[الاسباطي]

اقتباس المشاركة الأساسية كتبها مـلـيـكـة الـطـهـر ‘ ‘ الأخ الفاضل , الصبـــــاخ أسأل الله لك دراسة ممتعة و تحصيلاً مرتفعاً . أعشق هذا السرد الذي نستخرج منه المشكلة من غير تصريح مباشر من الكاتب ! و أقول أعانكم الله ! بدءاً من أسلوب الدكتور الغير موفق في طريقة جذبه للطلاب ! و ليس نهاية بطريقة الشرح المملة ( قراءة و تعليق ) ! ! و لا غرو , فتعليمنا الجامعي حصل على المرتبة ( ما قبل الأخيرة ) في سلمٍ لأفضل تعليم جامعي على مستوى العالم ! و كما ترى ، فهو ينافح للحفاظ على هذهـ المرتبة ! ! لدي وقفات مع بعض الأعضاء الأفاضل – بعد إذن الصباخ - : أحاسيس فتاة ، كم تثلجين صدري بردودك الواقعية الصريحة , و أسعد دائماً عندما أقرأ مشاركة لك , و لكن ليس كل ما يعرف يقال و بهذا التفصيل الدقيق , و . . . . و الله أحبك يا أحاسيس الأسباطي ، رأيت ردك الأخير قبل و بعد التعديل و أهنئك على حذف ما لا يليق و بشراك ، فالرسول – صلى الله عليه و سلم – يقول : ( ليس الشديد بالصرعة، وإنما الشديد الذي يملك نفسه عند الغضب ) . أبارك لنفسي وجودي ضمن أعضاء يملكون الفكر الراقي و الأسلوب السلس و الأخلاق الرفيعة . ، ،

أختي مليكة الطهر:
ماشاء الله تبارك الله لا قوة إلابالله أبداع متواصل وكلام جميل وأسلوب راقي ورائع والمنتدى الذي يحوى مثل قلمك يتشرف ويتباها بك
أختي ردودك وتعقيباتك تفوق أصحاب الموضوع الاصلى في كل موضوع تعقبين عليه وبمراحل
أختي نتشرف كا أعضاء أن يكون بيننا مثل قلمك المبدع المطرز بسمو الاخلاق وروائع الكلام
كم أتمنى ان نري مواضيعك وأن كنت أعتقد أن كل تعقيب لك موضوعا مستقلا بحد ذاتة
أسأل الله لى ولك التوفيق السداد وبارك الله فيك وفي علمك وجعله في موازين حسناتك

[بنت الشماسية]

أنتم طاولة مهترئة ,, وحنا درجة منكسرة لها مايقارب السنتين

ولا حياة لمن تنادي

بالنسبة للملل اللي في المحاضرة أصابك ,, في الأسبوع الماضي من الملل وعدم ضبط الدكتورة للطالبات بسبب

الأعداد الكبيرة فزميلتي أخرجت المناكير وقامت بطلي أظافرها , والبلوتوثات لها صولتها وجولتها !!

فلننتبه لأن فترة طالب العلم على جرفٍ هار !!

[أحاسيس فتاة]

اقتباس المشاركة الأساسية كتبها مـلـيـكـة الـطـهـر ‘ ‘ لدي وقفات مع بعض الأعضاء الأفاضل – بعد إذن الصباخ - : أحاسيس فتاة ، كم تثلجين صدري بردودك الواقعية الصريحة , و أسعد دائماً عندما أقرأ مشاركة لك , و لكن ليس كل ما يعرف يقال و بهذا التفصيل الدقيق , و . . . . و الله أحبك يا أحاسيس أبارك لنفسي وجودي ضمن أعضاء يملكون الفكر الراقي و الأسلوب السلس و الأخلاق الرفيعة ، ،

بعد إذن صــــــــــــــــاحب الموضوع00

غـــــــــــــــــــــــــــــــــــاليتي شعــــــــــــــور متبــــــــــــادل
وأحبكـــ الله الذي أحببتني فيـــــــه00

وجودكــ بيننـــــــــا فخــــــــــــرا لنـــــــــــا جميعـــــا ومثل ماقــــــــــــال أخوي ننتظر جديدكـــ ومواضيعك000

[مدحت شوقي بريده]

هلا بالبي ابو سليمااااااان ..

يابعدي ورااك زعلن علي لااجي امعط شعر خشمك هاللحين ..

اقتباس بعض الطلاب بصراحة لو كنت مديراً للجامعة أو كنت ذا سلطة تنفيذية لفصلته من الجامعة، قد تتساءلون ولماذا أقوم بهذا العمل .!؟

اجل تبي مدير الجامعة يفصلهم .. اقول عمت مساءً يالبي ..
هذولا يفصلون مدير الجامعة واللي عين مدير الجامعة يالبي ..
طلاااابكم كلهم من هالطحاطيح عيال الأمراء .. ياااااااااي ..




بس اقول يالبي حلوة سالفة نانسي عجرم ..
حتى انتم دلوخ الله يحفظكم .. والا وراه ماقال الا نانسي عجرم ..
علشانه يدري انكم تبي تخقون معه همن تركزون
على الموضوع وتتبعون معه ..
والا قبل ماينطق اسمه كلكم داااااااااجين ..
والله لو يقول الدكتور كمل يالصباخ وين وصلنا ..
ان تقعد تدودل براطمك عنده ..

ومشكور يالبي ..

سي يو ..

[الصباخ]

اقتباس المشاركة الأساسية كتبها أبو محمد النجدي ^ أبوس هذا حرفٌ لم يَبلُغكَ بعدُ يوم جامعي آخر رتيب , أحسنت الوصف أبا ريم ..

أهلاً أبومحمد، تشرفت بمرورك ياصديقي.

[الصباخ]

اقتباس المشاركة الأساسية كتبها ساحرة القرن الأخير وَكمآ عَهِدنآ منكَ أخيِ الصبآخ..فيِ نهآيَة كُل أسْبوع..تَنثُر لَنآالمَكنونْ مِن الدُررْ..؛ ومسألة عدم الأستِفَآده من المحآضَره نُعآني نحن أيضاً مِنهآ.. غَيرَ أن التَقْصيِر مِنآ في بَعضْ الأحيآن..؛ فَعِندمَآ لآتُعجِبُني المآده أسْتَبدِلُهآ بِمآ يَروقْ ليْ..أفْضل..؛ أَخيِ الصبآخ..؛ سَلِمتْ وَسَلِمتْ حُروفك الصَآدِقآت..؛ ودُم وَلِ رُوحِكَ رَفيِع الدَرجآت..؛ سآحِره.؛

أهلاً ساحرة، أشكرك على إطراءك.

أما بخصوص اليوم الجامعي، فأنا أعاني في هذه المادة ومادة أخرى، وما نقول إلا الشكوى لله والله يعيننا.


تشرفت بمرورك، شكراً لكِ.

[الصباخ]

اقتباس المشاركة الأساسية كتبها الـصـمـصـام .. و كم في المحاضرات من إرهاصات ، و إفرازات <== الله يستر مع بعضها .. أما أنت فكنت شارداً واعياً .. أعانكم الله يا أعزّائي طلاب الجامعات .. و فك الله أسركم من هذه المقاعد .. شكراً يابو سليمان ..

اسمع عاد من يقول، وش أعانكم الله يا طلاب الجامعات .؟!

اللي يسمعك يقول إنك متخرج لك ثمان سنوات، مايدري إنك بعدي بمستوى .


أقول أبوعبدالعزيز الله يعينا بس، قل آمين.

شكراً لك ياصديقي.

[الصباخ]

اقتباس المشاركة الأساسية كتبها القيصر مشكور ابوريم على المقال وهالقصه كل يوم نحضره بالجامعه و بعض الاحيان البلأ بنا او بأسلوب الدكتور الشين تقبل مروري

العفو حياك الله يالقيصر.

ياخي البلى صح في بعض الأحيان بالطلاب، لكن في بعض الأحيان أسلوب الدكتور يخلي الطالب الجيد يمل.


الله يعيننا بس.


شكراً لك.

[الصباخ]

اقتباس المشاركة الأساسية كتبها جيدا عوداً حميداً أستاذ أبو ريم .. وما أكثرهم .. ! إذا أراد الدكتور ان ينتهي من محاضرته المُمِله , طرأ لبعض البايخين سؤال كبياخته ,, وخذ بعدها استطراد الدكتور وتوسعه في الإجابه ,, وكل هذا على حسابنا , , مقال رائع ,, أستمتعت وابتسمت .. بارك الله فيك ..

أهلاً جيدا.


هالطلاب ذولا وأنا أخوك يبيلهم حل جذري، وشكلي أبفكر بصراحة بحل جذري لهذه المشكلة المستفلحة في جامعاتنا الموقرة .


شكراً ياجيدا على الرد، وشكراً على ذاك وذاك.

[الصباخ]

اقتباس المشاركة الأساسية كتبها خباب النجدي هلا بصباخ اجل المكسيكي يبي يرفع دعوى على البلدية لأنه بغى يطيح بالحفرة ... هنا تغرم انت لأنك ما شفت الحفرة هذي السالفة ذكرتني بقصة صارت مع احد اقاربي وهي انه خرج من البيت ولقى سيارته مسروقة وبلغ الشرطة وقالوله ان سيارتك في الحجز يوم جاء يطلع سيارته قالوله راجع البلديه راح لم البلديه قالوله ان الي سرق السيارة صدم فيها نخلة وعليك غرامة خمس الاف قالهم وشي النخلة قالوله نخلة عادية قال خلاص انا ابجيبلكم نخلة سكرية بس طلعوا السيارة قالولة لا .. لازم تدفع خمس الاف قال انا مستعد اجيبلكم نخلة تطلع بسنة مرتين بس طلعوا السيارة قالو لا مانبي إلا خمس الاف قالهم اجيبلكم نخله تطلع بصيف سكري وبشتئ برحي قالو ما نبي غير خمس الاف ولا تجيب الي سرق السيارة واخر شي دفع خمس الاف .. فالعلك تنصح الدكتور انه ما يرفع دعوى اخاف اذا رفع دعوى يغرم الطلاب

أهلاً بالأستاذ خباب، إلا ماقلت لي وش أخبار ديرتكم ..؟!

شف ياحبيبي بالنسبة لسالفة هالمكسيكي هذي، هذي وأنا أخوك تقص للأطفال عندنا لأنها من قصص الخيال ولا يمكن أن تطبق على أرض الواقع.

أما بالنسبة لخويك فأنا ما أقول إلا الله يخلف عليه، أجل كذا نظام ربعنا .؟! غيرك يسرق وأنت تدفع .؟!


شكراً خباب، ونصيحتك اعتبرها وصلت.

[الصباخ]

اقتباس المشاركة الأساسية كتبها المهند جرافيكس يارجال تحقن بقربة منشقة .. هالدكاترة دكتاتوريين .. لايمكن قبول رأيك .. تحياتي أبو ريم ..

لا عاد مهوب دكتاتوريين مرة وحده، بعضهم أنا معك نفس هالكلام ينطبق عليهم، والبعض الآخر ياحبيلهم مهنا مثلهم.



شكراً يالمهند.

[الصباخ]

اقتباس المشاركة الأساسية كتبها صافي النية أضحك الله سنك يا رجل والله اخي الصباخ طرح جميل جدا,, وعن قولك الملل بصراحة واجزم ان الملل هو سببه الدكتور لان يكون القائه ضعيف او لا يحمسك حين يلقي لذلك تلجأ كثيراً إلى الهواجيس وتبدا تصب ما بخاطرك بالاوراق التي أمامك,, وبصراحة كلام صحيح وهو قولك ان بعض الطلاب يسأل أسئلة لا معنى لها حقيقة وإنما لاجل تطويل الزمن وبذلك يكون الملل,, كل شكري لك أخي,, دمت بخير..

الأجمل مرورك ياعزيزي.

بعض الدكاترة وأنا أخوك مافيه أمل تنعس أو تهوجس ولو ثانية وحده، لأنه أولاً يشدك للدرس بطريقة شرحه، وثانياً صوته جهوري، وثالثاً يتحرك ويروح ويجي، لذلك تجد كل الطلاب منتبهين معه.

لذلك وبما إن دكتورنا ماتنطبق عليه هالشروط فإني لا ألوم أي طالب يهوجس أو ينام أو يكتب مقال .



شكراً لك.

[الصباخ]

اقتباس المشاركة الأساسية كتبها صديقة الشمس . مادة غثيثة ..! نفس الشيء يحصل عندنا إذ كان دكتور المادة {رجل} اسئلة با يخة مالها داعي بس علشان الدكتور يسألها عن الأسم ..؟! وفقكم الله ..

أهلاً بكِ.

بالنسبة للأسئلة البايخة فلا تخلو محاضرة من وجودها، لكن المشكلة هي قبول الدكتور لهذه الأسئلة .؟!


شكراً صديقة الشمس.

[الصباخ]

اقتباس المشاركة الأساسية كتبها راعي شقة الملح اللهم كثر شخاميط ابو ريم ياعزيز ...! لا أعرف حال الجامعيين ولكن كثيرا مااسمع عنهم كتبت فابدعت اشكرك من الاعماق

آمين، وأبشرك يابعدي فيه جزء ثاني جاهز وأبنزله خلال الأيام الجاية، كتبته بنفس المحاضرة وعند نفس الدكتور.


شكراً لمرورك وللتعليق.