[هوطان]

أنا انصحك أخي زائر من الرياض أن تسكن في خضيراء فهي حي راقي قريب من الدوائر الحكومية
السكن مجاني ....ببلاش .. أما لغة أهل المنطقة فليست معقدة ولافيها مد
ومادمت من أهل الرياض ارجوا أن تفسر لي بعض الكلمات مثل : رشمني _ فيذا _ ..... ومن اي لغة ؟

[ضايق الصدر]

ياجماعه يستهبل هذا !!!

[ذعـــــــــار عويد]

اخي انت تتهكم وتستهتر باهل المنطقة وهذ من خلال اسلوبك قلي اصلك من اين اي من اي مدينه بل وقريه حتى اتحدث معك عبر مفهومك
انا اسكن في الرياض واعمل من سنين عديده واعرف كلام ولهجات كثير من القوم القادمين والعاملين في الرياض ولا يوجد تجمع موضفين الاويوجد فيه مجموعة من القصمان
هذه الكلمات مشهوره ومعروفه مثل بعض الكلمات التي تنزعج انت منها عندما تقول لي مدينتك بل وقريتك سوف اقولها
ارفع نفسك نرفعك
لك التحية

[الـدعساوي]

اقول ياولد الرياض

خلك من غثاء الديرة ووجع الراس والسيارت الرايحة والجاية(والله يان خوفته)

وتعال للخبوب وخاصة الدعيسة لاتفوتك جو خيالي (يقاله بابها)

ومزارع وشيبان على كيف كيفك

وعيال مخشبين

اي شي تبيه(مسوي دعاية للخبوب)

الدعيسة عالم من اختياري)

[اخو دريحم]

الدعساوي608

الله لايهينك ممكن تذكر لي اسم امام جامع الدعيسة الجديد مجرك سؤال ...!!

[المطاول]

دور لك استراحة بنفود المطاول وترتاح هواء عليل قبل نقل المواشي للمحل الجديد تماكن عمرك 0قريب من الدائري الشرقي الذي يوصلك الى اي مكان بسهوله 0

[زيزو بريدة]

الله يوفقك ..

أهم شي لا تتخوف من الغربة ، و أهل بريدة اجتماعيين جداً ..
و بالنسبة للغة ، فلا تقلق ، لأنك ستجد باكستانياً أو هنديا يتحدث لهجة أهل بريدة بطلاقة ..
و عن بعض المصطلحات فأخوك في الله حتى الآن يحار أمام بعض مصطلحاتهم .. لكن نفهمها بالسياق

[الأصبع الإيجابي]

اقتباس المشاركة الأساسية كتبها زائر من الرياض السلام عليكم ورحمة الله وبركاته كيف حال الجميع في البداية أنا أعمل في الرياض وصدر تكليف لي بالعمل في مدينة بريدة بترقية طبعاً !!! ولم أزر في حياتي مدينة بريدة ولا أعرفها وهل هي مزدحمة بالسكان مثل باقي المدن الرئيسية . وأتمنى من الجميع النصح بالسكن في أي حي من أحياء بريدة وهل يوجد مجمعات أسواق كبيرة وكيف نتكيف مع لغة أهل بريدة لأن بصراحة عليهم مد في الكلام ما أدري وش لون أوصف لكم ؟؟؟؟ إذا أحد يقدر يترجم الكلمات التالية أكون شاكر : نيم به وين هو به مير يابييٍ

أول شيء عليك أن تتأدب ولا تبحث عن اسفزاز الرجال فلا داعي لقولك: يترجم الكلمات ...
ثانيا : من أي كوكب أنت ؟؟ مابيننا إلا 330 كم .
ثالثا : لتعلم أن 90% من أهالي الرياض هم من القصيم فلماذا السؤال والاستغراب؟؟!!!
رابعا: حياك ربي إن كنت تنشد الإجابة لاغير ذلك.
خامسا: قل لي أين عملك أقل لك أين تسكن؟؟؟؟
سادسا: قلوبنا وأبوابنا مفتوحة للضيف الصادق الكريم.
سابعا : أمثل القصيم يسأل عنها ؟!!!!!! لأنها العلم البارز .!!!!!!!

[أبو عبدالله القصيمي]

حياك الله يا أخي الكريم

ونتمنى لك طيب الاقامة.

وأتوقع راحي تنسى الرياض وأهلها بعد سنة من تعيينك.(مجرد توقع)
نراك على خير.

[تاج بريدة]

اسكن في حي الخالدية

[زائر من الرياض]

اقتباس المشاركة الأساسية كتبها كع كع أول شيء عليك أن تتأدب ولا تبحث عن اسفزاز الرجال فلا داعي لقولك: يترجم الكلمات ... ثانيا : من أي كوكب أنت ؟؟ مابيننا إلا 330 كم . ثالثا : لتعلم أن 90% من أهالي الرياض هم من القصيم فلماذا السؤال والاستغراب؟؟!!! رابعا: حياك ربي إن كنت تنشد الإجابة لاغير ذلك. خامسا: قل لي أين عملك أقل لك أين تسكن؟؟؟؟ سادسا: قلوبنا وأبوابنا مفتوحة للضيف الصادق الكريم. سابعا : أمثل القصيم يسأل عنها ؟!!!!!! لأنها العلم البارز .!!!!!!!

إيش العقليات هذي ؟؟؟؟
بس ما أقول إلا ( الأصابع في الإيدين الواحدة ماهي سوا )

[مجموعة مشاعر]

اقتباس المشاركة الأساسية كتبها زائر من الرياض السلام عليكم ورحمة الله وبركاته كيف حال الجميع في البداية أنا أعمل في الرياض وصدر تكليف لي بالعمل في مدينة بريدة بترقية طبعاً !!! ولم أزر في حياتي مدينة بريدة ولا أعرفها وهل هي مزدحمة بالسكان مثل باقي المدن الرئيسية . وأتمنى من الجميع النصح بالسكن في أي حي من أحياء بريدة وهل يوجد مجمعات أسواق كبيرة وكيف نتكيف مع لغة أهل بريدة لأن بصراحة عليهم مد في الكلام ما أدري وش لون أوصف لكم ؟؟؟؟ إذا أحد يقدر يترجم الكلمات التالية أكون شاكر : نيم به وين هو به مير يابييٍ

............ لغة اولا لهجة وليست لغة

الكلمات

[مدحت شوقي بريده]

عااااااااشت ايااااامك ..
اجل كيف نتكيف .. وراااه يالبي جاي بفيزة ضب ..




عااااااااااااااد لاتخلينا انت ولهجت الرياض ..


وش ذا ياسعد وش فيهم العيال ذلحين ينازقون علي ..
ياخوي من يوم جيت فيذا وذيلي ناشبين فيني ..

دايم اروح الثمامة وأجلس فيذاك ومافي احد قال ميدي زي اللي تقوله انت ذالحين ..

بس ماعليك ابذب نعولي فيذا .. وماعلي فيكم ..


قسم احس اني وانا اكتب هالحتسي اوجعن لسااااااااااني ..
وشلون هم هاللي يقولون هالكلاااااااام ..
احس ان الواحد اذا قضى حاتسي ..
يجيب منقاش علشان ينقش سنونه ويطلع لسانوه اللي ناشبن بين السنون ..

يسلموا يالبي ياسعد بن مبارك آل ابو مرحبيتن ..



والله يحيك في مدينة بريدة .. وان شاء الله تنبسط ببريدة ..
وإن بغيت اي شي ببريدة بس دق علي بيجر وسكر ..
وأنا أجيك فاصلن الطبلون ..



سي يو ..

[محروم في بحر الهوى]

حياك تنور بريدة بوجودك يا زائر الرياض

أما بخصوص السكن الأماكن الحلوة بالشمال وخاصة الريان وصدقني أن احتجت شي أهل بريدة مايقصرون أنت بس أمر .......................................