[مهند و]

الله يوفقك

[الجارح الذابح]

جميل..!

لاكن لو تعدل طريقتك وتكتب القصه جميع...!!
كان افضل ...!!!

مشكور ياولد حصه(حمد)..!!

[أبوشوق]

بطبك منك طلب يا ولد حصه
انك تكتبلنا بعد كم يوم تبي تقضي القصه
علشان اقراها جميع
مشكور ياولد حصه

[@رسيل@]

اقتباس المشاركة الأساسية كتبها ..عاشق سراااب؟ الموضوع من اولة بايخ

مايسير التحطيم

["فتى نجد"]

ياشيخ كمل لا اذبحك
تراني متابع مررررهـ

[ولد حصه]

سراب ليه بايخ

يعني افهم من كلامك ما رايح تقرأ القصه ... أمانه

المهم ليش ما تصير البنت مزيونه وهي في الاربعين استرب ذا الشيء لكن ما يهم

[ولد حصه]

وقفنا على : وذات مره جاء عزوز لبيت صاحب الحلال يبغى يعطيه اوراق له وهو يطق الباب لمح زول ..... وقال .....

الحلقة الخامسة :

وذات مره جاء عزوز لبيت صاحب الحلال يبغى يعطيه اوراق له وهو يطق الباب لمح زول بنت وقال الوالد موجود قالت ايه بس نايم من اقول له . قال عزوز وممكن تعطينه هالاوراق .. قالت طيب

المهم راح وهو يفكر من هي وفعلا بنت المعزب والا ايش الحكاية وطبعا هو نسى حب حصة وحتى زوجته نورة ما يدري عنها . وبعد المغرب وهو جالس بالمؤسسة قاله المعزب أنت يا عزوز جيت وانا نايم بس بنتي عطتني اوراق يعطيك العافيه .. قال عزوز للمعزب احس انك ما عندك أحد ياعم ما كد كلمتني عن بيتك واعيالك .. قال ايه ياعزوز أنا اقولك انا تزوجت ام الجوهرة وهي كبيره وام الجوهرة كانت غنيه والقصة طويله ياولدي اخبرك بعدين وبدأ عزوز يفكر وش السالفه والجوهرة وقصتها .

نورة كبر ولدها عزوز الصغير وصار رجال ويعول البيت ونورة ما تزوجت وحصة عجزت وحمد صار عنده عائلة كبيرة واغتنى واخوانه صالح ومحمد بس محمد ما زال اعزوبي يفكر بأخته نورة وقال ابغى ابحث عن ابوكم ابوعزوز وينه وين راح وش صار عليه قال له الولد وانا ياخال معك وطلعوا يبحثون عن ابو عزوز.

ابو الجوهرة قال لعزوز ابغاك تتقهو معي اليوم في بيتي ولما جاء قال عزوز ياعم وش سالفتك السالفة غريبه وانا تراني افكر بالسالفة من ذاك اليوم .. قال ايه اقولك .. السالفة هي ان ام الجوهرة كانت غنية وانا حصلوني في أحد الدور ما اعرف أحد ولا من أنا ولا وش سالفتي وكان معنا شايب كبير بالسن تزوره بنته كل ثلاثة ايام وقلت له وش سالفة هالبنت قال هذي بنتي تحبني مره لكن زوجها ما يبيني عنده وبعد فترة مات زوجها وتعرفت عليها وعرفتني وخطبتها من ابوها وتزوجتها وأخذت عمي عندنا لحد ما مات وجبت منها بنتي الوحيده الجوهرة وبعدها بفترة توفيت ام الجوهرة وعشنا انا والجوهرة لوحدنا واللحين الجوهرة كبرت .. قال ياعم انا ابغى اخطب الجوهرة وانا عارف اني كبير بس الرجال ما ينعاب لكبره .. قال لا ياولدي انت تنشرى بس خلني افكر واسألها واشوف.

محمد وعزوز ولد نورة صاروا يسألوا ويتقصوا الأخبار لحد ما وصلوا الى ذيك الديرة وهاك المؤسسة وسألوا عن عزوز ... وأخبروهم ....

انتهت الحلقة الخامسة ... انتظرونا

[~ [ جناح ] ~]

شكراااااااااااااان يا حمــ.......... قصدي ولد حصة على القصة الرومنسية الممتعة ....

اللي ما جازتله القصة ياا شباب لا يدخل الموضوع بدل التحطيم البايخ والسفيه هذا ..


بمان الله ..

[حمودي33]

لا.لا.تحطيم ياشباب

[ولد حصه]

وقفنا على : محمد وعزوز ولد نورة صاروا يسألوا ويتقصوا الأخبار لحد ما وصلوا الى ذيك الديرة وهاك المؤسسة وسألوا عن عزوز ... وأخبروهم ....

الحلقة السادسة :
محمد وعزوز ولد نورة صاروا يسألوا ويتقصوا الأخبار لحد ما وصلوا الى ذيك الديرة وهاك المؤسسة وسألوا عن عزوز واخبروهم انهم ما شافوا احد بالمواصفات هذي وكمل الخال ولد نورة المشوار .

بعد اسبوع ابوالجوهرة رد على عزوز بالموافقه وفرح عزوز وتزوج الجوهرة وبعد مدة بدأ عزوز يتقصى اخبار خاله ابو الجوهرة وشو وش سالفته وبدأ يراجع الدار اللي كان فيه وبعد مدة وافقت الدار بفتح ملف ابو الجوهرة السري لكن قالوا لابد موافقة ابو الجوهرة ... عزوز اقنع زوجته والزوجة طلبت من والدها وقال زين بعدين وبعد مرور أشهر رزق عزوز بولد اسماه حمد لأنه يتذكر صديقه وسماه عليه . ابو الجوهرة بعد جيت حمد فرح بولد بنته وصار طاير من الفرح وسلم الشغل لابو حمد زوج بنته ... ومره من المرات كان عزوز يسوق ومعه ابو الجوهرة وصدم والحادث اثر على ابو الجوهرة لانه جته ضربه براسه ودخل العناية وبعد فتره تعالج ابو الجوهرة ولكن المفاجئه كانت إن ابو الجوهرة يوم طلع من المستشفى قال ودوني للدار اللي كنت اعيش فيها اول ... وش السالفه وليه اللحين قال ودوني وبس واخبركم بعدين ... راحو للدار وكلموا المدير وطلبوا ملفه السري ولما قرأ الملف بكى ونزلت دمعته على خده وقال عزوز أنت ... انتهت الحلقة السادسة ... انتظرونا

[نجديــــة]

أتوقع ان ابو الجوهرة هو نفسة رجل حصة ابو حمد .. يعني عزوز اخذ اختين من الابو وهو مايدري( نورة والجوهرة)
قصة حلوهـ وفريدة بعض الشيء ..بس به شوي ثقوب لكن مع مداومة القراءة والاطلاع راح تسد هالثقوب
وتطور لغتك وتصير كاتب مميز ان شاء الله نشوف اسمك على الكتب بالرفوف بإذن الله

أكمل ..تحمست مع القصة

,,

[عندليب بريده]

جاري الانتظار
شكل ابو الجوهره كان فاقد الذاكره وبعد الضربه من الحادث رجعت له الذاكره

[جمراوي]

الحمد لله اني توي اقرء القصه في الحلقه السادسه بس الله يستر لا تصير 100 حلقه؟؟
قصه حلوه بارك الله فيك بس لا تبطي بالحلقات ترنا نيران؟؟

[جنتي بسجدتي]

مـــــــــــــا شاء الله 00 كاتب رائع 00 ويد اروع 00 ثـــــــــــــــابر اخي00 فلديك موهبه رائعه في الاسلوب القصصي00 احسنت والى الامام
000000000000000000