[ممادو]

العريمضي .. فها نبات العرمض

.. العاقول . نبات العاقول ... الغماس .. نسبة الى ساكنيها الغماس

احياناً الاسماء لاتعلل

[البُراق]

لا جديد ولكن حبيت ادلي بدلوي وأشارك اخواني في سبب التسميات
خب القبر / نسبة لوجود قبر قديم فيه وهذا القبر يقع في مقبرة النسيم بعد مدخل مصنع البلك الواقع
بجوار دوار الهدية .؟ المهم لقد تم تغيير مسمى خب القبر باسم (حي البساتين ) لوجودالمزارع القديمة فيه
شاكر ومقدر للجميع
وأقول معنى تسميت خب بهذا الإسم هولانه يكون الموقع نازل عن باقي البقع وإيضا يكون محاط من جانبيه بكثبان رمليه فهذا حد علمي (وأنا من السكان فيه ) شكرلكم الحرص والإهتمام .

[ابوعبدالعزيز الودع]

حي التغيره ببريده سميت بهذا الاسم لانها تتغر اي تشرب ماء الودي القادم من شمال بريده وهى الان ارض مستشفى الملك فهد وملك ابراهيم البليهى والد الشيخ صالح وملك صالح الطويان و ملك محمد وصالح الرواف و ملك سليمان الرواف و ملك عثمان البجادى وكان اول من سكن فيها البليهي

[halli-balli]

طيب يا طيبيين وعكيرشة

[مـغـتـرب]

والخضر والقصيعة وخب الثنيان ونقرة العمارين...؟؟؟؟؟؟؟؟؟؟؟؟؟؟؟


يالله نحتري واحد يولف...

[أنا حره]

اقتباس المشاركة الأساسية كتبها هوطان بدا المها يط هههههههههههه ترى مزرعتنا أكبر من بعض الخبوب يعني لا تنشحطوووووووووووون خبنا وخبهم أمزح والله والنعم بالكل

اعزمناااا به ههههههههههههههههههه

[شـــــامخ]

يحبيلنا وياحبي لخبوبنا الابــيـــه

اللي كل مشرقت ولا غربت الا وتحن لريحة اثله و(هصيره)وتتكبى بهدبه لا استشميت

ويبقى الخضـــــــــــرشامخاً ابياً ضمن هذهـ اللالئ(شكله غلط)

اللي يقولون شيباننا اللي يطول باعمارهم ويرحم المتوفين منهم انه كـــــــان واحه خضراء

قميله قداً..قداً

[asd1292]

يا طويلين العمر هذا يقولون بعير هرب من الشقه لانه انشق من الذود ولا تقولون ويش الذود المهم يوم هرب ارتفع على نفود بالعليا يطالع باقي بعارينه يوم ناضر الا الراعي لاحقه طار يركض واندعس بالدعيسه يوم تغافلهم عره فقالو عره بالوقت الي مضى يعني في وقت مضى عريمضي المهم الا يمر على بير المريد ويشرب من ماه السيء ويسمونه المريدسيه وينحاش يم جهة الشرق الا يمر بشخص معه كتاب الموطا ويهرب وما يرده الا رجال معه رواق بعد التعب والشرب من بير المريد لقاه واحد بالوجيعان الا هو بادي ياكل خضر وهو يفطس بخب القبر والسلام

[البرنزي]

الشماس
لأنهم كانو يحطون على روسهم شمسيه عن الشمس لاتخرب بشرتهم هع

[&الأشقر&]

خب القبر : لان فيه قبور قديمه او كثيره

[صاحبه السمو]

مسكينه الجهه الشماليه لبريده
(اوثاااااال)
(عيون الجواء)
(روض الجواء)
(غاف الجواء)
(الشقه)
(ابا الدود)
(شري)
(صلاصل)
من يفيد ناااااااااااااا بمعلومات عنها

اسئل امك يابو سلوى

[شوشتي سر سعادتي]

غيــــــــــــــــــــــــرو اسمه وصار حاليآ>>حي البساتين<< لا تقولون خب القبر يضحكون عليكم الناس مغير الاسم

[دندون]

أنا أطلع من هالموضوع كله بس عندي سؤالين صغينونات،،

1. وش معنى (خب)؟؟؟
2. كل الخبوب (قرى) ولا فيه خب (مدينه كبير)؟؟
3. وهل فيه خبوب برا القصيم؟؟ << سؤال مشكوك في ذكاءه ههههه

[الاسمرااني]

سبب تسمية خب البريدي بهذا الاسم0الان اهله اكلو الحمار قالو انه ابريدي يعني لحمه بارد0بعد مرضه قالو احسافة امس نركبه واليوم يموت ويرمى بالجردة