[القلب الوردي]

السلام عليكم ورحمة الله وبركاته


صباحكم \ مساؤكم
قطعة سكر


كب كيك .. من أفضل الحلويات عندي والشيء اللي أستمتع كثيـــر وأنا أسويه خصوصاً إذا دخلت الصغنونتين [ بنات أختي ] يصلحون معي .. مرة أنبسط عليهم وعلى فرحتهم بإنجازهم الكبير

مقادير الكيكة :
بالخلاط [ نص كاس زيت , ثلاث ونص فناجيل سكر , بيضتين أو ثلاث بيضات , فانيليا , ست حبات جبن كيري , 3 ملاعق كاكاو ]
بالنسبة للجبن بصراحة ما تقيدت مرة أحط نصه كيري ونصه مثلث ومرة أحط جبن سايل المراعي مع حبتين كيري ومرة دمجت معه زبادي وبكل الأحوال ماعندي مقدار معيّن .

بعد مانخلط المقادير السابقة نضيفه لـ ثلاث أرباع الكاس دقيق وملعقة بيكنج بادور نخلطه باليد وبعده نوزعه على قوالب الكب كيك بعد ما لبسناها بالأوراق وندخله الفرن حتى يستوي .
الكمية إذا كنتِ تبين الكيكات كبيرة وطالعة برى الورق تكفي 12 حبة بس .

الكريمة :
على حسب التقدير الشخصي
دريم ويب , قشطة , جبن سايل , سكر ناعم , أحياناً كريمة خفق , ملون طعام على حسب الرغبة .


هذي النتيجة وكانت الكريمة سايحة شوي :\









الزينة كانت [ جالكسي الحبات , كاكاو بودرة , سكر ملون , شوكولاتة خام ذوبتها ورسمت بها على ورق زبدة كل الاشكال اللي ببالي ]



- هذا كنت مسويته لحفلة نجاح لولي بالتحفيظ
قسمت خليط الكيك لثلاث أقسام ولونت كل قسم بلون [ أحمر , أزرق , أخضر ]
وبعد ما حطيت عليه الكريمة زينته بحلاو m&ms

هذا شكله قبل مايدخل الفرن :



بعد





آخر شيء :
كيكة منها وفيها << أتوقع كل العالم يعرفونها

سويتها بالأكواب وبعد ما خلصت زينتها بفليك وطلعت النتيجة




( وَكُلُوا وَاشْرَبُوا وَلَا تُسْرِفُوا إِنَّهُ لاَ يُحِبُّ الْمُسْرِفِينَ )



بحفظ المولى