[ام درر]

كل عام وانتم بخير
بمناسبة شهر رمضان واختصاراً للوقت والجهد سأهدي لكن عجينه سهله ومضبوطه
المقادير
بالخلاط او بالمضرب او حتى تخلطينه بالملعقه
2 ملعقه سكر خشن +2ملعقه حليب بودره+2ملعقه خميرة+بيالة زيت +كاس ماء
ثم تضيفين 2ونصف كاس دقيق
لا تترك لتخمر انما تشكل وتحشى حسب الرغبه كما يمكن عملها بيتزاء
توضع في صينيه مدهونه بالزيت ثم على الفرن
وعليكم بالعافيه
واذا تبينه تصير لامعه قبل تدخل الفرن يدهن الوجه بالبيض او قليل من الزيت

[roosh]

اقتباس المشاركة الأساسية كتبها ٳثمڍ فرζ عآدي يابنت الحلال ’ تصير بأكبر العوايل ’’ معروف ان طبخ العالم الأخر بيكون اطعم من طبخنا ’, لأن بتاعك تصير نفسك مالته ’ انا كذا احب طبخ الجيران واكره طبخي والماما ’ المهم سوي عجينة , ابتسم وكلي أمل من وصفه كنه عجينة امي وأكيد انها لذيذه ’ الله المعين ’ p

هنا هنا
اجل انا وانتي وكاريزما شخصه وحده
هلا بييييك

تحرينوه ؟
والله اول ماقمت اهوجس به بس صارت ماماتي عاجنه بسويه باقرب وقت ان شاء الله

اقتباس المشاركة الأساسية كتبها وردةحمراء ـــــــــــــــــــــــــــــــــــــ أختي يمكن قسيتي العجينة شوي جربي لكل كأس ماء 2كأس ونصف طحين أو ثلاث كاسات أو أمشي على طريقة معينه خطوة خطوة ولاتفتحين الفرن عليه كل شوي لاتفتحينه إلا إذا حسيتيه خلص وجربي كيكة الفقع بالزبدة أو جبل القرفة رهيبة وإن شاء الله بتضبط معك .

لبى انتي ورده
لا والله ميب رقاقه مره ولاهيب قاسيه مره
هي ماعليه بس عند الناس مش ولابد
بجرب انن شاء الله
مشكوره

اقتباس المشاركة الأساسية كتبها ام درر كل عام وانتم بخير بمناسبة شهر رمضان واختصاراً للوقت والجهد سأهدي لكن عجينه سهله ومضبوطه المقادير بالخلاط او بالمضرب او حتى تخلطينه بالملعقه 2 ملعقه سكر خشن +2ملعقه حليب بودره+2ملعقه خميرة+بيالة زيت +كاس ماء ثم تضيفين 2ونصف كاس دقيق لا تترك لتخمر انما تشكل وتحشى حسب الرغبه كما يمكن عملها بيتزاء توضع في صينيه مدهونه بالزيت ثم على الفرن وعليكم بالعافيه واذا تبينه تصير لامعه قبل تدخل الفرن يدهن الوجه بالبيض او قليل من الزيت

وانتي بخير
بدون ماتخمر!
اجل بجربه اول شي
تسلمين ماقصرتي

[ـالتُفاحة الورديّة]

الحمدلله ابشركم أنضبطت عجينتي

ماشاء الله تف تف

حطيت 4 كأسات دقيق

ملعقه كبيرة بكنج بودر

3 ملاعق سكر

ذرة ملح

ملعقة ونصف خمير فورية

بيالة زيت

3 ملاعق حليب جاف

اول شي أنخلي الدقيق ( مصفاة ) وبعدين حطي جميع المقادير السابقة واخلطيهن

وصبي الزيت وبعده أبدءي بصب الماء حطيت كأس ونصف الماء

صبي اشوي واعجني وصبي واعجني وصبي واعجني الين يخلص الكأس والنصف

بس حاولي تصير لينه كلما صارت لينه أنتفشت أكثر

وأعجنيه اذا صليتي الظهر ونامي اذا اذن العصر قومي وابدءي أشتغلي به < طريقتي

بس خلي الفرن يشتغل قبل يعني خليه حاااار قوة

وبالهناء والعافيه على قلوبكن

[ـالتُفاحة الورديّة]

اقتباس المشاركة الأساسية كتبها عُباب بناااااااااااات النجده وقسم حايمتن تسبدي مطلقا جدا كل شي بالطبخ الحمدلله عرفت له إلا المعجنات أي شي به عجين ما يضبط معي اليوم زينت سينبون كرم الله النعمه مدري وش العله

ياعمري انتي انا كذا بس لي يومين تقل بادية تزين شوفي لعل عجينتي تنفع معك

أهم شي خليه لينه سايله اشوي

حتسيتنا هالعجينه من قبل رمضان

[ـالتُفاحة الورديّة]

بنات نصيحة لكم

الخميرة الفورية مُضر كثره

اذا عجنتي لا تزيد عن ملعقة او ملعقه ونصف

بس بكري بالعجن حتى تنتفش واستغني عن كثره

[roosh]

اقتباس شوفي سر العجينة الطحين الكويتي او المروة او هني او الفاخر ذولي احسن انواع الطحين حطيه مع الخميرة واهم شي تخمروالحليب البودرة يعطي ليونه ونفشه للعجينة والبكنج بودر كمان وشوقي العجينة الذهبين وجربيها

ي خزيياه قسم سقط ردتس سهوآ

ايه صادقه انا حاليا الكويتي وقبل كناا نستخدم المروة حلو والله

اقتباس وشوقي العجينة الذهبين وجربيها

للافس قريته عشر مرات بس مافهمت

المآس
هذي من بركاتي طال عمرتس اول ماقلت لتس وزينتيه عقبي زبطت
<امزح اشوى وه تحسين انتس وخري عنتس لا زانت , نرحم ي ويلي

[ـالتُفاحة الورديّة]

اقتباس المشاركة الأساسية كتبها اني آغـردز =( المآس هذي من بركاتي طال عمرتس اول ماقلت لتس وزينتيه عقبي زبطت <امزح اشوى وه تحسين انتس وخري عنتس لا زانت , نرحم ي ويلي

لا هذا من بركت ايديني

يوم زانت ودي اكلم على كل اللي اعرفهم العصر وابشرهم انه انضبطت

بس اني حقرت رويحتي < فشيلة

[ليندا]

اهلين بنـآآت طلببتكم وين القى شوكلاته خآم ابيض وبني

[غــــ م ــــوض]

عجينتي

فنجالين سكر
بيالة زيت
بيضة
ذرة ملح
ملعقة خميره
شوووووي براس الملعقه بكنج بودر
كاس ماء

اخلطيهن بالخلاط وخليهن ١٠ دقايق

بعدين اعجني هالمواد بـ ٣ كأس طحين

وخليه تتخمر ساعه

بس فيه ملاحظه اذا جيتي تحشين لاترهفينه قوه عند الفرد
علشان ماتصير يابسه
خلي متنه وسط

واذا خلصتي خابزته اكتميه بعلبة او حافظه لين قبل التقديم بشوي


جربنه واللي تظبط معه تدعيلي الله يسهل علي ولادتي

[غــــ م ــــوض]

نسيت اهم شي

٣ ملاعق حليب مع اللي بالخلاط

[شجرة التوت]

اقتباس المشاركة الأساسية كتبها سيلينا بنات حامت تسبدي من المطبخ و الطبخ اي وصفة اشوفها اجيب كل مكوناتها من غير نقصان و اطبقها زي ماهي مكتوبه بس بالنهايه تطلع الطبخه غلط معجنات او طبخات او حلى او و و و الله يا بنات مقهوره يعني اقول يمكن اول مره ما تضبط بس حتى ثاني و ثالث مره ... كويس ان زوجي ما يحب يا كل عالفطور و لا كان صارت علوم ... بس هو يسألني يقول ليش ما تسوين فطاير او حلى احيان الواحد يشتهيها و انا اصرفه ما يدري اني من الصبح بالمطبخ ساعدوني وش اسوي ؟؟؟

يارب مايذوق الاكل الطيب الا من ايدينك .

شوفي وانا اختك جربي في وقت مافيه وجبه رسميه .

يعني باليل مثل هالوقت ابوالشباب برى اعجني ومطرسي حتى تتعلمين

ان ظبط شي دخليه الفريز و ان ماظبط فالحمدلله لفيه بكيس و لا من شاف ولا من دري

وحطيه بالفريز مع الطعام .

وانا جربت عجينة ابتسم وكلي امل رووووعه قليله في حقه ,,,


لينداء الشكولاته الخام من بنده ...,,,,,

[بنـــــــت عـــــــــــــــز]

سيليـــــنيا ...مومعــــقوله كل شي مايضبــــــــظط يمكن انتي تعتقدين كــــــذا وهو العــــــكس ...
وسوي مثل ماقالت التوت ومع الوقت بتكونيــــــــــــن اطلق طباخه...

[سيلينا]

^^^

يسلموووو حبيباتي ما قصرتو
بصراحه اغلب اللي اسويه ينكب عاد قبل رمضان دايم اتحجج و اقوله راحت
علي نومه و لا مالي خلق و لا ناقص اغراض عشان كذا ما سويت اكل
عاد هو يا عمري يقولي ما يخالف و نطلع نتعشى برا و احيان
يجي من الدوام و يجيبلي معاه غدا تقريبا ٤_٥ مرات بالاسبوع

الله يعين بس و ان شاء الله مع الوقت يتحسن طبخي
لان و الله حرااااام مقاضي البيت كلها تروح تجارب فاشله

ان شاء الله بكرا بجرب العجينه و ياااارب تضبط  

[ـالتُفاحة الورديّة]

اقتباس المشاركة الأساسية كتبها سيلينا ^^^ يسلموووو حبيباتي ما قصرتو بصراحه اغلب اللي اسويه ينكب عاد قبل رمضان دايم اتحجج و اقوله راحت علي نومه و لا مالي خلق و لا ناقص اغراض عشان كذا ما سويت اكل عاد هو يا عمري يقولي ما يخالف و نطلع نتعشى برا و احيان يجي من الدوام و يجيبلي معاه غدا تقريبا ٤_٥ مرات بالاسبوع الله يعين بس و ان شاء الله مع الوقت يتحسن طبخي لان و الله حرااااام مقاضي البيت كلها تروح تجارب فاشله ان شاء الله بكرا بجرب العجينه و ياااارب تضبط

طيب قبل رمضان ماتسوين رز او مكرونة او صينية خضار

يعني ماتعرفين لشي أبد رحمتك

طيب أتركي العجينة على جنب سوي بكرى ان شاء الله مصقع او شاورما واشتري خبز صغار وحشيه

او لحم مفروم وحشيه , العجينة تبطي ماتضبط معك سوي الاشياء السهلة الحين

واي سؤال انا حاضرة