحده وتوهم يعرفون بعض


اقول بلا ثقل دم تبي تكثر الردود بموضوعك...تبي تعدى حلقات مهند ولميس

متى الحلقه الاخيرة

[بهاجر مالي مقاعيد]

برفسور ملتمس

صدقت التوليف سهل
لكن بعض الأعضاء وخاصه البنات متحمسات بقوه ويطالبن بباقي القصه هههه ما يدرن ان النيزك جالس يمخمخ ويولف من راااسه << شكله يحك راسه ويكتب ههههه
ونا ما ودي انسخ والصق القصه لأني حصلته بمنتدى ثاااني بس الفرق انه مكمل الجزء بالمنتدى هذا معطيه شوي تبهيرااات بحرينيه على هنديه << اهم شي الهنديه ههههه

اتحدااااكم فهمتو شي من القصه
لا يجي احد يقول وش محرق رزك ترى ما اكل رز بس ابيكم تستفيدون من وقتكم ومضيعت الوقت خاصه راعيات الشباصات فاضيات ولو تقول له روحي ساعدي الماما قالت كسلانه

[Bleeder]

اقتباس المشاركة الأساسية كتبها عبود1 والله اني احسبك النيزك صدز أنك ملتمس

نفس الفكرة
أغديك مكملة يالملتمس بدال النيزك
الرجال مطووووول

[حبيبتهم]

سبحان الله وبحمده
سبحان الله العظيم

[أبوياسر1]

البعض هنا يمشي على المقولة..
تلعبوني ولا بخرب !

[7DAYS]

+ اتمنى يغلق الموضوع
لانــه صآآآر ردود بروفيسور و صمت النار
عذرا على هالكلااام

[برفسور ملتمس]

اقتباس المشاركة الأساسية كتبها حبيبتهم إحنا راضين سواء كانت القصه صدق والا تأليف حنا راضين ماعليك منا..

________

المفروض مارد عليك لأني أعتقد أنك انسانه عاقلة ، وتعرفين الصح والغلط ، وماظن ردي هذا ( جعلك غير واثقة من نفسك ومتابعتك، وخلاك تتشتتين بالقصة ) وكان بالاماكن تتحاشين ردي ، بس يبدو أنك متنرفزه بعد ماكتشفتي الحقائق الي وضعتها وأنك ( جالسه تضيعين وقت في لحظة استغفال ) وتبي تحطين الحرة فيني وكأني السبب في هذا الشيء " ويابرفسور ليش تكتشف كان خليتنا غافلين " وأنا فقط أدون ملاحظاتي لنفسي وللبعض قد أخطأ وقد أصيب ، وأما بذكري للقصة فقط توضيح واثبات له وللبعض ( بتوليف القصة ) .،
وأتمنى ماتعممين وتقولين ( أحنا راضين ) لأن البعض أشاد بالملاحظات الي دونتها واضافت له ، فاذا بتظلين على متابعتك للقصة هذا شأنك وعقليتك ههه عاد شسوي لك ، بس لاترضين للغير أنه يستغفل ويكمل ويضيع الوقت من أجل ( افكار سلبية ، وعلاقة جوال ، وبنات ..إلخ ) .،

وفكري قبل تردين الله يصلحك ،

وياليت يفهم البعض أن ردي فقط توضيح لكل جزء ، وابحث عن الفائدة ، يعني شي خاص فيني ، أضعه ، ربما يفيد البعض وربما لايفيد ، ولكن يبقى وجهة نظري يجب احترامها ، مع السلامة

[برفسور ملتمس]

اقتباس المشاركة الأساسية كتبها النبيه + اتمنى يغلق الموضوع لانــه صآآآر ردود بروفيسور و صمت النار عذرا على هالكلااام

___________

ترى صاحب الموضوع
( بيننا وبينه تحدي ياما نثبت أنها كذب او يثبت مصداقيتها ، وحنا نحترم كل جزء ينزله من القصة ونقول ملاحظاتنا بكل احترام )
وأما بخصوص الردود ، فهو قال ( أن كثرة الردود والمشاهدات ، جعلت الغيرة والحسد لديكم ، وبالعكس حنا نضيف له ردود ومشاهدات من أجل ارضاء مبتغاه وأثبات أننا لانبحث عن كثرتها بل نبحث عن الفائدة والمغزى )