[ليااالي]

إهداء إلى أحبائي أعضاء المنتدى

ياحياتــــي لا يهمك
من حكى بك أويذمك
دام مـــــايعمق بدمك
لا يهمك وش يقول..

ابتدا وقــــت الخيانه
وانتهى وقت الأمانه
ماأحد يــــاثق زمانه
والوفاء اصبح فضول..

صاحبك لو كان غالي
احــــذر اتحطه مثالي
واحذر بحبه تغــــالي
لانه بلحظه يــــزول..

دام يبغاك لمصــــالح
إحذر ليدّه تصــــافح
واحذر لغدره تسامح
دامــــه بقدرك جهول..

اللي لافضــــالك تناسى
واللي في ظلمك تواسى
اللي لحسابــــك تقاسى
ياعسى همه يطــــول..

لو يحبك مايـســبــك
لا ولا ضحى بقربــــك
حتى لو قلنا يحبــــك
ليش في سبك عجول..

إنتبه تعطيه ســــرك
لو بأخلاقه يغــــــرك
يمكن بلحظه يضرك
ويعتبر جهدك خمول..

الصداقه له معانــــــي
حب وإخلاص وتفاني
والمعزه شي ثانــــي
والغلا فيه الأصــــول..

ومن نسى عهد الصداقه
وانكر أفضال الرفـــاقه
صار باخلاقه إعاقــــــــه
وعاش في هم وذهول..

مني خذ هذي نصيحه
لجل تجتاز الفضيحه
اسلك ادروب صحيحه
في كلامك والفعول..

اترك اللي يهملونـك
بالشدايد يتركونـــك
واتبع اللي ينصحونك
في صوابك والميول..

سمعتك هي الأساس
في حياتك والمقاس
واللي يحقرها يداس
مهما باعذاره يقول..