[أبو الوليد الخالدي]

أوافق دون إفراط أو تفريط .!

((ومن قال هذا كبت أو أزين تحطونهن بكرتون أو مو واثقين من تربية أبنائكم ))

نقول لهـ/ـا :الرقابة مطلوبة مهما كانت التربية أو الصلاح .

أتشك في تربية الأنبياء والعلماء ؟! إذا فما بال كثير من أبنائهم غير صالحين ؟!

اتركوا عنكم المبالغات وعدم الواقعية ! فكلا الأمرين المذكورين مدخل من مداخل الشيطان الخطيرة والمتيسرة .!


والسلام عليكم

[بـــ sunـــــريدة]

يا حليلكم .

يعني اللي ما معها جوال من البنات ولا عندها نت متخلفه .!؟

أذا أم البنت تعتبر جوالها لها هي وبنتها وش المشكله لأن البنت ما عندها أرتباطات أو أشغال علشان تديرها وهي جالسه ببيت أبوها وأمها .
أعتبرهـ أنا من زود التخلف أن الأم ما تقنع بنتها أنها مو بحاجه جوال لأن رجلها على رجل أمها على طول.

بالنسبه للنت أعارض أن تعطى البنت الحريه فيه وأستخدامه فقط للأشياء الضروريه مثل البحوث وغيرها أو تسجيل محاضرات ومن القبيل وبمتابعة رب الأسرهـ .

أنا أعرف بنات بالجامعه ما يعترفون بالجوال والنت فقط للبحوث فقط وبمتابعة رب الأسرهـ .

لآكن ردود البنات يضحكن يسوون أن اغلبية البنات عندهم نت وعندهم جوالات

أخيرا على حسب رب الأسرهـ اذا كان خرونق(ديوث) تلقى كل بناته معاهم جوالات وعندهم نت ويستخدمونه
بدون اي رقابه واذا كان فاهم ويخاف الله ببناته فا تحصله يخليهم يطلعون على النت بوجودهـ والجوال اذا كانت بنت وحدهـ الجوال اللي مع امها يخليها تستخدمه واذا كانو بنات كثار جوال واحد كافي وأن حصل بدون لأن البنات مع أمهم .

[نـــNAــونا]

اقتباس المشاركة الأساسية كتبها بـــ sunـــــريدة يا حليلكم . يعني اللي ما معها جوال من البنات ولا عندها نت متخلفه .!؟ أذا أم البنت تعتبر جوالها لها هي وبنتها وش المشكله لأن البنت ما عندها أرتباطات أو أشغال علشان تديرها وهي جالسه ببيت أبوها وأمها . أعتبرهـ أنا من زود التخلف أن الأم ما تقنع بنتها أنها مو بحاجه جوال لأن رجلها على رجل أمها على طول. بالنسبه للنت أعارض أن تعطى البنت الحريه فيه وأستخدامه فقط للأشياء الضروريه مثل البحوث وغيرها أو تسجيل محاضرات ومن القبيل وبمتابعة رب الأسرهـ . أنا أعرف بنات بالجامعه ما يعترفون بالجوال والنت فقط للبحوث فقط وبمتابعة رب الأسرهـ . لآكن ردود البنات يضحكن يسوون أن اغلبية البنات عندهم نت وعندهم جوالات أخيرا على حسب رب الأسرهـ اذا كان خرونق(ديوث) تلقى كل بناته معاهم جوالات وعندهم نت ويستخدمونه بدون اي رقابه واذا كان فاهم ويخاف الله ببناته فا تحصله يخليهم يطلعون على النت بوجودهـ والجوال اذا كانت بنت وحدهـ الجوال اللي مع امها يخليها تستخدمه واذا كانو بنات كثار جوال واحد كافي وأن حصل بدون لأن البنات مع أمهم .

اتق الله فيما تقوله وأعلم أنا الله يراك كلامك هذا بالذات لا يرضاه العقل وأكبر إهانه إذا كان ما عندك ثقه بأهلك فغيرك كله ثقه بأهله

أنا أملك جوال وإشتراك DSL ولا رقيب علي إلا الله وكلامك هذا لا أعتبره كلام عاقل للأسف أنا ما أرضى مثل هذا الكلام على والدي

وإن كان ليس مقياس فالحمد لله أبي عنده تمام الثقة بإبنته ولو أبي أكثر من رقم ما عنده أي مشكله
ودامه راضي عني ما يهم كلام السفهاء

ومن قال جوال الأم يكفي الجوال شيء خاص مثل ما مع كل ولد جوال من حق البنت يكون عندها جوال
ولا أسمح لأي أحد إنه يفتش من وراءي >> اللي يقول مراقبه هذا تجسس

تعلموا أصول التربية أولاً

[ضايق الصدر]

اقتباس المشاركة الأساسية كتبها بـــ sunـــــريدة أخيرا على حسب رب الأسرهـ اذا كان خرونق(ديوث) تلقى كل بناته معاهم جوالات وعندهم نت ويستخدمونه .

استغفرالله ياخي حرام عليك قسم بالله ضيييقت صدري بكلامك , طيب ليش تعمم بكلامك ياخي , بسم الله علينا , مايجوز اللي تقول ,

ياخي الثقه لابد منها , وترى لو حجبت عن البنت كل شي , اذا براسها خراب بتسويه والله لو قدام عينك ,
اللين زين , والثقه زينه ,

لا جوال ولانت , اللي يبي الخراب والضياع يسويه لو هو أطرم ,

فكروا وخلوكم واثقين , وادحرو الشيطان , ترى الوساوس هذي من اللي تشوفونه وتسمعونه ,

صحيح الوضع يخوف والأمه في انحدار , لكن مب معناته ان كل من معها جوال صارت ....
والجوال مافيه شي ابدا ً , استغفرربك
( اتمنى انك تعدل وتعتذر عن الرد , احسك تسرعة بالكلام , وخانك التعبير,,

[نـــNAــونا]

اقتباس المشاركة الأساسية كتبها ضايق الصدر استغفرالله ياخي حرام عليك قسم بالله ضيييقت صدري بكلامك , طيب ليش تعمم بكلامك ياخي , بسم الله علينا , مايجوز اللي تقول , ياخي الثقه لابد منها , وترى لو حجبت عن البنت كل شي , اذا براسها خراب بتسويه والله لو قدام عينك , اللين زين , والثقه زينه , لا جوال ولانت , اللي يبي الخراب والضياع يسويه لو هو أطرم , فكروا وخلوكم واثقين , وادحرو الشيطان , ترى الوساوس هذي من اللي تشوفونه وتسمعونه , صحيح الوضع يخوف والأمه في انحدار , لكن مب معناته ان كل من معها جوال صارت .... والجوال مافيه شي ابدا ً , استغفرربك ( اتمنى انك تعدل وتعتذر عن الرد , احسك تسرعة بالكلام , وخانك التعبير,,

كلامك عين العقل وهذا اللي كنت بوصل له

[مايهم من اكون]

اقتباس أخيرا على حسب رب الأسرهـ اذا كان خرونق(ديوث) تلقى كل بناته معاهم جوالات وعندهم نت ويستخدمونه

اسمحلي اقولك ردك يدل على سقامة تفكيرك.

اقتباس بالنسبه للنت أعارض أن تعطى البنت الحريه فيه وأستخدامه فقط للأشياء الضروريه مثل البحوث وغيرها أو تسجيل محاضرات ومن القبيل وبمتابعة رب الأسرهـ .

لاتخلينا يابو البحوث والمحاضرات .

اخيراً احب ان اقول انه يجب ان نعطي البنت ثقه كبيره , واتمنى من بعض الاخوان في الردود انه يتقي الله في رده ومثل ماهو يستعمل النت حق لاخته انها تستعمل النت ومثل ما ان عنده جوال وش حيثه مهب ادميه اكيد تبي جوال.

وترا الكبت وحرمان البنت من شي متوفر في كل بيت وفي كل مكان يجيب نتايج عكسية .

ياليت اننا مانشوف مواضيع زي ذي لانها بصراحه ( تفشل ).

خاطرة
"الشغالة بالبيت معه جوال"

[المجاهد اسامه]

لا أوافق وبشده كا المشاكل مثل الزناء وغيره نسائل الله العافيه كله من الجوال أو النت نسائل الله العلي القدير أن يحمينا من عذاب جهنم؟؟؟...

[هادي2007]

ياإخوان, من تريد الشر فستجده ولو انها تعيش داخل كهف ..!
هنا يبرز دور التربيه والرقابة الذاتيه للأبناء والبنات عموماً ....
ثم هل برأيكم الحل أن تُمنع الفتاة من متع الحياة المباحة لمجرد أنها فتاة ..؟!

مزيداً من العقلانيه ياسادة ..!!!

[. الأمــــل .]

والله ياناس امر يحير اللي ما عندها

اكيد تقدر تجيبه عن اي طريق

لكن اذا صارت البنت تخاف الله ماهو بس قدام اهلها

بدون اي كلام اوافق لانها ستستخدمه لحاجتها الضروريه

اما البنات نص ونص فلا يصلح تمسك لا جوال ولا نت

لانها سوف تضيع ولا تقولون ياقدمكم الشيطان حريص

ويجري من ابن ادم مجرى الدم .

[COLOR="Purple
"]الله يهدي شباب وشابات المسلمين امين[/COLOR]

[***خالدي وافتخر***]

اوافق بس بمراقبه

[طعس عصل]

أنا أوافـــق

[بدر بن عبدالله]

السلام عليكم:
أحيي إخواني الأعضاء الذين تشرفوا بالرد على هذا الموضوع وأقول لهم: من أراد أن يرد على موضوع فليتعلم كيف يرد على الموضوع وأنتم ما يحتاج من يعلمكم كيف تردون على المواضيع فمثلاً ياأخي إذا ما أعجبك الموضوع
لاتعلق عليه أو لاترد ولاتقل موضوع سخيف اكتف بالقراءة فإذا كان لديك رد أو تعليق يخدم الموضوع فهذا جيد
وإذا لم يعجبك فالسكوت خيرٌ لك وهناك قسم وضعته إدارة المنتدى ( قسم المساعدة والشكاوي) راسلهم وابحث الموضوع معهم واسأل أن تحصل على ماتريد ....... أرجوا أن تكون الفكرة قد اتضحت وأرجوا لا يضيق صدر أحدٍ
من هذا الكلام فقط أردت التنبيه.
أما بالنسبة للرد على هذا الموضوع فأقول برد موجز وهو مثلٌ يعرفه الجميع على ماأعتقد وهذا المثل يقول:
- ( العود من أول ركزه). ونأسف للإطالة.
مع تحيات: كربة النخلة.
والسلام خير ختام.

[brr777]

أتحداك تلقى بنت بالجامعه مامعه جوال إلا ماقل من بعض البنات


والي يبي الشر يدوره بأي مكان مو بس بالنت والجوال



على هالحاله تبي تخلون حارس يحرسهم عند الباب
ولا تصكون عليهم بكرتون أحسن وأضمن لكم
وأنتم داخلين طالعين وهن محجورات بكذا تاثقون





وفي الختام
كلن يراى الناس بعين طبعه




أوافق بكل تأكيد

[narran]

اقتباس المشاركة الأساسية كتبها المجاهد اسامه لا أوافق وبشده كا المشاكل مثل الزناء وغيره نسائل الله العافيه كله من الجوال أو النت نسائل الله العلي القدير أن يحمينا من عذاب جهنم؟؟؟...

هههههههههههههههههههههه
ياحليله اخونا شكله توه مولود مايدري انه من قبل التلفون يصير بكل بيت ونحنا نسمع قصص لاحولا ولاقوه الا بالله منها
التشدد اساس البلاء
والله العلي العظيم اني اعرف ناس انهم من شد الرقابه ممنوع البنت تجلس مع اخته وبنت خالته بغرفه لوحدهم
وبناتهم سالفتهم الممثل توم كروز وجورج كلوني ولا انجلينا جولي ولا هيفاء وهبي ولا اليساء
ههههههه من وين تسمعين بااخبارهم صديقتي تجيب لي اشرطه مايدرون فيهم اهلي لانامو اشوفهم