[بريداوية ام الهبال]

^

ياحبيله الله يخليه لكم من يوم ماشفته وصآيرن أخوي مايمشي بالبيت إلا بمشبوكات
بس صدق يطلعون طعيمين بهن أكثر لا شفته أبتل أعضضه < يآجفستس بعد

لا ذي مب سالفة ذي تمهيداً للسوآليف
يآخي أحبتس ورآه
وترآي وخري عنّ من قوّة إني فرحة إنه صآدف هالوقت دخولتس

[رايسل]

ويخليكِ يارب , الأطفال إذا صارو عليهم بربتوزات لحالها يصيرون مرررة لذيذين ()
هههاااي , ياعمري يا أخوك تسببت له ؛(
ربِّ يعزك ويرفع قدرك القلوب شواهد إذًا , وربي يشهد بمحبتي لك ()
يارب فرح على طول بس تخجليني أنتِ كذا وهمين ما احكي أخجل : P -> برًا وبقوة !

[بريداوية ام الهبال]

أخوي من قبل بس توي انتبه له خخخ
هوّنت أجل .. قسم بالله أفشل إن به أحد يستحي منّ .. لأني إذا شفت وجهي أمون عليّ بقوّة وأستغرب إن به أحد يستحي منّ مثل خويتنا بالله هنيني
< هنيني تستحي منّ ؟ مووعجزة
ولا أقول ابتلي مستحية منّ لاقدر الله يمكن أجيتس وأطلبتس شي وتستحين منّ وتعطينن إيآوه علطول

إيه جت السآعه 8 وأنا ما أفطرت أشوا إني مانمت ونسيت
لي يوم بآدية بنظآم يصحصن شوي ومن قوّة إني متحمسه قآيمة السآع 6 ونوص الله يثبتن يارب نسألك اللهم الثبات
تفلوا عليّ اذكروا الله أبكمل اسبوووع ع الأقل
< من البداية يادرج تسن ماهرجتي قلعتس خل تنتحتين

إلا ما أعطيتس رقم جوآلي تدقين عليّ توقومينن أفطر ؟ :ضض: .. مشغلتن أم كآكآو وحنيني بالدورة اللي فاتت أنام وهن يوآصلن وأقولهن لا صآرت الساع 7 ونص دقّن علي قومنّن
يآحوول مصرفتهن سادّه خل ينفعن أعوذ بالله ماكد نفعن < استغفري ربتس واندزلعي سوي لتس فطور

[رايسل]

ياحبي لِصغيركم ()
عاد على طول تراجعتي بكلامك , كذا يجيني إحباط : ( !
هههااي , ياحبيلك أجل لازم أشوفك من شآن يتلاشى خجلي مني () .
بالعافية ع قلبك , ثبتها يارب ونعدل حنا كمان يارب !
إذا أنتِ قارية وردك لو يحسدونك من الآن لـِ بكرى ماراح يضروك , فـَ تكلمي عادي : P
عطيني رقم جوالك ومن قال أني أنسى ذذ !
ماشاء الله عليهن أوفياء لكَ , ربِّ يديم جمعتكن وأخوتكن على خير () .
مو كأنك تنكري معروفهن -ما أحب الشر : p- ؟!
مرة أخرى .. بالعافية على قلبك يا جميلة

[بريداوية ام الهبال]

إنا الله نبي نسلم من خجلتس منّ وقلنا مب لازم نحبتس طبعاً هي مجرد حروف ماتجي ولا نص اللي بقلبي
أبد الشوفة تراي والمه أنا وخشتي ومآنيب أستحي <- تبي تجين هبّ الحين وتلفعن
الله يعآفيتس ()
أبد مادريت عنهم خل ينحتونن من اليوم لما يوم القيامة <-- تذكرت يوم أنا صغيرة أقول لأمي متى تحج بقرتنا على قرونه يعني يوم القيامة هع
ولا شفت البقرة تدور أقول بس شكله تطوف طوآف الودآع الحين الله يقبل

محد قال إنتس تنسين إلا أنتِ روحي عالجي نسيانتس همّن أعطيتس الرقم ما اعطي ناس نسّايين أنا << قسم بالله ماوقفت
آمين يآرب ..
لا هوّ من قال بناتن أصيلآت وكريمات بنآت رجآل أنا أشهد وإن قلت غير هالكيلآم اقطعوا رقبتي ياعرب مآعآش من ينكر جميل الأجآويد
<- تكفى يا نمر بن عدوآن

الله يعافيتس مرّه اخرى

[رايسل]

كأني لمحت شيء عن خجلك وهب في الموضوع : P
هههههههههههههههههاي حلوة طواف الوداع ض1 , يعني روحك مرحة من وأنتِ صغيرة () !
لأن الرأس مزدحم وأحيانًا يكون بجواته مدينة كاملة , يغوص في الظلمات :/ النسيان أحيانًا آفة وأحيانًا نعمة .
أنتنْ رائعات والله , والطيب مبين ربِّ يديمها ؛) .

[بريداوية ام الهبال]

وشلون لمحتي يعني قآرية كلام هب ؟
ياحبيلتس أجل مرحه يانا فرحت حسيت إني شيء يومني صغيرة تصدقين طفولتي مالي ذكريات مره إلا اللهم التصوير أستحي وأتغطى بأي شيء لا صوّروا يآآكرهي
صآدقة النسيان بعض الأحيآن آفة وأحيان نعمة ,
يابعدي شهآدة نعتزّ بها ونعتزّ بكم < مب صاحي المراعي ذذ
رآيسل أنتِ متخرجة ؟ ووش تخصصتس كآن ؟
وعذراً على اللقافة

[رايسل]

هههااي , لا أبدًا !
مررررة مرحة , أجل الحياء من وأنتي صغيرة !
أيوة خريجة , إدارة أعمال !
وأبدًا سؤالك ياحبيبة لا يمت للقافة بصلة () .

[بريداوية ام الهبال]

أها إدارة أعمال حلو والله حطيته الرغبة الثانية لأنه القسم الوحيد بعد الفنيّة اللي حبيته :/
ياحبيلتس بقد استمتعت معتس وسوآلفنا حلوة
يالله ودّي أنام قليلاً .. بمان الله ياحلوة

لِ روحتس

[رايسل]

تسلمي و أنتِ الحلوة ,
نوم العوافي يارب , ومساء جميل بانتظارك ()
بِحفظ الرحمن .

[حَنِيني لِطيْبة]

أم سوبآل أجل أنقطع النت أفلقين أن تسانه أنقطع
وشسمه مصرفتنا هاه دقيت مره صرتي مصرفتن هاه
أم ككاوه شوفي لتس صرفة مع هالبزقة

[بريداوية ام الهبال]

^

تبين تصدقين صدقي ماتبين لا تصدقين أنا الحلف مب حآلفتن لتس
وراه ماتقوينن تنآدين أم كاكاو ؟
يالله ياحبيبتي روحي ذآكري بس هع

[حَنِيني لِطيْبة]

معين تهرجين أنتِ مع شسمه

[بريداوية ام الهبال]

^

ترى قسمتس يبون بنات مطوّعات لا تخربينه لا والله أصوّر هرجتس وأرسله لهم
أنتِ اللي تقرين مع شسمه