[نـسيم القصيم]

اقتباس المشاركة الأساسية كتبها شيووووووخ كان تبين رأي شيووووووخ لا توافقين ... الحياة بعيد عن الأهل صعبه جداً ما فيها أي ترويح للنفس وجهك بوجهه ولا بوجه أهله حتى وأن كان اهله ناس طيبين وحبيتيهم مالك الأ أميمتك وخواتك بعد الله يشيلون عنك همك وعيالك إذا تعبتي تغيير المجتمع جدا صعب وبيخليك تعانين في البدايه بيرغبك بتجين كل ما بغيتي بس دوام الحال من المحال عليك بأقرب قريب ( حلاة الثوب رقعته منه وفيه ) ولو يحصل ولد عمك ياسلاااااااااام ولا ولد الجيررررررران وشفيهم عيال بريده ياحبيلهم انا سعيده انك أخذتي رأينا في مثل هالموضوع علشان نساعدك على التفكير وخليك مع شيووووخ وأن شاء الله ربي بيرزقك أحسن منه قبال بيت امك

تسلمي بس اخواني وأعمامي كلهم بالمدينة ... واللي أتكلم عنه ساكن عندهم لا وبعد جارهم ... وأشكرك شموخ ... وبأكون مع الله وماراح يخيبني .... الله يسعدك

[نـسيم القصيم]

اقتباس المشاركة الأساسية كتبها نـــnaــونا أول الله يرزقك بالزوج الصالح لكن أنا من قبيله معروفه بالقصيم وبعضها بالمدينه مع إننا نفس القبيله ومو بس القبيله إلا العائله نفسها إلا إن عاداتنا إحنا بالقصيم أحسن منهم إحنا نلبس عباية الرأس وساتره لكن هم يلبسون مخصره كل بناتهم وكمان عادي عندهم القصير إلى الركبه وكمان لبس البنطلون يعني مع إن إخوانهن ملتزمين إلا إنهم يشوفون هالشيء عادي عشان كذا انا ما أنصحك أنت أكيد تعرفين أهله خواته وامه بكره يايؤثرون بك مثلهم وإلا تحسين نفسك غريبه يعني إحنا عندنا شباب مأخذين من المدينه لكن بنات لا وترى حتى بالقصيم به ناس يلبسون البنطلون والعبايات المخصره بس أنا أتكلم عن عائلتي اللي بالقصيم ما يتجرئون يلبسون كذا لكن بالمدينه عادي جدا ومتعودين وهذا الكلام من شيء شخصي وأنت أعرف بعائلتك مووووفقه يا عسل

تسلمي نونا ... وتري الفساد في كل مكان ... والناس حسب تربية أبائهم ...

الله يسعدك في حياتك ...

[نـسيم القصيم]

أشكركم على مرورك ... سما ...نونه ... مكحولة .... وربي يسعدكم .. ويخليكم
تحياتي

[هايين]

اللهجه والعادات والتقاليد تختلف تماما
ولكن اذا الوالد معزم الاستخاره
الله يسهل عليك

[*نجمة بريده*]

اقتباس المشاركة الأساسية كتبها ورد اخيتي يقول رسولنا الكريم صلى الله عليه وسلم (من جاءكم من ترضون دينه وخلقه فزوجوه الاتفعلوا تكن فتنة وفساد عظيم) يعني وش فرق حجازي شرقاوي جنوبي وش فيه ناقص عن النجدي!!! اهل القصيم اللي هم حنا شايفين انفسهم اشرف من على الارض لأسباب غير معروفه!! واللي يقولوا لك لاتاخذي غير قصيمي او نجدي اسمحي لي ماعندهم سالفه اهم شي الدين والاخلاق ولا واهل المدينه معروفين باخلاقهم العاليه وانتي شوفي القرار اللي ترتاحين له والله يوفقك حبيبتي

انا رأيي من راي اختي ورد

[وَرد]

اقتباس المشاركة الأساسية كتبها عزف الجنون أردتُ تصحيح الحديثِ لديكِـ أٌخيّتـي .. ( عن أبي حاتم المزني قال : قال رسول الله صلى الله عليه وسلم : { إذا أتاكم من ترضون دينه وخلقه فأنكحوه إلا تفعلوه تكن فتنة في الأرض وفساد كبير قالوا : يا رسول الله وإن كان فيه ؟ قال : إذا جاءكم من ترضون دينه وخلقه فأنكحوه , ثلاث مرات } رواه الترمذي وقال : هذا حديث حسن غريب ) . اسم المصدر : سنن الترمذي / الكتاب : النكاح / رقم الحديث بالكتاب : 1084 ..

مشكوره على التصحيح

جاري تعديل المشاركه

[استغفاري سر سعادتي]

اختي الكريمه سولنا الكريم
يقول "
" إذا أتاكم من ترضون دينه وخلقه فأنكحوه "
وانتي استخيري وبالتوفيق

[بنت آلمذنب]

مادامك تقولين ان اهلك يمدحونه
وهو رجال ومطوع بعد
اجل استخيري واذا ارتحتي
توكلي على الله
مايلقى بهالزمن الشباب الصالحين الا نادر
ولا يهمك كلمه انه حجازي ولا جيزاني
اهم شي الاخلاق والدين
الله يوفقك ويكتبلك اللي فيه خير وصالح

[مجموعة مشاعر]

ان كانه رجال قيه كل المواصفات فحسافه تفرطين فيه ............... والحجازي لو مايجي منه الا انه مهب حار زي هالي عندنا ويقدرون المره ولا يجمعون حريم يكفيه انه يعيش مرتاح مع زوجه واحده .......

هذا رايي الشخصي ........

[نـسيم القصيم]

مشكووووووووووورين ... صديقاتي .... والله يسعد كل من شارك بهالموضوع .....
وربي يخليكم لعيون ترجيكم ....

تقبلوا تحياتي .. نسيم القصيم

[مروم]

(اذا كان صاحب دين واخلاق وانتي سنك مناسب لزواج وافقي )

[السوسه]

اقتباس و انكانك بس ان بنت وحدة فأنتي اصبري ان شاء الله يجيك احسن منه !!

ليش هو ماشاءالله أخلاق ودين وش فيه من عين علشان تصرف النظر عنه

أختي لا تخافين وتوكلي على الله بس استخيري اهم شي

[نـسيم القصيم]

مشكووووووووورين ... مرورم ..السوسة ..... أسعدني حيل مروركم .. وربي يسعدكم .....

[عذووووب]

يانسيم القصيم

الله يوفقك ويسعدك بحياتك ويكتب لك اللي فيه الخير

لكن شوفي ابقولك سالفة وانتي اقري وشوفي ...

تعرفين الشيخ عبدالقادر شيبة الحمد ؟؟ اللي اصله مصري شيخ كلن يعرفه

المهم الزبده ومافيها انه له ولد اسمه محمد

محمد كان صبي عند رجل من رجال بريدة بمزرعته
وكبر محمد وكمل دراسته
هذا الشاب المصري خطب بنت راعي المزرعه وهي بنت حموله من حمايل بريدة المعروفه

وتزوجته البنت وجابت عيال وبنات منه والأن سعيده معه ومحمد الأن دكتور

وأخذوا الجنسية السعوديه محمد وأهله الشيخ عبدالقادر شيبة الحمد

للمعلوميه زوجة محمد أنا اعرفه ولنا بهم صلة قرابه بعد

والحمدلله ،،، يعني لو هو متقدم لأحد منا كان قلنا لا والله اصله مصريه وهو معه الجنسية السعوديه

انتي عاد ورايك بهالشاب اللي من المدينه ..

اهم شيء دينه واخلاقه !! وإن كانه يمدح فما المانع من الموافقه؟؟

الأن راح وقل عندنا زمن رجولة الشباب قلة تلقين شاب ماشاء الله ماشاء الله

كلهم على الدنيا السلام ..