[PATO 1899]

الي يقوول ان عندنا شوارع مين
اغلب شوارعنا قفز حواجز
المطبات بكل زاوية
ولمشكلة يحطوون مطبات صناعية تعلق فيها الوانيتات دايم
كل شوارعنا اقرب مسمى لها ان يطلق عليها مطينات اكثر من شوارع معبدة
لا ويقول بالخريطة الرئيسية لبريدة شوارع معبدة

[PATO 1899]

ونسيت
الميزانية اللة اعلم وين تروح لكن الي يبي يعرف وين تروح ميزانية الدولة
يطلع ويشوف الاستراحات الي تكلف ملايين

[المميز666]

اتمنى انهم يحلون المشكله وهم يدرون مو معقوله مافيه احد من المسؤولين الكبار يطلع ويدور ببريده وبشوارعها الزفت
وش تبيه يقول اذا مر من عند شارع زفت وهو توه امس مزين تذكر وقال ايه ابو فلان هو الي موؤسسته الي مزينت هذا الشارع امس متعشي عنده بالاستراحه ذابحلي ذبيحه
هههههههههههههههههههه

[Leader.20]

ماشاء الله عليك على حسن المنطق وجمال التعبير اخوي نورس
ان شاء الله يوصل صوتك وصوت كل مواطن للمسؤلين..

أجمل مافي حرية الأنترنت انها في غيبة الرقيب- ســوى الله جل في علاهـ -

تعطيك الفرصة لتعرف حصتك من (نبل) السلوك
ونصيبك من (طهارة) الضمير

[manedl]

اقتباس المشاركة الأساسية كتبها بولوهي لو تلاحظ كل مشواير الامير معروفه وكل الشوارع اللي بطريقة مزفلت زفلته ما عندك احسن منه ... واغلب الروحات بالدائري .. وشف الدائري انواع الزين بالشارع ولكن حنا موطي وجهنا من قبل الرواف وطقته ووزراة النقل والرشاوي الرايحة الجايه .. والله اعلم بالخافي وتذر يوم قرر الامير انه ياتي ليفتتح حديقة الرفيعه بيوم وليله جاء الرواف وزفلت طريق له سنه واكثر متروك .. وهذا اكبر دليل على ان الرواف ( اخلي التعبيير لكم )

وليش تخلي التعليق لنا ؟ الاقول الرواف اكبر حرامي وماسرق بريده الاهو وامثاله

[يزوودي]

القهر طريق الوسيطاء مادري القاع البارد الي يوديك لهديه المهم كله مطبات
انا فكرت ببيع جيبي الشاص واشتري شيول واشيل اي مطب والي عنده مطبات يدق علي بس
وفيه لوحه علئ فكره سبيل وصدقه جاريه بدال البلديه خخخخخخخخخخخخخ

[عبد الله الدخيل]

على حد علمي أن هناك إجتماع دورري يجمع أمير المنطقه مع جميع المسؤلين

وأعلم أن كبار المسؤلين يزورون هذا المنتدى أو أقل حاجة يسمعون بما يطرح
يعني :

لو بغو التغييير عرفوا بس ما حولك أحد ..

[ŔǺỶĀЙ]

لعله ياصل الكلام لسموه....

[غ ــيــومة||~]

اما حبــآ ولا بـــركـ


بعض الشووارع مليــآآنـه مطباات لدرجة انكـ مااتقدر تمشي


وبعض الشووارع مابه ولا مطب <<وهي احوووج من غيرهـ بالمطباات


عندكم شــآرع الثمانيــن أعوووذ بالله يووميـــاً حــادثـ ولا حسيب ولا رقيب

1 : ( فلان صار له حادث بشارع الثمــانين ومات )
2 : الله يرحمــه

^
^
^
يعني بهالسهوولــة يموتون شبــابنـا

يااعالم متى تتطورون وتحسون بالمسؤولية؟

باليابان كان فيه واحد أعمى صــار لــهـ حادثـ على سكة القطار ( دهسه القطـار)
حكوومة اليابان ماخلت هالأمر يمر بسهوولــة أمررت عقب هالحاادث انهم يضعوون طررق خااصـة للعميــان بحيث يميـزون الطريق الخاص بهم .. تفادي لتكرر هالحادث مرة أخرى

ينطبق عليهم ( لايلدغ المؤمن من جحر مرتيــن )




أمــا حنــا ( ننلدغ بالشوارع ويموت اللي يمووت ويحيا اللي يحيـا وما حولكـ أحـد)

لكن


حسبي الله ونــعم الوكــيل

[علي بن حمد]

والله كلام في مكانه مع ان الشركات التي تقوم بهذه الحفريات والزفلته ليست مجانية بل يأخذون أضعاف ماتأخذه الشركات والمؤسسات في الدول الأخرى وحتى المجاورة ومع أخذهم هذه الأضعاف فالزفلته عشوائية مع أن الدولة أدامها الله وأعزها لم تقصر في دفع المبالغ الطائلة لهذه الشركات بل وجعلت عليهم مراقبين في البلدية والمصلحة يدفع لهم رواتب ولاكن لافائدة ولا نرى بصمات هؤلاء المراقبين مع أن أكثر هذه الشركات بيد أجانب من الجنسية المصرية والهنديه وغيرها والمتضرر في الأول والأخير المواااااااااااااااااااااطن فأين المسؤلين نعلم انه لامجيب ولاكن نفضفظ وهين

[أبو برق]

كلامك سليم

[طاير بليا جناح]

يا جماعة وش فيكم على الرواف الرواف اليومين هذي مرضي عنه
يعني تكلمتوا أو ما تكلمتوا كله واحد

والعاقل يفهم

[عزيزالنفس]

كلامك صحيح وشكرا ع النتبية

[سحرالروح]

صح السانك يالذيب والله صادق كل شوي داخلين الورشات
المشكله معي اكسنت كل شوي جايته تحك بالارض من المطبات