[اللهذام]

اقتباس المشاركة الأساسية كتبها ALDB أبو عمر والله من الصدز مطفر ماشاء الله يالله ياشباب خلونا نجمع إعانه لـــ أبوعمر

ايـه تكفى محتــاج اعانات ماليه عاجله .. ولا ماتبون عكسريم

[mr.khaled]

لا تنسانا يا بو عمـــر وأنت راجع من عند طالب تووب جب لي معك

[اللهذام]

^^

ماتبين أمرك

يالله تراي حولك اطلع لي بس

راح فيهـا طالب طب

[mr.khaled]

^

تسلم والله

صدق راحوا فيها بعض الناس

[طالب طب]

وينكم يا عيال

لي ساعة وثلاث دقايق واقف عند الباب أحتريكم ولا جيتوا

مرت من عندي دينّا قلت هذا شكله أبو عمر , يوم ناظرت زين وأشوف عليه وزرة قلت لا مهب هو

جت بعده لكزس قلت هذا شكله لا هذا ما أعرفه

مرت بعده ددسن هنقلين موديل 34 قلت هذا خلودي يوم تذكرت أثره مريض يحول

لكن ترى لكم 46 دقيقة إذا ما جيتوا ما أعزمكم أبد

[mr.khaled]

ددسن هنقلين ..

أبو عمر معه الباص الأصفر يجمع له بعض الصِحاب اللي وده يباشر عليهم من زمان يحول

ماحد جايك لا تقعد عند الباب تفشلنا وإلا ترا مو أحسن لك

[طالب طب]

^

من وقت الرد ( 9:18 م ) إلى ( 10:06 ) 46 دقيقة

يعني قضت المهلة ولا بعد جيتوا فلذلك الوعد الطلعة اللي تجي أم سدرة

[nhk933]

ما شاء الله تشبه العسكريمه ام ريال

مشكوررررررررر

[mr.khaled]

^

قدآآم

[وحيد الخلان]

اقتباس المشاركة الأساسية كتبها طالب طب ^ من وقت الرد ( 9:18 م ) إلى ( 10:06 ) 46 دقيقة يعني قضت المهلة ولا بعد جيتوا فلذلك الوعد الطلعة اللي تجي أم سدرة

انا ميخالف اجي يا دختور .. عندي اصبع مدوحس
وابيك تشوف له صرفه >> قال بيتهم ياخال ما قال عيادة

[طالب طب]

أبو عصام

نفتح لك عيادة بالبيت مب مشكلة أهم شيء خن نشوفك

من أيام الثانوية ما شفناك زين إلا خطمات بس

<< ترى خطمات أخو علامات

[اللهذام]

اقتباس المشاركة الأساسية كتبها طالب طب وينكم يا عيال لي ساعة وثلاث دقايق واقف عند الباب أحتريكم ولا جيتوا مرت من عندي دينّا قلت هذا شكله أبو عمر , يوم ناظرت زين وأشوف عليه وزرة قلت لا مهب هو جت بعده لكزس قلت هذا شكله لا هذا ما أعرفه مرت بعده ددسن هنقلين موديل 34 قلت هذا خلودي يوم تذكرت أثره مريض يحول لكن ترى لكم 46 دقيقة إذا ما جيتوا ما أعزمكم أبد

ويييييييين يالحبيب

مشيت على نفس وصف الكروكي وطلعن على مستشفى الصحه النفسيه

افااا ماهقيته منك يادختور

وين الكرم

[طالب طب]

^

أنا ما قلت لك ارجع لبيتكم عشان تقول مستشفى الوشسمه

لكن من اللي معطيك الوصف

أكيد الهر

[اللهذام]

[CENTER]

اقتباس المشاركة الأساسية كتبها mr.khaled ددسن هنقلين .. أبو عمر معه الباص الأصفر يجمع له بعض الصِحاب اللي وده يباشر عليهم من زمان يحول ماحد جايك لا تقعد عند الباب تفشلنا وإلا ترا مو أحسن لك

المشكله مالقيت أحد من الاعضاء كلهم اعتذروا

والمعزب حقنا موصفلي غلط

يلهد الصراحه

على طاري يلهد تصدق عاد ان الباص الاصفر تجميع سعودي
وش رايك عاد بنا ترانا صانعين باص اصفر[/CENTER]